|
|
 يسقط الريس أبو جهينة ...
|
الزميلات و الزملاء الأعزاء
جاءني الإيميل أدناه من الزميل / إدريس خليفة علم الهدى ( الملقب بود الناظر / أو وزير الري / أو شاعر الكرادة الأول ) و لكنه كان ممهوراً بتوقيعه الجديد : شاعر الكرادة الأول و هذا نص الرسالة :
***
الريس أبو جهينة
نعم
أقول فليسقط الريس أبو جهينة ..
لأنك يا ريس و برئاستك لبورداب الرياض ...
و بعلاقاتك الممتازة مع بكري أبو بكر
و بإتصالاتك الهاتفية معه
لم تستطع حتى الآن أن تعيد لي الباسوورد بتاعي
و بما أن شعراء الكرادة
و كل الموظفين التابعين لوزارة الري
ينتظرون على أحر من الجمر إعادة هذا الباسوورد المسحوب
فإنني سأخرج بمظاهرات متكررة إسفيرية حتى تعيد لي باسووردي ياخي
صدر تحت توقيعي بوزارة الري/ شاعر الكرادة الأول
شاهد أول : وزير الثروة الحيوانية ود نقد
شاهد ثاني : أبو التومات الكراد
شاهد إثبات : د. نجيب زيادة
صورة إلى : تمبس و معتصم دفع الله و عبد الله داش و صلاح شتات
|
|
 
|
|
|
|
|
|
|
|
Re: يسقط الريس أبو جهينة ... (Re: لؤى)
|
والله يا ريس ابو جهينة الليلة حوبتك جات .. ادريس زولن مو ساهل وعضو لجنة بوردية لازم بكري يفك اسرو
هس ليهو شهر في الحبس الانفرادي ...
ود الباوقة
| |
|
|
|
|
|
|
|
|
|
Re: يسقط الريس أبو جهينة ... (Re: ود الباوقة)
|
ود الباوقة
| Quote: الريس ابو جهينة نسيت اسالك الرسالة جاتك الساعة كم ؟؟؟ |
غايتو بتوقيت أم الحمام الرسالة فتحتها بعد المغرب.
لكن بتوقيت إدريس ما بعرف كانت الساعة عندو كم ..
في كل الأحوال هو بيكون رسلهاو لو سألتو متين حيقول ليك : أذكر واحدة
| |
|
|
|
|
|
|
|
|
|
Re: يسقط الريس أبو جهينة ... (Re: ابوبكر يوسف إبراهيم)
|
القامة السامقة د. أبوبكر يوسف
سلمت من كل شر
| Quote: آن لنا أن نستسلم حين ندعو بسقوط علم مثل جلال الدين .. ولكنها دعابة وعشم .. |
تماما .. دعابة و عشم
| Quote: أليس هناك وسيلة ليستعيد العضو كلمة السر دون عناء واجهاد مالم يكن موقوفاً؟!! .. مجرد سؤال!! |
إدريس موقوف ... و يعرف سبب إيقافه .. و لذلك يريد العودة للحوش ..
| |
|
|
|
|
|
|
|
|
|
Re: يسقط الريس أبو جهينة ... (Re: منزول محمد توفيق)
|
منزول
تحياتي يا عزيزي
Quote: كيف لإنسان خلوق مثلك أن تقال في حقه كلمة يسقط ولو على وجه الدعابة
يسقط السقوط نفسه حتى تتسع لك المساحة والمسافة لتكون مكانك وترتفع |
شكرا على مرورك و كلماتك... و لك كل الإعزاز
| |
|
|
|
|
|
|
|
|
|
Re: يسقط الريس أبو جهينة ... (Re: ابو جهينة)
|
يسمق عالياً الريس
الى اللائمين عل العباره فى الخطاب
( نحن نحبه ونحترمه ونمازحه بأكثر من كلام )
فهو يسع ما نقول ...
وزير الرى ...
زول ما ساهل وقريب من القلب ....
يا بكرى أجرى اللازم حيال المفصول الكراد ..
ونتعهد بأن ندفع لحامل هذا السند مبلغ ..
( ما يكرر الغلطه )
لكم إحترامى
| |
|
|
|
|
|
|
|
|
|
Re: يسقط الريس أبو جهينة ... (Re: عبدالله داش)
|
أخوى إدريس عارفك قدرها وقدود وانا أؤكد لك حتعود إنشاء الله وما تشيل هم !!
بس لكن أنا جلبق فى البحر مع الحيتان ونفسى طويل !!
وما بقول يسقط الريس ابو جهينة بس أطالبه بأن ينعدل الحال ومعاهو لقدام !!
الأب الذى فتح بوست يسال فيه ( عن إمتحانات القياس للشهادة العربية )
وله بورداب الرياض والذين كانوا من المفترض متابعة هذا البوست والمشاركة فيه
عارف ليه لأنو الناس بتعول عليهم في مثل هذه الاخفاقات والممارسات الهوجاء !!
قلت كلام وضحكت منو .. ياأخى هم بورداب الرياض فاضين لي من الحفلات والتصوير والفلاشات
والدعاية والاعلانات الموضة الجديدة... طبعا ده بعد ما أتششتتوا وبقوا يشوفو مصالحهم وين
ومع مين ( التمكين ) بعد أن صاروا شلليات الليلة ناس فلان داعيننا عشا وكده .. يا فلان جيب
الكمرة الديقيتال أنا حالبس القميص الرمادى وغنت البس بدلتك الكحلية !!
قال شنو .. قال بورداب الرياض قال ... 180 درجة عكس رسالة منبر سودانيز أونلاين وطن من لا
وطن له ومنبر من لا منبر له ولسان حال الانسان !! وآسفاى ويا حيف على الرجال ؟!
أتمنى أن تكون الرؤية واضحة والنقاش بهدوء موضوعى ومنطقى ومن دون مجاملة أو إنفعال !!
| |
|
|
|
|
|
|
|
|
|
Re: يسقط الريس أبو جهينة ... (Re: A.Razek Althalib)
|
Quote: ياأخى هم بورداب الرياض فاضين لي من الحفلات والتصوير والفلاشات
والدعاية والاعلانات الموضة الجديدة... طبعا ده بعد ما أتششتتوا وبقوا يشوفو مصالحهم وين
ومع مين ( التمكين ) بعد أن صاروا شلليات الليلة ناس فلان داعيننا عشا وكده .. يا فلان جيب
الكمرة الديقيتال أنا حالبس القميص الرمادى وغنت البس بدلتك الكحلية !!
|
والله يا هلباوي البلد دي لو كان فيها ( مراهنات ) .. كان الواحد راهن علي ( شتارتك ) دي ..
ما فات عليك يا حبوب .. ولم تدركه من ( ذكاء ) الريس .. انه أراد التطرق للموضوع بنوع من ( الدعابة ) ..
تطبيقا لقاعدة الفيفا الاولى .. ( اللعب النظيف ) ..
لكن شكلك انت لاعب في ( الدوري الارجنتيني ) .. واتمني يدوك ( الكرت الأحمر ) لانه تم انذارك قبل كدا كذا مرة ..
| |
|
|
|
|
|
|
|
|
|
Re: يسقط الريس أبو جهينة ... (Re: ادم الهلباوى)
|
هلباوي
سلام و تحية
| Quote: وما بقول يسقط الريس ابو جهينة بس أطالبه بأن ينعدل الحال ومعاهو لقدام !! |
شكرا على الدعوة بعدم السقوط
المطالبة بإنعدال الحال : طلبنا أكثر من مرة .. ياخوانا أدعوا لجمعية عمومية و ناقشوا كيف تريدون هذا الجسم ؟ و أعملوا إنتخابات بأي طريقة تريدونها ( إجماع سكوتي ولا عالي الصوت ولا تصويت مباشر ) بأي طريقة ... يمكن ينعدل ما تراه معوووووجاً.
دمتم
| |
|
|
|
|
|
|
|
|
|
Re: يسقط الريس أبو جهينة ... (Re: ابو جهينة)
|
يا ريس:
الإيميل ده لو جاك بالليل فالرجاء الإنتظار حتى النهار فكلام الليل يمحوه النهار ..
وإن كان قد أتاك نهاراً فإنتظر حتى يضلهم الليل فليل إدريس هو ليل الشعراء من أمثال قيس ..
| |
|
|
|
|
|
|
|
|
|
Re: يسقط الريس أبو جهينة ... (Re: عمر الفاروق)
|
أخى الكريم / Humida ... تحياتى وفائق إحترامى
هى ما دايره ليها ( مراهنات ) ولا ديره ليها ( شتارة )
قبلك وفى بوست آخر كان هنالك سؤال موضوعى ومهذب من أخونا تمبس بخصوص بورداب الرياض
بهذا المعنى وكان ردى بكل تهذيب هذا :
أخى المحترم جدا / تمبس .. تحياتى وفائق إحترامى
صدقت والله حاجة تقرف .. يا أخوى الحال يغنى عن السؤال ويبدو لي البوستات
الإنت ذكرتها دي بس الدخلت فيها لكن كده نقب ولسع تابع بقية البوستات
تتذكر يا تمبس لما دعى نائب السفير ( يسين ) بورداب الرياض على ما أظن
قبل سنتين وعلى ما أذكر كان هنالك إسماعيل وراق وحميدة وآخرين لماذا
كانت تلك الدعوة كانت للاستقطاب وكده عشان البورداب يكونوا لسان حال السفارة
وبث التوجهات لكن يبدو وقتها كان كل منايدرك دوره ويتفهم معانى وإنفضت السيرة
وذلك لا يعنى أن هدف السفارة إنتهى لابد من تسعى وتسعى ويبدو أخيرا وجدت ضالتها
فى بعض من بورداب الرياض أنا لم أتهم أحد لكن الصور الكتيرة المشتتة فى المنبر
تغنيك عن السؤال ولأنهم هم جزء من بورداب الرياض قطع شك بورداب الرياض حيصيبهم منو
رشاش هذاالذى أقصده دون تاويل وأيضا الأخ الريس ابو جهينة فتح بوست حولنا له وجهة
نظرنا بكل اريحية وموضوعية دون همز ولا لمز وأدخل فيه تفتكر أنا لما قلت الكلام ده
ما عارف ما هى ردود الأفعال !! والله عارف وكمان إلى أى مدى تصل لكن يا صحبى نحن نؤمن
بأن الذى يسكت عن الحق أو مجرد يدارى عليه شيطان اخرس .. وأنا طلبت من الريس أبو جهينة
أن ينعدل الحال لأننا كلنا أعضاء فى بورداب الرياض إن شاء الله يكون وضح ليك كلامى مع تحياتى
وفائق إحترامى وإنت برضك عزيز وغالى ... وإنت كمان برضك عزيز وغالى ....
السؤال الذى يطرح نفسه الكرت الأحمر منك أنت وله من الريس أبو جهينة وله من منو وعشان شنو ؟!
نفاد ...
| |
|
|
|
|
|
|
|
|
|
Re: يسقط الريس أبو جهينة ... (Re: ادم الهلباوى)
|
هلباوي
سلام من تاني
| Quote: لكن يبدو وقتها كان كل منايدرك دوره ويتفهم معانى |
إلى الآن و للأبد يدرك كل منا دوره و توجهاته
| Quote: ويبدو أخيرا وجدت ضالتها فى بعض من بورداب الرياض |
و الله يا هلباوي ... مافي زول في الرياض دي عندو مشكلة مع ناس السفارة إلا في المنبر دة ... و لكن في الواقع المعاش نجد الكل بيعانق و بيسلم و بيهظر و بيزور السفارة و ناس السفارة في بيوتهم
| |
|
|
|
|
|
|
|
|
 Re: يسقط الريس أبو جهينة ... (Re: عمر الفاروق)
|
| Quote: فليل إدريس هو ليل الشعراء من أمثال قيس .. |
وآآآآليلتاآآآآآآآه..
يا عمر الفاروق ود شيخ الدين "أرحمو عزيز قوم زل" دي إلا في الكتب ولا كيفن..
طالما الدنيا صباح..
فأكيد المسألة..
دفن ليل..
| |
|
|
|
|
|
|
|
|
|
Re: يسقط الريس أبو جهينة ... (Re: عمر الفاروق)
|
عمر الفاروق
سلام
Quote: الإيميل ده لو جاك بالليل فالرجاء الإنتظار حتى النهار فكلام الليل يمحوه النهار ..
وإن كان قد أتاك نهاراً فإنتظر حتى يضلهم الليل فليل إدريس هو ليل الشعراء من أمثال قيس .. |
برضو ما خالصين ... حق الليل ينمحي نهاراً .. و حق النهار لو رجينا بيهو الليل بيكون الشعر خيم في سماهو
| |
|
|
|
|
|
|
|
|
|
Re: يسقط الريس أبو جهينة ... (Re: ابو جهينة)
|
فى بوست تانى أخى العزيز / حميدة قال ما إنت برضك يا هلباوى
قاعد بتمشي السفارة كانما يريد أن يبرر ما اشرنا إليه لكن
حتى وصفنى بالكذاب وعشان انا ما كضاب نقول :
أخى الحبيب / حميدة أو Humida
سامحك الله بس أرجوك خلى نقاشك موضوعى وهادف بدون إندفاع
وأن قايل لك من قبل والله بحبك فى الله والوطن ولو بسطت كلتا
يديك لتقتلنى ما أنا بقاتلك وتبقى العلاقة طيبة نبراس .......
مشى السفارة ده ما بحوجك عشان تتعب نفسك أنا باكد لك ذلك أنا يا نآآآآآس
قاعد امشى على طول للسفارة هذا أولا مش انتو برضك بتقولوا عليها بيت السودان
الحاجة التانية أنا زى ما إنى عضو معاك فى بورداب الرياض وبكون معاك فى كثير
من المناسبات القومية هذا لا يمنع إذا شوفت حاجة ماأقتنعت بيها أسكت عليها عارف
ليه لأنو الساكت عن الحق شيطان أخرس وزى ما برضو بمشى السفارة وبزورها زى ما بزور
تجمعات بورداب الرياض ايضا لا أسكت على الأشياء التى لا أقتنع بها دون خوف ولا وجل
وحسبك البوستات التى فتحتها هنا ومقالاتى فى صفحة مقالات وتحليلات سودانيز أونلاين
وأيضا مقالاتى فى سودانايل ليس ذلك وحسب وحتى فى صفحة ملتقى المهجر التى كان يشرف
عليها الحبيب / إسماعيل وراق والتى كانت تصدر فى جريدة السودانى ونقد كثير لبعض
الأجراءات التعسفية سواء كان ذلك عن المغتربين أو تعليم ابنائهم أو عن مؤسسة جامعة
المغنربين للمساهمة أو ال 100 ريال أو الهيئة الطوعية التى تتحدث بإسم المغتربين
دون تفويض وايضا نسب القبول وأشياء كثيرة ( غلط ) ولعلمك غدا برضى ماشى السفارة
عارف يا حميدة قالوا الما بعرفك ما بعزك هل تعلم أنا المتواضع رئيس جمعية عد الفرسان
الخيرية المسجلة فى السفارة وهل تعلم أخوك المسكين ده نائب رئيس جعية روابط بنى هلبة
الخيرية بالرياض هذا خلاف موقعى بين من بين منظمات المجتمع المدنى بالرياض ليس ذلك وحسب
بل بين أهل السودان عامة فى الرياض وأهلى أبناء دارفور خاصة .. إذن السفارة يقصدها
الموالى والمعارض كلهم بمشوا السفارة وإنت ماشى لبعيد ليه ناس السودان لهم اليوم بتلاقوا
مع بعض المؤتمر الوطنى والحركة الشعبية وحركات دارفور وكل الحزاب إذن خليك فى الموضوع
الأساسى بدون إنفعال حتى ما تخلى الآخرين يقيموك يعنى 1+1 = 2 لأنها ما بتحتاج شدة ...
| |
|
|
|
|
|
|
|
|
|
Re: يسقط الريس أبو جهينة ... (Re: ابو جهينة)
|
Quote: المشكلة أصلع أريزونا في الخرطوم
|
عليك الله
كلموا لينا يجي لابس عمّة
ويشتري مليون طاقة؛ كنيبو بس ما دايرين؛ حاجات راقية
ويوزّعها على البورداب اللّي ما بيعرفوا يلفّوا العمّة؛
سمح يازول فوق
بي قروش؛ ما هو زول بتاع استثمار؛ ويجرّب يشوف؛ كان ما خلّى الحوش ظاتو وقبّل على تجارة العمم!
هو إدريس دا منو واللاّ أنا منو ؟ أنا زول جديد يا سيد الأدب والاحترام.
عشان أكلم أبان صلع؛ إنو ما في خروج
إلاّ يرضوا أبو جهينة دا
| |
|
|
|
|
|
|
|
|
 Re: يسقط الريس أبو جهينة ... (Re: ابو جهينة)
|
سعادة الريس أبو جهينة
رئيس رابطة وتجمع بورداب الرياض
السلام عليكم ورحمة الله وبركاته ،، ،
تحية عسكرية سيدي ، ،،
جيوشنا البواسل تتحرك نحو قلعتكم المحصنة ، نساندكم ضد أي عدوان داخلي كان أو خارجي ، نقف معكم في خندق واحد ، أرواحنا ودمائنا فداكم .
تحياتي سيدي
الفريق ركن
عماد الدين محمود علي
المفتش العام ووزير الطيران
والقائد العام لقوات شعب الامتداد المسلحة
تصويبة :
نأمل ونرجو ونتمنى العودة الفورية لوزير الري ( ود الناظر ) لأن جيوشنا تحتاج للمياه في كل معسكراتها وخنادقها .
| |
|
|
|
|
|
|
|
|
|
Re: يسقط الريس أبو جهينة ... (Re: ابو جهينة)
|
Quote: والله يا ريس ابو جهينة الليلة حوبتك جات .. ادريس زولن مو ساهل وعضو لجنة بوردية لازم بكري يفك اسرو
هس ليهو شهر في الحبس الانفرادي ...
ود الباوقة |
يا ريس....
نناشد ألأخ/بكرى أبوبكر..بأعادة الباسورد لهذا الرجل المهذب..وحتى تمر فترتك بنجاحات مكللة عيد لينا
الراجل ده وبسرعة..................
هى يا ود الباوقة فترة العقوبة كم شهر توقيف؟
أو كم مباراة؟
إسماعيل محمد احمد عباس....
| |
|
|
|
|
|
|
|
|
|
Re: يسقط الريس أبو جهينة ... (Re: ismeil abbas)
|
الأخ الحبيب / حميدة .. تحياتى
| Quote: لكن شكلك انت لاعب في ( الدوري الارجنتيني ) .. واتمني يدوك ( الكرت الأحمر ) لانه تم انذارك قبل كدا كذا مرة .. |
انت يمكن ما بتحب الكورة يا اخى فى حريف بدوه كرت أحمر وعشان شنو سب الحكم وله شنو!!
انا عارف بعضا من البورداب ما بحبو الضلمة زى فراش القاش بيحبو الأضواء والشهب !!
وهسع لو رجعنا للصور المشتتة فى البورد ده تلقاهم فى كل صورة هم هم !!
| |
|
|
|
|
|
|
|
|
|
Re: يسقط الريس أبو جهينة ... (Re: ابو جهينة)
|
هل يسقط بمعني يقع
والا بمعني يبقى صاقط زي التلج
في الحالتين هو الضايع
اذاوقع في العجلة
بتنبشر
واذا وقع في الحصان بنزلق
اما اذاكان السقوط بمعني البرودة
فكل مشاريب الكريستال ما حتنفع تجيب حرارت
عشلن كدة الريس يظل كماهو جلابي الدين
اما الوزير العجلاتي
حنشيل منه الصفارة
ويابكري خلاص
تاني ما حيصفر
| |
|
|
|
|
|
|
|
|
|
Re: يسقط الريس أبو جهينة ... (Re: د.محمد حسن)
|
لعودة وزير الري شاعر الكرادة الأول ..
سبحان الله يا معتصم .. الرجل ظل يكرك ويكرد ولم يكن يدري بانه مكرود . والمشكلة مكرود من الريس بكري يعني دي كردة في اى بي ....
بكري لم نعرفك كرادا ولا كاردا ارجو ان ترجع لدينا ود الناظر والله محتاجين ليهو .. مكانه شاغر بين اخوانه بورداب الرياض والرجل بدرجة وزير ووزارته اهم وزارة وهي ( الري ) الري المعلوم وليس الري بالتنقيط ..
اللهم فك اسره ...
ود الباوقة
| |
|
|
|
|
|
|
|
|
|
Re: يسقط الريس أبو جهينة ... (Re: Al-Shaygi)
|
Quote: الحكاية مادام فيها واسطات وكده يا ريس ما تشوف لينا طريقة لأخونا يحيا حسين القدال ده ما برضه من رعاياك وبوردابي رياضابي!!!
يا بكري ياخ.........يحى حسين القدال.................ليه...تكسر ليه قلمه...؟؟؟؟ |
حبيبنا الشايقي ..
والله ضحكتني ياخي .. جايي تتوسط لي زولك .. وماجاملتنا حتى في وزير الري .. كان تدخل ليك كلمة بس [ تقول نطالب بعودة وزير الري .. عشان تحلل طلبك ] ..
ذكرتني النكتـــه :
قالوا .. بلدياتنا جـه من البلد متأخر بالليل خالص .. المهم سلم علي قرايبه .. والجماعة طلعوا ليهو عنقريب ..عشان ينوم .. وبلدياتنا من الصباح على لحم بطنوا جعان جوع شديد .. لكين الجماعة ما إشتغلوا بيهو .. المهم .. بعد الناس ناموا دخل المطبخ يفتش ليهو حاجة ياكله ..
قرصـتو عقــرب .. قعد يكورك والناس صحو .. قال ليهم قرصتني عقرب ..
سيد البيد قال لي زوجته .. ولعي النار أعملي ليهو شاي تقيل ..
بلدياتنا قال ليهم : عليكم الله وكت ولعتوا النار ... ســـو لي شعـــريـــــة
تحياتي ،
الأرباب
| |
|
|
|
|
|
|
|
|
|
Re: يسقط الريس أبو جهينة ... (Re: ابو جهينة)
|
أخَذَ طُبْشُوراً وكَتَبَ :
" إنَّ سُقُوطَ أبي جُهَيْنَةَ يعني تَسَاقُطَ
أُمَمٍ عديدةٍ ومُفْرَداتٍ جَمَّة ... " ..
نُنَاشِدُ ونَتَمَنَّى لإدريسَ خليفة علم الهُدَى – الشَّاعِرُ
الفِطَحْلِ - عَوْدَةَ كلمةِ
مُرُورِهِ سالِمَةً يَتَزَيَّاها القصيدُ ،
لنُعانِقَ منْ خلالِها ومِنْ جديدٍ
ريفيَّتَنا المنْسيَّةَ خلفَ أضابيرِ
الحَدَاثةِ وتكنولوجيا
المعاني ....
أبو جهيْنَة :
تَحايا .. ناضِـرةٌ
وودٌّ مطيرْ ..
ولإدريسَ خليفة علم الهُدَى آلافُ
المعَزَّاتْ ...
احترامي ...
أخوك / محمَّد زين ...
| |
|
|
|
|
|
|
|
|
|
Re: يسقط الريس أبو جهينة ... (Re: علاء الدين حيموره)
|
الريس ابوجهينة
سلام
وزير الري يطالب بارجاع الباسورد وعاوز بعرف قرار ودور الريس في ارجاعة للمنبر وعلي ما اظن يكون الايميل دا بعد اجتماع مع اركان وزارتة نقد .
عايد عايد يادريس
هتاف من بلد الصمت
| Quote: و الله يا هلباوي ... مافي زول في الرياض دي عندو مشكلة مع ناس السفارة إلا في المنبر دة ... و لكن في الواقع المعاش نجد الكل بيعانق و بيسلم و بيهظر و بيزور السفارة و ناس السفارة في بيوتهم |
الاخوة الاعزاء
الريس ابوجهينة
حميدة
الارباب
الهلباوي
بدات هذة الايام ظاهرة الخلط بين بورداب الرياض تظهر علي المنبر وكان بورداب الرياض تنظيم لة ايدلوجية موحدة وتناسي الناس ان لكل من انتمائة السياسي الذي يدافع عنة ولة راية ككاتب بالمنبر بعيدا عن جسم بورداب الرياض وهذا حق مكفول لكل منا بحكم التراضي الذي جمع بيننا .
ثانيا :- اصبحت هنالك عبارات تغمز بعضنا البعض بالذهاب للسفارة او الصور او السلام علي ممثلي السفارة .
1- السفارة السودانية بالرياض نختلف معها في ادراتها تجاه رعاياها بعقليةحزب المؤتمر وليس بعقلية الدبلوماسية التي لا تميز بين مواطن واخر لانتمائة .
2 - هنالك قيم سودانية موروثة ننتهجها كسودانيين نتلقي ببعضنا البعض في الاحزان في المناسبات ونسلم علي بعضنانناقش بعضنا برغم اختلافنا .
3 - يجب ان لا نخلط بين علاقتنا الاجتماعية ومواقفنا السياسية التي نختلف فيها لاقصي حد ممكن .
4 - السفارة هي ملك للسودان والموظفين الذين يمثلونها ليس ملك لهم ولكل مواطن سوداني الحق في الذهاب للسفارة لقضاء معاملاتة دون خوف او تردد .
5- يجب ان لا نحاول افساد الترابط بيننا كبورداب الرياض بالتراشق بكلمات لا معني لها تزيد الجفوة نحترم بعضنا ونحترم اخلافتنا السياسية والاثنية .
لكم تحياتي
| |
|
|
|
|
|
|
|
|
|
Re: يسقط الريس أبو جهينة ... (Re: يوسف السماني يوسف)
|
Quote: عايد عايد يادريس
هتاف من بلد الصمت |
والله البورد بدون الفرده ابود الدرس خربان
والله يا ريس متنى من العطش بدون ري
| Quote: يجب ان لا نحاول افساد الترابط بيننا كبورداب الرياض بالتراشق بكلمات لا معني لها تزيد الجفوة نحترم بعضنا ونحترم اخلافتنا السياسية والاثنية . |
دي الزبده لمن يدرك
| |
|
|
|
|
|
|
|
|
|
Re: يسقط الريس أبو جهينة ... (Re: ابو جهينة)
|
Quote: حبيبنا الشايقي ..
والله ضحكتني ياخي .. جايي تتوسط لي زولك .. وماجاملتنا حتى في وزير الري .. كان تدخل ليك كلمة بس [ تقول نطالب بعودة وزير الري .. عشان تحلل طلبك ] ..
ذكرتني النكتـــه :
قالوا .. بلدياتنا جـه من البلد متأخر بالليل خالص .. المهم سلم علي قرايبه .. والجماعة طلعوا ليهو عنقريب ..عشان ينوم .. وبلدياتنا من الصباح على لحم بطنوا جعان جوع شديد .. لكين الجماعة ما إشتغلوا بيهو .. المهم .. بعد الناس ناموا دخل المطبخ يفتش ليهو حاجة ياكله ..
قرصـتو عقــرب .. قعد يكورك والناس صحو .. قال ليهم قرصتني عقرب ..
سيد البيد قال لي زوجته .. ولعي النار أعملي ليهو شاي تقيل ..
بلدياتنا قال ليهم : عليكم الله وكت ولعتوا النار ... ســـو لي شعـــريـــــة
تحياتي ،
الأرباب |
حبيبنا الأرباب
غايتو أنا مشيت دغري على المطبخ بس الحمد لله ما لاقتني عقربكم القاعد تقولها؟؟
أوعك يكون بلدياتكم ده الزول الأشترت منه قريبتنا الشايقية البصل؟؟؟
عاد والله دي ما بقدر أقولها ليك هنا بشمتوا فينا ناس لالا..
ونطالب بعودة وزير الري ووزير الثروة الحيوانية وكمان وزير حق لعب!!!!
وكل وزراء ريسنا الهمام أبوجهينة الجهجهاني!!!!
الشايقي
http://alkatwah.com
www.Alshaygi.dubaimlm.com
.
| |
|
|
|
|
|
|
|
|
 Re: يسقط الريس أبو جهينة ... (Re: Al-Shaygi)
|
1Quote: - السفارة السودانية بالرياض نختلف معها في ادراتها تجاه رعاياها بعقليةحزب المؤتمر وليس بعقلية الدبلوماسية التي لا تميز بين مواطن واخر لانتمائة .
2 - هنالك قيم سودانية موروثة ننتهجها كسودانيين نتلقي ببعضنا البعض في الاحزان في المناسبات ونسلم علي بعضنانناقش بعضنا برغم اختلافنا .
3 - يجب ان لا نخلط بين علاقتنا الاجتماعية ومواقفنا السياسية التي نختلف فيها لاقصي حد ممكن .
4 - السفارة هي ملك للسودان والموظفين الذين يمثلونها ليس ملك لهم ولكل مواطن سوداني الحق في الذهاب للسفارة لقضاء معاملاتة دون خوف او تردد .
5- يجب ان لا نحاول افساد الترابط بيننا كبورداب الرياض بالتراشق بكلمات لا معني لها تزيد الجفوة نحترم بعضنا ونحترم اخلافتنا السياسية والاثنية . |
( يؤتي الحكمة من يشآء ومن يؤت الحكمة فقد أوتي خيراً كثيراً )
عماد
| |
|
|
|
|
|
|
| |
ابو جهينة
GamarBoBa
لؤى
عبدالفتاح أبوشيمة
منزول محمد توفيق
ادم الهلباوى
محمد سنى دفع الله
A.Razek Althalib
humida
عمر الفاروق
معاذ حسن
معتصم دفع الله
Khalid Saeed
ismeil abbas
د.محمد حسن
Al-Shaygi
محمَّد زين الشفيع أحمد
علاء الدين حيموره
يوسف السماني يوسف
طارق عبد اللطيف نقد
فيس بوك
تويتر
انستقرام
يوتيوب
بنتيريست