|
Re: مسادير يا أهل المسادير إلى ما شاء الله........ (Re: الناظر)
|
بس حب العباد فى الدنيا باقى نصيبى
من تبيت صغيرة وهسة بعد مشيبى
الزول لو كرهنى بشوفو برضو حبيبى
الدنيا ام قدود زادت شقاى ونحيبى !!
فزتيبا أم قدود بالحب تغنى تدوبى ويادوبك شباب صيدة كبور بتجوبى قلبك زى لبن ليك القلوب بتشوبى ياسكر نبات داخل النفوس بتذوبى
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: الناظر)
|
Quote: يوم فرح سمحاتنا بلدنا جن قادلات زي بنات العز دخلن في الدارة يتفدعن و سون رقيص الوز جميع من كان هناك و قف مندهش حاول يهز الاطفال الرضع الصغار بكو و قالو عاوزين البز صديق طار من الفرح و ركي في الدارة يهز |
يوم الفرح مرقنا النحاس طبولنا ترز زى صقر البرزن عريسنا سيفه يجز وفى محل الموت بنغرز كراعنا غرز يوم حارة ودواس لا بنتر ولا بنفز
| |
|
|
|
|
|
|
Re: مسادير يا أهل المسادير إلى ما شاء الله........ (Re: mohammed elsaim)
|
Quote: أبا أخونا من الصوره قلبو أتركش وإن شاف شوف عيان مضمون بقوم إترطش من القيف وقف فى سنطه لازق كنكش وإن نزل البحر راسو الخفيف بطرقش منصور |
ات يازول سمحة الصورة ولا سيدها قام يتبكش؟ البيسرح بغنم ابليس عقله داك اتكشكش والبرش الناس بالموية يوم بالدم بترشرش كبارنا قالو البلعب بالجمر لابد يوم يتشتش
| |
|
|
|
|
|
|
Re: مسادير يا أهل المسادير إلى ما شاء الله........ (Re: mohammed elsaim)
|
Quote: الحبيب يوم جاني الولد و الله كان يوم عيدى وفي الشهر العظيم والمصحف كمان فى ايدى الدكتور مروق و في ايدهو حامل لى وليدى دماعي سالت من الفرح و رفعت الي فوق ايدى طلبت من ربى الكريم يحفظ و يكبر لى ولدى الناظر |
مبروك ياالناظر الوليد والفرحة ودعيناليه بالبركة والقلوب منشرحة يكبر يشيل اسم ابوك ويداوي الجرحي تتمدايامكم لسماية اولاده تحضرو الضبحة
| |
|
|
|
|
|
|
Re: مسادير يا أهل المسادير إلى ما شاء الله........ (Re: mohammed elsaim)
|
Quote: للخرتوم سلام شوق واشتها وقرييف
قمنا صباح شروق خلينا فيها الكيف
وجافات قلوبنا حسيرة دايرة تقيف
حلاتاً فيها توتي, حلاتــو فيها القيف
أحمد الشايقي |
سلام لبحري من املاكا لي ديوما كثير اشتهالخوجليها وودمريوما طريناالكورة في دناقلتها وختوما حليل مزادها وشعبيتا ثانويهاوعموما
فى الأملاك فوق لسمر تلقى خالد ودعمر والجعيص وودالبشير وحاتم جرى وترتر ناس حمد واسامة احمد والبانجيو السكر قصر الصداقة ياما فى نيلا نتلاقا وياااماطفر
ماتنسى شمباتناأراضي و حلة سلم لياسر حمد دكتورن كبير ومعلى الدروشاب فيها زعيمنا البدري ودعبدله فى حلفايا عند الملوك اقيف وادلى
ابدا برامي شيخ القوم كبير الهمة وامير ودعون ديمة حايز القمة محسن جدو ضيف الله وطبقاتو نورن عم ود الامين ساري الليل معاه تحلى اللمة
عادل الجمل راجينا فى الكدرو يأصحابنا الفنجري حمدناالله يردد الفين حبابنا وكوبر وياسر علي وابكما وكم فى جرابنا ناسا عزااااز بيهم حلت ايام شبابنا
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: من غير الحبيب مين عاد بتمو هنانا
مفتاح القلوب زول بالجميل اشجانا
منصور غاب هناك بنار فراقو كوانا
فى الخرطوم غطس بحر الغرام دنيانا |
ملحوظة:
= شركيلا وود عشانا محطات ومدن في مجرى النيل الكردفاني, (خور أب حبل)
بـطـرا النيل ختم شركيلا فـدّا عـشـانا
وبـطـرا سـعيـة من تيـلاد سليـم وكنانة
بطـرا بلادنا في جلسات سرورنـا, صـفـانا
بـطـرا الناديـة بت عـتـمان تضـوّي جمـانـه
ود الشايقي
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
How I wish I could, but you're so far away ... Travelin' around sure gets me down and lonely; Nothin' else to do but close my mind; (Carole King)
Quote: للهجر المدوعل لى أم رشيم الناجبه |
من بعد المنال الشوق كتلني عشية بالي الانشغل هامبيك بقالي ازية يالزاجل تعال الليلة عندي وصية تقول لام ضمير بي حالا تبقي حرية ...................................................................................... محمد السيد
| |
|
|
|
|
|
|
Re: مسادير يا أهل المسادير إلى ما شاء الله........ (Re: Eng. Mohammed al sayed)
|
Quote: من بعد المنال الشوق كتلني عشية بالي الانشغل هامبيك بقالي ازية يالزاجل تعال الليلة عندي وصية تقول لام ضمير بي حالا تبقي حرية ...................................................................................... محمد السيد |
شوقا لى أم فصيص فوق جيدا صفى النيه مسلوب من عضاى لى شوفا رخصه بنيه ما فيش من صليح للحال إشوف لى هنيه يا السبق حليلكم حالى حالتو شليه
منصور
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
الاخوة أرابيب المسادير,
في معية الفحـل المفتاح,
جاءني صديقي المستشار , محمد شريف,
بالبيت التالي,
Quote:
الأدرع ود الأدرع الأمـه جات جافلابه كتر له القنيص وارقـد له فوق دودابه
|
وكنت قد شكرته عليه وأعيد نشـر شكري له , حفظا لحقـه,
Quote: صديقي العزيز الاستاذ المستشار / محمـد شـريف,
لك السبـق ذخار العشيات رافـد ودمت ندي البـذل والدهـر شاهـد
وعشـت شريفاً في مسمى وهيئة رغوباً إلى الحاجات دوماً تساعد
|
المطلوب ,
مجاراة البيت, اشباعاً لقضية التراث التي يمثلهـا,
ودمـتـم,
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: بـطـرا النيل ختم شركيلا فـدّا عـشـانا
وبـطـرا سـعيـة من تيـلاد سليـم وكنانة
بطـرا بلادنا في جلسات سرورنـا, صـفـانا
بـطـرا الناديـة بت عـتـمان تضـوّي جمـانـه |
وطارياك يشهد الرب الهناك لمانا
فى الجنة الوريفة تحت شجرة البانة
البنوت حلاتهن وكت يغنوا غنانا
والشبال وقع فوق رأس حبيب ورمانا !!
| |
|
|
|
|
|
|
Re: مسادير يا أهل المسادير إلى ما شاء الله........ (Re: munswor almophtah)
|
Quote: مالك يا ولد جايب هبوب منسيه إيش كان زيد غلب أو كان حتل تحتيه نحن مع الإبل شادين بلادنا رخيه ما بندور لعب بى تيوه مو هميه |
دون شك الحالة مو بس كروية والهمة في كل المجال محرية الدق بيناالدلج صباح ومسية الغمدة من نارا بدت دخنية ......................................................................................... محمد السيد
| |
|
|
|
|
|
|
|