|
Re: ياناس في زول شاف لقاء غازي سليمان مع قناة النيل الأزرق حاجة عجيبة(وجه ضاحك) (Re: ALazhary2)
|
كيفك يا زعيم
إنت شكلك اتفرجت على الحلقة التالتة بتاعة الليلة..
أنا متابع الحلقات كلها... وقبلها سبدرات في حلقات جميلة خالص
الأستاذ غازي طبعا زول لذيذ خالص... تموت من الضحك..
الطاهر مقدم البرنامج قال ليهو في ناس عايزين يشيلوك من الحركة؟
قال بعد مراوغة واضحة...: آي في ناس عايزين يشيلوني..
الطاهر قال ليهو : ما بيقدروا يشيلوك..؟؟
رد غازي بطريقته العجيبة: آي في ناس دايرين يشيلوني من الحركة .. ولكن ما بيقدروا..
ثم (نقز) نقزة من جلسته.. وبنبرة عالية : على الطلاق ما بيقدروا يشيلوني..
ياخ أنا ضحكت كترة ضحك...
أجمل زول بيحلف طلاق غازي سليمان..
شخص سوداني أصيل..
في رمضان الماضي وعلى ذات شاشة النيل الأزرق ..سألته المذيعة .. أستاذ غازي إنت بتحلف طلاق كتير.. قال ليها أنا أمريكي؟؟ أنا جعلي من جبل أم علي.. علي الطلاق بتي أم النصر تحلف طلاق..
شكراً يا زعيم
| |
|
|
|
|
|
|
Re: ياناس في زول شاف لقاء غازي سليمان مع قناة النيل الأزرق حاجة عجيبة(وجه ضاحك) (Re: Mahmoud Mustafa Mahmoud)
|
الحبيب محمودمصطفى
تعرف زي ما قلت ليك أول مرة أشوف غازي في لقاء طويل .
والله يامحمود زول غريب فعلاً وومكن ينجح في التمثيل الكوميدي.
شفتا لمن قال عندو ماسورة محلوجة وطيور الخرطوم كلها بتجي تشرب منها
أنا كنتا بشرب لي في شاي وأتشرقت بالضحك .
الزول دا قبل مايبقى حركة شعبية كان شنو ؟ مع ياتو حزب؟
غايتو الناس الفارقهم غازي ديل بيكونوا كسروا وراهو قلة زي مابعملوا المصريين .
بعدين البرنامج زاته غريب والمذيع بيخش خشات بيعرفا هو براهو .
تحياتي وتقديري لك ولكل الأخوة الذين تداخلوا في هذا البوست .
| |
|
|
|
|
|
|
Re: ياناس في زول شاف لقاء غازي سليمان مع قناة النيل الأزرق حاجة عجيبة(وجه ضاحك) (Re: ALazhary2)
|
الجميع سلام
انا حضرت تقريباً الحلقة الأولى كلها ومقتطفات من بقية الحلقات
استاذ غازي ده
يمارس السياسه كما يمارس (((( السماسرة )))) مهنتهم
سمعتو في حلقه جابوها مسجلة يوم الثلاثاء بالمساء
يوم الأربعاء سمعتو في الإذاعة من المجلس (( اللاوطني )) يتكلم
ياخي ده فات الجماعه بي غادي وكلامو عن الهجوم كوم وعن علاقته بعبد الباسط سبدرات كوم تاني
المهم نجي لكلامو عن افادات حسن الجزولي في كتابه عنف البادية وعلاقة غازي بالشفيع وهاشم العطا .
تعرفوا لما المذيع قرأ ليهو مقطع من الكتاب غازي قال ليهو (( خلينا من كلام الانترنت ده ))
هذه رؤية( ازمة السودان القديم ) ودعاة السودان الجديد عن قادة السودان الجديد .
اكثر ما اقدر ان اقولو عن مولانا غازي انو خرررررررررررف
| |
|
|
|
|
|
|
|