|
اسمك دهب يا نوبة
|
فترت الخطاوى تعاند عنفوان تيارك
كتر سهرى
تعب حلقى من ترديد مقاطع تستجدى عطفك وتستبيح فى ظلك الممنوع نحر الكبرياء امام صلفك
وفتر معنى النشيد ال اتردد على رسمك حروف تلهث تفتش فى المراسى تنادينى عليك ملامحك بوادر
اغراء بتلهم فى الخواطر الكهلة بعض من امنياتى الحلمها اخدت بعض
من ملامحك وزينت
عبق الطريق المستحيل يحملنى ليك واشتياق كان موضوع تناغمى مع الطيف المستحيل يحملنى جد
لكنى يا
ست الاسم
لمن مجادفى اتحلل رباطاه
وقع البحر
وشلت يمينى الكانت بتجدف اليك
خارت قواى
اتكومت كل المحالات حاصرنى الاسى
والكان بجينى منك بدافع من خيالى اصبح مجاور للانهزام وكتبت رغم الحزن
انى معاك بجينى مقترح الزمن الحلو زمن الدرت
والربيع الفى الخيال ورسمت من حرفك تواشيح خدرت وخضرت امل
يبس
يا مستحلية غناى مشاتر لكنى معاك بقدر بردد فى هذا الزمن الصعيب معنى الحياة واشتقت ليك وبحبك يا قاعدة فوق ما بحجبك منى السحاب
ماسك تسابيحك ما صدفة بتردد على القول ان فصح
اسمك مقاطع ومقترح للفرح
جايك قريب ازرع
جرف البلد
قبل ما غرقوها احصد حصادى الامنيات يا نوبة
يا ظلال النخل الاغنيات اترصن عشانك حجر من ارضك التاريخ بساوى
قنطار دهب
يهزم صف
مهوس
يريد
يمسح اسم
ليك الاغنيات ليك ليك البطولات
يا ارض
اسمك دهب
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|