|
|
|
 Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: معتصم محمد صالح)
|
Quote: معاذ جادي كيف ؟
لانو حس علمي انو تسابيح دي ما قاعدة في النيل الازرق ... |
معلوماتك قديمة
رجعوها تاني.
ولو ما مصدق شوف النيل الازرق الساعة 6,5م
سبق ان اجرت تباريح الهوى لقاء مع الصديق ابو النيز قبل دخوله القفص
بحسب اتصالاتي الهاتفية مع تباريح علمت انه سوف يبث في هذه الحلقة مقاطع من اللقاء السابق.
وعلمت منها حفظها الله ان اللقاء حلقة اليوم سموف تكون مميزة جدا.
تابع يا ابو نون وبطل لماضه.
| |
 
|
|
|
|
|
|
|
|
Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: شول اشوانق دينق)
|
Quote: استعدادات على قدم وساق..
اولاد نمرة اتنين يقدمون بيانا بقوائم الحضور وتواريخ الحفلات وخط سير الافراح...
بعض الصباياالجميلات فى خفر يغنين..(البفوت ريدتنا يمشى بكرة نفرح بى جديدو)..وناذر يقدل والاعلان صدر |
أممممك....
ناذر عايز يعرس تانى ??
ياخ ده يا دوبك عرس !!
لمو ليك فيهو جماعة فى بوست كده
طلعو ليك نو إكسبيرينس
يكون شالتو الهاشمية يا ربي !!??
------------------------
تحيات يا عكاشة...وإنت يا معاذ يا جالدونق
الناس القيافة ديل بجيبو خبرك. ! 
| |
|
|
|
|
|
|
|
|
|
Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: معاذ حسن)
|
معاذ ..
Quote: واوعك تجينا برضو بالقميص البرتقالي بتاع المرة الفاتت!!
|
القميص البرتغالي بقى موضة وإستايل ومشهور جدا في أسواق الخرطوم .. لو ما مصدقني لمن تجي الخرطوم أمشي أقرب محل بيع ملابس وقول ليهم داير قميص (النيل الازرق) ، طوالي حا يطلعوا ليك زي قميصي البرتقالي داك !!
وطبعا يرجع لي الفضل في الموضة والإستايل دا ..
صنفرة :
بس الليلة ما مشيت بيهو اللقاء ، عشان كان مكرفس 
| |
|
|
|
|
|
|
|
|
|
Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: mohamed osman bakry)
|
والله يا جماعة ناذر دا طلع كضاب كضب ..
..
..
لكن والله مشروع بتاع زول ( قداد ) لمن غلط ..!! ..
..
..
المذيعة زاتو حلوة كدا تبقى ليك عويرة عويرة كدا ..
هم بجيبوا التياب دي من وين ..!!
..
..
الظريف بعد ناذر طوالي جابو شعبان عبدالرحيم .. ( اغنية كدا عن المراتب والسراير ) .. !!
..
..
بعدين الدعاية بتاعت ( البرتكان ) .. وطبعا اكيد يعني دعاية ( سـوداني ) ..!!
..
..
سودن شبكتك وخليك سوداني ..
..
..
حركات نص الليل دي ما بتنفع معاي ..
..
..
رجعوا لناذر وقال المذيع البيييييييييض انت يا ناذر احلامك ما اتحققت .. وناذر ما قدر يرد عليهو ..
وحيمشي يدقوه في البيت دق العيش ..
تستاهل ..
..
..
هسع نازر داخل في نفسيات ( براية سنينة ) .. وقال في تنظيم ..
يعني ما بطلع ألا يكلم المدام .. وبزمن محدد ..
..
..
لا دي بالغت فيها والله يا نازر .. قلت ليك طبعت ليك اسم الدوا ..
شكلك حتخش الغابة ..
..
..
قال حذرا .. !!
..
..
نازر عشوائي ..
..
..
قال هو ما مرتاح .. وفي نزع اظافر ..
..
..
خشو في حتة الاحلام ودا كلام اكبر منكم ..
..
..
انا ماشي انوم .. وزاتو النيل الازرق دي ادوني ليها مجاني لمن مشيت اشترك في ART
..
..
| |
|
|
|
|
|
|
|
|
|
Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: معاذ حسن)
|
محمد عثمان ..
Quote: غايتو , ناذر ربط العقلانية بلون الحيطة و ماركة تلفزيونوم , ياربي المذيعة إقتنعت أنا غايتو شبهماب .
كان تحلق ياخ
لكن قميصك شطة. |
أساسا الشغلة لمن تكون (مربوطة) بي بعضها البعض .. إنت لازم تحاول (تربط) المواضيع الما (بتتربط) ، عشان لمن (تربط) (تتربط) صاح ، وإنت تكون مقتنع والشغلانة (رابطة) جو راسك ..!!
صنفرة :
بس في الحالة دي تبعد من القهوة عشان هي (حلالة المربوط)
| |
|
|
|
|
|
|
|
|
|
Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: معاذ حسن)
|
حميدة ..
Quote: لكن والله مشروع بتاع زول ( قداد ) لمن غلط ..!! ..
|
أي والله كنت زمان .. بس المشروع فشل ولله الحمد
Quote: المذيعة زاتو حلوة كدا تبقى ليك عويرة عويرة كدا ..
هم بجيبوا التياب دي من وين ..!! |
من سعد قشرة ..!
Quote: الظريف بعد ناذر طوالي جابو شعبان عبدالرحيم .. ( اغنية كدا عن المراتب والسراير ) .. !!
|
يا مان دا كلام شنو ؟!! وقصدك شنو ..!!!
Quote: بعدين الدعاية بتاعت ( البرتكان ) .. وطبعا اكيد يعني دعاية ( سـوداني ) ..!!
|
والموسم دا البرتكان كلو مستورد من مصر ..!! سوداني مافي إلا (أبو صرة) بتاع كردفان داك .
Quote: سودن شبكتك وخليك سوداني ..
|
أنا غايتو موبيتل دي ما بغيرا لو جا (بتاع البسطرمة) !!
Quote: حركات نص الليل دي ما بتنفع معاي ..
|
إنت الظاهر عليك حضرت الغعادة وما شفت اللقاء لايف !!
Quote: رجعوا لناذر وقال المذيع البيييييييييض انت يا ناذر احلامك ما اتحققت .. وناذر ما قدر يرد عليهو ..
وحيمشي يدقوه في البيت دق العيش ..تستاهل ..
|
هو دق نصاح !!! أريتو لو وصلت البيت ..!! التلفون مدور نهري وزجري من ما طلعت من القناة لحدي ما وصلت البيت !!
Quote: هسع نازر داخل في نفسيات ( براية سنينة ) .. وقال في تنظيم ..
يعني ما بطلع ألا يكلم المدام .. وبزمن محدد .. |
إنت ما مصدقني ولا شنو يا حميدة !!
بالجد أنا بقيت منظم شديد وبختار أصحابي على سنة الله ورسوله !!
يعني السهر بتاع زمان والبتاعات والحاجات ديك بطلتها ..!!
أي نعم ما بطلتها شديييييد يعني !!! لكن برضو أخير من الاول .!
Quote: لا دي بالغت فيها والله يا نازر .. قلت ليك طبعت ليك اسم الدوا ..
شكلك حتخش الغابة ..
|
أو طه بعشر ..!! وكلو ما بيفرق ..!
أمال شنباتي الطوال ديل لو ما بحذر بيها .. بعمل بيها شنو ؟!!
بإعتبار ما كان يا حميدة ... بإعتبار ما كان ..!!
مالك داير تجيب لي سمعة بالليل دا ؟!!
Quote: خشو في حتة الاحلام ودا كلام اكبر منكم ..
|
يعني الواحد ما يحلم معاكم ولا شنو يا حميدة ..!!
Quote: انا ماشي انوم .. وزاتو النيل الازرق دي ادوني ليها مجاني لمن مشيت اشترك في ART
|
وهنا برضو حا تشوفا مجاني .. سيك سيك معلق فيك يا مان
| |
|
|
|
|
|
|
|
|
|
Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: معاذ حسن)
|
كيفك يا فيصل ..
| Quote: لكن اوع تكون انت برضو ما عارف انو المذيعة دي ما تسابيح دي رشا الرشيد !!!!! |
أنا عارف لكن معاذ صاحب تسابيح وإتصل عليها بالتلفون وهي دقستو قالت ليو إنها حا تدير اللقاء معاي بالإضافة لي رشا ..
غايتو معاذ قدر يدقسكم عشان تشوفو النيل الازرق أمبارح ..
شنكل :
إنتو يا أخوانا حضرتو الحلقة عشان تشوفوا تسابيح ولا عشان تشوفوني أنا ؟!!
عشان أفرز !!!!
| |
|
|
|
|
|
|
|
|
 Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: معاذ حسن)
|
معاذ و ناذر و السادة الضيوف..
شفت الحلقة و أسمحوا لي أعلٌق شوية تعليقات..
1/ الحلقة كانت عن مدى إستمرارية اللون الوردي بعد الزواج..
و طالما الموضوع كدا..كان لزاماً على السادة مُعدٌي البرنامج إستضافة ناذر + زوجته..
و لا الزواج دا فيهو شريك واحد؟
2/ ناذر كما أعرفه في المنبر هنا..زول منظم في كتاباته و لا تخلو كتاباته من الفكاهة و الدعابة و الحس اللطيف...
للأسف لم تتوفر في المقابلة أيٍ من هذه المواصفات..
اللقاء كان فيهو كمية من اللخبطة و الرتابة و أكثر ناذر من إستعمال كلمات ك (( مثلاً )) و (( يعني )) بالإضافة لكمية من المصطلحات الإنجليزية...للأسف...فيها واحدة كمان في غير محلها!
3/ أعجبني جداً تقديره لحياته الزوجية و كمية التفاهم و التضحية المتبادلة فيها و إعترافه بأن حياته الآن أكثر تنظيماً . و عجبني جداً إهتمام زوجته بمواعيد دوائه...و عجبني أكتر إتلافها للكومبيوتر عشان ما يقعد فيهو كتير!!!
4/ المذيع و المذيعة...أفكارهم مرتبة و عندهم حضور قوي ..و عندهم ثقة كبيرة جداً في نفسهم و قدرة كبيرة على إدارة الحوار...لكنهم صغار في السن..
أُفضٌل للمواضيع الزي دي ...ناس عندهم الخبرة الحياتية عشان يقدروا يثروا النقاش بتجارب حقيقية.
5/ إنت بعد دا يا ناذر بقيت زول خبرة في المقابلات التلفزيونية..المرة الجاية خليك على طبيعتك ...و جيب معاك ست بيتك..و قولو الفي نفسكم بدون رتوش..أكيد اللقاء ح يكون أحلى.
6/ لابد لي من الإعتراف بإني لميٌت أولادي ..و سيد بيتي...و إتبوبرت ليهم بإنو الفي الشاشة دا.....
زميلي في الشُغل !!!
| |
|
|
|
|
|
|
|
|
|
Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: معاذ حسن)
|
السلام عليكم
...............
Quote: / لابد لي من الإعتراف بإني لميٌت أولادي ..و سيد بيتي...و إتبوبرت ليهم بإنو الفي الشاشة دا.....
زميلي في الشُغل !!! |
ولكن كنت منتظر أبو النيز يحشر لينا سودانيزأونلاين
عشان الواحد يعاين ليهم فوق تحت كده بما يعني (شوفتوا كيف)
ولكنوا خذلنا في الحتة دي
غايتو الحلقة عموماً كانت جميلة ( بالرغم من رتابتها كما قالت ممكونة لغير زملاء الشغل)
..........
تخريمة:
لابد من تسجيل صوت اعجاب بالمذيع محمد (مش اسمو كده يا ناذر وأظن انو دكتور برضو بس بيختلف تماماً من د. حمزة صاحب الكلام بالأشارة الكتير داك)
وهو لطيف في طريقة تقديمه بالأضافة لأفق واسع وذكاء ملحوظ
تخريمة 2
ممكونة ...ازيك
.............................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: ناذر الخليفة الساعة ستة ونص على النيل الأزرق مع تسابيح فيس تو فيس!! (Re: معاذ حسن)
|
الزوول كيفك ..
Quote: ولكن كنت منتظر أبو النيز يحشر لينا سودانيزأونلاين
عشان الواحد يعاين ليهم فوق تحت كده بما يعني (شوفتوا كيف)
ولكنوا خذلنا في الحتة دي
|
كنت داير أحشرا في اي حتة لكن خفت الجماعة يقولو دي دعاية مجانية وكدة ..
Quote: لابد من تسجيل صوت اعجاب بالمذيع محمد (مش اسمو كده يا ناذر وأظن انو دكتور برضو بس بيختلف تماماً من د. حمزة صاحب الكلام بالأشارة الكتير داك)
وهو لطيف في طريقة تقديمه بالأضافة لأفق واسع وذكاء ملحوظ |
اسمو أمجد والغريبة إنت اشدت بيهو وناس فوق هاجموهو ..!
| |
|
|
|
|
|
|
| |
معاذ حسن
معتصم محمد صالح
محمد عكاشة
شول اشوانق دينق
Abd Alla Elhabib
humida
baha eassa
ناذر محمد الخليفة
الطاهر ساتي
Sayed Bekab
محمد خليل ساني
mamkouna
محمد الطيب حسن
الزوول
شمهروش
ميسرة غاندي
فيس بوك
تويتر
انستقرام
يوتيوب
بنتيريست