|
Re: (((لا تحكم على الموقف من النظرة الأولى))) ((فيديو)) مضحك جداً جداً وفي ذات الوقت قيّم جداً (Re: haroon diyab)
|
عزيزي هارون دياب
أسعد الله أوقاتك بكل خير في دوحة آل ثاني الجميلة .
ياخي أنا مش قلت ليكم أول شي قدموا حسن الظن بعداك خشو على الفيديو
ياخي البت المسكينة الفي الطيارة دي الزرار بتاع البلوزة إتعلق في التربيزة القدامها وكمان هي المرة معذورة ودايرة تلحق الحمام يعني الزومة مزنوقة وكداً فقام حصل ليها الموقف البايخ دا
ولا تتوقع دي كلها حركات وتمثيلية منها ساكت
بالمناسبة قالوا في عام 2011م النتاج القومي في قطر حايكون إتضاعف (800) مرة أي والله تمنمية مرة .
أريتو حال السرور ياهارون دياب .
ياخي حاولوا شوفوا ليكم جنسية في قطر دي .
| |
|
|
|
|
|
|
Re: (((لا تحكم على الموقف من النظرة الأولى))) ((فيديو)) مضحك جداً جداً وفي ذات الوقت قيّم جداً (Re: ALazhary2)
|
ياعمك صباح الخير
Quote: نستعير عبارة تراجي :
غايتو جنس غايتو |
الحقوق محفوظة للاخ محمد عبد الماجد الصايم ولا لسلب الحقوق في زمن اصبحت فيه مقاضاة الاخرين سهلة حيث انك ومن امريكا شيكا بيكا بامكانك مقاضاة احدهم في كاب الجداد عبر الانترنيت وقد كان الناس قديما يتجهون الي القاضي في بغداد ليشكون احدهم في طشقند .... عليه فاني واصالة عن نفسي ونيابة عن ود الصايم فاني اطالبكم بالاعتذار فورا للاخ ود الصايم ورد حقوقه المتمثلة في ((( غايتو جنس غايتو ))) وبرضو .... غايتو جنس غايتو ياترجي والازهري
| |
|
|
|
|
|
|
Re: (((لا تحكم على الموقف من النظرة الأولى))) ((فيديو)) مضحك جداً جداً وفي ذات الوقت قيّم جداً (Re: haroon diyab)
|
هرون دياب
تشكرات ياعمنا على النصيحة دي ومن هنا من هذه المداخلة أقر وأعترف بأن (غايتو جنس غايتو) هي ملكية خاصة وحقوق نشرها محفوظة للأخ ود الصايم .
ياخي قالوا في أمريكا دي ممكن تشتكي زول تقول الكلب حقه عضاك يقوم الزول سيد الكلب يستاجر محامي شاطر والمحامي يطالب بانو يفحصو دمك للتأكد من خلوك من الامراض وكان لقو عندك باقي ملاريا ساكت منسية في خلايا الكبد واطاتك أصبحت وسيد الكلب يرفع عليك قضية يقول إنو دمك لوث دم كلبه العزيز وتبقى في اليحلك الحلا بلة
كلب والينا المعظم
عضني اليوم
و مات
فدعاني حارس الأمن لأُعدم
بعدما أثبت تقرير الوفاة
أن كلب السيد الوالي تسمم
تحياتي وتقديري أخي الكرم هارون .
| |
|
|
|
|
|
|
|