|
حليل الخميس وحليل دق عيشو
|
مثلما انتهي الثانوي العام وتواري وشطب من كشوفات التعليم السوداني في الطريق الان يوم الخميس بعد اجازة يوم السبت
وكلنا يعلم عظمة يوم الخميس وكان المثل الشهير خميسك لو تبيع قميصك
ففي يوم الخميس من يعبد وقد طال ليله وفيه من يعد للسهرة والسكرة ودق العيش المحمص
واجازة السبت اراحت الكثيرين من اعباء دق العيش يوم الخميس وتم استبداله بيوم الجمعة وانتهت اسطورة كيس الموز والبطيخة والتوجه للسوق الشعبي من العاشرة صباحا
ولكن بعضهم من حبتهم الطبيعة ببسطة ففي الجسم يدقون العيش يوم الخميس والجمعة والسبت (وسمحة العافية)
وعليه نوصي باعادة الخميس للبريقه
|
|
|
|
|
|
|
|
Re: حليل الخميس وحليل دق عيشو (Re: khaleel)
|
ياباشمهنس سلام
والله الواحد بس اشوف عنوان بوست يكون الكاتب - خليل قبل ما افتح البوست بشيع ضحك
يا خي ليك التحية
بمناسسبة دق العيش تحضرني طرفة زمان دقاق العيش بشيلوا مداقيقم و بلفوا على البلادات المهم في مناطق الزراعة المطرية المتاخمة لمشروع المناقل من الجنوب
لجماعتك لافين كل ما يمشوا على بلاد سيدا يقول ليهم الدقاقة جايانا هسع دا كان ما لقو الدقاقة شغالة
المهم الموسم داك أخد أسنة قاموا ليك على المداقيق كرج كرج ككرج كسروها وقالوا للدقاقة أها ما شين ندق الطوب دا بتعرفي دقيهو - عاملة تلاليشك ديل
محبيى
| |
|
|
|
|
|
|
Re: حليل الخميس وحليل دق عيشو (Re: المر)
|
الله علي الثانوي العام الحاجة تمام
فيه تتكون خطوط الكنتور عند النساء وتظهر التضاريس
ويغلظ صوت الرجل حتي تقول امه (حلاتو ولدي شنبو رامي دابو)
وفيه اول مرة نتكلم بالانجليزي
وراجع ليك يا يوم الخميس
| |
|
|
|
|
|
|
Re: حليل الخميس وحليل دق عيشو (Re: khaleel)
|
ياخليل ازيك والله يااخوى عينى باردة لكن لياقتك تجاوزت لياقة سارة عيسى بعد غزوة الموز هل نقدر نقول نلت رضا الحكومة ولا اصوات من افتقدوك لفترة قدرت تحيد حكومتكم
الخميس بالنسبة لى ماكان بيفرق كتير من ايام الله الاخرى لانى زى ماتعرف لم تستهوينى طقوسه وماشابه اما الخميس دلوقت فبيمثل لى بعبع لانه اصبح حق مكتسب للعيال لايقبل اى تفريط فحاليا فى هذه اللحظات التى اكتب فيها من مدينة الرياض لم ينقطع تلفونى من الرنين من اولادى الاتنين بيحذرونى من التاخير فى الرجوع لجدة التى يصعب الحصول فيها الحصول على حجز فى الويك اند غايتو بقينا نحن البنندق فى الخميس بدل العيش
| |
|
|
|
|
|
|
Re: حليل الخميس وحليل دق عيشو (Re: khaleel)
|
Quote: المهم الموسم داك أخد أسنة قاموا ليك على المداقيق كرج كرج ككرج كسروها وقالوا للدقاقة أها ما شين ندق الطوب دا بتعرفي دقيهو - عاملة تلاليشك ديل |
نور الدبن ياخى كلامك دكريات اقليمية
اكيد بتعرف ابو نعيلة
عبرك احى المناقل
خليل والله ياخميس
طيب الناس العاشو فى دول العام سام عندهم السبت يوم دق العيش
| |
|
|
|
|
|
|
|