عزاز شامي عصية

Quote: هلا يا تمبس ايوووووووه..!! وبكده يامان اعتبر بان هنالك 30 لاندكروزر سريعة الحركة فيها 100 بتاني وبنغالي وكلهم مسرحين (بوب مارلي) ولابسين حجابات وشايلين دوشكات متحركين من الدوحة في طريقهم ليك في الرياضفحصل يازول اعمل ليك كبري في الاحساء (انا كلمتك ولا عزر لمن عنذر):

عليك الله يا كيكـــي أنا (بخــاري) قادر عليهو .. لما تجيب لي مية بنغالي راستـا .. ومن وين من (الدوخـه) كمان ..؟
انا ما عارف بخاري فكرتو معاي شنـو بالضبط .. لكن ابشرك انا في اليوم الواحد في دوام العمل الطبيعي بتاع التمنية ساعات دا بكون شربت لي جردلين قهوة تركية على حبشية على فرنسية على عربية كويس معاك ..؟
بكون شربت لي برميل بتاع شاي من اخدر لي اصفر لي بمبي لي بنفسجي لي ليبتون لي شـــاي .. أبو الولد .. لي شاي بتاع اي حاجة ..
يعني بي اختصار ..
اي حاجة بتتشرب حـاره ابشرك .. قاعد يجربه فيني ..
اي حاجة بتتخلط مع بعض وتتكسر بجربه فيني .. بعد يجي يلقاني استوعبته الفكرة .. بيقول لي (صديق) إنت في كويس ..؟ بقول ليهو (بلكول اتشا) واد ليك راسي شوية هزززه .. بي آخـر حيل فيني ..
بأختصار .. ما باقي ليهو إلا (الدوكــو) .. (والدوخــه) غايتو كان يوم لقيتو كلامي خارم بارم وما ياهـو .. أعرفو انو بخاري جـاب لي (الشيشة) المكتب .. يـا جب ليهو (ترتــار) .. نحن بنشجع (النــواشف) غايتو..

Quote: الغريبة يا تمبس كيكي بدعي انو من مدرسة ( light comedy)

يا خـــلي .. فردتك دا من ما مشى ارض الأحلام .. بقينا لما نلقاهو في ملف ضيق نعمل حساب انو شايل معاهو (قرنيت ) في جيبو .. أولاد عمك سام ديل ما مضمونين .. يكونو عملو ليهو غسيل (مــخ) ..
محتاج ستة شهور تحت الاختبار .. لو ظهرت اي مؤشرات اي حاجة كدا واللا كـدا .. ليك العضم .. واللحم برضو ..
سير سير ,, يا (خليل) ..