|
Re: بخـسه دوت نـــت × قناة اخبارية يومية حقيقية (Re: قاسم المهداوى)
|
سميتها بخسه دوت نت أو دوت كوم لا مشكلة فستبقى بخسه وأخاف أن أبخس الناس أشياءهم وبخاصة الجميلة لذلك سوف أتوقف. • تقول أخبار الغبش أن الطبيعة تقسو وبشكل فظيع على الإنسان السوداني هذه الأيام فدرجة حرارة نص نهارنا الآن على كل المقاييس حاجة فظيعه جداً والمحمدة الوحيدة لهذا الحر الشديد أنه أراحنا من الضبان ولو إلى حين ، فكل الضبابين ماتت بسبب شدة الحر. • الغريبة أن هناك عبارة إستهجان أو غيظ نصها أح حي الحر غير أنه يجوز أن تقال في جميع فصول السنة وتبعاً للموقف فإذا هوشك على سبيل المثال واحد بي حجر ونطيت أو جفلت دون أن يرميك بهذا الحجر يحق له أن يقول في هذا الموقف تلبد يا كبير أو يا حاج أو يا عمك متبوعة بالعبارة أعلاه ، وربما ترمي دو شيرية في لعبة كوتشينه مسخنه كما في الكونكان فيكون هذا الدو سبباً في هلاكك وهلاك زميلك فذا حاولت أن تخرخر وتنكر أنك رميتك هذا الكرت الفاجعة يقول لك صائد الكرت كده يا كبير متبوعة بالعبارة. • المويه المويه المويه ، المويه حبيبتي المويه قاطعه أو شويه وهي في أحسن الأحوال ملونه ونحن على مرمي حجر من النيل الخالد والنيل الأزرق والنيل الأبيض وبرضو عطشانين والحال كذلك يجوز لنا أن نردد مع الشاعر والفنان "زي إبل الرحيل شايله السقا وعطشانه" • الكهرباء برغم خباثتها لكين برضو لازم تقطع وتعكنن عليك ونحنا كل العندنا تلاجه ومروحتين وتحت تحت كده عشان أكون صادق موتور لرفع الموية الما بتترفع أها لمن تتعطل التلاجه والمراوح تفتش لي نسمه هواء ساكت ما تلقاها وتضطر أن تفتش ليك هبابه أو جريدة قديمه لزوم الكندشه والتنفس الصناعي ، وهو الموقف الذي دار فيه حوار بين الحاجه بنونه وإبنتها ذات الثمانية وخمسون ربيعاً – الإبنه - الدنيا دي الليله ما داير تجغمنا يا يمه فتجيبها الحاجة قائلة يا بتي دي جغمتنا عديل كده إستغفر الله. • الشارع لا يزيد طوله عن السبعمائة متر فيهو أكتر من أربعة محلات مكوجيه ودكان المكوجي بيكون فيهو أكتر من ثمانية أشخاص وكلب أو كلبين لا يعلم إلا قليل والبيكوي واحد والبغسل واحد يعني فائض عماله قدره ستة أشخاص وبعض الكلاب يمثلون طاقات معطله مهدره ، المهم برغم كل هذا الشارع محفر من موية الغسيل وstill الناس هدومها وسخانه من ركوب المواصلات والمشي في الشوارع كداري. • الكتاحة تقوم بلا سبب وبدون سابق إنذار وبدون مواعيد فتدخل في أضنيك فإذا حاولت تسد أضانك دخلت في عينك وإذا حكيت عينك دخلت في نخرتك وإذا عطست ربما تدخل في خشمك وإذا قحيت وبصقت طارت طاقيتك وإذا ما كنت لابس طاقيه إتخربت تسريحتك وظهر المستخبي من تصحر في مقدمة رأسك. • هناك كتاحة حلزونية تشبه الدوامات كان يسمها بعض القوم فسوة إبليس وإبليس برئ منها وهي عادة ما تكون بقوة غساله فل أوتوماتيك من النوع الجامبو يعني لو شايل جريدة وكيس خدار وحاولت تثبت طاقيتك أو أن تتحسس كيس التمباك في جيبك الأيمن سوف تفقد أحد أشياءك الهامة في هذه الزحمة صحيح أن الإعصار سوف يستمر لفترة وجيزة لكين ممكن تكون نتائجها مدمرة. • هذا حالنا والحمد لله غيرنا يحمرو في الجكن والشيبس وبقية الأشياء القابلة للتحمير ونحن في أحسن الأحوال نحمر للشمس عديل كده لمن تخلينا نصر عينا وفي أحسن الأحوال نحمر لي بعض زي الديوك. • هذه مقتطفات لبخسه دوت نت وهذه تحية مني أنا أنقر ما نسيت إسمي ، المهم من قرية قوز المطرق ريفي قنب محافظة قوم أقيف شمال شرق شهينستان. ==== نسيت ليك الأخبار الرياضية ، الهلال غلب ليهو فريق كده من جنوب افريقيا في البطولة الإفريقية بالله يا الهبوب وكت إنطلقت لا تشوف الكورة لا تشوف اللاعبين وين وين لمن قالوا لينا الهلال غلب أربعه إثنين. مبروك لهلال السودان النصر المؤزر والدعوة للفيفا لعمل نظام أو قانون ينظم لعبة كرة القدم في الأجواء غير الطبيعية ، يعني ف يالكتاحة دي مثلا المفروض القون يكون بي قونين خاصة إذا كنت شايت مع الهوا
|
|
|
|
|
|
|
العنوان |
الكاتب |
Date |
بخـسه دوت نـــت × قناة اخبارية يومية حقيقية | قاسم المهداوى | 03-25-08, 01:01 AM |
Re: بخـسه دوت نـــت × قناة اخبارية يومية حقيقية | اكرم عثمان عبده | 03-25-08, 02:54 PM |
Re: بخـسه دوت نـــت × قناة اخبارية يومية حقيقية | قاسم المهداوى | 03-26-08, 05:03 PM |
Re: بخـسه دوت نـــت × قناة اخبارية يومية حقيقية | sami Alzubair | 03-25-08, 10:25 PM |
Re: بخـسه دوت نـــت × قناة اخبارية يومية حقيقية | قاسم المهداوى | 03-26-08, 02:00 PM |
Re: بخـسه دوت نـــت × قناة اخبارية يومية حقيقية | ضحيه ابراهيم | 03-26-08, 02:27 PM |
Re: بخـسه دوت نـــت × قناة اخبارية يومية حقيقية | قاسم المهداوى | 03-26-08, 05:37 PM |
Re: بخـسه دوت نـــت × قناة اخبارية يومية حقيقية | عبدالله كع | 03-26-08, 02:55 PM |
Re: بخـسه دوت نـــت × قناة اخبارية يومية حقيقية | hanadi yousif | 03-26-08, 04:22 PM |
Re: بخـسه دوت نـــت × قناة اخبارية يومية حقيقية | قاسم المهداوى | 03-30-08, 12:54 PM |
Re: بخـسه دوت نـــت × قناة اخبارية يومية حقيقية | قاسم المهداوى | 03-30-08, 12:52 PM |
Re: بخـسه دوت نـــت × قناة اخبارية يومية حقيقية | قاسم المهداوى | 03-31-08, 01:50 PM |
Re: بخـسه دوت نـــت × قناة اخبارية يومية حقيقية | amir jabir | 03-31-08, 08:41 PM |
Re: بخـسه دوت نـــت × قناة اخبارية يومية حقيقية | قاسم المهداوى | 04-02-08, 12:39 PM |
Re: بخـسه دوت نـــت × قناة اخبارية يومية حقيقية | قاسم المهداوى | 04-03-08, 08:41 PM |
Re: بخـسه دوت نـــت × قناة اخبارية يومية حقيقية | قاسم المهداوى | 04-06-08, 01:38 PM |
Re: بخـسه دوت نـــت × قناة اخبارية يومية حقيقية | قاسم المهداوى | 04-15-08, 12:10 PM |
Re: بخـسه دوت نـــت × قناة اخبارية يومية حقيقية | قاسم المهداوى | 04-28-08, 02:27 AM |
Re: بخـسه دوت نـــت × قناة اخبارية يومية حقيقية | almulaomar | 04-28-08, 10:21 AM |
Re: بخـسه دوت نـــت × قناة اخبارية يومية حقيقية | قاسم المهداوى | 04-29-08, 12:14 PM |
Re: بخـسه دوت نـــت × قناة اخبارية يومية حقيقية | قاسم المهداوى | 04-30-08, 04:04 PM |
Re: بخـسه دوت نـــت × قناة اخبارية يومية حقيقية | قاسم المهداوى | 05-07-08, 04:15 PM |
Re: بخـسه دوت نـــت × قناة اخبارية يومية حقيقية | قاسم المهداوى | 06-12-08, 03:13 PM |
|
|
|