|
مكتبة ود البشرى
|
لولا اننا مغرمون بالحوامي في الباك ستريتس ما كان عترنا على الحدث الذي يستحق التهنئة والنعمة التي تستحق الشكر. مبروك المكتبة التي ستحوي من الان فصاعدا ابداعاتك واشراقاتك وتفكيراتك وان شاء الله تقطعها بي عرق الكتابة النابهة
مبروك يا عمك
|
|
|
|
|
|
|
|
Re: مكتبة ود البشرى (Re: بابكر التوم)
|
مرحب أبوحريرا بداية مرطبة بس أسابيعو الفى بورد دى ما ملخص للحاصل .. بنبدا بيها ونعرف الحاصل ..
عمك مكتبته أرشفة للإرشيف زاتو ياخ
مبروك يا عمك .. صبرتا ونلتا
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
والله يا أبو حريرة
عــمــك دا يستاهل
لكن طلعت لينا شلاقتو الزمان كلها
___________________________________ أجمل نكته لمن جا رحبو بيهو 3 بس
النكتة الأجمل منها أنا لم جيت رحب بي زول واحد بس
والله يا أبارو جيتو زمن العز فتحو ليكم بوست براااكم إنت والوهم بتاع مدني التاني داك
| |
|
|
|
|
|
|
Re: مكتبة ود البشرى (Re: اساسي)
|
Quote: اتلاحقت الكتوف وقل المعروف |
انت هين يا اساسي ياااخ,, انا بكتفين ما لقيت لي مكتبة
الغريبة كتف رشا حاتم كانت عندو مكتبة يكون النصلها شنو؟؟
يا عمك مبرووووك ياخ والله تستاهل
انا غايتو لا حاسدة لا بغرانة, لكن اساسي دا شكلو اتضايق وكدا
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
جدا شاكرين و مقدرين اهتمامك يا ابوحريرة لكن ياخي ما قدر دا المكتبات اللتي يُحتفى بها و تُفرد لها البوستات هي لمن يكتبون بالمعنى الحقيقي لكلمة كتابة نحنا بنتكلم و بنتونس فقط ننقل ونستنا وكلامنا و هظارنا و مشاغلاتنا للبلوم و احيانا شكلنا على البورد لا أكثر - اعان الله بكري و باندويدثه بالنسبة لي اهمية المكتبة انو عمك لما يحذف ليك حاجة بدل ما يوديها الخلا بلقى حتة يضايرها فيها وكدا
اشكرك كتير يا عمك بس في الحتة دي معليش Quote: ابداعاتك واشراقاتك وتفكيراتك وان شاء الله تقطعها بي عرق الكتابة النابهة |
انا كان كتبت حاجة جادة - او نابهة - بتضايق عديل كدة ما بصدق متين تنتهي
| |
|
|
|
|
|
|
Re: مكتبة ود البشرى (Re: محمد البشرى الخضر)
|
Quote: والله يا أبارو جيتو زمن العز فتحو ليكم بوست براااكم إنت والوهم بتاع مدني التاني داك |
بيني بينك أنا في البداية إضايقت وحسيت أنو قريبك ده بسخر مننا
ياخي ترحيبو شكل بس ياخ
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
Quote: نحنا بنتكلم و بنتونس فقط ننقل ونستنا وكلامنا و هظارنا و مشاغلاتنا للبلوم و احيانا شكلنا على البورد لا أكثر - اعان الله بكري و باندويدثه
|
ياود البشرى ماتجاهر بالمعصية فوالله انت بالنسبة لناس البتتونى جبرايئل جارسيا ماركيز عديل كدة وكمان برضوا فى اعماما ليك هنا دة مابيرضوا المساخر عايزين البورد دة يكون خالى الدسم منهم واحد كدة هسة بجى بيخت فرمالته ويمشى
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
أبارو يا عمك مشكور ياخ وعقبال نبارك ليك المكتبة و العرس
مسلمي ياعمك الله يبارك فيك إنت بتستاهل كل الخير ابوي
محمد خليل خروف عديل كدة الموضوع ما بستاهل ياخ
بابكر التوم ياعمك مشكور ياخ اها تاني غالط
رأفت يا عمك ...قلت لي Quote: مبروك يا عمك .. صبرتا ونلتا |
تصور مكتبة و بوست بإسمك وكاتبه ابو حريرة كمان لا حولا بعد دا الحج و اللوتري و الباجيرو الـ V6 و اتوكل
أب شنب يا عمك... رحبو بي تلاتة بس صاح اسي لو كنت نسرين البشرى و لا آمنة البشرى اظن بوست الترحيب لي اسي يكون مدور الله كريم أبوي
أساسي يا عمك... دايرين تاكلو زمنكم و زمن غيركم الطب اتطور يااخ
سليكة .... تخيلي قبل مداخلتك كنت داير اقول لأبو حريرة إنت البوست دا فاتحو في بيت عزابة إلا لعنت إبليس ولا تشيلي هم المكتبة اعتبريها تبعك النفوس كان إتطايبت اليوزر نيم الواحد بشيل حق مكتبة نفرين - خليك من واحد و نص
| |
|
|
|
|
|
|
Re: مكتبة ود البشرى (Re: محمد البشرى الخضر)
|
مبروك المكتبة ابو حتوت , شايف البت الشينة دي لسع قاعدة غايتو جنس سلبطة غايتو ( ود الصائم ما تتضايق ). قلنا بعد الأرشفة تمشي لامها تساعد في ترتيب البيت وكده لكن قوة عيني عليها احي انا منك والله لو جمبي كان عضتيتك
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
Quote: انت هين يا اساسي ياااخ,, انا بكتفين ما لقيت لي مكتبة
|
(بكري) زمان كان محتار إديها لمنو فيكم لكن هسع خلاص مشكلتك ماشة للحل (just wait) !!! ... ... ... (ودالبشرى) والله ألــ1000ــف مبروك وعقبال ما تتربى في عِزك (وجه حاسد يحاول إخفاء جُملة ـ إنشاءالله ما تنفعك ــ فيفشل!!!)
| |
|
|
|
|
|
|
Re: مكتبة ود البشرى (Re: azhary awad elkareem)
|
Quote: انا كان كتبت حاجة جادة - او نابهة - بتضايق عديل كدة ما بصدق متين تنتهي |
انت يا عمك تمارس الكتابة النابهة جدا ونحن كقراء اعزاء (ساكت كده) نقدر لك حس الفكاهة الراقي والسخرية المحببة والاعتدال السوداني والوسطية الجميلة. ولك من الذكاء ما يجعلك تدرك هذا الامر لكنك تتواضع. ويدرك مريدوك انك تطرح ، خلال ما اسميته انت هظارا ومشاغبة ، مسائل مهمة وتناقش افكار جديدة ومبتكرة. بالجد انا لو من بكري كان ربطت لك ماهية بعد المكتبة.
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
Quote: انت يا عمك تمارس الكتابة النابهة جدا ونحن كقراء اعزاء (ساكت كده) نقدر لك حس الفكاهة الراقي والسخرية المحببة والاعتدال السوداني والوسطية الجميلة. ولك من الذكاء ما يجعلك تدرك هذا الامر لكنك تتواضع. ويدرك مريدوك انك تطرح ، خلال ما اسميته انت هظارا ومشاغبة ، مسائل مهمة وتناقش افكار جديدة ومبتكرة. بالجد انا لو من بكري كان ربطت لك ماهية بعد المكتبة. |
ابو حريرة يا عمك اشكرك ياخ على الكلمات اللطيفة لكن براحة على اخوك اقوم اصدق كمان بس حتة الماهية دي عجبتني بيني و بينك
| |
|
|
|
|
|
|
Re: مكتبة ود البشرى (Re: abuguta)
|
Quote: وانت ياخوى بوستك بتاع ود الشلهمة دا براه يستحق مكتبة |
بين ود الشلهمة وودالبشرى يبينن عجائب
مشتاقوون يا حاج أحمد
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
[Quote: QUOTE]بالنسبة لي اهمية المكتبة انو عمك لما يحذف ليك حاجة بدل ما يوديها الخلا بلقى حتة يضايرها فيها وكد |
معقول دا كل الحنك بتاع المكتبة .. لاياخ بوستاتك دى ملاذ للزينا ديل .. نجى نفك زهجة الشغل ودبرستو وضغط الغربة ..
الف مبروك المكتبة يادوالبشرى ...
وشكرا لود شيوخ البطانه ابوحريره ..
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
أبو حريرة ياعمك ما كان تجيب ليك طوبة ولا حصحاصة ان شا الله خالتك سليكة دي براها وسط الشنبات دي بتقلب ليك الباص
احمد التجاني ياعمك بالغت لكن في البوينت اوف أوريجين العملت لي منها شيفت دي
يا اخوانا اساسي دا كان ما لحقتوه بكب ليكم ارشيفو كلو بي جاي
هاشم خلف الله... ام حتوت قالت ليك لسة في إنتظار صور أنجيلينا جولي هاشم و بريتني سبيرز أحمد و جوليا روبرتس خلف الله
اب شنب ... ارجع اقرا تاني جبت الباقيات و شايف عمك قال لي Done
أحمد موسى يا عمك... لا يوق لياقة لقيتك كان ما جبت سيرة البحر ما بترتاح اصلك الله يبارك فيك وكدا
حسين يا عمك مشكور ياخ متمني اعرف بعد موضوع الأصفار دا يتحل - قريب بإذن الله - حتعملوا شنو في المنتديين و التلاتة اربعة جرايد بتاعتكم دي
طلحة تنظير يا عمك... الله يبارك فيك عقبال ما تنظر ليك واحدة و نجي ننظر معاك فيها
ازهري يا عمك... الله يبارك فيك و عقبالك كدا
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
أبوقوتة يا عمك ... الله يبارك فيك وعقبالك
محمد عبد الرحمن يا عمك
Quote: لاياخ بوستاتك دى ملاذ للزينا ديل .. نجى نفك زهجة الشغل ودبرستو وضغط الغربة .. |
يا راجل بتبالغ عديل داير تفك دبرستك بالجد احضرليك اوفرنايت للبتتوني ولا الحبيب او نهاريات عزيم رغم إنها دكاكينية تضحك لمن تقول بس
مشكور ياخ على الإطراء و المجاملة
| |
|
|
|
|
|
|
Re: مكتبة ود البشرى (Re: محمد البشرى الخضر)
|
تستاهل ونص وخمسة فمدارتك يا عمك موغلة في الاريحية والدهشة وشرف كبير لكل من عبر الغربي صوب ذلك المكان الظليل... الذي يعلم التواضع والانسانية وحب الفرد ويمارس فيه دق العيش
| |
|
|
|
|
|
|
Re: مكتبة ود البشرى (Re: عبدالكريم الامين احمد)
|
Quote: فمدارتك يا عمك موغلة في الاريحية والدهشة |
ياعمك (موغلة) دى ماتشتريها منو .. شغال ابيع فيها من مااشترك فى المنبر .. البوستات موغلة والناس (موغلين) والمداخلات موغلة ..وكلو موغل ...
رجعا ليهو خليهو يغيرا ليك ...
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
او حريرة مساء الخير والله مشتاقووووووووووووووووون
وياعمك
والله جنس محن.... وفي الحالتين انا الضائع......! عارفك قاعد تضحك.... لكن من يضحك اخيرا.... غايتو ياود الصائم الله يقدرني علي خشمي ....!
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
كيكي يا معلم مشكور ياخ على الإطراء (الموغل) في المجاملة وكدا
منو ... كتر خيرو ابوحريرة عمل لينا الحفلة وجاب لينا وردي كمان بعدين ياخ وينك ما ظاهرة وكدا
هارون دياب ياعمك ارجاني المداخلة الجاية
| |
|
|
|
|
|
|
Re: مكتبة ود البشرى (Re: Ahmed Yousif Abu Harira)
|
عارفين هارون كتب كدا ليه؟Quote: وياعمك
والله جنس محن.... وفي الحالتين انا الضائع......! عارفك قاعد تضحك.... لكن من يضحك اخيرا.... غايتو ياود الصائم الله يقدرني علي خشمي ....! |
أفتو ليكم ... طولت ما فتيت زول قوم يا هارون اكتب في بوست بكري بتاع ارجو المساعدة لناس المكتبات داير لي مكتبة يا بكري او ما شابه و قام بكري رادي لواحد من الطالبين تحويل بوستاتهم بـ Done الشهيره تعالي يا الـ Done انزلي تحت مداخلة هارون قوم يا الشقي افتكرها ليك واطلع مداعي حدس الدوحة كلها بخبر المكتبة و ضرب لي تلفون الساعة واحدة ولا اتنين صباحا ما عارف واظنهم ناس الدوحة بدو يجهزوا برنامج الرحلة إحتفالا بالمكتبة المهم اسي بقينا فيمن يضحك اخيرا وكدا
| |
|
|
|
|
|
|
Re: مكتبة ود البشرى (Re: محمد البشرى الخضر)
|
شوفو المحن ياجماعة
Quote: أفتو ليكم ... طولت ما فتيت زول قوم يا هارون اكتب في بوست بكري بتاع ارجو المساعدة لناس المكتبات داير لي مكتبة يا بكري او ما شابه و قام بكري رادي لواحد من الطالبين تحويل بوستاتهم بـ Done الشهيره تعالي يا الـ Done انزلي تحت مداخلة هارون قوم يا الشقي افتكرها ليك واطلع مداعي حدس الدوحة كلها بخبر المكتبة و ضرب لي تلفون الساعة واحدة ولا اتنين صباحا ما عارف واظنهم ناس الدوحة بدو يجهزوا برنامج الرحلة إحتفالا بالمكتبة المهم اسي بقينا فيمن يضحك اخيرا وكدا |
ضحكت فيني الولية يامقطوع الطارئ.....
تعال يابكري شوف اخوك اتبهدل كيييييييييييف....! وانا عارفك حنين حسع كيتن في ود البشري ده حتقوم تديني مكتبة.... عشان اضحك اخيرا....! وبرضو ربنا يقدرني علي خشمي ....! الليلة السهرة صباحي وعلي رائ بعض الاخوان الفورة الف...والشبع ماعلي الكيف .
| |
|
|
|
|
|
|
|