|
ود مدني ؟؟؟؟
|
تجري الأيام مسرعة، شهر ينقضي ويبدأ آخر، نشطب الأيام من أجندة العام لتصبح في قاموس الذكريات، يوماً تلو الآخر... حتى آخر يوم من الشهر، وهكذا تطوي السنة أيامها وأشهرها دون طعم أو لذة . ومدينتنا ود مدني التي تسكننا ونسكنها بعيدةٌ عنّا غائبةٌ عن العين وحاضرةٌ في القلب .
|
|
|
|
|
|
|
|
Re: ود مدني ؟؟؟؟ (Re: عصام الجيلي)
|
تعتبر مدينة ود مدني من اقدم اربع مدن في السودان ويرجع تاريخها الي نهاية النصف الأول من القرن السادس عشر الميلادي في عهد مملكة الفونج (السلطنة الزرقاء 1508 ـ 1820) التي بلغ فيها مؤسسها الشيخ محمد مدني السني عمراً الم فيه بعلوم الدين .. فقد سميت مدينة ودمدني منسوبة له وكان جده القاضى (دشين) الذي سمي بقاضي العدالة جاء سائحاً من منطقة الجزيرة العربية عن طريق مصر ووادي حلفا وقد ولاه الشيخ عجيب بأمر الملك (دكين) قاضياً علي اربجي وقد قال فيه الشيخ فرح ودتكتوك. وين دشين قاضي العدالة الما بميل للضلالة نسله نعم السلالة الا وقدوا نار الرسالة
| |
|
|
|
|
|
|
Re: ود مدني ؟؟؟؟ (Re: عصام الجيلي)
|
تقع مدينة ود مدني عاصمة ولاية الجزيرة بين خطى عرض وطول 14 ـ 19 درجة شمالاً و31،33 درجة شرقاً وتتميز بموقعها الجغرافي في وسط السودان حيث تقع علي الضفة اليسري من النيل الأزرق وعلي مسافة 186 كلم جنوب الخرطوم، وتعتبر منطقة التقاء طرق حيث تربط مابين الخرطوم وبقية ولايات السودان المختلفة وميناء السودان الأول ببورتسودان وطبيعة الأرض فيها ذات سطح مستو ذو انحدار هادىء من الجنوب الي الشمال وتبلغ المساحة الكلية لمدينة ودمدني حوالي 50 كلم مربعاً ويبلغ عدد السكان أكثر من 107 الف نسمة تقريباً.
| |
|
|
|
|
|
|
Re: ود مدني ؟؟؟؟ (Re: عصام الجيلي)
|
وما حال من سكنها والده ولكنه يحبها كامدرمان التي عاش فيها .....
مدني ... رحم الله الوالد فلقد كان يقول " مدني دي حاجة تانية" أو " مدني دي موضوع آخر "
عزيز أنت يا وطني برغم " قساوة " الفتن ...
يا ترى كيف حالها الآن ؟؟؟ كيف حال المزاد والمدنيين والدرجة ؟؟؟ كيف حال السني والسوق الكبير والسوق الصغير وحتى السوق الشعبي الجديد..... كيف حال شارع النيل والسينما ......آه من السينما وصلاح تكسي عمي ....
حقيقةأخي عصام تعبتنا في البلد الطيرو عجم ده ... هربت مني الكلمات .... وبقيتْ ..مدني ... وجميل الذكريات ...
سأعود........
اسامة ابراهيم أحمداني....
| |
|
|
|
|
|
|
Re: ود مدني ؟؟؟؟ (Re: noon)
|
مدني الجمال اول مشروع للقطن طويل التيلة في افريقيا والسرق الأوسط اول مشروع ثقافي وطني اول مشروع سياسي وطني توافقي اول مسروع للمسرح الجوال في القرى والسينما المتجولة اول مسرح شارع قرية بورتبيل اول فرقة موسيقية تتبنى الشكل الوركستررالي اول معرض للزهور والورود وطيور وعصافير الزينة 1903 اول مدارس للناشئين في كرة القدم اول تعاون للأسرة نسيج تفردها اول تلاحم لقومية السكان في مدني مدني الجمال التصوف الأدب الثقافة الرياضة الغناء المسرح الجمال مدتي
| |
|
|
|
|
|
|
Re: ود مدني ؟؟؟؟ (Re: محمد سنى دفع الله)
|
مرحب بيك ياودمدني
ودمدني هيئة البحوث الزراعية الري الحفريات ام بارونه جنائن كعكاي حديقةوقيع الله
ودمدني حي البان بانت ودازرق القسم الاول، دردق ،جزيرةالفيل،ا لسناهير، المزاد، شندي فوق، القبة، ودكنان،الدباغة، القلعة، ديم ازهري، النشيشيبه، مايو نص وطرف و40 ،المطار، الحي السودان، الزمالك، حي المكي، مارنجان عووضة، مرنجان السودان، بركات، اللقد المنيره ، أركويت، الواحه، حي الثورة، جبرونا،حي التلفزيون، البيان، الهواره، فريق سيكو.
مدني عشاء حاجة لندن امد الله في عمرها
استاذ ودمدني، السوق الصغير،السوق الكبير،سوق ام سويقو، السوق المركزي، الملجه، الدلاله، موقف المواصلات الداخلية، موقف الامجاد،
مدرسةودمدني السني، مدرسة ودمدني، مدرسة المؤتمر الجزيرةابوبكر، الليثي، الهواره، الامير، فريني ميدان الشهداء ميدان بانت ، ميدان الحريه،
واهم من دا كلوا شارع النيـــــــــــــــــــــــــــــــــــــــــــــــل
فيها قضينا الطفوله وبيع جلود الأضحي في الاعياد
والمراجيح في كبري وجيحا
ومراجيح المولد ايام دوري الروابط والناشئين والدورات المدرسية
يعطيك العافيه اخي وانشاء االله دائما البوست فوق
ابومصطفى
| |
|
|
|
|
|
|
Re: ود مدني ؟؟؟؟ (Re: محمد سنى دفع الله)
|
العزيز محمد السني دفع الله تحية بقامة الأساتذة
Quote: مدني الجمال اول مشروع للقطن طويل التيلة في افريقيا والشرق الأوسط اول مشروع ثقافي وطني اول مشروع سياسي وطني توافقي اول مسروع للمسرح الجوال في القرى والسينما المتجولة اول مسرح شارع قرية بورتبيل اول فرقة موسيقية تتبنى الشكل الوركستررالي اول معرض للزهور والورود وطيور وعصافير الزينة 1903 اول مدارس للناشئين في كرة القدم اول تعاون للأسرة نسيج تفردها اول تلاحم لقومية السكان في مدني مدني الجمال التصوف الأدب الثقافة الرياضة الغناء المسرح الجمال مدني |
وهي أول مدينة إنطلقت منها شرارة الإستقلال الأولي للسودان من نادي الخريجين بمدني
شكراً لك أستاذي للمعلومات الجميلة التي لا يعلمها الكثير ... ومعاً لنوثق لهذه المدينة ... ولمن أراد المساهمة في التوثيق من غير الأعضاء ... [email protected]
| |
|
|
|
|
|
|
Re: ود مدني ؟؟؟؟ (Re: ممدوح أبارو)
|
ممدوح أبارو .. شكراً للترحيب ... هذا بيتكم وانتم على الرحب والسعة .. وتسرني كلماتك وإحساك الصادق عن هذه المدني .. وفي إنتظارك لنستنير بأحرفك المشعه في رحاب مدني ..
| |
|
|
|
|
|
|
Re: ود مدني ؟؟؟؟ (Re: عصام الجيلي)
|
Quote: ،جزيرةالفيل،السناهير، المزاد، شندي فوق، القبة، ودكنان،الدباغة، |
Quote: حي وديتوه وين 114 والمزاد والدرجة وشندي فوق ؟؟؟ |
سقط حي 114 وذكرن الحفريات التي تعتبر 114 هي بيوت موظفي او عمال الحفريات تقريبا ولم تسقط شندي فوق والمزاد ولدي اصدقاء في هذا الحي بالذات والكتابة على حسب الذكريات الباقيه وهنالك مزيدا من الاحياء تذكرتها الان مثل الاندلس والصفاء وسقط حي الدرجة العريق وسقط سوق الدرجة ولم تسقط ذكريات ايامنا في تلك المنطقةبالذات وخاصة مدرسةالسنى واستاذ عبدالله قرفه وقدروه ويالها من ايام والرياض واسامي ظهرت في الساحة جديدة
ومزيدا من الذكريات
ابومصطفى
| |
|
|
|
|
|
|
Re: ود مدني ؟؟؟؟ (Re: عصام الجيلي)
|
شنو يا كيجا طوالي دخلتا حي البان وديت حي الثورة في النهاية دي حقارة منك ...
تتذكر زمان لمن كنتوا حي صغير بتصرفوا السكر من عندنا ....
مدني تمباك مكوار و عبد الحق فول كشك وابو ظريفة كوارع حاجة امنة اقشي الشايقي الاهلي والاتحاد عم عوض الله (الله يرحموا ) وفهمي البوشي ميدان بانت والدايات قبة السني و عصري شيخ قنديل ابو الحسن و الاشراف ودأزرق التاج طعمية الشانزليزية و أشرف محطة البوشي و مظلة خالدة ميدان الشعلة وحيدر قطامة(الله يرحموا ) اجزخانة عمران و قهوة ادروب
| |
|
|
|
|
|
|
Re: ود مدني ؟؟؟؟ (Re: osman abdala)
|
Quote: شنو يا كيجا طوالي دخلتا حي البان وديت حي الثورة في النهاية دي حقارة منك ...
تتذكر زمان لمن كنتوا حي صغير بتصرفوا السكر من عندنا ....
|
والله دا ماحكوا لينا
بس حكوا ليناكانت في حرب حجار بين حي الثورة وحي البان وعندنا واحد اسمو جمال التكيس (بتاع كارتيه) كان براه برجريكم لحدى الصورة والترابط بين اهل حي البان والثورة الان اصبح اسري اصلي انا بديت من اليمين ومشيت كدا ولقيت نفسي مباري الجهة الجنوبية لحدي حبيب الله وجيت بعد ذلك للجهة الشماليه والدليل حتى جبرونا والاندلس كتبتهم في الاخير
لك العتبى حتى ترضى اخي عثمان عبدالله بس ماعرفنا من اي ناصية في الثورة من جهة النيل ولا جهةزاوية شيخ يس القديمة ولا جهة حاجة (تارشوقه) ولا من الوسط وبلاي كان متصل من مدني سلم لي على اخونا عمر سكوجه وجميع اهل الثورة الطيبين
ابومصطفى
| |
|
|
|
|
|
|
Re: ود مدني ؟؟؟؟ (Re: keiga2000)
|
ود مدنـــــي ويسألني قلبي عنك فبماذا أجيبه يحدثني قلبي عن الأماني عن الأحلام عن الذكريات وما فات عن الدمع والآهات يسافر بي بين الماضي يحملني على أجنحة الشتات ... في سماء الحب وبين رمال الواحات
الأعزاء: عثمـان محمـد نــــــون كيجــا 2000 "أبو مصطفي" عثمان دغيـس عثمان عبد الله شكرا لكم ... وأدعو الله أن يوفقنا في هذا التوثيق لهذه المدينة المستحق تعظيمها.. لِكَمْ كنتُ سعيداً وأنا أقراء ردودكم الجميلة لا شك بأنها ممتعة وتحمل الكثير من الفائدة.. أبهجتموني.. وشرحتم قلبي .. وأرحتم عيني .. وساعدتموني ووفرتم وقتي شكراً لجهودكم.. ولكل من يساهم في إغناء هذا البوست ..
وعزيزةٌ أنتي يا مدني برغم قساوة الزمنِ ...
| |
|
|
|
|
|
|
Re: ود مدني ؟؟؟؟ (Re: عصام الجيلي)
|
إحترت في وصفك أنا وحارت معاي كل الحروف مرات بشوفك ضي أمل درّج خطاي رغم الظروف مرات بشوفكِ جارية نيل أمواجو عانقت الجروف والله يا قبلة غُناي.. إحترت كيفن أوصفك ...
قبة السني
| |
|
|
|
|
|
|
Re: ود مدني ؟؟؟؟ (Re: عصام الجيلي)
|
يا كيجا انتو في حي البان بتتعشوا عندنا في الثورة.....
وفي الكورة بتلعبوا في فريق الثورة....
يا كيجا ناس مدني تمام ولو بتعرف عمر سكوجة اكيد بتعرفني..
لانو نحنا جيران الحيطة بالحيطة...
وعمر دفعة بكري اخوي الاكبر مني ...
ونحنا مشهورين باسم أبوي أحمد العسكري
| |
|
|
|
|
|
|
Re: ود مدني ؟؟؟؟ (Re: Anwar Ahmed)
|
Quote: يا كيجا انتو في حي البان بتتعشوا عندنا في الثورة.....
وفي الكورة بتلعبوا في فريق الثورة....
يا كيجا ناس مدني تمام ولو بتعرف عمر سكوجة اكيد بتعرفني..
لانو نحنا جيران الحيطة بالحيطة...
وعمر دفعة بكري اخوي الاكبر مني ...
ونحنا مشهورين باسم أبوي أحمد العسكري |
العشاء دا معاك بنتعشى في الثورة
لكن الكوره دي نحن الثوره دي غير الخمسة والستة ماقاعدين نغلبها وأسال مجاهد طاشين وسفيان عباس وسكوجه والمعلم نزار وفانئلكم السوداء زي الحادين لسع بتذكره
اكيد ياحبيب حي البان والثورة وجهان لعمله واحده وممكن اقول ليك الثورة بيت بيت
انت اخو ناس بتــا ولا شنو
يمكنك الارسال في الخاص لمزيد من التعارف
مع تحياتي
ابومصطفى
| |
|
|
|
|
|
|
Re: ود مدني ؟؟؟؟ (Re: عصام الجيلي)
|
تحياتي والي مدني السلام
اشلاق البوليس
حي البطري والمطار
واللقد حيث يمتاز بحاجات كثيره
واركويت بمربعاتها الاربعه وحي مايو والسنيط والمصارعه
واه من مدني تتوسطها شجرة المعرفة اما حديقة وقيع الله لصاحبها محمد عزالدين القاص / الشاعر والمسرحي وبياع الثقافة
| |
|
|
|
|
|
|
Re: ود مدني ؟؟؟؟ (Re: Sabri Elshareef)
|
من مدني (الحنينة السكرة ) سلام
مدني زمان حاجة ومدني الان حاجة
نادي الجزيرة المتنفس الوحيد تمت صيانته بمليار او اثنين
واغلق دون وجهاء المدينة لامر في نفس واليها ... الله يهديه
الشباب يرتاد شارع النيل متنفسا ويغتال الفرحة فيه الزحمة
احياء جديدة تدخل عوالم الاحياء الراقية وتخرج اخري
ولما كنا في بلد بلا مقايسس لمستوي الخدمات والمواصفات
يبقي السماسرة هم من يحدد الدرجة الراقية
ولكم من مدني تحية حب للمدينة الحب
| |
|
|
|
|
|
|
Re: ود مدني ؟؟؟؟ (Re: sudania2000)
|
ناس مدني ســـــــــــلام سيد البوست وضيوفو الكرام
معليش الواحد مفروض يجي يسجل حضور يوماتي في البوست ده بس مشاغل الدنيا
في ياكيجا حي جديد اسمو مايو جنوب (ارض الحيوان) سمت بيه؟ بتنا سودانيه وليك من مدني كل الحب
| |
|
|
|
|
|
|
Re: ود مدني ؟؟؟؟ (Re: انس التوم احمد)
|
مركز شباب ودمدني حيث النشاط والرياضة
الملاكمة ( المرحوم خضوري) كمال الاجسام ( عمنا عيسى حسين) الكارتية ( دقنو) ومن الشباب شرف حسين - حبيب مصطفى السلسة( شباب القسم الاول )
| |
|
|
|
|
|
|
Re: ود مدني ؟؟؟؟ (Re: انس التوم احمد)
|
Quote: الملاكمة ( المرحوم خضوري) |
السلام عليكم ورحمة الله تعالى وبركاته الأخوة الأعزاء بمنتدى سودانيز اونلاين هذا المنتدى العملاق والشامخ شموخ أهل السودان عامة ومدينة ود مدني خاصة . أود أن أشكركم على هذه اللفتة الجميلة في حق مدينةودمدني ومبدعيها كماأود أن أوصل صوت شكر للاخ أنس وأوضح له نقطة عن الملاكم أحمد عبد الرحمن عوض الله والملقب بخدوري فالرحمة تجوز على الأحياء والأموات ولكن البطل خدوري حي يرزق رغم أنه قدأجريت له عملية للعيون وكتبت عنه صحيفة الخرطوم اذ قام اتحاد الملاكمة بالخرطوم برعايته واسرته حتى انتهاء العملية وطول فترة اقامته . ونسأل الله له دوام الصحة والعافية ولكل مبدع ورياضي في مدينة مدني
أخوكم محمد أحمد عبد الرحمن عوض الله (ابن البطل خدوري ) بواسطة الأخ العزيز ممدوح أبارو
| |
|
|
|
|
|
|
Re: ود مدني ؟؟؟؟ (Re: ممدوح أبارو)
|
كماأود أن أوصل صوت شكر للاخ أنس وأوضح له نقطة عن الملاكم أحمد عبد الرحمن عوض الله والملقب بخدوري فالرحمة تجوز على الأحياء والأموات ولكن البطل خدوري حي يرزق رغم أنه قدأجريت له عملية للعيون وكتبت عنه صحيفة الخرطوم اذ قام اتحاد الملاكمة بالخرطوم برعايته واسرته حتى انتهاء العملية وطول فترة اقامته . ونسأل الله له دوام الصحة والعافية ولكل مبدع ورياضي في مدينة مدني
أخوكم محمد أحمد عبد الرحمن عوض الله (ابن البطل خدوري ) بواسطة الأخ العزيز ممدوح أبارو الشكر اجزله الي الاخ ممدوح ابارو طبعا ياخي الفاضل انا خارج البلد مدة من الزمان وسمعته هذا الكلام الذي احزنني جداً جداً فالرجل عرفناه اب وصديق ورياضي بارع ورجائي ان تبلغ ابن البطل عن مدى سعادتي عند سماعي هذا الخبر وربنا يرجمنا جمعياً برحمته وان يمد لنا في عمر البطل امين يارب العالمين
| |
|
|
|
|
|
|
Re: ود مدني ؟؟؟؟ (Re: انس التوم احمد)
|
Quote: لشكر اجزله الي الاخ ممدوح ابارو طبعا ياخي الفاضل انا خارج البلد مدة من الزمان وسمعته هذا الكلام الذي احزنني جداً جداً فالرجل عرفناه اب وصديق ورياضي بارع ورجائي ان تبلغ ابن البطل عن مدى سعادتي عند سماعي هذا الخبر وربنا يرجمنا جمعياً برحمته وان يمد لنا في عمر البطل امين يارب العالمين |
الاخ انس فرصه سعيده والله أن التقيناك في رحاب ودمدني
تصادف وجود الخ محمد خدوري معي وهو زميل وصديق حميم فأصر أن يشكركم بنفسه وقد وعدني بمجموعة صور للبطل ومركز الشباب
| |
|
|
|
|
|
|
Re: ود مدني ؟؟؟؟ (Re: انس التوم احمد)
|
Quote: في ياكيجا حي جديد اسمو مايو جنوب (ارض الحيوان) سمت بيه؟
|
والله نحن ذكرنا الاحياء بالاساميها المعروفة ولسع فريق سيكو وفريق الحلبه وفريق البصيليه و.... دا عاوزه ليها خبراء عديل كدا
يلا نكت معانا للمعالم الوسط الاحياء
ابومصطفى
| |
|
|
|
|
|
|
Re: ود مدني ؟؟؟؟ (Re: keiga2000)
|
مدخل السوق الشعبي
طبعاً في سر غريب جداُ جداً الواحد يكون شايل هموم الغربة والسفر والرجعة بس لمن تصل وتلقى مرحبا بيكم في ودمدني تنسى الدنيا كلها
| |
|
|
|
|
|
|
Re: ود مدني ؟؟؟؟ (Re: انس التوم احمد)
|
خالص التحايا الزميل عصام الجيلي ياسيدي تشكر كتير على هذا البوست ، ساعمل جاهدا على الاستيطان به بقدر ما استطيع... والتحية لمدني ولشبابها وساكنيها وكل من مر بها.. وفعلا مدني اجمل خبر...
التحايا النواضر...
| |
|
|
|
|
|
|
Re: ود مدني ؟؟؟؟ (Re: عصام الجيلي)
|
مدني السبعينات --- العصر الذهبي لمدني -- سنترال وسندوشات اللسنانات --الزيزفون و الحليب بالمكنةمع البسبوسة--فول عمك ادم نادي الخريجين-- ليمون وحليب دكان حمزة في ود ازرق شارع جبرونا- دار الرياضة مدني وموسي الثعلب ومعه النوبه مشجعا فرق مدني في مبارياتهم ضد فرق الخرطوم --منافسات دوري الروابط نار في نار-- جيفارا والثوار في بانت -- التضامن وسانتوس الدرجة --الدفاع والطلائع والعاصفة المزاد -- الوحدة 114 - المناره الحلة الجديدة -النهضة التجارب الترسانة العشير والبيان -- فريق الصفوة النجوم ودازرق-- الاسماعيلي جزيرة الفيل - الحياد حي الاستباله-- جكسا الجنوبي هو يرتدي شعار الهلال ورقم 9 لجكسا راكب عجلته تجده في كل مكان في مدني-- ابناء مدني في تلك المرحلة يعرفون بعضهم البعض كان بينهم تواصل -- الشلة تضم شباب من الدباغة والعشير وبيان وبانت ودازرق والمزاد وشندي فوق و114 القسم الاول والثاني ودازرق حلة حسن مارنجان عووضة بركات جزيرة الفيل دردق-- يمكن الانسان ان يكتب مجلدات عن ام المدن مدني
| |
|
|
|
|
|
|
Re: ود مدني ؟؟؟؟ (Re: عصام الجيلي)
|
شوق للناس وطيبة الناس الصافية قلوبابدون وسواس والماخدة الطيبة وجوب واساس
________
مشتاق ليها شديد
لشوارعا .. وبيوتا
ومشتاق لودأزرق وشبابا وجامع شاطوط وشارع بيتنا
مشتاق لسينما امير والاطرش بتاع الطعمية وفول كشك وباسطة الشانزليزيه
ومشتاق لي شارع النيل وجامع الحكومة
الاوسط زاتو مشتاق ليو انشاالله يسجنوني فيو زاتو
_________
تحية وحب للجميع
| |
|
|
|
|
|
|
Re: ود مدني ؟؟؟؟ (Re: مازن الجمّال)
|
ود مدني .. هذه المدينة الفنانة والتي أنجبت الكثيرين من فطاحلة الإبداع في بلادي
أحببتها من خلال عشق أهلها لها ولم اراها حتى الأن للأسف !!
شكراً جميلاً عصام لالقاء المزيد من الضؤ على عظمة وشموخ هذه المدينة الفاضلة ..
| |
|
|
|
|
|
|
|