|
Re: (بركة) يا أسيـــل سامي عبد الوهاب يا صديقتي (التخرج)! (Re: سامى عبد الوهاب مكى)
|
الاخ سامي ألف مبروك تخرج الأمورة أسيل , وعقبال الجامعه والدكتوراه . جيل محظوظ , وعيني باااااااااااارده . علم وسماحه أحيانا أتساءل : لو أتيحت لنا سابقا نفس الفرص التي تتاح الآن لأبنائنا وبناتنا هل سيغير ذلك من واقعنا الآن شيئا ؟ هل نكن أفضل مما نحن عليه الآن ؟ قال لي والدي : لا يتمنى الانسان أن يكون هناك أحد أفضل منه الا أبناؤه . كل الود ومبروك لأسوله تاني
| |
|
|
|
|
|
|
Re: (بركة) يا أسيـــل سامي عبد الوهاب يا صديقتي (التخرج)! (Re: البشير دفع الله)
|
Quote: الاخ سامي ألف مبروك تخرج الأمورة أسيل , وعقبال الجامعه والدكتوراه . جيل محظوظ , وعيني باااااااااااارده . علم وسماحه أحيانا أتساءل : لو أتيحت لنا سابقا نفس الفرص التي تتاح الآن لأبنائنا وبناتنا هل سيغير ذلك من واقعنا الآن شيئا ؟ هل نكن أفضل مما نحن عليه الآن ؟ قال لي والدي : لا يتمنى الانسان أن يكون هناك أحد أفضل منه الا أبناؤه . كل الود ومبروك لأسوله تاني |
قال لي والدي : لا يتمنى الانسان أن يكون هناك أحد أفضل منه الا أبناؤه .
ربنا يديك العافية يا حبيب
| |
|
|
|
|
|
|
Re: (بركة) يا أسيـــل سامي عبد الوهاب يا صديقتي (التخرج)! (Re: عمر الفاروق)
|
Quote: مليون مبرووووووك لي بتنا العسولة أسيلة الخدّين وعقبال الدكتوراة .. بس يا وهم إنت جنيت على البت دي وأديتا عيونك الدقاق ديل غايتو بعد ده إلا يعرسا زول مجبور عليها ود عمها ود خالها ود عمتها ...
تخريمة : ماشاء الله عيني باردة بتنا عسولة والله ولاااااااااا كلمة .. |
بكرة دي تجيني كاري ولدك تصنقع وتدنقر وتتنحنح ...والحقيقة...وانت عارف ...والعلاقة...وامدرمان ...وحيات الله انا قلت لي ولدي...حتى اسأل حاج غاندي...باختصار كدا عاوزين البت للولد...
اقول ليك عيونا دقاق.. بس لماحة.. اسولة الفرحة.. الزائدة سماحة... لو حضرت مجلس.. يبقى الكلام براحة.. ولو لحقت نطقت.. زي الورود فواحة... ولو ساكت سكتت.. تحلف تقول تفاحة...
لكن معليش مخطوبة
| |
|
|
|
|
|
|
Re: (بركة) يا أسيـــل سامي عبد الوهاب يا صديقتي (التخرج)! (Re: سامى عبد الوهاب مكى)
|
Quote: بس لماحة.. اسولة الفرحة.. الزائدة سماحة... لو حضرت مجلس.. يبقى الكلام براحة.. ولو لحقت نطقت.. زي الورود فواحة... ولو ساكت سكتت.. تحلف تقول تفاحة...
|
ولدنا كمان زينة الرجال للحد .. ما بيعرف يهاظر ديمة ماسك الجد .. ما بيرقص يغني وزي نجوم الغد .. إن درت الكرم هيلو لا بتحسب لا بتعد .. وإن درت الأصول الود سليل (المجد) .. ده ما بتاع أبو هوبة داك
| |
|
|
|
|
|
|
Re: (بركة) يا أسيـــل سامي عبد الوهاب يا صديقتي (التخرج)! (Re: عمر الفاروق)
|
Quote: ولدنا كمان زينة الرجال للحد .. ما بيعرف يهاظر ديمة ماسك الجد .. ما بيرقص يغني وزي نجوم الغد .. إن درت الكرم هيلو لا بتحسب لا بتعد .. وإن درت الأصول الود سليل (المجد) .. ده ما بتاع أبو هوبة داك |
لو جناك رشاشة حدو خشم الباب اخير منو احمر يادوب من الكتاب تقول لي ما رقص يبقى ايه (ارباب)؟؟ بلحن ويغني يعني ولا بيكتب الدراب؟؟ رشاشة لي بتي!! اديها زول هضراب؟؟ بعدين اقول حباب الغاب وما جاب!!!
| |
|
|
|
|
|
|
|