الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
مراسلكم قناة المدينة المذيع اللامع أب شكمونا - بيان رقم (1) الأراضي المحررة
|
يا شعبنا السوشادي الهمام القابضين علي تفاح القضية ، الحلمانين بيا يوم بكرة ما تسرع تخفف لي نار وجدي ، قوم القائد الميداني زلوط بك الشمشمار ، و جميع آل تُبّع ، لابسي الهزاز المطقمين الخاتم مع زرارة القميص البياكلو بي طرف الأصابع نظام الأنامل الناااااااااااعمة ، و محترفي لقط الصور ذات الابتسامات العريضة مع الفِرنجة نظام شوفوني معاهم و كدة ، الملمعين و الملمعات ، الموشومين الموهومين كساري التلوج التي لا يملكونها لمن لا يستحقونها ، متخصصو البيانات بكافة أنواع الخط من رقعة و نسخ و ناس كوبي آند بيست الفاهمنو من الما فاهمنو ، المحرشاتية و نافخي الكير صيادي المياه العكِرة
أُذيع عليكم أنا مراسلكم قناة المدينة و نيابة عن القيادة العليا لقوي الهامش السوشادي أننا الآن داخل أراضي العدو و نُحكِم سيطرتنا علي قاعدتهم العسكرية و قيادتهم العامة و قد دانت لنا مدينتهم بفروض الولاء و الطاعة و قابلتنا منصاعة و هي تمد أكف الضراعة و أول ما قعدتة في الكرسي أدوني سيجارة وراها ولّاعة ، و أي زول قال سيك رمينا بلّاعة.
عليه ندعوكم يا مناصرينا في دول الارتزاق ذارفي الدمع المهراق و الباكين بالصوت الشرّاق يا أصحب الاستحقاق يا الفي بلاد الواق واق تعالوا فشوقنا لكم حرّاق أنا اللا جيت أعاين لا جيت سرّاق أنا الجيت فتحت الخرتوم راكب أبو الدرداق شايل بياناتي وصور عايزة العلّاق و راكب الكروزر و شايلني سوّاق هيييييييييييع أنا أخوكم اللغلاغ
و أعلنها لكم من أمام مباني القيادة العامة لجيشكم المغوار أننا قد حطمنا كل الأسوار و تمكّنا من الجلابة كثوار ، و لاذ الجماعة بالفرار نحن أصحاب السيف البتار و مالكو القرار دخلناها كالتتار و البقول بِغِم نرش في وشو موية نار فهيا تعالوا بجمعكم الجرار من كل دول الجوار و البعيد نرسل ليهو الطيار ادخلوها بلا شجار أم در رقدت سلطة خدار و الخرتوم حررناها بالحجار و ناس بحري سّلمو وقال ياخي بلاش هظار فلو جيتو تلقونا راجنكم في المطار
قف: بيان رقم (1) الموقع: الأراضي المحررة مرفقات: صورة القيادة العامة لقواتنا بالأراضي المحررة
ع/ القائد العام لقوات الشعب السوشادي
|
|
|
|
|
|
|
|
Re: مراسلكم قناة المدينة المذيع اللامع أب شكمونا - بيان رقم (1) الأراضي المحررة (Re: علاء الدين يوسف علي محمد)
|
اللقاء الذي أجرته معي قناة الجزيرةأنا أب شكموناالمتحدث الرسمي باسم الجيش السوشادي:
المذيعة: عفواً سيدي أنت تقول أنكم تسيطرون علي الوضع الخطيرا ، و الصور تقول غير ذلك كثيرا فهل تريد بنا تغريرا؟
أب شكمونا: أؤكد لكييييييي يا سيدتي الفاضلة أننا الآن نضع الجلابة في حظيرة و قاعدين في مباني القيادة العامة لقواتهم الكسيرة و كمان عشان تصدقيني أنا قاعد فوق تبروقة وثيرة و كان ما فهتيها دي ياخي الحصيرة سألقي بياني بعد قليل و أنا أشرب العصيرا.
المذيعة: و لكن عفواً الأنباء المتواترة التي تأتينا من مراسلنا وهو علي يقينا ، أن فلولكم قد هربوا خائبينا؟
أب شكمونا: يا سيدتي أؤكد لكيييييييي أن هذا تضليل من ناس خائنينا و لينا حاسدينا ، نحن جوة الخرتوم جوة المدينة ، و أنا فوووووووووق كروزري كقائد ميداني مركِّب النياشينا ، و ها هي قواتي للجلابة محاصِرينا ألو سيدتي.. ألو.. هل تسمعينا؟
قطع الخط قطع
شنو ياااااااااااااااا قناة الجزيرة ؟؟
| |
|
|
|
|
|
|
Re: مراسلكم قناة المدينة المذيع اللامع أب شكمونا - بيان رقم (1) الأراضي المحررة (Re: علاء الدين يوسف علي محمد)
|
اللقاء الذي أجرته البي بي سي كع قيادتكم (الموكّرة) المذيع: مرحباً سعادة القائد الجليل أين موقعكم الآن بلا تضليل؟
قائدنا: والله الليلة أنا لاعب ليك معاهم لعبة شليل و هاك يا تنكيل بقواتهم قوات الجلابي الدخيل أنا أبو خليل أول ما جيت داخل الخرطوم جوة الخرطوم لاقوني بالأكاليل و التكبير و التهليل و أهوندا أنا مع قواتي نصيح بالحيل أنا أبو خليل قاااااااااااعد في مدينة الخليل و خالف رِجل فوق رِجل من قبيييييييييييييييييييييييييل
المذيع: و ماذا عن الجائزة المالية التي أعلنوها لقاء القبض عليكم يا خليل؟
هئ هئ هئ هئ هئ هئ هئ هئ
ما كتلتني بالضحك عدييييييييييييييييييييييييل
ياخي ديل ناس مساطيل
| |
|
|
|
|
|
|
Re: مراسلكم قناة المدينة المذيع اللامع أب شكمونا - بيان رقم (1) الأراضي المحررة (Re: علاء الدين يوسف علي محمد)
|
اتصلت صحيفة (الشرق الأوسط) بالقائد الميداني أبو خليل لتتعرف علي الأوضاع لديهم و قد قل بكل إطمئنان:
بعد أن نفذنا عملية الذراع الطويلا ، و نكلنا بجماعات الجلابة تنكيلا و خللنا أم در أمان تخليلا و قصفنا المآذن و المساجد و سمعنا منهم العويلا و روعنا المواطنين الذي هللوا لنا تهليلا ثم قالوا بطريقة هبيلة عني أنا أبو الخِل أنني عميلا و أنني فررت جباناً ذليلا فأهوندا أنا مع قواتي بعد أن جندلناهم جنديلا و هبتناهم هبت الهبوب للتمر القنديلا و تركناهم ما بين أسير لدينا و قتيلا ،و أنا هنا في مكان (ما) ما له دليلا أشرب الشاي بين قواتي و في تدليلا و كان ما أخاف الكضب الرملا بااااااااااااردة تحتي زي النجيلة
| |
|
|
|
|
|
|
Re: مراسلكم قناة المدينة المذيع اللامع أب شكمونا - بيان رقم (1) الأراضي المحررة (Re: علاء الدين يوسف علي محمد)
|
اتصال آخر من قناة الجزيرة تستجلي فيه الوضع
المذيعة السمحة ديك: نعم سيدي نحن نود أن نستوضح منك عن مجريات الأمور بشي من التفصيلا في الساعات الأخيرة و واقع الحال ما هي الحصيلة؟
أب شكمونا: نعم يا سيدتي الجميلة هاكِ الحصيلة بعد ما اشتعل للأزمة فتيلا و رفعنا شعار جوة الخرطوم جوة عديلااااااااااااااا و ...
المذيعة: عفواً و لكن أرجو أن تجيب علي سؤالي دون تطويلا.
أب شكمونا: سمح .. سمح يا بت أبوك يا ام عيون كحيلة الحصيلة هي آلاف ما بين جريح و قتيلا و أسرنا منهم خمسين ضابطاً ذليلا
و.... ألو... ألوووووووووووووووووووو شنو ياااااااااااااااا جزيرة ياخ
| |
|
|
|
|
|
|
Re: مراسلكم قناة المدينة المذيع اللامع أب شكمونا - بيان رقم (1) الأراضي المحررة (Re: علاء الدين يوسف علي محمد)
|
اللقاء الثلاثي الذي تمّ ما بين الجزيرة و وزير داخلية السودان و متحدث الجيش السوشادي:
المذيعة لوزير الداخلية السوداني: سعادة الوزير كيف دخل جيش رهيب للخرطوم التي عنها الشمس لا تغيب؟ الوزير: حقيقة الأمر أن هؤلاء لم يصلوا مبني الإذاعة بلاش كِضيب ديل توووووووووووش من شارع العرضة لي سوق العناقريب.
متحدث الجيش السوشادي مقاطعاً: الزول البتكلم معاك دة ما سوداني دة أرتري لا من سوبا لا من بتري دة أرتري والكلام معاهو هسي والله عشان خاتر عيونك الحلوة دي لكن مااااااااااا بي خُتري.
المذيعة: عفواً سيدي و أرجو أن تجيب هل فعلاً دخلتم سوق العناقريب؟
وزير الداخلية مقاطعاً: نعم وهو بفعل حبوب الهضريب التي كانت معهم شربوها للشفع شِريب و فكوهم للضريب و جبنا خبرم و ما شمّو همبريب
| |
|
|
|
|
|
|
Re: مراسلكم قناة المدينة المذيع اللامع أب شكمونا - بيان رقم (1) الأراضي المحررة (Re: علاء الدين يوسف علي محمد)
|
يا ربي متين نشوف الخرتوم يا ربي متين نشوف الخرتوم
و قالوا لي في الخرتوم حكومة راقدة هريسة مواطنين همباتة و الجيش شرابو مريسة طابور مخمِّس فيهو مدسوس جواهو دسيسة أمش أمسكو كريِّس و البدلة ماشي أقيسة
خرتوم نخشها جوة جوة كل القوة لا جلابي بينجو لا بتنجدو قوة وسمع أضانّا حريمن يكوركوا يا أبو مُروُّة تعالوا شوفوا خليلكم جوة إيه شِن سوا
و كان عليها أم در ندكها بس بي دانة وقواتنا تمشي إذاعة و خليلنا يُلقي بيانة و شوف عيونا رُجالة تجِر تفِر حفيانة و البقول بغلبنا نضربو بالجبخانة
جيناكِ يا خرتوم جيناكِ دغري عديل من تشاد و أبشّي يقودنا ليكِ خليل حِجباتنا لافة رقابنا الرصاصة جاية تميل و حِبوب تشوف النملة بيها بس زي فيل
نخشها الخرتوم قيادة واعية رشيدة حكومة الكيزان نمش نرش و نبيدة و كان تجينا الدنيا كُلّها بأجاويدا خرتوم و ما بنسيبة لأنو نحن نريدا
يا ربي متين نشوف الخرتوم يا ربي متين نشوف الخرتوم
| |
|
|
|
|
|
|
Re: مراسلكم قناة المدينة المذيع اللامع أب شكمونا - بيان رقم (1) الأراضي المحررة (Re: علاء الدين يوسف علي محمد)
|
و حرصا مِنا في قناة المدينة علي حرية الرأي و الرأي الآخر فقد استطلعنا عدد من المواطنين شهود العيان علي اكتساح أبو الخِل لأم در أمان و كان هذا الحوار مع صاحب الدكان الذي أدخل الجيش السوشادي الغازي سوق العناقريب راس بدلاً عن الإذاعة ليجد أبو خليل نفسه في عنقريب بي كرّابوبدلاً عن ستديو الأخبار :
أب شكمونا:السلام عليكم. بتاع الدكان وهو يميل طاقيته للأمام: مرحب باللخو أب شكمونا: معاك مراسلكم قناة المدينة المذيع اللامع أب شكمونا و أنت تتحدث علي الهواء الطلق مباشرة و كلامك سيذهب كلو مع الريح لإضنين مستمعينا في أبشِّي و أنجمينا و بقية المناطق المحررة ، ماذا أنت قائل عن يوم الغزو المبين؟ بتاع الدكان:
و أنا قاعد في دكاني راقد و جنبي كديسة ألاقي ليك أمامي أِشكال تقول ولاد إبليسة سألوني عن الراديو و مكانو بالتقيِسة عملت ليهم فارة و دقستهم تدقيسة أخوكِ يا فطومةو أيام و يبقي عريسا و اتثاقلت ليك عليهم و شبكوني ليك تحنيسا وصفت ليك للظابط القالو إنو رئيسا و قلت ليهو أمش دغري و خليك معاي حريصا أمش عديييييل بي وصفي أخوك خبير خصيصا تلقى الإذاعة أمامك أدخل و خش الميسا
بس يا أب كشمونا
كشمونا في عينك يا أهل العوض أنا إسمي أب شكمونا
أهة كمِّل و بعد داك؟
بعد داك شنو يا حبيب زحفوا زي الدبيب و تووووووووووووووشك ســــــوق العناقريب و مع حبوبم ديك بدو الهِضريب
شكراً يا عربي يا جلابي يا مقطّع و نعود لاستديوهاتنا الرئيسية كان معاكم علي الهمبريب و من أمام سوق العناقريب إحدي المناطق المحررة مراسلكم قناة المدينة المذيع اللامع أب شكمونا
قال كشمونا قال شوف أهل العوض دة عليك الله
| |
|
|
|
|
|
|
ثقافة جديدة تعتري أهل الهامش الجد جد (Re: علاء الدين يوسف علي محمد)
|
اليوم و لأول مرة بعد الأحداث مراسلكم قناة المدينة المذيع اللامع أب شكمونا يتفقد أحوال البلد و كِدة ، إنتو قايلين البشير براهو البيتفقد ؟ و أول لفة قمت توووووووووووووووش مشيت أم در و شفت ليك القد الفي مبني البلدية تحت الساعة مفروض نظام سُترة و كِدة الجلابة ديل يركبو فيهو مكيف فريون نظام ترطيبة و يعني.
و لاحظ أب شكمونا أعداد هائلة و أرتال كثيفة من البشر قبل نصف ساعة فقط من الآن يعني الشمس عمودية و السخانة تسلخ و بعد دة العميان شايل المكسّر ووين حوش المهدي يتفرجو علي المعرض معرض غنائم و كِدة.
والله تقول نحنا في زمن معركة بدر و الخندق و القادسية
روح غريبة تسري في الناس ثقافة جديدة تعتريهم و الخيل تجقلِب و الشكر ليك أبو خليل
غايتو يا قائدنا الهمام أبو خليل أديت الإنقاذ فرصة يرجِّعو ساحات الفِدا بعين قووووووووووية و يلهِّبو مشاعر الشعب
المظهر الثاني و الجد غريب جيت ليك تحت كبري كوبر حيث يتواجد أهل الهامش الجد جد غسالين العربات الفارهة وهم سحنات ملونة من الوسط و الغرب و الجنوب و الشمال لقيت ليك الغسالين من مانجو 96 حيث الغناء الغربي و المايع إلي إذاعة القوات المسلحة. هل تصدقو يا جيشنا السوشادي و مناضلينا في بلاد الواق واق؟
الغسالين بتاعين غنا الهجيج فاتحين الآن إذاعة تبث ثقافة الإنقاذ
البشير و بياناتو و غنا الجلالات و أنا سوداني و عهداً قريب ما بعيد و ما أدراك
و آخر كيف
الما مصدِّق الآن أنا تحت الكبري واااااااااااقف و أكِّف و نظام تيسير علوني و سامي الحاج من موقع الحدث
و حقيقة ثقافة جديدة تعتري أهل الهامش
أبو خليل إنت حققت أحلام أهل الإنقاذ ما أهل الهامش و الهامش بقى إنقاذ و الإنقاذ عمل إنجاز والله الواحد بقي ما فارز الجلابي من الغرابي في الأحداث دي
مرسالكم قناة المدينة المذيع اللامع أب شكمونااااااااااا
| |
|
|
|
|
|
|
Re: مراسلكم قناة المدينة المذيع اللامع أب شكمونا - بيان رقم (1) الأراضي المحررة (Re: عمر التاج)
|
حبيبنا عمر التاج
Quote: ماخي آخر أخبار خليل ؟ |
اليوم صرّح مصطفي عثمان إسمعيل بأن للرجل عُدة إحتمالات : 1/ إما أنه لم يدخل أم در أصلاً. 2/ تاه في الصحراء و شتت
و طالما بدت مثل هذه التصريحات تخرج من هنا و هناك فيبدو أن الرجل لن تقوم له قائمة و هذا أغلب الظن.
Quote: فاطفال امدرمان ينشدونه: خليل وينو ...أكلو الدودو خليل وين راح ...أكلو التمساح |
لن يُصدِق آل تُبّع أن هنالك ثقافة جديدة تسري بين خلق الله في السودان خاصة جيل خرجو و تركوه بغاث طير و الآن أصغر من تركوه فيه شنبو يرك فوقو الصقر ، هؤلاء إنقاذيون بالفطرة أما الأطفال فيكفيك ما سأورده لك أدناه:
اليوم صباحاً و أنا أقوم بفتح باب المنزل هاماً بالخروج إذا بفتاة في عمر العشرين أو أصغر تمُر من أمام الباب و يبدو أنها لم تراني و قد مرّت بِقربي تتهادي و هي تردد في صوتٍ خفيض:
الجونا حاربونا لقونا سِم أبونا
تعرِف دي شنو؟ دي جلالة جيش تبثها إذاعة القوات المُسلّحة هذه الأيام
و تعرِف دة معناهو شِنو ؟ إنو البرّة ديل واطتهم أصبحت
لأنو المسألة بِقت بوضوح شديد
البرّة برّة و الجوة جوة
يبقي كل القوة للخرطوم جوّة دي إلا تبقي كل القوة لأنجمينا جوة
| |
|
|
|
|
|
|
|