|
Re: تحذير لناس التعداد (Re: Shihab Hamadnala)
|
Quote: حتى صباح اليوم لم تمر بى فرق التعداد و بالتالى لم أقيد فى سجل السودانيين البالغين العاقلين عليه الرجاء اعتبار هذه المخاطبة بمثابة انذار أخير لسرعة التحرك و ( عدى) حتى اتأكد انو حتعملوا حسابى انا و اسرتى فى الخطط التنموية المستقبلية.
سأمد حبال الصبر حتى آخر يوم فى التعداد و اذا لم يتم عدى ---- عندى قطعة أرض فى الازهرى سأعلن من داخلها الانفصال و أعمل تعداد خاص لى و لاسرتى الكريمة.
اللهم قد بلغت و خليكم شاهدين |
يا اخي كويس انتو وعدوكم بالعد و قالوا بيجوا وما جوا
ديل اعتبروا ناس برا ما سودانيين يعني كل الكضب عن التنمية و الخدمات ما حيشملنا لو رجعنا.
ما في طريقك غير..... انت من الداخل و نحنا نهاجم من الخارج.
| |
|
|
|
|
|
|
Re: تحذير لناس التعداد (Re: Shihab Hamadnala)
|
نحن مشينا عزاء فى الجزيرة والجيران كلمو العدادين قالوليهم الناس ديل عندهم عزاء............ تتخيل ولا عداد حتى ضرب لينا تلفون ساكت يعزينا ........... اها .. الماجانا فى فاتحتناما بنديهو عددنا.............
| |
|
|
|
|
|
|
Re: تحذير لناس التعداد (Re: Shihab Hamadnala)
|
للتأكيد على صدق ما أذهب اليه سأورد العديد من الامثلة لاقناعكم بضرورة انتهاز فرصة (التعداد بدل واحد). مثلا
الحوادث فى شارع مدنى و شارع عطبرة تحدث لان عدد الحفر مضبوط على عدد السودانيين المعدودين و كل الاصابات تحدث لناس ما عدوهم فى التعداد الفات
| |
|
|
|
|
|
|
Re: تحذير لناس التعداد (Re: Shihab Hamadnala)
|
الناس ديل يا شهاب قايلنك مازلت بمدينة بركة بسلطنة عمان او عشان مغترب سابق عشان كده ما عدوك ..
بالمناسبة انت متين بقيت عضو ؟ يا اخى كان تكلمنا على الاقل كنا قمنا بالواجب ورحبنا بيك فى بوست حدادى مدادى ... كتر خير سيف حمدناالله ومحمد عثمان هم الكلمونى ببوستك ده ..
اهلا بك ومرحبا صديقى العزيز شهاب حمدنا الله
| |
|
|
|
|
|
|
Re: تحذير لناس التعداد (Re: حاتم حمدتو رجب)
|
عزيزى حاتم حمدتو بما انك ضمن السودانيين بالخارج آمل أن تستفيد من عروضى هذه و حرصا على الزمالة و الصداقة حأديكم 7 كراسى مسطبة جانبية انت و نقرية و من تراه مناسبا تحياتى
| |
|
|
|
|
|
|
Re: تحذير لناس التعداد (Re: نورالدين صلاح الدين)
|
الف مرحب بيك د/ شهاب نورت البورد والله وهنيئا لكم باطلالة اخونا سيف نتمنى له اجازه سعيده بينكم التحايا اكثرها للوالد الجليل استاذنا الاديب الاريب ..ربنا يديه الصحه والعافية بالله تحياتى الخالصة له ... نزلت ليك مداخلة قبل كده لكن الظاهر بكرى ابو بكر ما عداها لى مداخلة وسقطت سهوا.. حتى عبر شبكة المعلومات ما عدونا .. عشان كده ما تزعل اخى شهاب الف مرحب بيك تانى وشكرا للبوست خفيف الظل تحياتى اسماء الجنيد / مسقط
| |
|
|
|
|
|
|
|