بورداب جدة ... العمائم طرائق ودلالات:

Quote: العمة الاولى للفنان المفاجأة محمود مصطفى محمود، من اكتر العمم التي حيرتني ولم اعرف كيف اصنفها، سحرها يكمن في ان لفتها ختمية من الاعلى ، لكن حيرني وجود جزء كبير مسترسل مما يدل على انها انصارية، وهذا ايضا وضعني في حيرة ... لان الجزء المسترسل اطول من الجزء الخاص بالانصارية بل هو اقرب الى عمامة انصار السنة...

Quote: ... وهذا يدعمه القصر النسبي للجلابية...

كمان جابت ليها شيل حال؟؟ الجلابية دي كانت ما قصيرة في يوم من الأيام... ألا قاتل الله الكروش..
لكن برضها كويسة طالما إنها تدعم الوهمة أعلاه وكذلك أدناه....:

Quote: هذا ما قادني للاعتقاد في اول اللقاء ان صاحب هذه العمامة سيغادر المكان مع اول نغمة

ذكرتني حاجة لذيذة جداً...
أخونا الهمام الرفاعي حجر.. قال لي تقرأ القرآن في الافتتاح؟
قلت ليهو يابا أنا احتمال أغني زاتو... فضحك الرجل وتركني...

وكذلك تعليق أخونا الجميل هشام شيخ الدين..نحيي عمامته برضو.. حيث قال لي ممازحاً: فنان مركب مكنة (مطوع)...

الحركة بتاعة المفاجأة دي.. والله جات صدفة كدا بس..

أما عن ثنائك الجميل على (لفة) العمة .. كل ذوق والله..

وأنا من إيدك دي لإيدك دي.. دروس عصر لما تقول كفاية..

نعلمك لفة أنيقة وقوية..durable .. أهم حاجة تكون متماسكة لدرجة إنك ممكن تطلعها أثناء الوضوء مثلاً ثم تعيد وضعهاوالطاقية قاعدة جوة.. شايف كيف الحرفنة؟؟

تقديري الشديد ومحبتي..