|
خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة
|
***مدخل اول
لازلت على موقفي لعدم العودة الى هذا المنبر حتى عودة خضر حسين خليل واولاد قدورة وكل الموقوفين......لكن مادفعني الى العودة هنا في هذا البوست تحديدا هو المنفعة العامة، وبالجد لإنهاء غلوطية خليل وينو اكلوا الدودو، خليل وين راح اكلوا التمساح.....خليل قبضوا خليل فكوا...ولكان كل مشاكل السودان اصبحت رهينة بالقاء القبض على خليل صدقه من كذبه....وكثر الحديث والاشاعات وتكذيب الحق واحقاق الباطل.....ففضلت ان انهي كل هذا وها هنا حدييث مطول مطول لد. خليل ابراهيم من داخل دارفور.. وفضلت ان ابعث رسالة الى الصديق بكري ابوبكر....انني وعلى رغم كل شيء اخص هذا المنبر ...لما نحمله من مسؤولية تجاهه ومالم تحمله انت لنا"والله يا تراجي يادوب حسيت المهمشين ديل شعورهم بكون شنو "وش خلي على الله"..............
*** مدخل ثاني الحوار قبل نصف ساعة من الآن تم طرح العديد من المواضيع ساوردها تباعا، المواضيع ستكون مجزأة تحدث خليل عن
* سخرية د. خليل من الاشاعات الرائجة عن جرحه واعتقاله
*تصريحات الحكومة السودانية اليوم الخامس من شهر حزيران عن التحقيق مع المقبوضين من حركة العدل والمساواة.
* الإدعاءات بتجنيد الحركة لأطفال
*مسؤولية حركة العدل والمساواة امام المواطن السوداني
*تصريحات نارية حول اتفاق التراضي بين الصادق والبشير "او اتفاق الاستسلام حسب تعبيره"
*اعلان الحركة لاول مرة تغيير خططها واستراتيجيتهالتصبح حركة شعبية
*موقف الحركة من الحركة الشعبية لتحرير السودان
*خليل يستعد لهجوم وشيك
* حقيقة علاقة الحركة بالريس التشادي ديبي.
*علاقة الحركة بالجيش السوداني
*وتفاصيل مادار في تلكم اليومين في امدرمان
تنويه...الحوار في اطار صحفي بعيدا عن موقفي من الموضوع برمته...
اها .....
|
|
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
اها كنا بنقول في شنو...ايوة بس كنت بجهز لي درقةعشان الدراب الحيجي..اصله المنبر الايام دي بقت حالته صعبة خلاص...ومع الأخذ في الاعتبار انه ماعندي شلة تدعمني عبر الماسنجر الداخلي وفنون الرد والأخذ ...بنجهز في الخطوط الدفاعية...
عموما الحوار اذاعي...وطويييييييل جدا ..انا حانقل ليكم النقاط الأثرتها معاه كتابة لحذفي اياها وسأورد لكم ردوده في تسجيلات صوتية...وقبل مايجوني المتشككين ويقيفوا لي في حلقي...اصلي بصراحة الله والرسول ماناقصة ماناقصة ماناقصة ماناقصة...ومادايرة شبك مع اي زول..."بس طبعا الحلوين خليهم اليتشبكوا زي مادايرين" المهم التسجيلات الصوتية حانزلها تباعا..وعشان اوفر على محبي خالف تعرف حانزل اخبار من صحف اليوم السودانية ورد خليل عليها صوتيا...قصدت ان اثير نقاط وردت اليوم "شايفة بعض الاخوة جو مهللين بيها حول اعترافات مقبوضي العدل والمساواة. اها..
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
نبدأ مع تأكيد د. خليل ابراهيم حول شائعات القاء القبض عليه
والمعلومات التي وردت في صحيفة الصحافة السودانية اليوم.....ادلي موقوفون من حركة العدل والمساواة علي ذمة هجوم أم درمان، بمعلومات خلال التحقيق تؤكد تورط تشاد في دعم الهجوم بـ 127 سيارة ، بينما طلب محامو هيئة الدفاع من وزارة العدل السماح لهم بمقابلة المتهمين . ونقل المركز السوداني للخدمات الصحافية عن مصادر مطلعة - لم يسمها - ان أبرز قيادات «حركة العدل والمساواة» التي بقيت بمنطقة أم جرس بعد التحرك هي كل من عبد الله بندة، فنقو، بشير جنجويد، بخيت ديري، إبراهيم بلول، متر نور عشر ، مشيرة الي أن عملية التنسيق بين خليل إبراهيم والرئيس التشادي قام بها الضابط التشادي حسن حماد الذي أمدهم بكل أسلحة الهجوم . وذكرت المصادر ، ان تفاصيل التسليح تمثلت في إمداد الحركة بجانب السيارات اللاندكروزر بـ«6» راجمات، «13» مضادا للطائرات، «3» مدفع ثنائي، «2» مدفع رباعي ،«2» مدفع Zoo ، «11» مدفعاً 106، «5» مدافع S.PG9 ، ومجموعة من الدوشكات، وعدد من قاذفات الـ« RPG» ، بالإضافة إلى قطعة «كلاشنكوف» لجميع الأفراد المشاركين في الهجوم من الحركة . وأشارت الاعترافات ، حسب المصادر، إلى أن هناك توجيهات محددة صدرت للقوات بعدم التوقف للإصلاح أو الصيانة ، وأهمية قطع كابينة السيارات لعدم سرقتها بواسطة بعض أفراد الحركة ، بالإضافة إلى إزالة الزجاج والمرايات وتعطيل الأنوار الخلفية وطلي السطح بخلطة من الطين والسكر لتفادي الطيران، على أن تحمل كل عربة «2» برميل بنزين وبرميل ماء إلى جانب كميات من الوقود الاحتياطي. الي ذلك، قدمت هيئة الدفاع عن المتهمين في احداث أم درمان طلبا لوزارة العدل من اجل السماح لها بمقابلة متهمين اوكلوها بمتابعة قضيتهم ، وقال عضو الهيئة المعز حضرة، ان الوزارة لم ترد علي الطلب حتي الامس . وقال حضرة لـ « الصحافة »، ان لجنة التحقيق افرجت عن عدد من المتهمين من الذين كانت تود اللجنة مقابلتهم ، مشيرا الي ان اللجنة تضم عددا من كبارالمحامين بينهم فاروق ابوعيسى ،علي محمود حسنين ، نبيل اديب،على قيلوب، كمال الجزولي،امين مكي مدني. غير أن نبيل اديب المحامي قال ان اللجنة تقدمت بطلب تصنيف للمتهمين لمعرفة نوع الاشتباه الذي احتجزوا على اساسه، وبيان الاتهامات الموجهة اليهم. وأكد اديب لـ«الصحافة» ان المحامين تقدموا بطلب التصنيف لكبر عدد المتهمين الموقفين على ذمة الاحداث ولاستقصاء الحالات العاجلة بشأن تقديم طلبات الاستئناف او الافراج بالضمان حسب التهمة الموجهة لكل متهم ، على حدا . من جهة ثانية ، عقدت لجنة تقصي الحقائق البرلمانية اجتماعا مطولا امس مع وزير الدفاع واركان حربه تجاوز الخمس ساعات في اطار سعي اللجنة للتقصي حول احداث أم درمان . وعلمت «الصحافة» ان نقاشا مستفيضا دار في الاجتماع حول الاجراءات التي تمت في احداث ام درمان مع وزير الدفاع الفريق عبد الرحيم محمد حسين ومساعديه، وان اللجنة وضعت خطة عمل مجدولة لمواصلة مجريات التحقيق في القضية خلال الايام المقبلة والالتقاء بكل المسؤولين وتسجيل زيارات ميدانية. .
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
وحول ماذكر في الصحف السودانية الصادرة اليوم الخامس من حزيران يونيو....فيما يتعلق باعترافات المعتقلين
والمعلومات التي وردت في صحيفة الصحافة السودانية اليوم.....ادلي موقوفون من حركة العدل والمساواة علي ذمة هجوم أم درمان، بمعلومات خلال التحقيق تؤكد تورط تشاد في دعم الهجوم بـ 127 سيارة ، بينما طلب محامو هيئة الدفاع من وزارة العدل السماح لهم بمقابلة المتهمين . ونقل المركز السوداني للخدمات الصحافية عن مصادر مطلعة - لم يسمها - ان أبرز قيادات «حركة العدل والمساواة» التي بقيت بمنطقة أم جرس بعد التحرك هي كل من عبد الله بندة، فنقو، بشير جنجويد، بخيت ديري، إبراهيم بلول، متر نور عشر ، مشيرة الي أن عملية التنسيق بين خليل إبراهيم والرئيس التشادي قام بها الضابط التشادي حسن حماد الذي أمدهم بكل أسلحة الهجوم . وذكرت المصادر ، ان تفاصيل التسليح تمثلت في إمداد الحركة بجانب السيارات اللاندكروزر بـ«6» راجمات، «13» مضادا للطائرات، «3» مدفع ثنائي، «2» مدفع رباعي ،«2» مدفع Zoo ، «11» مدفعاً 106، «5» مدافع S.PG9 ، ومجموعة من الدوشكات، وعدد من قاذفات الـ« RPG» ، بالإضافة إلى قطعة «كلاشنكوف» لجميع الأفراد المشاركين في الهجوم من الحركة .
قال خليل...
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
ود محجوب...اريته ينفع في ابصلعة بكري ابوبكر...البيفقد كل يوم في الاقلام الجيدة دون ان يدري او لعله يدري ...
المقابلة فعلا فقط حصريا هنا لسودانيزاونلاين....ولم يتم بثها في محفل اخر سجلت اليوم قبل ساعات معدودة ....ومادعاني للعودة اخي فقط لأهمية الموضوع والطرح...المشاركة المقبلة او الاوديو المقبل...خليل يعلن تغيير نهج الحركة الى نهج ثوري...بس خليكم معانا
كما بحوزتي مقابلات لعدد من القادة الميدانيين في دارفور، ولأعضاء في الحركة والحديث عن مايدور الان في الساحة السياسيةوايضا حول عدد ن المواضيع، الجزيرة لاادري لم احجمت في بث المقابلة عموما اهو هنا لكن في مواضيع مهمة جدا ماعارفة حالقى زمن ارسلها ولا لا... ياجماعة الله حارجع ليكم كلكم فردا فردا ...بس النفضى
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
الامين...ارد عليك بابتسامة من صورة ولدنا الحلو "ربنا يحفظه"
تعرف كل البوستات المليئة بالمعلومات المغلوطة ارهقت تصفح الأخوان..البوست ده نزل بعد المقابلة بنصف ساعة ولم يجدالاهتمام الكافي بالموضوع لانه بي بساطة الناس فترت من صحي خليل لا ماصحي ...هههههههههه
وهو المناسبة سبق لسودانيزاونلاين بالجد لانه ماعارفة الجزيرة ليه ترددت في طرح الشريط بحوزتها....
تصديقا لسري الذي لايحتاج الى بوستي لتصديق كلمته الشريفة ......
وياتراجي.....والله ما اتعرفت عليك راااااايقة في البوست ده ....انا من بكرة حامشي اطبق نظريتك "استيشوار وكدة" هههههههه بجيكم بالدور
وما لعودة خضر وال قدورة وجميع الموقوفين...
شكرا لاقتراح بعض الاخوة لرفع البوست في الصدارة.....لكن اقله الحمد لله مااتحذف حتى الآن.............
ومرحبا بجميع المقترحات او اي استفسارات...هنالك اجزاء اخرى للحوار ان اردتم انزلها يكم
وشكرا...لنا عودة
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
"عبدالعزيز عشر حراً طليقاً خبر اعتقاله فبركة امنية"
اخي ابراهيم سليمان....لايحتاج الأمر لأي شكر هو فقط محاولة لتكمليك المعلومات الصحيحة ووقف الإشاعات التي تشتت الجهود. اتمنى لكم جميعا التوفيق
لكن اخي عبدالعزيز عشر فعلا القي القبض عليه قبل ايام وهو حسب افاد مصدر تعرض للتعذيب تبذل الجهود الآن لتدخل الأمم المتحدة لمعاملته كأسير حرب هذه المعلومة لم تورد في حواري مع د. خليل بل مع جبريل خليل المستشار الاقتصادي للحركة ان اردتم الحوار صوتيا اورده. مع تقديري
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
يا جماعه رحمة بدوما
Quote: انا مشكلتي ما بسمع اي شئ يرفع في سيرفر بكري بس اطرش في الزفه |
والله يختي مهارت زي دي الا يجي يعملها لك ود جمعه نفسه العامل فيها عميان ولابد.
يا محمد حامد جمعه كدى بالله من طرف مهارتك الكمبيوتريه شوف لينا مشكلة دوما شنو؟؟؟وحلها ليها لو سمحت .
ويا دوما وحاتك خليل ابراهيم قال كلام سمح خلاص.... صحيح انه ما زول فصيح زي الشيوعين اخونا الا انه بالفاظه البسيطه قال كلام مهم.
قال نحن نوافق على رئيس جنوبي !! (و هذا عندي اقصد تراجي يعني مسيحي يعني فصل الدينا على الدولة!!)
ثاني قال نحن همنا النهضة و تحسين اوضاع اهلنا..مش همنا السلطة نحن عايزين لكل شعب السودان طرق وكباري ومدااس ومستشفيات وحياة افضل.
نحن قضيتنا ليس من يحكم السودان وانما قضيتنا كيف يحكم السودان!!(يعني الديمقراطيه)!!
بعد داك جاك للصادق المهدي وحاتك حمطته سيطان ما خلى ليه جنبه يتكي عليها؟؟
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
Quote: قال نحن نوافق على رئيس جنوبي !! (و هذا عندي اقصد تراجي يعني مسيحي يعني فصل الدينا على الدولة!!)
|
يا تراجي يا حبيبتي ماتحملي كلام الزول أكثر مما يقصد صحيح ممكن نفعم كده وانه أشار في مانفيستو الحركة ، على ذمة الجزيرة ، إلى فصل الدين عن الدولة
لكن هذا كله غير كاف فالمانفيستو ممكن يتغير عند أي تحول كبير زي مافعلت الحركة الشعبية
مؤقتآ كنت بتمنى لو ساقته الأخت حنين للبلد حتى يقدم نقدآ واضحآ وإعتذارآ مبينآ على مواقفه السابقة وتحديدآ إستصدار تصريح يتم توثيقه يؤكد فيه قبوله للدولة العلمانية وبنقبل منه ان يخففها ، ويقول الدولة المدنية القائمة على المواطنة
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
تعرف يا ابو ساندرا.......كلامك ده تطرقنا اليه ضمنياساعود واورد حديثته...لكن دعني اقل لك
اتعرف فعلا احسست صدق كلمة قالها ليس الموضوع خليل ابراهيم او حركة العدل والمساواة ....بل الموضوع انه الناس تبحث عن منقذ لها ايا كان....بإختلاف توجهاتهم السياسية...الا ترى معي ان حركةالعدل والمساواة "على الرغم من تحفظي على الهجوم الاخير ونقل الصراع من اهلنا المدنيين في دارفور الى اهلنا المدنيين في امدرمان اطراف لاذنب لها ليدفع بها في اتون المعركة"...لكن الاترى ان الحركة استطاعت ان تهز السودانيين .....يومين في امردمان....جعلت المواطن الامدرماني يعيش ولو يومين من جزء مما يعيشه اهلنا في امردمان.....كما قال اخونا ود سميرة .... اعدلوا في الحزن...
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
Quote: الحنين، سلام
نطالب بعودة خضر حسين خليل وآل قدورة؛ وكذلك نطالب صاحب المنبر بإعتذار واضح وصريح.. |
ود طيفور...سلامات.....
شكلكم كدة نويته على البوست ده يموت واحنا لسه ..في اوله...في اوله...
ماقلنا ليك...الحب طريق...قاسي وصعيب....ترم ترم ترم
كنا وافرينه للاخر لكن.....الله يباركك يا جنا...خلاص انت والنقابي العجوز وابوساندرا نويته على البوست
تسلم ايديكم...
نطالب بعودة خضر حسين خليل واولاد قدورة وكل كل الموقوفين بلا فرز......ونطالب بمنبر حر ..يابكري حر زي الحرية الانت وانا وكثيرين جدا بتمتعه بيها...يابكري منبرك ده شئت شئنا او لم نشأ اصبح قبلة للكثيرين وضم في صفحاته ومنبرة وبوستاته الكثير جدا من الأقلام الواعية المستنير...بكري العودة الى الحق فضيلة....واحقاقا للحق نريد منك ان تراجع مواقفك "امكن بعد اجازة السودان دي جيت اكثر محنة وتفاهما" كدي بينك وبين نفسك اقعد وحدد وورينا انحنا موقعنا وين....هل انت فقط تريدنا مصفقين مطبلين...هل نحن فقط كليكات...ام شخوص ومواقف ورموز واسرة وقفت معك كما وقفت معها.....
اطالب ..بعودة كل الموقوفين...وبإيقافي...
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
Quote: الاستاذة حنين ........ ما عرفنا لكين الزول دة قاعد وين ولميتى فيهو كيف ? |
بدر الدين اخوي ....خليها في سرك
لكن المضحك المبكي في ناس كدة لازالوا في المغالطات...ورافعين ليك بوست الجزيرة ذاعت والجزيرة ماذاعت وخليل قبضوا خليل فكوا...البوست ده مرفوع فوق...وختينا ليهم اللينك قدام وشهم....لكن تقول شنو...اخير النسكت...
الخالة دوما......يااخي ثقتك فيني دي غالية خلاص مسؤولية الله يقدرنا عليها....
اخي بدر الدين......استاذة دي ماقدرها احنا ...انحنا تلاميذ الوطن العزيز
ياجمااااااااااااااااااااااااااااااااااااااعة دايرين نتنفس دايرين على الاقل لو ماوطن منبر خالي من الديكتاتورية..خالي من العنصرية خالي من الجهوية..خالي من الطائفية....دايرين نكون انحنا..ياجماعة موضوع خليل قبضوا خليل فكا دي انسونا منها...خلونا مابعد ده...وحتى باقي المقابلات خليناها...بس ممكن السبق ده نوقفه شوية وناخد نفس.
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
الرد ده احتفالا بالألفي متصفح....بتذكر قبل مدة..كان من بين المواضيع المرفوعة في صدر البوست..كيف تعامل الزوجة زوجها...ولمة اولاد بحري ولاشنو....
تسجيل حصري حول موضوع اثير فيه الكثير من اللغط والجدل والمعلومات المغلوطة......ولازال البعض يتبادل الاتامات والتشكيكات حول هذا الموضوع ..والجزيرة جابت اللقاء والجزيرة خلت اللقاء...واللقا مع خليل ابراهيم هنا ده يومه الثاني ومحاولات متعمدة كي ينزلق البوست.....الى الاسفل
ومعا لعودة جميع الموقوفين يابكري ابوبكر....."بالمناسبة حمدالله على السلامه ولقيت ناس السودان كيف"
| |
|
|
|
|
|
|
Re: خضر حسين خليل، محمد جمعة،تراجي،سري، الجلابة والمهمشين..د. خليل ابراهيم في حوار قبل نصف ساعة (Re: حنين للبلد)
|
الرد ده احتفالا بالألفي متصفح....بتذكر قبل مدة..كان من بين المواضيع المرفوعة في صدر البوست..كيف تعامل الزوجة زوجها...ولمة اولاد بحري ولاشنو....
تسجيل حصري حول موضوع اثير فيه الكثير من اللغط والجدل والمعلومات المغلوطة......ولازال البعض يتبادل الاتامات والتشكيكات حول هذا الموضوع ..والجزيرة جابت اللقاء والجزيرة خلت اللقاء...واللقا مع خليل ابراهيم هنا ده يومه الثاني ومحاولات متعمدة كي ينزلق البوست.....الى الاسفل
ومعا لعودة جميع الموقوفين يابكري ابوبكر....."بالمناسبة حمدالله على السلامه ولقيت ناس السودان كيف"
| |
|
|
|
|
|
|
|