|
Re: انا سودانى وافتخر بانى سودانى .... يا سيد بشاشه (Re: سامى عتبانى)
|
من بروفايل أخونا فى المواطنه سامى عتبانى:
مكان الميلاد فى السودان: الدمازين حاضره النيل الازرق
أخى السودانى سامى متولى
كيفينك
أتفهم لماذا فتحت هذا البوست، وأكبر فيك تهذبك فى مخاطبه من أنكر سودانيتك. لاحظت لجؤ البعض لهذا الأسلوب لمجرد الإختلاف فى الرأى. والغريب أن الكثير ممن يكتب هنا مجدع فى بلاد الإغتراب، نالوا حقوق المواطنه والجنسيه فى بلد كأمريكا أو فى طريقهم لنيلها، ومازالوا يمارسون نفس التيه. أبناؤهم المولودون فى أمريكا يحق لهم المنافسه على شغل منصب رئيس الولايات المتحدة الأمريكيه. براك أوباماوالده كينى ينافس فى ترشيحات الرئاسة، منافسيه فتشوا ليجدوا له عيوباً، ولكن لم يخطر على بالهم وصفه بأنه ليس أمريكى! ونحن فى السودان أى واحد لديه مقايسه وعلى كيفه يسودن هذا وينكر سودانيه ذاك.
لا تنسى أيضاً سليمان العتبانى من رواد الصحافه السودانيه.
مع تحياتى
نادر الفضلى
| |
|
|
|
|
|
|
Re: انا سودانى وافتخر بانى سودانى .... يا سيد بشاشه (Re: Masoud)
|
الأخ سامي
سلاااام! ما تزعل من الأخ كمال بشاشة، هو أصلو كذا، بيكره " الكيزان " موووت و مستعد يصفهم بإقذع الألفاظ. و صدقني: الأخ كمال ، علي حسب معرفتي الحقة به رجل اّخر خارج إطار المنابر الإسفيريّة.
و لا يمكن التشكيك في سودانية أل عتباني علي الإطلاق. ياأخي الكريم أنتم أسرة سودانية كريمة إجتمعت فيها الكثير من الدماء السودانية، و لعب أفرادها دورا وطنيا رائدا في صنع الأستقلا. ألم يكن جدكم إسنماعيل العتباني من ابكار الخريجيين و واحدا من مؤسسي مؤتمر الخريجين في مدني، قبل إنتقاله للخرطوم و تأسيسة لجريدة الرأي العام السودانيّة؟ و من داخل جريدة الرأي العام ا لسودانية أنطلقت الحملة الناجحة لعلاج أختنا سناء. و حتي لو أختلف الكثيرون مع التوجه السياسي للدكتور غازي صلاح الدين، لا يمكنهم أن ينكروا تكفّله ا لرشيد لملف السلام و قيادته الحكيمة للمفاوضات مع اشقائنا الجنوبيين و الوسطاء الدوليين الاّخرين, نحمد له تمسكه بالثوابت التي نعرفها و تخلي عنها خلفه في المفاوضات : علي عثمان طه. وهب أنّ بعضا من دماء أسلافكم البعيدين أتت من الجزيرة العربية، أو أي دولة أخري، فكل السودانيين المستعربين، و من تخالطه الدماء النوبية: كالأخ كمال بشاشة ترجع أصولهم البعيدة لخارج السودان. أنا مثلا ، تتخلّلني دماء الهواوير النازحين للسودان من مصر، علاوة علي قبيلة الجعليين النوبية المستعربة.أنتم لستم فقط سودانيون، بل سودانيون أصلاء. و أشد سودانية من معظمنا لأسهاماتكم الوطنية الملحوظة في بناء الوطن الحبيب. و ياأخي الكريم، في نهاية الأمر نحن ايضا شركاء في الانساني، غضّ النظر عن أختلاف سحناتنا و السنتنا
طارق الفزاري
| |
|
|
|
|
|
|
Re: انا سودانى وافتخر بانى سودانى .... يا سيد بشاشه (Re: wedzayneb)
|
طارق الفزاري
والله لك خالص الود واشكرك على مرورك بس عليك الله الزول ده مش غبيان كلامو القالو ده مش دعوه صريحه للعنصريه
الا نحن على بالطلاق ما شغالين بردحيهو
وانا سودانى واعتز بسودنتى دى سامى العتبانى
ــــــــــــــــــــــــــــــــــــــ يا طير يا ماشى لاهلنا بسراع وصل رسائلنا ــــــــــــــــــــــــــــــــــــــ
م
| |
|
|
|
|
|
|
|