|
لاول مرة .. هلالي من الصفوة ( هدية لهلالاب البورد )
|
Quote: يوسف حسين عضو هلالي استشاري عضو هلالي متميز لانريد أن نعمل مقارنة بين إسلوب وطريقة اللعب بين مدرب الهلال البرازيلي ريكاردو ومدرب المريخ الألماني كروجر لكن المقارنة ستكون محصورة في قرارات كل منهما نبدأ بمدرب المريخ حيث تتسم قراراته بروح الثقة والشجاعة حيث برهن على ذلك أكثر من مرة غاب سفاري عن بعض المباريات وهو سليم معافى وكذكلك غاب المحترف العراقي سعيد عطية وأمير دامر ، هل يستطيع ريكاردو مثلا أن يلعب بدون رتشارد وداريوكان إذا لم يكونا مصابين أو موقوفين ؟ المجنس سولي شريف أصابه الإحباط من تجاهل ريكاردو له رغم مهاراته وقدراته الفنية لأن ريكاردو يخشى على دفاع الهلال من غياب داريو كان حتى ولو الفريق الذي يواجهه أقل فنيا من الهلال ، في مباراة المريخ مع الموردة لم يتردد كروجر من الدفع بالشبل خميس مارتن في الطرف الشمال في غياب موسى الزومة كان بإمكانه إشراك بلة جابر في الطرف الشمال أو أي لاعب آخر صاحب خبرة لكن كروجر الشجاع أشرك مارتن لاعب السنية ...هل يستطيع ريكاردو القيام بمثل هذا العمل ؟ ... ريكاردو دفع بروي قلواك أمام زيسكو مجبرا لكن بمجرد ما عاد المعز ريكاردو قلب ظالمجن لروي لكنه حتما سيعود إليه إذا توقف المعز لأي سبب من الأسباب توقعنا أن يدفع ريكاردو بروي أمام أهلي مدني حتى يكون جاهز لأي طاري ولكن!! في غياب أحمد عادل إيفياني توقع الجميع مشاركة المهاجم الشاب مانديلا من البداية ريكادو كعادته مارس تردده وخوفه وفضل مشاركة اللاعب في الشوط الثاني شفتو الفرق بين كروجر الشجاع الذي يزرع في لاعبيه الثقة من الصغر عكس ريكادو الذي يزرع الخوف وعدم الثقة بالنفس ... مدرب المريخ بدون مقدمات أشرك مارتن في مباراة جزيرة الفيل بمدني أساسيا في وجود موسى الزومة شفتو ثقة أكثر من كده مدرب الهلال في إستاد الهلال يخاف أن يشرك صالح عبدالله وسولي شريف وزرياب |
اهااا قلت شنو يافاروق زمانك
من منتدى محبي الزعيم ..
|
|
|
|
|
|
|
|
Re: لاول مرة .. هلالي من الصفوة ( هدية لهلالاب البورد ) (Re: ود المايقوما)
|
تعرف يا ود المايقوما: يوسف حسين واحد من أفضل الناس الممكن يكتبو في الكورة وهو صديق عزيز في منتدى الهلال نكتب ونتبادل الأراء يكون محقاً في الكثير مما يكتب وله وجهة نظر شجاعة يتبناها بخصوص البدلاء ..اعيب عليه دوماً تحامله علي ريكادرو ويرى دوماً من ريكاردو الجزء الفارغ ولا يعطيه حقه في الإيجاب .. يوسف كاتب هلالي مكانه الصحف والإعلام فهو ذو نظرة ثاقبة وقلم واعي ..
| |
|
|
|
|
|
|
Re: لاول مرة .. هلالي من الصفوة ( هدية لهلالاب البورد ) (Re: ود المايقوما)
|
ود المايقوما ..
وينك ...بركة الشفناك .
الاهتمام بالبدلاء فقه لا يهتم به ريكاردو .......فشل الهلال في الوصول
للمباراة النهائية في البطوله الافريقية للاندية احد اسبابها عدم تجهيز
البدلاء .....اي فريق يسعي للبطولة لابد له من تجهيز البديل الذي لا يقل عن
مستوي اللاعب الاساسي ..فالمنافسة طويلة وشرسة ..
| |
|
|
|
|
|
|
Re: لاول مرة .. هلالي من الصفوة ( هدية لهلالاب البورد ) (Re: ود المايقوما)
|
Quote: الاهتمام بالبدلاء فقه لا يهتم به ريكاردو .......فشل الهلال في الوصول
للمباراة النهائية في البطوله الافريقية للاندية احد اسبابها عدم تجهيز
البدلاء .....اي فريق يسعي للبطولة لابد له من تجهيز البديل الذي لا يقل عن
مستوي اللاعب الاساسي ..فالمنافسة طويلة وشرسة .. |
اكيد كلامك بس مين يقنع الجماعة والسنة دي ان شاء الله بنغلب الجماعة ذهاب واياب بس انت قول ( يارب )
لك الف تحية
| |
|
|
|
|
|
|
Re: لاول مرة .. هلالي من الصفوة ( هدية لهلالاب البورد ) (Re: ود المايقوما)
|
طيب يا ود المايقوما انت شكلك عايز تتكلم بي منطق مش ؟ يلا تعال نقول ليك سيدكم مزمل رضي الله عنه كتب شنو لمن خسرتو من حي العرب.. أول كلمة إتقالت إنو المدرب حتى الان لم يصل للتشكيل الثابت ولا يزال يجرب في اللاعبين حتى يصل لتوليفة تائهة حتى الان وكيف يجلس فلان ويشرك فلان بدلا عنه .. تجريب البدلاء إشاعة أطلقها أعداء النجاح يا حبيب وتعال معاي انا متابع الدوري في العالم ده كللللو ولو عايز أمسك ليك فريق فريق وأقول ليك تشكيلتو الأساسية وكيف إنو البديل لا يكون في مستوى الأساسي وكيف لايعتمد المدرب على البدلاء إلا وقت الحوجة !!! اها أبدى ليك بي منو مانشستر ؟ يلا هاك التشكيلة فاندرسار حارس مرمى - فيردناند-فيدج - براون- ايفرا-- كارييك -سكولز-قيقز- رونالدو-روني-اندرسون التغيرات في الغالب بتكون تيفيس أو ناني وعند الحوجة للاعب دفاع يتم إقحام جون أوشي ليلعب في منطقة الدفاع أو منطقة الوسط ... اها دي كورة فريجسون في الموسم ده والموسم الفات ولي مواسم جاية كمان !!!!! عايز منو تاني برشلونة ؟ مش يا هو الحارس فيكتور فالديس - بيلعب جمبو ميليتو وبيوول وابيدال وفي النص اكسافي وانييستا وتلوتوري - وقدام هنري وايتو وميسي !!!! البدلاء نجح فيهم حتى الان اللاعب بوجان بينما كل البدلاء الاخرين لم يكونو في مستوى الأساسيين .. اها أمشي ليك إيطاليا ولا كده كفاك ؟؟؟ يا قريبي الهلال به البدلاء ولكن لا يعني وجود البدلاء حتمية تغييرهم ولو كنت فائزاً بالعشرة فسياسة التجريب هذه سياسة اولاد الحلة ولكن التجريب يتم بعمل مباريات ودية للفريق الرديف وهذا ما يقوم به ريكاردو !!! عليييك الله انا بسألك سؤال ولو جاوبتني عليهو انا حا أقتنع بيك (بس ما تخش النت) من هو الحارس الثاني لفريق برشلونة ؟؟؟؟ من هو الحارس الثانيلريال مدريد ؟؟ من هو بديل اللاعب كاك في ميلان ؟؟ من هو بديل اللاعب خافيير زانتي في الانتر ميلان ؟
| |
|
|
|
|
|
|
Re: لاول مرة .. هلالي من الصفوة ( هدية لهلالاب البورد ) (Re: ود المايقوما)
|
الفاروق الجميل ..
ده الحين انت داير تقارن جماعتك بالجماعة ديل ؟ ياخي راتب واحد من ديل في الشهر بساوي كل لعيبتك المسجلين في الكشف.. والناس ديل ماشين في الدنيا زي الساعة ( وقت الاكل وقت النوم وقت الهظار والتسلية وووو ) بالله ديل بياكلو شنو وناسنا بياكلو شنو وماتنسى ( الكمية )..
كاسياس قال .. بالله كده قارن لينا بين كلتشي وكريستيان رونالدو ؟؟ ولو ده صعب عليك قارن لينا بين فيرجسون وريكاردو (الجبان )( وبرضو بدون الرجوع للنت ) بس ماتجي تقول لي الاتنين عندهم رجلين ..
تحياتي ياجميل ..
| |
|
|
|
|
|
|
Re: لاول مرة .. هلالي من الصفوة ( هدية لهلالاب البورد ) (Re: ود المايقوما)
|
ود المايقوما مساء الخير
عووووووووووووووووووووك بركة الجيت..... بركة الجيت
وحاتك خانتك كانت فااااااااااااااااضية.... وناس الحلي ديل كانوا مفرتكين فهمنا.... اها كده بعد جيتك دي .... النقعد ليهم عديييييييييييييل خاصة الاسمو عمر بوب ده......قال شنو .....النتيجة كم .....؟ انت لسه شفت حاجة .... كل الود هارون دياب
| |
|
|
|
|
|
|
|