|
|
 الهلال أو فريق النُقلتية!!
|
الفرينس...سيدا(بالفرنسية تعني شنو حماكم الله)
دا الذ زول تخطى الاربعين ، انا لو من الهلالاب افتخر بالمسالة دي واقول كابتن الفريق قضي 2/3 حياتو في الفريق!!
إنجاز جد جد.
الايام دي ابو الهل استحق بجدارة لقب فريق النُُقلتية!!
مش نقلو الكورة اكتر من خمسمائة نقلة ولا الف ما عارف في خط تمنطاشر زي ما قال حبر بني هلال(رمضان)
اها انا حلف تعدوها ليهم بطولة وراكب راسي من امبارح ومصر انها بطولة ارضية جديدة للهلال
حرام عليكم الف نقلة في خط (تمنطاشر) الهلال وما بطولة؟؟
امال البطولة دي إلا يجيبو ليكم كاس عديل؟؟؟
افرض غلبتهم الشغلانة دي!!
ما بتعذرو انتو؟؟
ما سمعتو انه الاعمال بالنيات والكرايتين والمنشطات؟؟
ناس ناوين ودي حقيقة...ناوين جداً يجيبو بطولة جوية...لكن الظروف ما مساعداهم...
القحة ولا صمة الخشم..
واهو الناس ديل شغالين يقحو لحدي ما بلغ كابتن الفريق الحالي سن النبوة (40) سنة ولكن الله غالب...
في مباراة الهلال ضد الاتحاد الفرينس (سيدا) حمانا الله مارس كل حركات الشباب والبهلوانيات(اتشعبط في ضهر واحد!!
حلفو عليه ونزلوهو ادردق في الواطة...
حلفو عليه الحجاج اعمامك ناس داريو وحفياني والشيخ جوليت قام ...تاني عمل حركة جميلة..طقش كرعينو في بعض لحدي ما ولعن نار ووقع...لكن بتاع الكاميرا عمل فيها ظريف ...لكن نحن تفتيحا (شفناها شفناهوووووووووو)
وقريب نهاية المباراة قام عمل لقطة المبارة...واشتغل عفص شديد في كدارات المدافعين....
دا كلو غير البصاق...يعني باص بصقة باص بصقة باص بصقة...في النهاية بقى يطلع هواء...
والله انا متكيف من الفرينس(سيد) جداً
دا كوم وداريو دا فلم موزمبيقى في شكل موزة..
اول مرة اشوف لي مدافع برة خط ( تمنطاشر)يدي الكورة روسية(ما هد) تقلوظ و تقلوظ و تقلوظ و تقلوظ وترجع للمعز في حنانو!!
قام المعز قرر انه ما يرجع الكورة...
الجمهور يكورك..
والمعز يدور
الجمهور يكووووووورك
والمعز يتعاور ويلف ويدور
وطيب ما يدور ما هم بيلفو ويدورو عليه لي يوم الليلة الحصل شنو.
غايتو حركتك يا سيدا ما ظريفة..
إنت راجل طاعن في السن احترم شيبتك.
ههههههههههههههههه
|
|
 
|
|
|
|
|
| العنوان |
الكاتب |
Date |
| الهلال أو فريق النُقلتية!! | سامى عبد الوهاب مكى | 04-21-08, 06:35 AM |
 Re: الهلال أو فريق النُقلتية!! | عمران حسن صالح | 04-21-08, 06:49 AM |
| Re: الهلال أو فريق النُقلتية!! | سامى عبد الوهاب مكى | 04-21-08, 07:18 AM |
| Re: الهلال أو فريق النُقلتية!! | خالد الجبل | 04-21-08, 07:52 AM |
| Re: الهلال أو فريق النُقلتية!! | سامى عبد الوهاب مكى | 04-21-08, 08:01 AM |
| Re: الهلال أو فريق النُقلتية!! | abuguta | 04-21-08, 08:08 AM |
| Re: الهلال أو فريق النُقلتية!! | حسين يوسف احمد | 04-21-08, 08:16 AM |
| Re: الهلال أو فريق النُقلتية!! | خالد الجبل | 04-21-08, 09:18 AM |
| Re: الهلال أو فريق النُقلتية!! | امير عوض الجمري | 04-21-08, 08:49 AM |
| Re: الهلال أو فريق النُقلتية!! | طلحة عبدالله | 04-21-08, 08:52 AM |
| Re: الهلال أو فريق النُقلتية!! | على محمد على بشير | 04-21-08, 09:06 AM |
| Re: الهلال أو فريق النُقلتية!! | هشام المجمر | 04-21-08, 09:01 AM |
| Re: الهلال أو فريق النُقلتية!! | محمد عبد الماجد الصايم | 04-21-08, 10:04 AM |
| Re: الهلال أو فريق النُقلتية!! | سامى عبد الوهاب مكى | 04-21-08, 10:09 AM |
|
| |
فيس بوك
تويتر
انستقرام
يوتيوب
بنتيريست