|
Re: وبعدين فين رامي (Re: abuguta)
|
أب قوته قنبلة الود الموقوته الشعر فن والسياسة فن والحياة فن وربط جميع الأشياء بعضها ببعض قمة الفن ، والفن لا يتجزأ والموضوع بصراحة جد خطير. فأنا عشان أقول شعر لازم أكون سياسي وعشان أكون سياسي بالضرورة لازم أكون شاعر وبين إدعاء الشعر والتقول على السياسة والتطاول على الفن ضعنا وضاعت أشياؤنا الجميلة. واحد قال لي بتعرف حقوقك كمواطن شنو ؟ فتلعثمت ، قال لي ما في داعي تتعب مخك وتعمل تفكيرك حتى لو عرفتها في ظل أنظمة تدمن القمع وتمارس الديكتاتورية ما حا تلقي أى حاجة وما حا تطول منها أى حاجة ، في عمرك سمعت ليك واحد إشتكي نظام حاكم وكسب قضية في بلدنا ، سمعت ليك واحد المكوجي حرق ليهو بنطلونو وعوضوه يا أخي أنسي وعيش طالما أنظمتنا من زمان تمارس السير في إتجاه واحد ، وهو قطعاً إتجاه خاطئ ولو قلت البغلة في الإبريق سوف تكون أسوأ حالاً من البغلة وأقل مقاماً من الإبريق.
|
|
|
|
|
|
|
|
|