|
Re: اليوم الحار ومابنداريوم الهندسة والمعمار (Re: عمار يس النور)
|
من المفارقات العجيبة فى ذلك الزمن الجميل انو عاصم صغيرون عمل بكل ما وسعه ومعه الدكتور العلامة معتصم بأنو الموضوع ينتهى فى القسم بس ويكتفتوا بتربيت كلوب لانو كان فى بعض الاساتذة مصرين يصعدو الموضوع لادارة الكلية وعمادة الطلاب
اين هما عزيكا وكلوب هل من اخبار عنهم القليل المتواتر انهما بمدينة مدنى
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: my dear
سرك في بئر
والخائن الله اخونو |
ما تسمع ياابوكدوك الزول ده بدردق فيييييييك وبعدين انت (حتفت) القديم والجديد ونبقي في (واي واي).... الليلة عاوز احي مادام السيرة جابت سيرة 1-طه النور اسحاق 2-صديق ابو اللكز.. 3- عباس ابو الحرم..عباس رب الجاز..(بتاع كيكي نازل) 4_وممكن نحي طارق (جي ام جي) 5- وندي الاصم شبال تحية كده 6-والوريف وليد قرود(ابو القوق) 7_وفي طارق بتاع اقتصاد (الكان معانا في فلسطين يا خليل) 8_معاوية ابو شنب بتاع اقتصاد..زول جميل ياخي الله يطراهو بالخير 9_هشام سليمان بتاع معمار برضو شبال تحية 10_عمر الحبرررر...تحية ليها ضل وشوق كبير 11_ودوما نحي ولييد زكريا..الوجيه 12_محمد متوكل كلعابعظيم وكان بجرس ليييييك السكرتيرات ناس ابوكدوك ديل وبغليهم غلب السنين ويا اقتصاد يا ركلسسة سف صعوط ودبرسسسسسسسسة
| |
|
|
|
|
|
|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
ابو كدوك احمد التجاني ابوبكر عثمان
والوريف كيكي
معاوية السمين بتاع اقتصاد منذ ان كان طالبا عندو هوس السفر لالمانيا
تسالو ايه الافكار بعد التخرج
اقول المانيا بس
قابله طارق ابو شوك بعد التخرج بسنوات وقال ليهو عملت شنو في موضوع السفر لالمانيا
معاوية قال ليهو والله لسع بحاول اطلع الجواز
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
من الأشياء الجميلة بتاعة الثنائي الرائع كلوب و عزيكا أنهم في أواخرأيامهم في داخلية تهراقا أصبحوا دجالين و بيحضروا الارواح بإستخدام ما يعرف بالويكا.
في يوم ما في عام 1990 قابلنا كلوب و عزيكا و طبعا كنا سمعنا بحكاية الويكا دي و كان معاي اولاد مدني بتاعين الإسكول الشهريين سعد محمد علي و خطاب عبد الله الامين. سألناهم شنوا يا كلوب و عزيكا حكاية الويكا دي ! المهم بعد دردشة و ضحك شديد أخبرونا بأحدث عملياتهم في تحضير الأرواح و قالوا حضروا روح المرحوم بشير الذي أغتيال غدرا و ظلما في مساء يوم 4 ديسمبر 1989 في كلية الإقتصاد و الذي تلته أحداث يومي 5 و 6 ديسمبر التي إستشهد فيها الشهيدةالتاية و الشهيد سليم. أها يا جماعة و بشير قال ليكم شنو؟ قالوا: قال ليهم هو كويس و دخل الجنة بس في حاجة واحده بتتعبو دي شنو يا كلوب ؟ قال إنو البنت الكان مكيسها ، طوالي نستو و كيست ليها واحد تاني.
** إنتهت قصة الثنائي كلوب و عزيكا مع الويكا
يا جماعة ما تذكرونا بحكايات هذا الثنائي الجميل الرائع !!
أخر مرة قابلتهم في مدني في عام 1993 و عزيكا كان ساكي ناس الري في مدني عشان يشتغل معاهم
تحياتي
عمار يس النور
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: عبد الكريم ترك البوست ووطارح نفسو انو راجل وطني واعتقل وعذب في سجون الانقاذ
وعامل لي ناس الدوحة نيلسون مانديلا
فياخي يا تكتبو معاي وتساعدوني
يا بخلي البوست امشي الارشيف |
كده ياخلي علي اخر عمري تطلعني (بت شاويش) يازول البوست ده توديهو الارشيف انا احتمال اعلن عليك حرب اسفيرية واضاربك اسفيرا ونلخبتها معاك مرة واحدة,,,, وبعدين شنو شابكنا كل مرة(واي واي) تعالوا اكتبو معاي ..تعالوا ارفعو معاي البوست يا زول املي يمينك وانضبط اسفيرا..يلاا فررتقققق ...... الليلة داير احي كمناضل سابق ومانديلا برضو سابق احي... حاتم المهدي عبدالفتاح الحبيب واسامة رامبو وداير احي خالد شيخة(لكن) قبل ما يدخلوهو السجن دخلته الشهيرة ليخرج لنا بحلمه الشهير لو (رايتم ما رايت).... وداير احييك برضو ياخليل محمد خليل واقول ليييك روق المنقة البوست ده بقي واجب فليبقي عاليا خفاقا علي مر الدهور والازمان(زي نشيدالعلم بتاع نميري داك) .........
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
خليل
Quote: يا تكتبو معاي وتساعدوني يا بخلي البوست امشي الارشيف |
احنا لسه ما إستعدلنا داير تلجنا مرة واحدة .... و الله الزنقة حاصلة لكن قربت تفرج و جاييك أحكي ليك كل الحصل من 1998 لحدي 2003 ... بس طولة البال تحياتي بلا ملل !
كيكي مشتاقين ! كلم صاحبك خليهو يروق المنقة
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
خليل .. كيكي .. وبقية الشباب التحايا العطرة .. خليل .. ذي ما قال ليك كيكي .. كلو ولا البوست ده .. ده بقى واجب هندسي ونحن من وراكم .. ياخي الواحد رغم قلة المشاركات لكن اول حاجة بيعملها هي الدخول والمرور على (اليوم الحار) ومتابعة الجديد من السرد والذكريات .. كيكي .. انت شنو ذي ما قال خليل بقيت عامل مانديلا ولا شنو ؟ مالك قاطع كده؟
بالمناسبة خلال إجازتي الأخيرة حظيت بسماع صوت من الزمن الجميل .. (علي كدام) !! واتفقنا نتقابل ونواصل عدد من الشباب الموجودين .. بس الظروف ما سمحت .. وطبعا سمعت واتفاجأت بمغامرات (خالد شيخة)
نتواصل
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
سلام يا ابراهيم والاخ غباشي وكل الحبايب..ودعوني انثر بيتكم فرحي العارم وسعادة لا توصف بوصول بريد اخوي وحميم من الاخ الجميل الراقي (محمد المتوكل) احد ابزر الذين مروا علي ميادين كلية غردون التذكارية ومنذ تاسيسها وحتي اليوم... محمد المتوكل الزول الراقي اللعاب ..المساح الذي كان يزلزل الكيانات ويحسم الكثير من الامور الكروية المعقدة علي مستوي فريق الكلية ومنتخب الجامعة وفريق الهلال الرهيب في ذات يوم من الايام.. الف شكر ود المتوكل وبحضورك الي ساحة اليوم الحار يعود الينا القنا القديم وشعارات هندسة التاريخية.... واليوم الحار فعلا ما بندار يوم الهندسة والمعمار... واييي اييي ايي ...
Quote: العزيز عبد الكريم
أشواق كتيرة و الله
طبعا مستمتع جدا و متابع الحكاوى اللذيذة فى ( اليوم الحار المابندار)
محمد متوكل
تحياتى لخليل |
| |
|
|
|
|
|
|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
ابراهيم محمد الحسن
شنو ياخي ما تكتب يعني نحن عاطلين وما عندنا شغلة
يا كريم
محمد المتوكل بجلالة قدره والله دها كلام عجيب غريب رهيب
محمد المتوكل من اعظم السودانيين الذين لعبو كرة القدم
ودور بي حمادة تدور بي
واقتصاد القاعدة برة
قاعدة لي انا للمضرة
ويا حمادة اديها جرة
واشيلها من الدوري برة
حبابك ود المتوكل وحباب ناس الملازمين الحلويين
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا سلااام الباشمهندس الرائع .. واللاعب الجميل محمد المتوكل التحايا والأشواق ووين الزول ده .. مستقر في السودان ولا برة؟ نرجو تعطوه تأشيرة دخول للبوست عشان يتحفنا بذكرياتو ذي ما اتعود يتحف ناس هندسة بكورتو الحلوة الخلت ناس خليل يتألقو ويألفوا الأغاني والهتافات الهندسبة
بالمناسبة يا خليل .. لقيت ليك البوست ده عامل (راو) كبير جدا وسط الشباب (ناس هندسة ومن جاورهم) .. بس عندهم بعض التحفظات على السرد التفصيلي اللي بيمس بعض الناس وما تنسى معظمهم بقو أرباب (وربات) أسر ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: Nader Abu Kadouk)
|
ابوكدوك ياعجيب والله عرفتوها قريتوا قراية رايقة وكمان بعد طلعنا بره لقيناها بتاكل عيش احسن من هندستنا بالله عرست من وين (الا تكون خواجية) وفى منو معاك فى بريطانيا من اولاد وبنات جيلنا
خليل موضوع الانفلات بتاع كيكى دة انت المسئول الاول والاخير منه وانا سبق وحذرتك وطلبت منك تفرض عليه بعض الانضباط وهذه المهمة سابقا كان يؤديها باتقان كل من معاوية دايفيد والصادق فيصل الذى قابلته فى اجازتى القصيرة للسودان حيث جمعنا به ونفر عزيز من الزملاء الحبيب ود الجد فى دار نسيبه العامره برغم ضيق الوقت الا اننا استشعرنا خطورة انفلات كيكى اسفيريا وسياسيا لذلك طرحنا مخاوفنا انا والصادق مما قد يسفر عنه هذا الوضع المزيف وطلعنا ببعض التوصيات وخليل مسئول عن متابعتها ونبتدرها بصورة ودية ونقول ليك ياكيكى روووق المنقة والا ............
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: بالمناسبة يا خليل .. لقيت ليك البوست ده عامل (راو) كبير جدا وسط الشباب (ناس هندسة ومن جاورهم) .. بس عندهم بعض التحفظات على السرد التفصيلي اللي بيمس بعض الناس وما تنسى معظمهم بقو أرباب (وربات) أسر |
ابراهيم محمد الحسن
نحن لا نبصق علي التاريخ واي زول مسه منا لغوب فله العتبي حتي يرضي
احمد التجاني والله كريم غلبني عديل اسالو وين زول اقول اجتماع مع ناس حق
وين يا زول اقول اجتماع مع ناس حزب الامة وكذلك اجتماع مع المهمشين ومرة مع الموتمر الوطني
واخر تقليعاتو عامل فيها شاعر
ابو كدوك تلات لكاشر في الاسبوع دخلو الجامعة بدون مجموع
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ده يوم تاريخي بالجد محمد متوكل مبكي كل الكليات..وعصام جبرالله وابوكدوك سكرتيرات من الزمن الفلاني احمد تجاني وشايل حبل داير يربط (المسكين) كيكي بتوصية من المرجف الصادق فيصل وسيرة وليد القرود الذي تاكدت اشاعة مغلقه الشهير بالسجانة خصما الي اشاعة عدم تخرجه من الجامعة حتي الان وده الاحتمال الوارد يا عصام.. ابراهيم محمد الحسن ينقل تخوف الجميع من لسان خليل (الفاكي).. ....وزي ما قلت في المداخلة التي اكلها السيرفر ان محمد متوكل حيجيب لينا الحبايب علي الاقل الواحد يلقي ليهو زول يسف منو في البوست ده.. ..احمد تجاني ما تسمع كلام المرجفين ديل عصام وخليل ..انا ذاتي حولت للبوستات بتاعة الشعر والبوح والاركلوجيا والسياسة دي يازول شعر ما عندنا ليهو رقبة...... ويا نادر ابوكدوك ليك تحيات من الزول الجميل ابراهيم باخت في امريكا وراجع الماسنجر.... ......
| |
|
|
|
|
|
|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
عصام جبرالله وابوكدوك
احييكم والله على اختياراتكم الموفقة فى الدراسة والاقامة بس فى حاجة واحدة بختلف معاكم فيها وهى رجالة بنات على اولاد الهندسة فى موضوع الامتحانات فطول مدة الدراسة فى الجامعة ماشفت بنت ولا ولد من الهندسة ضرب الجرسة والسكليب فى قاعة الامتحانات بيدخلوا الامتحان وبيقدوا عادى وزى الماحصل حاجة ولو مامصدقين ممكن تسالوا كيكى وخليل لكن جماعتكم اولاد على بنات مجهزين ليهم الخيمة فى الميدان الغربى وعربية المطافى رشت الارض والمكيفات المتحركة شغالة والموية الباردة والعصير والساندوتشات وبعد دة كله اغماءات ماتديك الدرب عربية الاسعاف شغالة من والى الكلينك طول اليوم بس استغفر الله كان غازى يوسف الزول الوحيدالبتظهر عليه اعراض ناس الاقتصاد ايام الامتحانات مرة فى واحدة من انتكاساته كان راقد فى الكلينك فمشينا نزوره ولما جينا نطلع سالناه اذا كان محتاج حاجة نجيبها ليه فقال بس جيبوا لى الجكس يزورنى بابقى كويس
| |
|
|
|
|
|
|
Re: اليوم الحار ومابنداريوم الهندسة والمعمار (Re: احمد التجانى احمد)
|
[E] احمد تجاني قطعتني حتة حتة بالضحك واتحولت الي (بوينت).. ومعاك انا برضو في الجرسة التاريخية للجماعة حبايبنا ديل من الامتحانات كبكبة السنين وهاك يا تصوير وظهور رسمي في المكتبة المين وقيل ان اسواق الصعوط في بحري ووسط الخرطوم تحدث فيها ازمة تاريخية في ايام امتحانات الجماعة الطيبين ديل ...... الغريبة صحبك عصام لسع مواصل في حتة القراية دي وكل ما الواحد يلم فيهو في الماسنجر تلقاهو كابي الجرسة ودي حالتها قراية كبر ساكت ...
| |
|
|
|
|
|
|
Re: اليوم الحار ومابنداريوم الهندسة والمعمار (Re: amir elsharief)
|
الف مرحب ومليون تحية الاخ امير وكل السعادة بحضورك الجميل اولا الي ارض هذا المنبر والوطن ومرحب مرة اخري بحضورك الينا في اليوم الحار بعد السنين العديدة التي فرقتنا بين جهات الدنيا العجيبة.. وبحضورك يعود الي بوست (الود ابو خليل) القه العالي ووهجه المقيم ونرجع تاني من اول لسيرة هندسة وايام هندسة وحكاويها الرائعة. وصحبك خليل مختفي تماما هذه الايام وما عارفين ليهو سكة.. ولك التحايا يا امير وتحياتي الكثيرة..
| |
|
|
|
|
|
|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
فعلا ياااااااااااااااااااااااااااااااااااااااااه وطني وإن شغلت بالخلد عنه نازعتني إليه في الخلد نفسي .. ده هو فعلا شعورنا تجاه (الهندسة والمعمار) .. فمهما شغلتنا الظروف .. فهي أيام محفورة في الوجدان .. صعب نسيانها أو تجاوزها .. بس بالله البيلقى طريقة من فترة لفترة يدينا دفترة عشان يكون (اليوم الحار) دائما فوق ..
تحياتي كيكي .. وما حكيت لينا عن سفرتك الأخيرة .. قابلت منو من الشباب؟ ولا انت خلاص بقت برامجك كلها مع البورداب .. وأوزون
نتواصل
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: تحياتي كيكي .. وما حكيت لينا عن سفرتك الأخيرة .. قابلت منو من الشباب؟ ولا انت خلاص بقت برامجك كلها مع البورداب .. وأوزون |
هلا يا ابراهومة وشكرا لليوم الحار الجابك لينا وخلانا نشوفك... وفعلا يا ابراهيم اخوك بقي زول بورداب ساكت وفي الاجازة دي لاقيت اثنين فقط من الشباب هم ابراهيم الحاج المهندس المدني علي الطائر كده في برج البركة ثم ملاقاة اخري تاريخية للفتي الابنوسي طه النور اسحاق لمدة ساعة تتمني ان تتحول الي مية سنة فطه النور حكاي ووناس (ويشهيك الونسة) عن عوالمه وسفراته الي الكاميرون وتشاد والسعودية لاحقا ففي هذه الساعة حكي طه زي مليون حاجة قادرة علي تفجير هندسة كلها بالضحك والمرح... وطبعا قال لي يا وهم سمعت انك وخليل قاعدين نتجيبوا سيرتي في الانترنت فاعملوا حسابكم انا اهلي كلهم متمردين في دارفور ح افرطق ليكم ريسنكم ديل كن بخير يا ابراهومة وفليبقي هذه البوست علي مر الدهور والازمان
| |
|
|
|
|
|
|
Re: اليوم الحار ومابنداريوم الهندسة والمعمار (Re: عبدالكريم الامين احمد)
|
شكرا بكري بعودة اليوم الحار وسلام لكل ابناء ام نخيل ومشتاقين
الفاتح التاج ذهب للسودان لمدة ستة شهور
ناس البترول قال ليهو لازم تعمل خدمة الزامية
مشي الدار الاستشارية صلاح مختار تعامل بسلبية
ذهب لسد مروي قابل اتنين كيزان واحد اسمو محمد الامين بتاع كهرباء بلبس
نضارات وعندو شيب خفيف وواحد تاني ما عرفتو
يا كيزان شغلو الناس ديل قبلي ما تلقوها صيفت
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
يا اللللللللللللللللله وين الناس؟ والله زمن يا خليل .. مالك قاطع كده .. عسى المانع خير .. حتى كيكي شايفو مرابط في بوستات تانية وساب اليوم الحار .. ما صاح الكلام ده يا شباب أرفعو البوست ده مرة مرة خلونا نعيش الذكريات الجميلة .. شكرا الأخ بكري على نفض الغبار
نتواصل
| |
|
|
|
|
|
|
Re: اليوم الحار ومابنداريوم الهندسة والمعمار (Re: Mohamad Shamseldin)
|
سلامات غباشي ومحمد وكل المهندسين
سعدت ليلة امس بالحضور الانيق لاولاد سبعة وتمانين بحدائق الاسكلا وقد تواجد كل من
اشرف منير خالد عثمان طلال خليل الجزولي ياسر البنا مدثر الرشيد عثمان صديق سعدالدين ابراهيم ميرغني
وهولاء الشباب لديهم فكرة لانشاء شركة مساهمة بتشييد عمارة من عشرة طوابق وثلاثين شقة
وسعر الشقة هو مائة وخمسون مليون جنيه قديم فمن يرغب عليه الاتصال بالشباب ديل
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
سلامات خليل .. والتحايا عبرك لكل المهندسين ..
Quote: Mangooshi alhaseen mubarak congratulations for marriage
|
يا سلام .. والله أخبار حلوة ألف مبروك منقوشي والحسين ومبارك .. وإنشاء الله عقبال البقية .. ناس أشرف منير وعمر الصادق
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
اوووووه اليوم ما بندار يوم الهندسة والمعمار وهندسة دي صعيبة عليي ايييي كدا لعبتها منو القال ليك تسيب الجية اييي كده لعبتها
مرحب بالبوست البوست وسلام للجميع وفي كافتيريا هندسة حليل مجلسنا
عودا حميدا يا ابو خليل وابراهيم وود التجاني وفي انتظاركم دوما في ظل (اليوم الحار)
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: ودور بي حمادة تدور بي
واقتصاد القاعدة برة
قاعدة لي انا للمضرة
ويا حمادة اديها جرة
واشيلها من الدوري برة |
والله محمد المتوكل دا الواحد يتذكره ساي يستمتع ... التحية ليكم كلكم يا ناس الهندسة ...اولاد العم ... وما تنسو انور بتاع اقتصاد ود ام دوم برضو فنان .. حمودة -اسكول
| |
|
|
|
|
|
|
Re: اليوم الحار ومابنداريوم الهندسة والمعمار (Re: Mohammed Ibrahim Othman)
|
Quote: والله محمد المتوكل دا الواحد يتذكره ساي يستمتع ... التحية ليكم كلكم يا ناس الهندسة ...اولاد العم ... وما تنسو انور بتاع اقتصاد ود ام دوم برضو فنان .. حمودة -اسكول |
شكرا يا حمودة اسكول
اسكول ضواحي السنتر
كلية اوضة وعنبر
الدومة قالو ريئسها
عضت اضاني كديسة
التحية لناس اسكول ودكاترتها ناس ود المكي ومحمد عبدالوهاب
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
..
جمع الهندسة الرائع .. سلامات
القرود.. الاعلام ما عكس حضورو للسودان ما عارف المشكلة وين؟ لكن غالبا تكون المشكلة في الاعلام..
كيكى عزموهو المساحين .. وكلهم حضروا الا هو.. وعشان خجلان منها.. قال ما قابلت غير طه النور..
عيب عليك يا كيك الناس..
كل الود..
ابو انس
| |
|
|
|
|
|
|
Re: اليوم الحار ومابنداريوم الهندسة والمعمار (Re: ELFATIH ABDELLA)
|
Quote: كيكى عزموهو المساحين .. وكلهم حضروا الا هو.. وعشان خجلان منها.. قال ما قابلت غير طه النور..
عيب عليك يا كيك الناس |
مرحب يا وديدي واولا قبل كل شي حبابك في اليوم الحار ما بندار وحباب كل المساحين وحباب ناس الصحافات كلهم حتي احمد بشير الرحل العمارات برضو حبابو معاكم...
ويا الفاتح بالجد كلي اسف وحسرة علي عدم التمكن من الحضور لظروفي الخاصة التي شرحتها ليك في التلفون في ذلك اليوم.. يعلم الله الزول مشتاق ليكم كلكم واحد واحد ولكن شو فينا نسوي مع الاقدار ومصائب الدهر... وياريت تعفو وتصفحو وتدونا العافية والفاتحة يا الفاتح انت
خليك من كيكي جا ولا كيكي مشي امسك البوست ده ودور لينا حكاوي الجامعة وايام الخلط اللذيذ والا فتيناك هنا فت تقيل
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
ياسلام يابكرى ابوبكر يااخى
ذكرتنا بالعزاز الله يطراهم بالخير كلهم فى الصورة الاخيرة لم تسعفنى الذاكرة بمعرفة الكثيرين اولا بسبب انهم الدفعة 86 قبلنا بسنة تانيا كانوا ناس قراية ومكتبات خلافا لدفعتنا 85 والتى تنازلت عن بعض نجومها للدفعات التى تلتها بغرض ان تضيف لهم بعض الطعامة
فرزت فى هذه الصور كل من الاعزاء الصادق خضر - حاتم بخيت - عصام الفذ - عمر الحضرى عبادة معاذ وكالعادة شح تقيل فى الدامات
| |
|
|
|
|
|
|
Re: اليوم الحار ومابنداريوم الهندسة والمعمار (Re: بكرى ابوبكر)
|
Quote: الحبيب كيلى العملت ليه هاى لايت ده ما عمر بوب |
هلا يا ريس ده ما عمر بوب ولا مصطفي اخوهو وعمر بوب زول عجوز ياخي ما بياكل عيش مع الشباب الصغار ديل (طبعا دفعتنا وكده) ... فعلا يا بكري الشبه كبير والصورة لاخ عزيز اعتقد بانه دفعة الاخ ابراهيم محمد الحسن 86 كهرباء وابراهيم ممكن يتذكر لينا الاسم
| |
|
|
|
|
|
|
Re: اليوم الحار ومابنداريوم الهندسة والمعمار (Re: khaleel)
|
Quote: الحبيب كيلى العملت ليه هاى لايت ده ما عمر بوب |
الحبيب بكرى الحبيب العملت ليه هاى لايت دة الصادق خضر دفعة من مدنى الثانوية الله يطراه بالخير
الصورة الاخيرة دى فرزت منها اتنين من الاولاد فى اقصى اليمين الاخ محى الدين ود chemical ومن البنات الاخت سلافة الله يطراهم بالخير
خليل يااخوى انجليزى الكنائس دة شنو البتكتب بيه دة؟ ذكرتنى بقال فى المانيا
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
تخريج الكلية (دفعة 86) وقوفا من اليمين: 1. أحمد كمال ---- كهرباء 2. عزالدين إسحق ---- كهرباء 3. ياسر دفع الله ---- كهرباء 4. عبد الصمد ---- كيميائية 5. نجم الدين أحمد ---- كهرباء 6. عباس يسن ---- مدنية 7. ؟؟؟ 8. الصادق أحمد الخضر ---- كهرباء 9. خالد سعــــود ---- مدنية 10. محمد الحسن الشايقي ---- كيميائية 11. عبادة السراج ---- كهرباء 12. عمر الحضري ---- مدنية
جلوساً من اليمين: 1. حاتم بخيت ---- ميكانيكا 2. بدر الدين أحمد ---- كهرباء 3. ياســـر ---- مساحة 4. سيــد ---- مساحة 5. خالـد ---- مساحة 6. أحمد المنقوشي ---- كهرباء 7. حسن عبد الهادي ---- كيميائية 8. الصادق ---- ميكانيكا 9. إبراهيم عبد العزيز ---- كيميائية
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
كتب الباشمهندس أمير عون الشريف :
Quote: سلامات عبد الكريم الشهير بكيكى ألا سقى الله تلك ألأيام أيام الهندسة حأجيك راجع برواقة بعد ساعتين تلاتة بالمواعيد السودانية |
الكلام ده كان يوم 31/3/2007 والله لكن يا أمير مواعيدك قاطعة من راسك .. ياخ دي فاتت السودانية بمراحل .. دي بقت أمريكية عدييييل كده تحياتي لأمير عون وكل ناس الزمن الجميل .. ونتمنى نشوف مشاركات أكتر .. شنو يا كيكي وخليل لبدتو كده ؟ ..
| |
|
|
|
|
|
|
Re: اليوم الحار ومابنداريوم الهندسة والمعمار (Re: ابراهيم محمد الحسن)
|
Quote: فدوى دي جبتها من وين يا كيكي؟ يمكن قصدك فادية حاكم |
هلا يا ابراهومة وماشاء الله الذاكرة نار منقد بس ورجعتنا سنين وسنين لناس كنا معاهم يوم ورا يوم...
وفعلا ياابراهيم فدوي القاصدة انا ياها فادية حاكم دي علا الكبر شكلو كده خش.... ولها كل تحياتي فادية حاكم بكان ما هي قاعدة
احنا كده ياربي ناس بكري ابوبكر وعمر بوب حيكونوا كيف
عندك ياابراهيم باقي صور كانت معاك بالله نزلنها لينا هنا خلينا نختبر الذاكرة دي مرة تانية
| |
|
|
|
|
|
|
|