|
سامي الحاج .. الحرية مقابل الحاويات !!
|
ما الذي يجعل الحكومة الامريكية تعجل باطلاق سراح سامي الحاج ؟؟ وفي هذا الوقت بالتحديد ؟؟ وهي التي لطالما قالت انها لو اطلقت سراح جميع من في غوانتناموا فلن تطلق سراح سامي الحاج !! وحتى مساء الخميس صرحت الحكومة الامريكية بان سامي الحاج ( عدو مقاتل) وان قرار احتجازه يستند الي استخبارات سرية، وان سامي كان يمكن ان يبقي في السجن حتي انتهاء اعمال العنف !! ونقف عند قول كومندان جيفري غوردون ان نقل سامي الحاج الى السودان تم اعتقادا على ان الحكومة السودانية قادرة على تقليص الخطر الذي يشكله سامي الحاج!! اذا سامي الحاج يشكل خطرا فى نظر امريكا ولكنها اطلقت سراحه ربما لاتفاق سرى بين الحكومة السودانية وامريكا، وتزامن اطلاق سراحه اطلاق حكومة البشير لشحنة حاويات امريكية كانت حكومة الخرطوم تحتجزها فى ميناء بورتسودان، وافرجت عنها قبل ايام قلائل، مما يؤكد فرضية الصفقة !! ثم ما الذى يجعل صلاح قوش مدير الامن والمخابرات فى طليعة مستقبلى سامي الحاج !!! وما الذى يجعل البشير نفسه فى استقبال وزيارة سامي الحاج !! ونسوا تماما الشخصين السودانيين المفرج عنهم مع سامي الحاج مع انهم معتقلون تماما كسامي الحاج !!ولهم ابناء وامهات وعشيرة واهل، ثم ما الذى يجعل احمد منصور من قناة الجزيرة يحضر للخرطوم لاستقبال سامي الحاج، لماذ هو وليس شخصا اخر .. وهو ابن مدينة المنصورة المصرية التى فرخت ايمن الظواهرى وفرخت منصور نفسه الذى تتهمه الحكومة الامريكية بعلاقته بالتيارات المتشددة !! الم يكفي مدير القناة وضاح خنفر؟؟ لماذ هذا المنصورى؟؟
|
|
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
سنهوري ........... معقول ؟؟؟؟؟؟؟؟ نفترض إنوا حكومتنا قايضت الحاويات بـ (سامي الحاج) نفترض كدا ...... طيب المشكلة وين ؟؟؟؟؟ .... وهل الإدارة الأمريكية كانت ماسكة (سامي الحاج) ست سنوات عشان حاويات ؟؟؟؟؟؟؟؟؟ وهل من الممكن أن تطلق الحكومة الامريكية (سامي الحاج) مقابل حاويات ؟؟؟؟؟؟؟؟؟؟؟ ...........إطلاق سراح سامي الحاج ملف تداخلت فيه عدة أجهزة (الخارجية / الأمن والإستخبارات/ الجهاز السياسي) وهو ــــــ شئنا أم أبينا ــــ إنتصار لتلك الأجهزة ..........(ولاشنو؟؟؟)
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
الاخ احمد موسي المشكلة في انو الحكومة السودانية ما وقفت مع سامي الحاج حبا فيه ولا رغبة منها في ان لا يبقي واحد سوداني حبيسا، حكومة البشير عايزة تنتهج سياسة المغرب والسعودية واليمن في تقليص عدد السودانيين فى غوانتناموا لانو وجود اى مواطن من اى دولة في غوانتناموا يعني ذلك نقطة اضافية سوداء في سجل الارهاب، والامريكان بيحسبوا لائحة الارهاب بالطريقة دى، عشان كدة السعودية والمغرب واليمن كل مرة بيجتهدوا لاطلاق سراح احد مواطنيهم، يعنى القصة دبلوماسية سودانية محاولة الخروج من لائحة الارهاب اولاً وتاني سمعة السودااااااااااااااان مع تحياتي سنهوري
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
Quote: وحتى مساء الخميس صرحت الحكومة الامريكية بان سامي الحاج ( عدو مقاتل) وان قرار احتجازه يستند الي استخبارات سرية، |
الأخ سنهورى،
ضـرب مصنع الشفـاء كان يستنـد الى إستخبارات سريـة أيضـاً، وأسلحة الدمار الشامل عند صـدام كانت تستنـد الى إستخبارات سريـة.. لا يمكن أن تثق فى إستخبارات أمريكا السـريـة أبداً.. ثم ما معنى إستخبارات سـريـة.. هـذا المفهوم يجب أن يحارب لو ترتب عليه هضم حقوق الإنسـان، مثل مفهـوم الأضرار التابعـة collaterl damage الذى يستخدمه الجيش الأمريكى دون جيوش العالم ليبرر به قتل المدنيين العزل والأطفال والنسـاء، أثناء الحروب. الحكومـة السـودانية خيرا فعلت لو أطلقت حاويات مقابل حريـة مواطنيهـا، تذكر ما تفعله أمريكـا لأجل إطلاق مواطنيهـا عند الإرهابيين!! وإسرائيل تفرج عن مئات من العرب مقابل الإفراج عن واحد من جنودهـا يحتجزه حزب الله أو حماس. بل من أجل الإفراج عن رفات أحد جنودهـا تطلق العشـرات من جنود أعدائهـا الأحياء!! كما لا يفوتنى أن أحيى قناة الجزيـرة وأشكرهـا لمسـاندة سامى الحاج، وحضور رؤسـائهـا الى الخرطوم لإستقباله والإطمئنـان عليه.
الإستخبارات الأمريكيـة يا سنهـورى، غبيـة غباء موبقـا.. فهى لم تتدرب على محاربـة الإرهـاب، لأن هـذا الأمر جديـد نسبيـا، عمره أقل من عشـر سنوات.. أقصـد الإرهاب بحجمه ومفهومه بعـد أحداث سبتمبـر.. واللخبطـة التى حصلت بعيد سبتمبـر هى التى ما زلت تتحكم فى أساليب جمع المعلومات.. وقـد خسرت أمريكـا كثيرا نتيجـة هـذه اللخبطـة. صـار كل من أراد أن (يحوش إرشين)، يعتمـد على خوف تلك الإستخبارات وتلهفهـا لأى شئ فيه كلمة إرهاب، فيقدم لهم التقارير المفبركـة، ويبيعهـا لهم بعدد الحروف!! مما يفتح المجال لتصفيـة حسابات شخصيـة.. فإن إستخبارات أمريكا بعـد سبتمبر لا تأخذ بالإحتمالات كما تقول don't take chances ويكفى أن تقول لها أن فلانـا إرهابى، فتتعامل معه على هـذا الأساس، وليرئ هـو نفسـه بعـد ذلك.
| |
|
|
|
|
|
|
Re: سامي الحاج .. الحرية مقابل الحاويات !! (Re: Abureesh)
|
Quote: ثم ما الذى يجعل احمد منصور من قناة الجزيرة يحضر للخرطوم لاستقبال سامي الحاج، |
احمد منصور مين يا عمك .. سلامة النظر .. دا وضاح خنفر .. مدير عام شبكة الجزيرة الاخبارية .. احمد منصور في نفس اليوم كان عنده برنامج مباشر من لندن .. الثورة والانفعال والتفتيف الكتير والصرعة كلها اسباب تدعوك للمضى في الكتابة عن احمد منصور .. وما عارف شنو المنصورة ضربت المريخ .. والظواهري مستلف مني قروش .. اخجلوا شوية .. زيارة اركان حكومة السودان لتدعيم موقفها في قضية يتعاطف معاها الجمهور .. الجميع قال مبروك لكل السودانيين اطلاق ابنهم سامي .. ألا بعض النفوس المريضة .. التي تريد ان تلفق معلومات مبهمة حول ما حدث ..
.. ..
شكرا لكل الشرفاء الذي ناضلوا لخروج سامي الحاج من محنته .. شكرا لقناة الجزيرة التي تأسس لعمل مهني محترم لا تستوعبه قلوب الحاقدين .. شكرا لسامي الحاج الذي يغيظكم اطلاق سراحه ..
.. ..
ما انتم ألا كما قال صديقي سهيل .. الثائرون بلا قضية .. والنائحات بلا عزاء ..
.. ..
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
معلومة عامة :
من الجزيرة صباح اليوم
" اعلن القائم بالاعمال الامريكية بالخرطوم صباح اليوم مايلي:
اطلاق سراح سامي الحاج هو لمجهودات الادارة القنصلية والحكومة السودانية وجهاز الامن والاستخبارات السوداني "
لم يشر البيان الي بقية المطلق سراحهم وهم ستة عدا سامي وهناك 4 قيل ان المحادثات جارية بين هذه الاطراف ومنهم القوصي الوحيد الذي تمت محاكمته وادانته...
11 من جملة 900 معتقل في غوانتانمو سودانيين وتم اطلاق حوالي 700 من اجناس اخري
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
Quote: الحكومـة السـودانية خيرا فعلت لو أطلقت حاويات مقابل حريـة مواطنيهـا، تذكر ما تفعله أمريكـا لأجل إطلاق مواطنيهـا عند الإرهابيين!! وإسرائيل تفرج عن مئات من العرب مقابل الإفراج عن واحد من جنودهـا يحتجزه حزب الله أو حماس. بل من أجل الإفراج عن رفات أحد جنودهـا تطلق العشـرات من جنود أعدائهـا الأحياء!! كما لا يفوتنى أن أحيى قناة الجزيـرة وأشكرهـا لمسـاندة سامى الحاج، وحضور رؤسـائهـا الى الخرطوم لإستقباله والإطمئنـان عليه.
|
الاخ ابوالريش قناة الجزيرة حتي العام 2005 كانت تنكر وجود سامي الحاج في غوانتاموا وحتى لم تتوسط لاطلاق سراحه الا بعد علو صوت المنظمات الانسانية والصحفية، فوجدت الجزيرة نفسها في موقف حرج، ثم انها استثمرت اسم سامي الحاج لاحقا واستغلته واستفادت منه، كما استتغلت الحكومة قضية سامي الحاج ايضا، واستغل مكتب قناة الجزيرة بالخرطوم قضية سامي الحاج واستغل الجميع باختصار اسم سامي الحاج حتي اتحاد الصحفيين بالسودان استغل الموضوع !!
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
Quote: انا ليس ضد اطلاق سراح سامي الحاج، فالحرية حق مكفول للجميع بلا استثناء، بغض النظر عن اتجاهات سامي الفكرية والعقائدية |
لا نشك في ذلك يا أخي الكريم Quote: انا ضد المتاجرة بالقضية. |
وها هي الحكومة قد بدأت المتاجرة بقضية سامي رغم أنها ولوقت قريب جداً لم تحرك ساكناً وكأن سامي الحاج ليس مواطناً سودانيا، حتى أن البعض شك أن سامي لن يعود للسودان بعد إطلاق سراحه إلا إذا كان ذلك طلب الحكومة الأمريكية. قناة الجزيرة كانت أكثر تفاعلاً مع قضية سامي وأكثر قرباً من عائلة سامي.
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
قناة الجزيرة يا اخي لن تتفاعل مع سامي الا بعد ثلاث سنوات من اعتقاله أعتقل سامي تقريبا فى 2002 حتي 2005 قناة الجزيرة لم تذكر شيئا عن سامي الحاج وعندما ذاع الخبر قالت انها كانت تعرف ولكن كانت تحاول اطلاق سراحه من غير ضجة اعلامية !!! ثم بدأت الضجة الاعلامية حينما عم الخبر كل القرى والحضر. فى الاول قالت القناة ان سامي الحاج يعمل متعاونا وليس من ضمن الكادر الرسمي للقناة ثم عدلت عن ذلك بعد 2005
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
كتبت هادية في بوست اخر:
صور تبوظ السمعة سبحان الله الصور فعلا معبرة وتعطيك انطباع سريع عن الشخص ذمان صورة سامى كانت بتديك انطباع بانه برئ ,وفتحه خشمو وشكل السنون فى الصورة مع البشير بتنفى تماما البرائة ياخ الزول دة بداء يفقد شعبيته من يوم ما تم اطلاق سراحة .
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
Quote: قناة الجزيرة يا اخي لن تتفاعل مع سامي الا بعد ثلاث سنوات من اعتقاله أعتقل سامي تقريبا فى 2002 حتي 2005 قناة الجزيرة لم تذكر شيئا عن سامي الحاج وعندما ذاع الخبر قالت انها كانت تعرف ولكن كانت تحاول اطلاق سراحه من غير ضجة اعلامية !!! ثم بدأت الضجة الاعلامية حينما عم الخبر كل القرى والحضر. فى الاول قالت القناة ان سامي الحاج يعمل متعاونا وليس من ضمن الكادر الرسمي للقناة ثم عدلت عن ذلك بعد 2005 |
و هذه هي الحقيقة الهوس الديني شي عجيب!!! لم تشتغل الجزيرة بسامي الا قريبا ومن اجل مصلحتها كان هم الجزيره حينها تيسير علوني وليس الا؟؟؟
لطفي
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
.. .
Quote: الجميع قال مبروك لكل السودانيين اطلاق ابنهم سامي .. ألا بعض النفوس المريضة .. التي تريد ان تلفق معلومات مبهمة حول ما حدث .. |
بس ورينا انت عايز تصل لشنو ؟؟ ولزوم مقارنة الصور شنو ؟؟ استنساخ ولا حاجة وكمان عايز تربط حضور منصور ابن المنصورة مع سامى وايمن الظاهرى ؟؟ مش البشير ولا قوش مفترض الشعب السودانى كله يستقبل سامى الحاج ؟؟ انت عملت شنو ؟؟ ودورك شنو فى قضية سامى الحاج ؟؟ 6 سنوات عانى فيهم الامرين ؟؟ وجاى تانى ترمى تهم جزافا وايحاءات باتفاق ومؤامرة ؟؟ ياخى ما نتفق .. ما سودانى .. وسجن ظلماً وانت تتبجح فى الانترنت وتاكل المطيبات ..
________________
قال حاويات قال .. والله انت العقلك صغير مش حميدة والله ما شفت اسواء من امثالك فى الشعب السودانى .. حقد وعدم حب الخير حتى للمظلومين من ابناء شعبهم
بنجيك من دقش الرحمن بس ابقي راكز ..
عالم ما تختشى ..
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
كلامك صاح الشعب كلوا مفترض يستقبل سامي الحاج، وفي مهرجان فى الايام الجاية دي شعبي كبير انا متاكد الناس كلها ح تجي فيه عشان تشوف سامي الحاج ، دى ما المشكلة .. المشكلة انو الحكومة بتتاجر بالموضوع دة .. واقول ليك سر: في اتفاق بين الحكومة والمخابرات الامريكية انو سامي الحاج ما ح يرجع قناة الجزيرة فى قطر، والحكومة ووافقت واقترحت ان يتم تعينه فورا فى قناة الشروق، وهو رفض وناس مكتب الجزيرة فى الخرطوم قالوا ممكن يصلوا لى حل انو يتم تعيينه فى مكتب القناة بالخرطوم وامريكا رافضة تماما اى علاقة له بقناة الجزيرة ودى من شروطهم لاطلق سراحوا .. القصة طلعت اكبر من حاويات
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
الأخ محمد ربما لمشكلة في فهمي أنا لم أفهم ماذا تريد قوله من خلال هذا البوست. هل هو إدانة للحكومة الأمريكية لزعمها أن سامي الحاج يشكل خطرا عليها ثم إطلافها لسراحه من بعد؟ أم هو إدانة لحكومة السودان لمقايضتها للحاويات مقابل إطلاق سامي؟ أم لقناة الجزيرة لخذلانها لسامي لفترة من الزمن؟ أم للمساجين لأنهم خرجوا من السجن و هم يشبهون أسامة بن لادن!!!!!؟؟؟ في كل الأحوال سامي سجن ظلما و لا نستطيع لومه لأن إطلاقه جاء في إطار صفقة.
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
المحترم Elawad ما اريد ان اقوله انو سامي الحاج ضحية للحكومة التى اهملته وكان يمكن ان تتدخل لاطلاق سراحه فى الايام الاولى لكنها لم تكن متاكدة من ان سامي يرتبط بالقاعدة ام لا !! وضحية قناة الجزيرة لانها جعلت منه سلعة تشترى وتباع !! وضحية الجماعات المتطرفة لان سامي مثبت انه تعامل معها او مع اشخاص منهم وحتى ان لم يكن عضو فى القاعدة نتمني لسامي ان يستقر مع اسرته وعمله مع تحياتي
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
.. .
Quote: الاخ Tabaldina ما تجيني تانى بالله عليك ولو جيت الرجاء عدم الاطالة فى المداخلة لانو والله اسه كلامك الفوف دة انا ما قريتوا.. .. |
فعلا انت ما بتقراء .. لانك ابو جهل يمشى على قدمين ..
وكمان تقول لى ما تجينى بالله عليك ؟؟ انت بتعرف الله ؟؟ يت محمد احمد يا متصوف ؟؟ خاف الله فى سامى الحاج ؟؟ وفى الظلم اللقاهو ؟؟ قول الحمدلله الربنا فك كربه احد المسلمين .. السودانين .. المظلومين
بعدين ما تقول لى الاخ انا لا اخوك لا بعرفك .. ولا صحبك .. فاهم بكره سااى لو حصلت لى مصيبة .. حتجى هنا تتبجح وتشمت اللهم يشمتنا فيك اليوم قبل بكره .. وخوة زى دى الواحد زاتو ما بتشرف بيها
نسال الله العلى القدير .. ان تمر عليك ازمة وضائقة مثلما مرت على سامى واسرته تعانى ويعانون .. وما تلقى لا بشير لا خفير يساعدك حتى تتوسد القبر ..
وبعد دا ورينا انت عايز تقول شنو ؟؟ سامى ارهابي ؟؟ اى ارهابي باس راس البشير ؟؟ اى باسو ؟؟ استقبل قوش ؟؟ ايوه اطلق سراحو مقابل صفقة حاويات ؟؟ تمام استقبلو قوش ؟؟ اتفقع ظهر عليهو الخشوع والورع ؟؟ الحمدلله بشبه بن لادن ؟؟ احسن من يشبه قبحك تانى شنو ؟؟
بعدين ( يا ابوجهل الحاويات دى فيها مفاعل نووى ولا حاجة ولا امريكاا محتاجة تجيب حاوياتها بورقة من البشير باطلاق الحاويات .. بالله فكر يا جهلول ..)
موت بغيظكـ
_______________
انا مش قلت ليك بجيك الصباح برواقة انا انا رايق ليك ؟؟ قول اسف ؟؟ واعتذر لسامى وابناءه وزوجته قبال كل شئ ..
| |
|
|
|
|
|
|
Re: سامي الحاج .. الحرية مقابل الحاويات !! (Re: بشير أحمد)
|
.. .
Quote: ينصر دينك ياخي بردت لي بطني |
اللهم انصر الاسلام والمسلمين فى مغارب الارض ومشارقها وازل الكفرة والمشركين .. والامريكان الظالمين ومعاهم سنهورى وكمال مبارك واحمدحنين
اللهم لا تشمت فينا اعداء .. اللهم ارحم موتانا اللهم انصر ضعفائنا واطلق سراح سجنائنا فى ابوغريب وغوانتنامو ..
قول امين يا أبوحمد ..
ويديك العافية .. ناس حملة سامى الحاج ديل خليهم لى الا اكرهم المنبر دا
____________________
قبيلة من الجهاليل
| |
|
|
|
|
|
|
Re: سامي الحاج .. الحرية مقابل الحاويات !! (Re: محمد احمد سنهورى)
|
.. .
Quote: غوانتناموا دى عرفناها، ابو غريب لزومو شنو كفاية الارهابيين الحايمين بى بره !! |
قصدك نفسك مش كدا ؟؟ انت فاكر التصوف فى نظر امريكا ما ارهاب احسن تشيل صورة الصوفى دى .. بالمناسبة هو دا منو ود صايم ديمه رحمه الله .. ولا لطشتها من مكان ساااى
غايتو دى ادانه ليك جاهزة .. يا ارهابي
_______________
انور يا صديقي شايف البوست بتاعك ملئ بكارهى الحكومة .. اخرجت كثيرين من جحورهم .. فئران يا الله
| |
|
|
|
|
|
|
|