|
كلية الاعلام والعلاقات العامة تخصص صلاح ادريس
|
خريج كلية الاعلام والعلاقات العامة تخصص صلاح ادريس
الزميل الصحفي طلحه عبد الله
زول جميل في كلامه
زوق شديد جدا جدا
كل من عرفه يعلم انه زول الله طيبان لابعد حد
مشكلته الوحيده في الدنيا عداؤه السافر لصلاح ادريس رئيس نادي الهلال
في شنو ما عارفين لكن بكون رايح ليه حموده ولا علاء بصمه
ورافض يفك ليهم اولاده القالو الجداد دخلوه القفص
يشموها قدحه دي طالما الارباب قاعد
طلحه
وعدتك
يلا عرفتني
تاني ما تتكلم ي التلفون وانت ما عارف الشخص البتكلمو
هاهاهاهاهاهاها
هيهيهيهيهيهيهي
هوهوهوهوهوهوهوهو
الله يجازيك يا فيصل نوبي
عملتها في طلحه
|
|
|
|
|
|
|
|
Re: كلية الاعلام والعلاقات العامة تخصص صلاح ادريس (Re: abas)
|
قلت لي كيف يا عبس ...؟؟؟ أول حاجة منو القال ليك خريج كلية الإعلام والعلاقات العامة .. ؟؟ ثم : بجيك للباقي .. و: فيصل نوبي بتاع النكت الصهيونية كيف بلاي ..؟ والعزيز ادم موسي كويس ..؟؟ وانت ذاتك صحتك كيف باخ ..؟ وأمس جاني خبر اكيد أنو عمر بخيت موضوعو انتهي .
| |
|
|
|
|
|
|
Re: كلية الاعلام والعلاقات العامة تخصص صلاح ادريس (Re: abuguta)
|
الحبيب
ابوقوته
طبعا يوم الخميس عردنا بي صاحبك طلحه
اتصل عليه فيصل نوبي
واتكلمت معاه انا
كلام كتير خليتو قال هو اسي بتحرك من العين يجي ابوظبي
والكلام ده الساعه 11 مساءا
وطبعا اتفقنا انو ما يعرف مين بكلمو لحدي ما انزل البوست ده
لكن بيني بينك عرد دي معناها شنو
| |
|
|
|
|
|
|
Re: كلية الاعلام والعلاقات العامة تخصص صلاح ادريس (Re: abas)
|
والله انا لايهمني كورة ولا هلال ولامريخ ولا مصارعة حرة ولاعلاقات عامة قال تخصص صلاح ادريس قال !!!
عليك الله لو عندك تلفون او عنوان لصلاح ادريس تعمل خير وبركة في عمك ابوحراز ياخي عندي قطعة ليها 22 سنة ماقادر ابنيها وسمعت قبل كم يوم كده قالوا بنى بيت { كمال ترباس } قالوا ليك سيخ ماشي شمال واسمنت ماشي يمين والله انا بس عاوز صلاح ادريس يبني لي البيت وانا حالياً بشجع المريخ لكن لو بناهو ليك علي والله العظيم تاني طماطم حمراء ما آآآآآآآكلها !! الغريبة مرتين حلمت بيهو يجي لابس قميص مخطط بني ويصحيني من النوم اقوم القى عمك كبير مدة صلاحيتو منتهية مصحيني لصلاة الصبح ومرة حلمت بيهو عديل شايل كيس برضو لقيت ليك عمك قال لي قوم جونا جماعة من حلة { أم ضبيبينة } عندهم تبرع لبناء مسجد !!! قلت ليهو ياعمك كدي اول شيء نبني بيتنا بعدين بيوت الله مقدور عليها الوصية في الذمة ياعباس ان شاء الله زكاة ان شاء الله فائض من النادي المهم الواحد يشوف ليهو بيت ويتلم فيهو
| |
|
|
|
|
|
|
Re: كلية الاعلام والعلاقات العامة تخصص صلاح ادريس (Re: ابوحراز)
|
ابو حراز قريبي
انت يا زول ارضك دي وين
في المحله ديك غرب الترعه
ولا في الخرتوم
اكان في الخرتوم بنشوفو ليك التلفون ده هين
لكن بما انك مريخابي ما توريه لي طلحه حبيبنا
الوصية في الذمة ياعباس
يا اخوي انت وصيتي وختيتها لي في زمتي
انا الزول ده ولا بعرف تلفونو ولا بعرفو
غايتو ادعو ربك يجيك في السعوديه دي عديييييييل
ومتاكد لو لاقيتو سيم سيم ..............
بس قول ليه قصة الطماطم دي
| |
|
|
|
|
|
|
Re: كلية الاعلام والعلاقات العامة تخصص صلاح ادريس (Re: abas)
|
نوبي نكت صيهوينة قال متمسكنا:
برضو ما بحلك يا مواطن لازم تكررها كم مليون كدا مرة . وبي اعلي صوتك .. وبالمناسبة دي ممكن تستعين بالأرباب يشيل عنك آسف دي ومعاها شوية (الرووووووووب ).. آسف دي يخت منها كمية في جيبو الفوق عشان كل ما مر بالإتحاد العام يرمي ليهو واحدة بي فوق الهيطة ولما يجيء راجع برضو يجازف ليهو واحدة .. إنشالله يخلي ابو الشد لما يجي مارق ويرمي ليهو واحدة في طريقو ويقوم (معرد).. وبي كدا ممكن الجماعة يشيلوها يودوها لي شداد وليك علي نتوسط ليهو يعفي عنو ويخليهو .. أما (الروووووووووووب) دي فلازم توصي اربابكم دا يكتر منها شديد حكيم هو جنو يمشي سوق ليبيا وطبعا بجيء ماري ب(البيت الأحمر ).. أها كل ما جا بي هناك يقوم برضو يجازف ليهو فرقة قزاز واللا وسراميك ويزق ليهو واحدة (الرووووووب) .. عسي ولعل واحد من شفوت المريخ يشيلا يوديها للوالي الغالي يمكن يفكو من زنقة التسجيلات ومطالبا الكتيرة دي شوية .. علي شرط يبطل تحدياتو الهوا دي ..
اها قلت شنو يا حبيب ..؟؟؟؟؟؟؟؟ ممكن تشاور عبس برضو ..
| |
|
|
|
|
|
|
Re: كلية الاعلام والعلاقات العامة تخصص صلاح ادريس (Re: طلحة عبدالله)
|
طلوح انت بتقراء من الشمال لليمين لسه ؟ ياخ عبس ما إستعدلكـ و خلاكـ تفلت و ترغي و تزبد و تقول جاي من العين لأبوظبي قبل منتصف الليل بقليل !! ياخ هو قال ليكـ عديل Quote: كلية الاعلام والعلاقات العامة تخصص صلاح ادريس |
و مداخلتكـ الطويلة دي أثبتت ذلكـ تماماً يا بتاع العين
_ بالمناسبة دي أها المعنويات كيف هسي
| |
|
|
|
|
|
|
|