اتخذت لجنة التحكيم المركزية قراراً بإيقاف مساعد الحكم الدولي عوض بخيت عن مزوالة نشاطه بسبب حالة التسلل الخاطئة التي احستبها على مهاجم جزيرة الفيل أوتشي في مباراة فريقه مع الهلال في الممتاز، وحرم بذلك القرار الخاطئ والغريب والمريب جزيرة الفيل من احراز هدف التعادل فى شباك الهلال , وطبعا تلك الحاله كانت اغرب من الخيال فاللاعب المعنى كان قد حاور خالد جوليت وتخطاهو واتجه ناحية مرمى الهلال فاذا به يفاجأ برجل الخط يرفع الرايه ويحتسب عليه تسلل ليس موجود الا فى خيال رجل الخط فقط
وطبعا دى اغرب حالة تسلل تحتسب على لاعب مندفع من الخلف ويواجه اربعه من مدافعين الخصم ويتخطى واحد منهم ويواجه المرمى ليفاجأ بنفسه متسللا يعنى بعد دا الا الواحد يمسك الكوره فى نصف ملعبه ويؤشر للحكم ويقول ليهو شوفنى انا ما متسلل ومن ثم يؤشر لرجل الخط ويقول ليهو هووووى شوفنى واعمل حسابك حتى بعد داك تحاور ليك لاعب من الهلال وتتخطاهو عشان تحرز هدف
وحسب صحيفة الصدى الصادره اليوم فقد تم إخطار لجنة التحكيم المحلية باتحاد الخرطوم بالقرار كتابياً أمس.
04-08-2008, 03:39 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا ابو علوة : ده حالتك إنت القلنا واعي ؟ يا راجل انت زول شكلك بتفهم كورة فخليك حقاني ولو شاهدت الحالة مفروض تنقلها بي شكلها الصحيح .. نعم إحتساب حالة التسلل كان خاطئ لكن السؤال هو : على من تم إحتساب التسلل؟؟ التسلل يا عزيزي لم يحتسب ضد اللاعب المندفع ولكن إحتسب ضد اللاعب الذي كان خلف المدافعين وعندما مرر اللاعب المندفع من الوسط الكرة للأسف تعجّل حكم الراية وأفترض أنها تمريرة للاعب الموجود خلف المدافعين في حين أن اللاعب حاول الإنسحاب وعدم التداخل في الكرة وكان تصرفه سليماً .. يبقا يا زعيم التسلل تم إحتسابه ضد اللاعب الموجود في الخلف وليس المندفع .. النقطة التانية والأكثر غرابة وإستعجاب شايف الإعلام المريخي صوّر ليكم إنو الكورة كانت قووون بي نسبة مليون المية مع العلم إنو اللاعب لم يكن منفرداً بصورة كاملة تجاه المرمى وكان بعيد جداً وعلى الجهة اليسرى من ملعب الهلال .. طيب ليه إعتبرتو اللاعب ده حا يجيب الكورة دي مليون في المية مع العلم إنو قبلها أضاع مهاجم جزيرة الفيل هدف مضموووووون الف المليون في المية وهو على خط المرمى والمرمى فااااااااضي وزولنا ودّاها السما !!!!!!!!!!! بالمناسبة وبي كلامك ده وطالما إنتو مقتنعين بي التخيلات والتصورات دي فتعال نتخيل إنو الفاول اللي تم إرتكابه ضد العجب في مباراة الهلال اللي خسرها المريخ 3-2 لو كان الحكم إحتسبها كان دامر شاتها وقام ريتشارد رجعها قام قلق لقاها ومررها لي سفاري وسفاري قام رجعا لي بهاء وبهاء شاتا طويييييييلة قام السعودي دقاها هيد قام العجب لقاها قام شاتها قامت دخلت قوووووووووووووووووووووون
04-08-2008, 04:21 PM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
أولا شي يا أبو علوة يا واعي جدا إنابة عنك سأنقل الحالة كما هي .. وليس بشكل صحيح أو خطأ .. وبعدين نشوف الحاصل دي الحالة زي ما الله خلقها ..
بعد ذلك لا يفيد على من احتسب التسلل .. لأنه أساسا لا يوجد تسلل حتى يحتسب .. فاللاعب استلم الكرة وهو غير متسلل وحاور عمنا جوليت من تحت أقدامه .. فلماذا يرفع الرجل الراية على تسلل غير موجود ويبررون له بأنه احتسبه على لاعب آخر لا علاقة له باللعب .. وهذه الحالة مثلها مثل تلك الكرة الفضيحة في نهائي الممتاز الأخير حين أوقف الحكم هجمة للزعيم يقودها العجب بدون مناسبة وفي أغرب فضيحة عمل ( دروب ) للكرة لأنه لم تكن هناك حالة تستدعي ايقاف الكرة .. لا يهم الحكام الحالة صحيح أم خطأ المهم عندهم ايقاف اي كرة في طريقها لمرمى الهلال عارفنو شوارع مفتوحة .. عشان كدا بتخذوا اسلوب الوقاية خير من العلاج وبقتلوا أي هجمة من بدري بدري ..
تسلل فضيحة .. يا أبو علوة .. وسبقتني على البوست ..
04-08-2008, 07:13 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: التسلل يا عزيزي لم يحتسب ضد اللاعب المندفع ولكن إحتسب ضد اللاعب الذي كان خلف المدافعين وعندما مرر اللاعب المندفع من الوسط الكرة للأسف تعجّل حكم الراية وأفترض أنها تمريرة للاعب الموجود خلف المدافعين في حين أن اللاعب حاول الإنسحاب وعدم التداخل في الكرة وكان تصرفه سليماً .. يبقا يا زعيم التسلل تم إحتسابه ضد اللاعب الموجود في الخلف وليس المندفع ..
الاخ عمر الفاروق
كتبت رد قبل ساعه ولكنى لم استطيع ارساله فى وقتها وخرجت وعدت الان وكنت قد طالبت فيه من يملك تسجيل للحاله يمدنا به وهاهو الرائع سحس يفعل ذلك
يلا لو كنت متواجد فى البوست انظر للفيديو وركز يا اخوى على راية المساعد وبعد ان رفع الرايه للتسلل انظر اليه وهو يشير بالرايه نفسها الى مكان التسلل انظر بنفسك لتعرف المساعد احتسب التسلل على اى لاعب
ويقينى يا عمر انك كرياضى مخضرم تعرف ان مساعد الحكم وبعد احتسابه للتسلل يشير وبالرايه اشارات يفهمها الحكم ويحدد بها اللاعب المتسلل وهى تعتمد بارتفاع الرايه الى المكان القريب وتعنى اللاعب المهاجم القريب ورفعه متوسطه تعنى لاعب فى منطقة الوسط ورايه واشاره مرتفعه تعنى اللاعب المهاجم فى الناحيه الاخرى من الملعب المقابله للمساعد
طيب ارجع للفيديو ودقق النظر وسترى اشارة المساعد للحكم واضحه وجليه وتشير بوضوح لللاعب الذى كانت بحوزته الكوره وفيديو حسين دا برضو ناقص لانو لو جابوا ليك الكوره التى لعبت من لاعبى الهلال بعد مخالفة التسلل ستجد انها لعبت وباشارة الحكم والمساعد من نفس مكان اللاعب الحاور خالد جوليت
يعنى مكنتك دى شوف غيرها
Quote: النقطة التانية والأكثر غرابة وإستعجاب شايف الإعلام المريخي صوّر ليكم إنو الكورة كانت قووون بي نسبة مليون المية مع العلم إنو اللاعب لم يكن منفرداً بصورة كاملة تجاه المرمى وكان بعيد جداً وعلى الجهة اليسرى من ملعب الهلال .. طيب ليه إعتبرتو اللاعب ده حا يجيب الكورة دي مليون في المية مع العلم إنو قبلها أضاع مهاجم جزيرة الفيل هدف مضموووووون الف المليون في المية وهو على خط المرمى والمرمى فااااااااضي وزولنا ودّاها السما !!!!!!!!!!!
دا ما موضوعنا وما تضيع لينا موضوعنا وتودينا البحر وتجيبنا عطشانين انا حركاتك دى بعرفا كويس وزى جوع بطنى .. سمح
04-08-2008, 07:16 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: بعد ذلك لا يفيد على من احتسب التسلل .. لأنه أساسا لا يوجد تسلل حتى يحتسب .. فاللاعب استلم الكرة وهو غير متسلل وحاور عمنا جوليت من تحت أقدامه .. فلماذا يرفع الرجل الراية على تسلل غير موجود ويبررون له بأنه احتسبه على لاعب آخر لا علاقة له باللعب .. وهذه الحالة مثلها مثل تلك الكرة الفضيحة في نهائي الممتاز الأخير حين أوقف الحكم هجمة للزعيم يقودها العجب بدون مناسبة وفي أغرب فضيحة عمل ( دروب ) للكرة لأنه لم تكن هناك حالة تستدعي ايقاف الكرة .. لا يهم الحكام الحالة صحيح أم خطأ المهم عندهم ايقاف اي كرة في طريقها لمرمى الهلال عارفنو شوارع مفتوحة .. عشان كدا بتخذوا اسلوب الوقاية خير من العلاج وبقتلوا أي هجمة من بدري بدري ..
كلام سليم 100% ياسحس بس عليك الله راجع ردى للفاروق اعلاه لانو الظاهر عليك ما انتبهت لاشارة المساعد بعد اشارة التسلل كدى ارجع لى ردى وارجه شوف الفيديو تانى
وشكرا على الفيديو دليل ادانة المساعد
Quote: تسلل فضيحة .. يا أبو علوة ..
قلنا كدا قالوا لينا اطلعوا من البلد يا سحس
Quote: وسبقتني على البوست ..
ما مشكله يا سحس اصلو فرض كفايه اذا قمت به انا سقط عنك
أولا: بغض النظر عن صحة أو عدم صحة الحالة؛ كويس جدا اهتمام لجنة التحكيم بمحاسبة الحكام على أخطاءهم.
ثانيا: أنا متفق مع عمر الفاروق؛ لأنو التسلل احتسب على لاعب كان متسلل فعلا، وحاول الاستفادة من الكرة... باستعجال من الحكم.
ثالثا: تمت محاسبة حكم مباراة المريخ وهلال الساحل لاحتسابه ركلة جزاء غير صحيحة للمريخ. وقد ورد في الصدى -نفسها- بتأريخ 16 مارس على لسان محمد جعفر قريش ما يلي:
Quote: صرح (للصدى) أمين بأن مجلس المريخ محمد جعفر قريش مؤكداً أنهم ظلوا يتابعون باهتمام شديد الحملة المغرضة والهجمة الشرسة التي تستهدف الحكام عموماً، وحكام مباريات المريخ على وجه الخصوص بغرض التأير عليهم وحضهم على ظلم المريخ.. وقال قريش: الحديث عن سوء التحكيم كلمة حق أريد بها باطل لأننا لم نسمع أي حديث عن محاسبة الحكام عندما أخطأوا في بقية مباريات الممتاز وخاصة في عطبرة وبورتسودان وأمدرمان.. ولذلك فنحن نطالب لجنة التحكيم المركزية أن تحسن اختيار الحكم القوي الأمين لمباريات المريخ وكل مباريات الممتاز وبالأخص مباراة اليوم أمام الأهلي التي صاحبتها حملة تحريض للحكام ضد المريخ
وقال قريش: مجلس المريخ وجمهوره لن يسكتوا عن أي ضيم يحيق بالمريخ من الحكام بسبب هذه الهجمة الشرسة وتساءل قريش عن أسباب تجاهل لجنة التحكيم للأخطاء التي ارتكبها حكم مباراة المريخ ونيل الحصاحيصا مع أنه ارتكب خطأ فادحاً باحتسابه ركلة جزاء غير صحيحة.
وأضاف: خبر محاسبة حكام مباراة المريخ وهلال الساحل تم تسريبه لصحف موالية لخصومنا بطريقة نعتقد أنها مقصودة وتهدف الى التأثير على حكام مباريات مباراة اليوم.. ونحن نحذر من حدوث أي ظلم على المريخ لأننا لن نسكت عنه
Quote: أولا: بغض النظر عن صحة أو عدم صحة الحالة؛ كويس جدا اهتمام لجنة التحكيم بمحاسبة الحكام على أخطاءهم.
وانا متفق معاك تماما فى النقطه دى لانو العين الحمراء بتخليهم يمشوا على العجين ما يلخبتوه اصلهم مرضونا فى الفتره الفاتت
Quote: ثانيا: أنا متفق مع عمر الفاروق؛ لأنو التسلل احتسب على لاعب كان متسلل فعلا، وحاول الاستفادة من الكرة... باستعجال من الحكم.
لا يا ود الريح .. لا وطالما انك متفق مع عمر الفاروق ارجوك ارجع لى ردى عليهو واقراهو كويس وارجع شوف الفيديو الجابو لينا حسين ح تلقى انو اللاعب العنده الكوره هو الذى احتسب عليه التسلل
Quote: يعني ممكن برضو نحن -الهلالاب- نقول: والفائدة شنو... بعد ما المريخ شال نقاط المباراة كاملة؟
وانتا ماشى لى قريش لى شنو انا القدامك دا جيت تانى يوم من المباراه وهنا فى المنبر دا وقلت مساعد الحكم غلطان واحتسب ضربة جزاء غير صحيحه وللان انا مصر على انها غير صحيحه
لكن محاولة مقارنة هذا الخطأ الغريب جدا بضربة الجزاء عمليه غير موفقه من جانبك
لانو فى ضربة الجزاء كان هناك احتكاك بين لاعب مدافع ولاعب مهاجم داخل خط التمنتاشر وكان هناك سقوط تمثيلى من المهاجم والحاله هنا تقديريه
اما التسلل فهو ليس مثل ضربة الجزاء والحالات التسعه والاحتكاك والسقوط يعنى انتا كمساعد حكم بتقيف فى المكان الصحيح وبتشوف اللاعب الاقرب الى خط مرمى خصمه من كل من الكره وثانى اخر لاعب من الفريق الخصم
والماده ( 11 ) بتقول يا احمد الريح يعاقب اللاعب فقط على وجوده فى موقف التسلل فى اللحظه الى يلمس فيها الكره او يلعبها احد افراد فريقه وكان فى رأى الحكم مشتركا باللعب النشط الفعال من خلال * التدخل فى اللعب * التدخل مع الخصم * مستفيدا من فرصة وجوده فى ذلك الموقف
04-08-2008, 04:50 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا ود الريّح : في خبر شبه مؤكد إنو الإتحاد الإفريقي حا يعيد مباراة النهائي في كاس الإتحاد الإفريقي وحا تكون بين الإسماعيلي والصفاقسي بعد ما تأكد إنو ضربة الجزاء للمريخ غير صحيحة .. ولا شنو يا ابو علوة ..
04-08-2008, 07:38 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: في خبر شبه مؤكد إنو الإتحاد الإفريقي حا يعيد مباراة النهائي في كاس الإتحاد الإفريقي وحا تكون بين الإسماعيلي والصفاقسي بعد ما تأكد إنو ضربة الجزاء للمريخ غير صحيحة .. ولا شنو يا ابو علوة ..
ياخ عزبتونى والله اقول لى ود الريح راجع ردى لى عمر واقول لى عمر راجع ردى لى ود الريح بخصوص المقارنه بين ضربات الجزاء والتسلل
... بمناسبة الهلال والمريخ دي؛ نحن مشتاقين -فعلا- لأخونا عماد الدين البدري الشهير براكوبة، أحد نجوم الأحمر الوهاج.
تذكرت راكوبة وأنا أبحث عن clip رفعه في youtube لصمويل إيتو وهو يرقص و"يشتت القروش"، وتذكرته وأنا أجمع بعض البوستات القديمة لضمها لمكتبتي، وكان من بينها هذا الpost:
لجنة التحكيم اوقفت حكم هلال جزيرة الفيل وهى محقة فى ذلك كما اوقفت حكم مباراة المريخ و هلال بورسودان الذى احتسب ضربة الجزاء الشهيرة الزائفة لصالح المريخ
الاخطاء التحكيمية تحدث و ممكن نقول بنفس الطريقة الفائدة شنو بعد ما شال المريخ نقاط مباراته مع هلال بورسودان
الجيد ان هناك الآن لجنة تحكيمية تحاسب هؤلاء الحكام على اخطائهم الفادحة.
بس يا على انتو عندكم مشكلةانكم عايشين خمسة سنوات عجاف و عايشبن حالة رعب من أن يصبح عددها ستة لذلك عملتو السنة الفاتت موال من مباراة المريخ و الموردة الدورية التى انهزمتم فيها و ادعيتم ان الدورى ضاع بسببها و الجمدلله ان الحق بان فى نهاية الدورى وذهب الكأس لمن يستحقه بأنتصار واضح و بائن كالشمس جعل نقاط مباراة الموردة الضائعة كأنها شمار فى مرقة وجعل الحديث عنها كالجس بعد الذبح.
المدهش يا على و الآن جات سيرة هذه المباراة بالصدفة محاولة مزمل الخطيرة لاشعال النار بين جمهور الفريقين الكبيرين فجاءت مباراتهم الاخيرة متوترة و كادت ان تحدث احداث لا تحمد عقباها و استمرت الشتائم بعد المباراة وما زالت العلاقات بين المريخ و الموردة متوترة للغاية
لم اجد من كتاب و جمهور المريخ من ينصف فريق الموردة من الادعاء الظالم من انه يستأسد امام المريخ و يلعب بوداعة امام الهلال وهو ادعاء فارغ كادعاء مخترعه الذى آلمه أن تفوز الموردة على المريخ فى العام الفائت فجادت قريحته بكل ماهو قبيح وغير مستحب فى رياضة هدفها الاساسى المحبة والمتعة.
شخصيا اتمنى أن تعود الموردة لمستواها الطبيعى وتهزم الهلال و تهزم المريخ وتعود بقية الاندية التى كانت تشكل بعبعا للقمة لمستواها فتعود للدورى نكهته و منافسته التى ظل فريق واحد يحكتكر كأسها لمدة 5 سنوات.
Quote: الاخطاء التحكيمية تحدث و ممكن نقول بنفس الطريقة الفائدة شنو بعد ما شال المريخ نقاط مباراته مع هلال بورسودان
نعم يا ود المجمر الاخطاء التحكيميه بتحدث حتى على مستوى كاس العالم بتحدث وامامك مارادونا لمن جاب قون فى انجلترا بى يده وكان الحكم عربى اظن بن خديجه او حاجه زى كدا وركلة الجزاء حقت المانيا امام الارجنتين نفسها فى النهائى
لكن لاعب يحاور ويواجه المرمى يحسبوا عليهو تسلل يطرشنا .. جنس دا اصلو ما سمعناهو
Quote: لم اجد من كتاب و جمهور المريخ من ينصف فريق الموردة من الادعاء الظالم من انه يستأسد امام المريخ و يلعب بوداعة امام الهلال وهو ادعاء فارغ كادعاء مخترعه الذى آلمه أن تفوز الموردة على المريخ فى العام الفائت فجادت قريحته بكل ماهو قبيح وغير مستحب فى رياضة هدفها الاساسى المحبة والمتعة.
سئل الجقر كابتن المورده فى ايامها الجميله وصمام دفاعها فى حوار صحفى لماذا تلعبون امام المريخ بقوه وامام الهلال لا فاجاب بانو كورة المريخ بتشبه كورتنا ولعب المريخ عنيف ولعب الهلال ناعم
Quote: ود الريّح : في خبر شبه مؤكد إنو الإتحاد الإفريقي حا يعيد مباراة النهائي في كاس الإتحاد الإفريقي وحا تكون بين الإسماعيلي والصفاقسي بعد ما تأكد إنو ضربة الجزاء للمريخ غير صحيحة
دي ما سمعت بيها يا عمر؛ لكن سمعت -تحت تحت- بإنو الاتحاد الإفريقي سيعيد مباراة الهلال والأهلي -بتاعة سنة 87- لأنو الحكم حسب تسلل خاطئ على ولد حلتنا، المهذب، الهادئ، صاحب الرأس الذهبية: وليد علي طاشين.
قالو حا يعيدوها في إستاد الهلال؛ ورئيس الأهلي -حسن حمدي- قال: على جـثـتـي
04-08-2008, 05:19 PM
حسين يوسف احمد حسين يوسف احمد
تاريخ التسجيل: 08-17-2005
مجموع المشاركات: 4490
مباراة ناساروا بعد فضائح الحكم ... وسيعيد مباراة الهلال وأسيك بأمدرمان عقابا على الحكم الذي منح الهلال الهدف الثاني من تسلل فضيحة .. وسيعيد مباراة الترجي التونسي بعد مهزلة الحكم ..
أما فضيحة الثعلب وكندورة فلا فائدة من اعادتها بعد معاقبة الحكم وادخل نظام الفيديو ..
Quote: الاخطاء التحكيمية تحدث و ممكن نقول بنفس الطريقة الفائدة شنو بعد ما شال المريخ نقاط مباراته مع هلال بورسودان
الجيد ان هناك الآن لجنة تحكيمية تحاسب هؤلاء الحكام على اخطائهم الفادحة
ده تلخيص ممتاز يا هشام المجمر. وبالمناسبة، رئيس لجنة التحكيم المركزية هو فيصل الحكيم الشهير بسيحة، واللجنة موجودة "من بدري - ما عارف من متين بالضبط"، لكن لأول مرة أقرأ عن قيامها بمحاسبة من يخطئ من الحكام.
وبالمناسبة برضو: الحكام ديل بيستعدوا كيف لإدارة المباريات؟ أقصد الاستعداد البدني "الذي يؤثر على على الاستعداد الذهني". ما حصل يوم قريت عن "معسكر إعدادي للحكام قبل الدوري"، أو حاجة زي كده.
بي طريقة تانية: المحاسبة مهمة ومطلوبة، لكن هل تقوم لجنة التحكيم بواجبها في إعداد الحكام؟ (بافتراض أن هذا من مهامها). ________________________
وبمناسبة التسللات، هذه صورة متحركة لهدف وليد طاشين الرأسي الشهير في مرمي شوبير في نهائي إفريقيا 1987، ويظهر وليد منطلقا من بين المدافعين، قبل أن يسدد الكرة برأسه داخل الشباك.
(الشكر للزميل إبراهيم اشكا بمنتدى الهلال).
يمكن تكون الصورة ما واضحة، لكن لا بأس من استعادة ذكريات مر على أحداثها أكثر من 20 عاما، يومها كان عمرى 9 سنين، وجريت الشارع من الفرح... ورجعت لقيت ناس البيت زعلانين!
04-08-2008, 06:36 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: وبالمناسبة برضو: الحكام ديل بيستعدوا كيف لإدارة المباريات؟ أقصد الاستعداد البدني "الذي يؤثر على على الاستعداد الذهني". ما حصل يوم قريت عن "معسكر إعدادي للحكام قبل الدوري"، أو حاجة زي كده.
بي طريقة تانية: المحاسبة مهمة ومطلوبة، لكن هل تقوم لجنة التحكيم بواجبها في إعداد الحكام؟ (بافتراض أن هذا من مهامها).
... في موقع الاتحاد الإنجليزي لكرة القدم، برنامج كامل لتأهيل واختبار الحكام بدنيا. البرنامج يشتمل على الإعداد قبل الموسم وأثناءه.
أنا -في الحقيقة- ما عارف حكامنا بيتدربو متين، وهل بيتلقوا تدريبات كافية، وأنا -طبعا- ما عاوز ألقى عذر لى أخطاء الحكام؛ لكن عاوز ألفت الانتباه لما يتلقوه من تدريب.
طبعا الإمكانيات والظروف والفوارق وشنو ما عارف، لكن أنا بس داير أفهم: لو مافي إمكانيات عشان الواحد يؤدي مهمتو على الوجه الأكمل؛ الناس دي قاعدة تعمل شنو في مناصبها؟!
Quote: وطالما انك متفق مع عمر الفاروق ارجوك ارجع لى ردى عليهو واقراهو كويس
قريتو يا علي، واتعملت حاجة جديدة (شكرا عديل كده). وبناءا على ذلك؛ أعيد صياغة ما قلته ليصبح:
التسلل احتسب على لاعب كان متسلل فعلا، وحاول الاستفادة من الكرة... باستعجال من الحكم، وهو الخطأ الأول له، أما الخطأ الثاني فهو خطأ إجرائي؛ تمثل في طريقة رفع الراية، لأنها تعني أنه احتسب التسلل على اللاعب القريب، وإنت كنت أكاد أجزم أنه قصد اللاعب البعيد... لأنو ما ممكن يعملها ظاهرة كده
أما المقارنة بين ضربة الجزاء والتسلل فتجوز يا علي؛ لأن من يحتسبهما هو الحكم، وفق شروط محددة هو المسؤول عن التحقق من حدوثها.
وجه المقارنة من الواقع هو أن لجنة التحكيم أوقفت الحكمين لما اعتبرتها أخطاء فادحة "كما قرأت". ________________________________
Quote: ويقينى يا عمر انك كرياضى مخضرم...
عمر الفاروق رياضي، لكنه ليس بمخضرم يا علي، كيف يكون مخضرم وهو قد جاوز الثلاثين بقليل؟ طيب فيصل العجب يكون شنو؟ "العهدة على الBBC شخصيا"
زمان، قبل أكثر من 10 سنين، سألني طلال -أخوي الصغير-، وكان عمرو أقل شوية من 10 سنين: تنقا ما بيلعب ليه؟
فأجبته: لأنو كبر يا طلال.
فقال متسائلا: يعني عمرو بقى 60 سنة؟
وطبعا شرحت ليهو أن الكبر في الكورة يعني -عموما- مجاوزة الثلاثين.
04-08-2008, 08:06 PM
Abdulrahman Eldaw Abdulrahman Eldaw
تاريخ التسجيل: 12-27-2007
مجموع المشاركات: 655
Quote: قريتو يا علي، واتعملت حاجة جديدة (شكرا عديل كده).
اخجلت تواضعنا فأنا وغيرى هنا بنتعلم منك انت كتير
Quote: التسلل احتسب على لاعب كان متسلل فعلا، وحاول الاستفادة من الكرة... باستعجال من الحكم،
لا يا ابو حميد لانو اذا اللاعب المتسلل حاول الاستفاده من الكره يبقى احتساب التسلل صحيح لانو برضو يا ود الريح الماده ( 11 ) التسلل .. جاء فيها
انو اذا كان تواجد اللاعب فى موقع تسلل رغم عدم مشاركته فى الكره ولكنه يشكل لفت انتباه وارباك لحارس المرمى او المدافع الاخير ويعتبر فى هذه الحاله مستفيد من تواجده فى التسلل فيعاقب باحتساب خطأ التسلل وتطبق عليه العقوبه المحدده بركله حره غير مباشره من موقع تواجده
والسؤال هنا هل شارك اللاعب الثانى فى الكره او شكل ارباك للحارس او اخر مدافع وهل نفزت الضربه الحره من موقع تواجده ؟
Quote: أما المقارنة بين ضربة الجزاء والتسلل فتجوز يا علي؛ لأن من يحتسبهما هو الحكم، وفق شروط محددة هو المسؤول عن التحقق من حدوثها
صحيح يا احمد ان كنا نتكلم على العموم ولكنى لم اطلق رايى على العموم فقط عقدت مقارنه بين ضربة الجزاء الغير صحيحه المحتسبه للمريخ وبين التسلل المحتسب لصالح الهلال وقلت ان فى ضربة الجزاء كان هناك احتكاك بين المدافع والعجب وكان هناك سقوط من العجب داخل المنطقه المحرمه وان الحاله تقديريه اما فى التسلل فان الحاله كانت واضحه وكانت امام المساعد الاول مباشره
Quote: عمر الفاروق رياضي، لكنه ليس بمخضرم يا علي، كيف يكون مخضرم وهو قد جاوز الثلاثين بقليل؟ طيب فيصل العجب يكون شنو؟ "العهدة على الBBC شخصيا
قرقرقرقرقرقرقرقرقرقرقر
تلاتين شنو يا ود الريح ياخ عمر الفاروق دا شجع شواطين والضب وعبد الله موسى ياخ عاين للصلعه بتلقاها فاتت نص الراس
04-08-2008, 08:01 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18149
بمناسبة الخضرمة دي يا ود الريح باولو مالديني يلعب وهو الان في عمر ال39 سنة وقبل اربعة ايام جاري زي الحصان وتم الكورة كما ينبقي وصرح بعدها إنه ربما يلعب الموسم القادم يعني ده فات الخضرمة بهناك ودق في الأربعين وياااااااااا ويلي من الأربعين .. الرشيد بدوي عبيد لمن مشى كاس العالم ولأنو ما بيعرف يستخدم الكمبيور من الخلعة قال حارس بلجيكا اكبر لاعب في البطولة بعمر يناهز ال53 !!
Quote: الرشيد بدوي عبيد لمن مشى كاس العالم ولأنو ما بيعرف يستخدم الكمبيور من الخلعة قال حارس بلجيكا اكبر لاعب في البطولة بعمر يناهز ال53
يا أبو عمير
حارس بلجيكا، ميشيل برودوم، مولود سنة 1959 (بحسب موقع wikipedia)، يعني في كأس العالم 94 كان عمرو 35 سنة. موقع wikipedia ذاتو يقول إن برودوم لعب لمنتخب بلاده 58 مباراة دولية حتى آخر عهده به سنة 1995.
إذا: أرجح أن الرشيد (عكس) الأرقام... يعني كان مفروض يقول الحارس عمره 35 سنة ولعب 53 مباراة دولية.
يعني الرشيد لو ذاع كورة للسعودية احتمال يقول إنو الدعيع عمره 125 سنة
04-09-2008, 09:58 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
طالما عامل فيها متخصص تسللات كدي حلّ لي الحالة دي ناجرا من صلعتي دي وبفكر فيها كل مرة .. امانة ما حا أخليك تفتش النت ده فتيش الحالة القاعد أتخيلا كالاتي: نفترض إنو حارس مرمى الفريق الخصم مشى لي المشاركة في تنفيذ ضربة ركنية وترك مدافع في المناطق الخلفية وقامت بقت هجمة مرتدة بعد تنفيذ الركنية وكان في لاعب من المهاجمين في منطقة الفريق الخص مع المدافع فهل تحتسب تسلل أم اللعبة صحيحة .. وإن كانت صحيحة فهل التسلل مقرون بتواجد حارس المرمى وليس أي لاعب اخر ؟ تخريمة : تعرف يا ود الريح سألت ليك زمان وليد طاشين الحكم إحتسب الكورة شنو بعد هدفك في الأهلي ؟ قال لي لحدي أسة ماف زول عارف الحكم قال شنو ..!! بس صفّر وقال ختّوا الكورة
Quote: فاللاعب المعنى كان قد حاور خالد جوليت وتخطاهو واتجه ناحية مرمى الهلال فاذا به يفاجأ برجل الخط يرفع الرايه ويحتسب عليه تسلل ليس موجود الا فى خيال رجل الخط فقط
وهم لو ما كان بيحصل كده كان شالوا الدوري خمس مرات ... ما ياها المعروفة فيهم يا فيها يانفسيها ... قال زعيم قال ...
04-09-2008, 04:40 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: وإن كانت صحيحة فهل التسلل مقرون بتواجد حارس المرمى وليس أي لاعب اخر ؟
الماده ( 11 ) التسلل
موقف التسلل : - لا تعتبر مخالفه فى حد ذاتها التواجد فى موقف تسلل , يكون اللاعب فى موقف تسلل اذا كان اقرب الى خط مرمى خصمه من كل من الكره وثانى اخر لاعب من الفريق الخصم
يعنى هنا يافاروق لم ياتى ذكر لحارس المرمى ان كان موجود ام لا وقال المشرع ( خط المرمى ) ولم يأتى على ذكر الحارس
Quote: امانة ما حا أخليك تفتش النت ده فتيش
انا ماقاعد افتش النت با عمر انا بحوزتى كتاب ( تحت المجهر - قانون كرة القدم ) لخبير التحكيم الدولى - غازى بن عبد الرحمن درويش كيال
وهو كتاب وزع مجانا برعاية الخطوط العربيه السعوديه ولدى منه نسخه اضافيه ان رغبت فيها يمكننى ان ارسلها لك فى الرياض
04-09-2008, 04:42 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
... حيا الله جموع الرياضيين، الرشاشات منهم والرشاشين *
هذا الخبر نشر في صحيفة قوون، عدد يوم 30 مارس:
Quote: سيحة يحاضر في مدرجات استاد مدني
قام فيصل سيحة رئيس لجنة التحكيم المركزية الذي شاهد مباراة الهلال وجزيرة الفيل باستاد مدني بالقاء محاضرة عن حالة التسلل التي احتسبها الحكم ضد معتز كبير واكد ان قرار الحكم صحيح وشرح للمحاضرين كيفية احتساب حالات التسلل
احتمال يكون سيحة راجع الشريط ولقى روحو غلطان، واحتمال يكونو باقي أعضاء اللجنة أقنعوهو إنو غلطان، واحتمال يكون خبر قوون غير صحيح، واحتمال يكون خبر الصدى غير صحيح،
... واحتمال يكون سيحة كلامو صاح! ____________________________________
الرشاشات لقب يطلق على الهلالاب لأسباب معروفة، والرشاشين لقب يمكن أن يطلق على المريخاب لنفس الأسباب
04-09-2008, 05:37 PM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
انا برجح الاحتمال دا يا احمد لانو ما معقول سيحه يقعد فى المدرجات عشان يقول رجل الخط غلطان او على حق وان كان نحنا كجمهور مشاهدين اعترفنا بخطأ المساعد فما بالك فى حكم مخضرم
Quote: والرشاشين لقب يمكن أن يطلق على المريخاب لنفس الأسباب
ان كان القصد من الرشاشين هو رش الهلال داخل الملعب فنحن نقبل باللقب اما ان كان شيئا اخر فجعل الله كيدك فى نحرك
Quote: لانو ما معقول سيحه يقعد فى المدرجات عشان يقول رجل الخط غلطان او على حق
ده كلام صاح من الناحية النظرية يا علي، لأنو رئيس لجنة التحكيم المركزية ما مفروض يتكلم عن أداء الحكام مع الجمهور، خاصة بالانتقاد، عشان ما يتسبب في ثورة جماهيرية أو على الأقل شحن لنفوس الجماهير تجاه الحكم.
لكن ده السودان، وكل شيء وارد.
04-10-2008, 09:08 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
بالله ممكن ياودالريح تورينا سمو الهلالاب بالرشاشات ليه ؟؟؟؟؟؟؟؟؟؟؟ وهل صحيح انو نادى الهلال كان فى حى الشهداء ؟؟؟؟؟؟؟؟ وسمعنا انو الى وقت قريب كانت لوحة النادى (اليافطة) الى عهد قريب كانت موجودة وعليها اثار الرش ؟؟ على الرشاشات الاجابة بدون زوغان
04-10-2008, 09:10 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: بالله ممكن ياودالريح تورينا سمو الهلالاب بالرشاشات ليه ؟؟؟؟؟؟؟؟؟؟؟ وهل صحيح انو نادى الهلال كان فى حى الشهداء ؟؟؟؟؟؟؟؟ وسمعنا انو الى وقت قريب كانت لوحة النادى (اليافطة) الى عهد قريب كانت موجودة وعليها اثار الرش ؟؟ على الرشاشات
Quote: بالله ممكن ياودالريح تورينا سمو الهلالاب بالرشاشات ليه ؟؟؟؟؟؟؟؟؟؟؟ وهل صحيح انو نادى الهلال كان فى حى الشهداء ؟؟؟؟؟؟؟؟ وسمعنا انو الى وقت قريب كانت لوحة النادى (اليافطة) الى عهد قريب كانت موجودة وعليها اثار الرش ؟؟
سلامات يا مهدى الصادق السيد
اللقب عندو علاقة -فيما أعلم- ب(رش) الهلالاب لأرض الملعب بما تيسر
حكاية (حى الشهداء) و(اليافطة) ديل ما عارفهم، يللا أحكي لينا عنها، والعهدة على الرواة. __________________________________
زمان يا مهدي (بداية التسعينات، ما زمان شديد يعني)، الهلال اتغلب من النيل في الدوري المحلي 3/1 في إستاد المريخ على ما أذكر. لاعب من النيل (اسمو طـه) جاب القوون التاني للنيل وجا رقص لينا (في الناحية الشمالية الغربية) رقصة ميلا (بتاعة كاس العالم 90)...
عليك الله زي ده يعملو ليهو شنو؟
04-10-2008, 09:23 AM
على محمد على بشير على محمد على بشير
تاريخ التسجيل: 08-07-2005
مجموع المشاركات: 8648
Quote: زمان يا مهدي (بداية التسعينات، ما زمان شديد يعني)، الهلال اتغلب من النيل في الدوري المحلي 3/1 في إستاد المريخ على ما أذكر. لاعب من النيل (اسمو طـه) جاب القوون التاني للنيل وجا رقص لينا (في الناحية الشمالية الغربية) رقصة ميلا (بتاعة كاس العالم 90)...
عليك الله زي ده يعملو ليهو شنو؟
قرقرقرقرقرقرقرقرقرقر
ادفع نص عمرى يا احمد واشوف القوون ورقصة طه ميلا
وادفع النص التانى واشوف القون الاول والتالت
بالمناسبه دى يا احمد مره كانت للهلال مباراه فى دورى الخرطوم امام النيل الخرطومى وكانت نتيجة هذه المباراه بتحدد بطل الدورى ونتيجتها بتهم المريخ جدا جدا والنيل اياميها كان نار منقد وفعلا حاصر النيل الهلال ولعب معاهو مباراة العمر وفى هجمه للنيل اتلعب باص من احد لاعبى النيل لى بكرى عبد الجليل مساعد مدرب الهلال الحالى ووجد بكرى نفسه مواجه لمرمى الهلال تماما وفى داخل خط سته واستسلم الحارس والدفاع والجهاز الفنى والجمهور وانا قلبى قرب يقيف عن الخفقان ويتخيل لى انو الكون كلو وقف وركز نظره على اقدام بكرى عبد الجليل
تتخيل بكرى عمل شنو ؟ خت الكوره فى الاوت وبكل برود ووسط دهشة الجميع بما فيهم حارس المرمى والجمهور واللاعبين وانا ظاااطو وقام حسين الثغر جاب قون للهلال وطلع الهلال فائز 1/صفر
وخرج بعدها بكرى من الميدان ولانها كانت اخر مباراه للنيل فى ذلك الموسم فقد فوجئنا بعدها بايام معدودات بتسجيل بكرى عبد الجليل لاعبا بالهلال
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
على محمد على بشير
عمر الفاروق
جمال السنوسي
حسين يوسف احمد
هشام المجمر
Abdulrahman Eldaw
طلحة عبدالله
فيس بوك
تويتر
انستقرام
يوتيوب
بنتيريست