|
.. طارق جبريل ..
|
مرت ايام دون يتحكر طارق جبريل فى بيته الامتدادى بين اهله وناسه حاولت ان التقيه هناك فى بوست اى بت شديدة لكن دون جدوى بحثت مليا بين البوستات المتعاقبة صعودا وهبوطا لكننى لم اظفر بلقياء الانسان الجميل طارق جبريل لماذاالغياب ونحن دائما فى انتظارك طارق جبريل وينو ! عل المانع خير ياودجبرين
|
|
|
|
|
|
|
|
Re: .. طارق جبريل .. (Re: انعام حيمورة)
|
Quote: طارق جبريل وينو ! عل المانع خير ياودجبرين |
وأفتقد معكم ... هذا الطارق الصادق والأخ المبدع ... المبين.
ود جبرين ... أبقى مارق, عطشانين ليك ... يا واحد ... من نوار ... قليل.
شكرا ... تيتاوي ... وإنعام
مع مودتي
| |
|
|
|
|
|
|
Re: .. طارق جبريل .. (Re: عامر تيتاوى)
|
حبيبنا عموري سلامات يا الغالي
طبعاً انا اتوقعت ان البوست يكون عن شخصية حبيبنا دكتور طارق وما قام به من عمل كبييييييييييير وحّد به كل الجبهات الامتدادية بكل طوائفها وتوجهاتها. وطبعاً غيابات طارق بتترك فراغ كبييييييييييييير للغاية .. وانت دائماً سبّاق وياها المحريّة تفقد الناس.
طارق طبعاً كان عيّان شويييييييييييييية ما كتير كان قايم عليهو الم المعده (امراض الحبوبات) لكن الحمد لله الآن متعافي وجاي وجايب معاهو الغنائم .. مش بقول : (من غاب جلب الغنائم) .. بس اصبروا واتذكروا كلامي ده.
دمت يا حبيب
| |
|
|
|
|
|
|
Re: .. طارق جبريل .. (Re: عامر تيتاوى)
|
بارك الله فيك يا اخ عامر
يشهد الله انني افتقده مثلك .. و فكرت في انزال بوست كهذا..
الاخ طارق
قوم يا راجل يا عجوز نحن راجينك
كفرالله سيئاتك و ربنا يواليك بالعافيه
وليد دواش
| |
|
|
|
|
|
|
Re: .. طارق جبريل .. (Re: عامر تيتاوى)
|
Quote: كان قايم عليهو الم المعده (امراض الحبوبات) |
حمد لله علي السلامة يا طارق بعدين مرض الحبوبات دة ما بخوف حبتين سلفا وتروح. الحقيقة انا كنت خايف بكري يكون شال العدة اصلوا الايامات الفاتت دي كان فيها شيل عدة تقيل. حمد لله علي السلامة
| |
|
|
|
|
|
|
Re: .. طارق جبريل .. (Re: عامر تيتاوى)
|
مرت لحظات وكمان ساعات ولسه في غيابك منتظرين أنا الليلة ساحضر تمرين فريق الجالية عصر هذا السبت وبالطبع طارق صخرة دفاع فريقنا ، كان ماجاء ساعلن حالة طارئ وغدا صباحا ستجدون الخبر اليقين
| |
|
|
|
|
|
|
Re: .. طارق جبريل .. (Re: Salah Waspa)
|
ياجماعة والله انتو اولاد حلال ن أنا طارق جبريل ده مغرووض فيه
عديل ، ما كلام بتاع منبر وسودانيز وبتاع ، كلام بتاع واطة رسمي .
اها المغرب دي كيف يا ناس الجالية؟ جايين نزور ، بتفتحو الباب ، يامروكو ،يا قناوة .؟
طارق ، أظهر وبان عليك أرطال الأمان
| |
|
|
|
|
|
|
Re: .. طارق جبريل .. (Re: عامر تيتاوى)
|
أخانا عامر تيتاوى
لا تصدق كلام راشد جبرين الذي يروج لإشاعة مفادها أن
Quote: طارق كان بوعكة بسيطة |
الحقيقة أنه ـ كما يقول أهلنا المغاربة ـ "أصحّ من ظالم". كل ما هناك أنه يُصاب بين فترة وأخرى بنوبة من "الفسالة" لم ينفع معها علاج. امير عوض الجمري
Quote: طارق طبعاً كان عيّان شويييييييييييييية ما كتير كان قايم عليهو الم المعده (امراض الحبوبات) لكن الحمد لله الآن متعافي وجاي وجايب معاهو الغنائم .. مش بقول : (من غاب جلب الغنائم) .. بس اصبروا واتذكروا كلامي ده. |
(امراض الحبوبات) ولا (كلام الحبوبات) ؟ معليش ... ما قدرت أصبر
-------------------------------- سجن ... سجن، غرامة ... غرامة
| |
|
|
|
|
|
|
Re: .. طارق جبريل .. (Re: عامر تيتاوى)
|
سلامات ياالساكنيييين مساماتنا سلامات
كيفنكم ياناس المنتدى العام انا عضو جديد معاكم ومن طرف حلة طارق جبريل . ياطارق من يوم اشتركته فى المنتدى ماشفته مشاركاتك حرتو وله شنو . تحياتى لكل الاخوان والاخوات والف سلامة ياطارق لو موعوك او مورود بلغة اهلنا الشوايقا
| |
|
|
|
|
|
|
Re: .. طارق جبريل .. (Re: Sara Mahgoub)
|
عامر يا عزيز..
بنسأل معاك عن صديقنا الحبيب طارق..
إن شا الله بس ما يكون غاطس في العمارات ..
العزيزة سارة محجوب..
ألف مرحب بيك في المنبر.. ونوًرتي
| |
|
|
|
|
|
|
Re: .. طارق جبريل .. (Re: Raja)
|
منور بى ناسو يارجاء انا من مربع 9 فى الامتداد وماادراكم ما الامتداد ذالك الحى الرائع اصلاً وجزورا سكنته فيهو 26 سنة وبعرفو كلو من مربع 1 الى مربع 14 .
| |
|
|
|
|
|
|
Re: .. طارق جبريل .. (Re: طارق جبريل)
|
طارق صاحبي الجميل..
حمد لله عا السلامة..
هو بيقولو: غاطس في البطاطس ..
يعني الغطسة حلوة ..
سارة مرحب بيك تاني وتالت وحأجيكم في بوست الترحيب
عامر سيد البيت.. سلامات
ودي
| |
|
|
|
|
|
|
Re: .. طارق جبريل .. (Re: عامر تيتاوى)
|
الجميل تيتاوي كيفنك والله يا حبيبنا شوية آلام في المعدة ورتني النجوم بالنهار لا استغرب سؤالك كعادتك دائما جميل تتفقدالغائب وتسأل عن المريض
تيتا بنحبك يعلم الله
| |
|
|
|
|
|
|
Re: .. طارق جبريل .. (Re: طارق جبريل)
|
ألف سلامة ياريس تتعارك المصارين فالبطن واحده
نسأل الله لك العافية في الدنيا والآخره وتكون سعيد
دارين والدار من بعد خلاء والحي أظلم نوره ويشكي العمي
،،،،أبوقصى،،،،
| |
|
|
|
|
|
|
Re: .. طارق جبريل .. (Re: طارق جبريل)
|
الان فقط يمكن ان نتغنى عاد الحبيب المنتظر عودا حميدا مستطاب طارق جبريل يعلم الله اننا جميعا نحبك وندين لك بفضل هذه اللمة الجميلة التى كنت رائدها وفى حبك ياود جبرين لسنا وحدنافكثيرون يشاركونا هذا الاحساس النبيل لذلك اثرت ان نتقاسم هذا التداعى الجميل فى السؤال الملح ربنا يحفظك لريم ومحمد ولاسرتك الصغيرة والكبيرة تحية الحب والمودة لكل المتداخلين اللذين جاءوا للسؤال عن الحبيب طارق Quote: شوية آلام في المعدة ورتني النجوم بالنهار |
سلامتك ياخوى وخلى بالك من بسكويت بركة
| |
|
|
|
|
|
|
Re: .. طارق جبريل .. (Re: عامر تيتاوى)
|
يا تيتا في صقيع الرباط والزمهرير الانت عارفه داك مافي شي بيخليك تتوازن غير حبك للناس الهني ديل تفرح لي فرحهم وتزعل لي حزنهم تتقاسم معاهم البسمي والدمعي تشيل معاهم الهم وتنفرج اساريرك لي افراحهم الدنيي دي ماني داير منها شي غير كدي نعمة ورضا لاني حاريلي اموال لا غنائم قلوب الناس الهني ديل راس مال اغلي واكبر من كل شي
يا تيتا بحبكم يشهد الله
| |
|
|
|
|
|
|
Re: .. طارق جبريل .. (Re: عامر تيتاوى)
|
اخونا عامر
دائما ماانزلق فى منحنيات السؤال عن الاحباب ... امثال طارق ود عمى جبريل
اخونا الواد (الطلبه) طارق ... كما هو معروف عنه انه بيتمى لسلالة( شايق بن حميدان).... والسلاله دى معروف عنها مثل هذه الغتسات ......فلا تستغربوا......
سلامات الدكتور طارق وياراشد لك كل التحيه
| |
|
|
|
|
|
|
Re: .. طارق جبريل .. (Re: ناهد بشير الطيب)
|
ناهد كيفنك وتحياتى ليك واول مره اراسلك ويبقى بينا عربون موده اصلوا نحن الشوايقة حننان بالحيل ومامعروف عن الشوايقة انهم بغطسووينقطعو لكن بدو مساحه للاشواق ولو ماكنت من زى ديله وااأسفاى واا مأساتى واازلى تحياتى لكل الشوايقة الفى المنتدى
| |
|
|
|
|
|
|
Re: .. طارق جبريل .. (Re: ناهد بشير الطيب)
|
ناهد كيفنك وتحياتى ليك واول مره اراسلك ويبقى بينا عربون موده اصلوا نحن الشوايقة حننان بالحيل ومامعروف عن الشوايقة انهم بغطسواوينقطعوا لكن بدو مساحه للاشواق ولو ماكنت من زى ديله وااأسفاى واا مأساتى واازولى تحياتى لكل الشوايقة الفى المنتدى
| |
|
|
|
|
|
|
Re: .. طارق جبريل .. (Re: طارق جبريل)
|
حمد الله علي السلامة ياطارق جانا في صيحات غيابك وعدنا الان لنجد الشوق والريد تعطر المكان وعصام محمد نور وووهج الكاشف يملاء المكان موشحا بحضورك المفرح وحبابك في القطاطي والخجانين
| |
|
|
|
|
|
|
Re: .. طارق جبريل .. (Re: عامر تيتاوى)
|
د طارق حمد الله على السلامة
Quote: وحاتك غاتس في جحيم المعدة |
انا ما قايلة البرزتة خليتها اتاريك لسع الميز كيف قادي ولا نجي بهناك تحياتي للجميع
صفية
| |
|
|
|
|
|
|
Re: .. طارق جبريل .. (Re: طارق جبريل)
|
Quote: ود جبرين ... أبقى مارق, عطشانين ليك ... يا واحد ... من نوار ... قليل |
أنا اتأخرت، لكن أخير من أن لا آتى.ما تغيب كتير من الحكى الزى: أى بت شديدة........الخ، وتسلم يا أمير
| |
|
|
|
|
|
|
Re: .. طارق جبريل .. (Re: عامر تيتاوى)
|
سلام الاخ تيتاوي انشاء الله بخير
الاخ طارق
الف حمدلله علي السلامة
والف لا باس عليك اجر وعافية باذن الله
بطل غتساتك دي ولا عايز تعرف محبت الناس ليك
حمد لله علي السلامة مرة تانية
| |
|
|
|
|
|
|
Re: .. طارق جبريل .. (Re: نسرين جمال)
|
يا إبن خالتى
شفقتنا وقطعت قلبنا
شنو حكاية المعدة دى ورث دياب ول شنو؟
باقى أنا عذبتنى وشالت 11 سنة من عمرى لغاية ما لميت فى دكتور إسمو طارق عامر (الكمدة بالرمدة)
الله يبارك فيهو... ويخدر ضراعو
حمدلله على السلامة
| |
|
|
|
|
|
|
Re: .. طارق جبريل .. (Re: عامر تيتاوى)
|
Quote: يمين فريقي ما بفارقه حتى لو طلبتني البرصا كن بخير |
البرصا ..قال ياخوي ياطارق البرصا بتاعة اسبانيا بقت اخير منها فريق { البرصا } بتاع بلدنا في الشمالية [/ - اخير ليك تجي لي فريقنا الريالي B] المهم حمدالله على سلامتك وتعود - اسدا - كما كنت للميدان الأخصر
| |
|
|
|
|
|
|
Re: .. طارق جبريل .. (Re: omer abdelsalam)
|
فرحي الأكيد ... بعودة الزعيم المحبوب
لي كم مليون ياربي ...؟
{ بس أوعى تحصلا الأربعين عشان ما إتململ كيم إيل سونغ فى قبره }
عاد طارق بقلمه الإستثنائي وبحبر البلد ولكنة أهلها ومنطوقهم الحنين, بقلبهم الطيب وخلقهم الأمين.
قلت قصة عوض ... عليك الله كملا ... قبلما أموت, أها كده حننتك ول لا؟
ونسمع منك وعنك كللل الخير.
يا ود عبدالسلام ... إنت وين ياخ
فاقدنك ونسأل عنك الطير وصفق الشدر
... فأرحمنا من هذا الحب ... بإطلال مبين
على ناحية الصحافة ... فقد كوجناها تاريخا
ومرمي وإحساسا ... ودايرين بعد كده نعوس ,
حتى نحظي بالآبري ... فصحافتنا تصوم وتفطر
على وفاء أبنائها ... ونشوفك يا غالي.
مع مودتي
| |
|
|
|
|
|
|
Re: .. طارق جبريل .. (Re: عامر تيتاوى)
|
تعرف يا عامر الواحد بحب أولاد الإمتداد لي الله ، فيهم كم هائل من الأصالة وأظن البيئة لعبت دور كبير فهم أولاد نتاج حاجات كثيرة ، وطارق جبريل بتاعك ده واحد من الناس البدخلوا القلوب توش ،، بس أنا زعلان منو رغم عن إنه فردة كرة طائرة مغمور بس نحن ناس الإمتداد بنحترمهم عشان حيدر طيفور وعابدين و عندنا أحسن من ناس حداده ،
سبب الزعل أخوك دكتور طارق لخصنا نحن ناس مدني في سيد سليم ، وده ما صاح منو أهو إنته بتحييه بعصام محمد نور وهو مركب مكنة الكاشف ،
وفوق ده كلو قام أصبح عضو في منتدى مدني ودور أي بت شديده بي هناك ، وأنا خايف حبو لي مدني المستتر إخليوه إكملها مع ناس مدني ..
حبي الأكيد للمبدع طارق والحبيب إلى القلب عصام علي ولكم عامر تيتاوي .
| |
|
|
|
|
|
|
Re: .. طارق جبريل .. (Re: عصام الدين حسين حسن)
|
العزيز عصام الدين التحايا الكبرى اقوليك حاجة مدني دي عندي فيها ذكريات بحكم النيل وطعمه وحبي ليها نابع من ارتباط وجداني شديد الوهج بعدين ياخي سيد سليم واحد من رموز كثيرة انجبتها مدني وما تنسى انه انا مريخابي للنخاع وعامر دة ازرق من السماء بعدين يا عزيزي والله البت الشديدة دي حيرتني معاها انا بكتب من الذاكرة مباشرة لاحداث انا عايشتها لا بجهز ليها لا حاجة لمن يكون المزاج رايق ببدأ اكتب وان شاء الله بنتمها
يا زول اقوليك حاجة محبتي الاكيدة ياخ
| |
|
|
|
|
|
|
Re: .. طارق جبريل .. (Re: عامر تيتاوى)
|
تعرف يا ود جبرين كما يحلو للقريبين منك ، كلامك وصل حتى هاجت مياه العيون ،، فأنت صادق
وذاكرتك بحجم من يمتنهنون الكتابة ،، يا روائي الصدق والفطرة ، ياخي بنحبك ولا على كيفنا ،،
وكمان ود ود تيتا
| |
|
|
|
|
|
|
Re: .. طارق جبريل .. (Re: عصام الدين حسين حسن)
|
العزيز عصام الدين التحايا الكبرى اثقلت علي يا سيدي انا لست روائيا ولا كاتبا ممكن تقول حكاي او عندي ذاكرة كويسة لكن قصة كاتب وروائي دي كتيرة علي احاول انقل بعضا من ما عشته في منطقة احببتها بعمق تعرف انا بكتب بدافع الحنن لا اكثر ولا اقل احاول ان امد الجسور مع عوالم تعني لي الكثير كانت فردوسا على ايامنا رغم الفقر وضيق اليد
لك من اعماق الذات كل التكوين
| |
|
|
|
|
|
|
|