|
كان الكضب ما نجاك 000 الصدق مابنجيك!!!!
|
طبعا المثل ده مقلوب لكن واقع الحال يقول ذلك وانا هنا سوف اتحلى بالشجاعه واذكر ثلاثه مواقف مرة بي اتضريت فيها للكذب لأنجو
طيب المرة الاولى
انا بتكلم في التلفون في البيت في المجلس تحديدا ومنداح على الاخر مع الطرف الاخر في التلفون واخر ضحك وقرقره فأذا بالمدام تدخل بدون احم ولا دستور وجلست بجانبي 0000 وبعد خلصت المكالمة ده منو الكنت بتتكلم معاهو ده طبعا ده سؤال فني بعرفوا المتزوجون تماما وهو ايضا سؤال ذو مغزى فأجبت بكل اريحيه وشفافية
دي صاحبتي (كمان بكل بجاحه ) طبعا الكلام ده اكتشفته اخيرا !!!
وبدأ التحقيق صاحبتك دي منو وبتعرفه من وين ومتزوجه ولا فتاه ولا مطلقه وليه ما عرفتها بينا وليه ماجاتنا البيت وليه ما نمشي ليهم زيارة في بيتهم نتعرف عليها هي وراجله وووووووووووووووووووووو000وهلمجرا
طيب بعد التحقيق ده في شنو
هي: بكل برأه طيب انا ممكن يكون عندي صاحب؟ انا: طبعا ممكن 000عادي!!! هي:ويكون انه ما بتعرفه ؟؟؟ انا:ايوه عادي هي:ويجي البيت وانت مافي ويوصلنا مشاورينا لو انت ما فاضي وكده؟؟
طبعا لحد كده الفيني كملت
صاحب شنو يا وليه انت جنيتي ولا خرفتي
ومن يومه كل ما يسئلوني ده منه البتتكلم معاه ده
اجب بكل شفافيه
ده صاحبي واقفل الخط
ده واحد من المواقف البريئه ولسه في مواقف كتيره يالله كل واحد يدينا كذبه بيضه مرة بيه
|
|
|
|
|
|
|
|
Re: كان الكضب ما نجاك 000 الصدق مابنجيك!!!! (Re: ادريس خليفة علم الهدي)
|
طارق مالك تجيب المسكوت عنه؟ أمس العنف ضدالمرأة واليوم العنف ضد الرجل، وإدريس علم الهدي (معزتك في قلبي قدر شعر راسي) الصدق سمح لكنه (احيانا معجزة)، خاصة لما يأتي الأمر في هتك ثوابت الحب وعلى رأسها (الكتمان)، وسيبقى هذا أطول المسكوت عنه عمرا، فعلى من يرجو النجاة أن (يســـلك مسالكها) ويدرأ الحب بعد الزواج بتغليف القلب والعيون وربط اللسان، فاللســـان سبب المصائب وهو (الذي يكب الناس على مناخرهم في النار يوم القيامة) كما ورد في الأثر، وكان ينبغي أن تكتب على البوست للرجال فقط و (سري وليس للنشر)، وعند ذاك قد تجد من يجرؤ أن يكتب عن كذبة منجيــة رغم بؤس نجاة الكذب ولكن مكره أخاك لا كذاب.
| |
|
|
|
|
|
|
Re: كان الكضب ما نجاك 000 الصدق مابنجيك!!!! (Re: Mohamed Abdelgaleel)
|
العزيز محمد عبد الجليل لك الود وكل الشوق
Quote: الصدق سمح لكنه (احيانا معجزة)، |
بس دي النجيضه ذي ما بقولوا اهلنا
وفي نواحي الحياة كلها بغض النظر عن الحب والزواج والعمل والصداقات يعني ممكن احيانا تضطر تكذب عشان تصلح بين اثنين اصحاب بينهم سوء تفاهم
والله يامحمد يا اخوي زمان كان الرجال بربطوهم من لسانن لكن الان ما عارف بربطوهم من وين!!!!
تعرف من اجمل الصفات الموجوده في الغرب وما عندنا هي الصدق والشفافية والاعتراف بالخطأ ومحاولة علاجه عشان كده انا بحاول اخربش في الصخر
| |
|
|
|
|
|
|
Re: كان الكضب ما نجاك 000 الصدق مابنجيك!!!! (Re: طارق عبد اللطيف نقد)
|
طارق والله بوست يغرى بالاندياح والبوح .. ولكن حبيت اوريكم ان الشروق مرت من هنا وبس!! ما شروق ابو الناس؟؟ اصلو الايام دى وكل العام انا متهم.. طبعا انا ما معاكم فى الحاجات الوسخة دى.. لانى ما بغطى شى!! واشار ود الموج للنيو لوك.. اتمنى صادقا هاشم خلف الله وعادل جبارة يجوا عليك جاى.. اخوكم المخلص الواثقين منه اوالقنعانين منو والمقنوع منه ولاجله..لاادرى؟؟ ايهم اصح... صديق الموج،،،
| |
|
|
|
|
|
|
Re: كان الكضب ما نجاك 000 الصدق مابنجيك!!!! (Re: صديق الموج)
|
Quote: ولكن حبيت اوريكم ان الشروق مرت من هنا وبس!! |
والله منور يا خال كيتا في حمزاوي قريبي
Quote: والله بوست يغرى بالاندياح والبوح .. |
طبعا انت اكتر واحد ممكن ينداح لكن شايف اليومين دي بقيت شفيف مع ناس
اتمنى صادقا هاشم خلف الله وعادل جبارة يجوا عليك جاى.. طبعا زي البوستات دي ما استايلهم ذي ما قال ود البشري بتجيب الهوا والكتاحه كمان
Quote: الواثقين منه اوالقنعانين منو والمقنوع منه ولاجله..لاادرى؟؟ |
صدق يا ود الموج لا واثقين ولاقنعانين 000000 بس عشمانين؟؟ كيف دي!! تحياتي
| |
|
|
|
|
|
|
Re: كان الكضب ما نجاك 000 الصدق مابنجيك!!!! (Re: طارق عبد اللطيف نقد)
|
شوف يا وكيل الوزارة والعضو الدايم ل د. نجيب زيادة في لجنة النجر والتاليف
جاني تليفون في الليل المدام بحلقت عيونها وحدرت ما اشتغلت بيها الضحك زاد لمباتها ولعوا \ عاينت لي ما معناها دي منو ؟
قلت ليها \دي فلانة الفلانية وهاك ليها كسفتها ليك جنس كسفة تاني ما اشتغلت بي بعد ما اتونست معاها فقري مش كدة
| |
|
|
|
|
|
|
Re: كان الكضب ما نجاك 000 الصدق مابنجيك!!!! (Re: د.محمد حسن)
|
طارق ..
نحن غايتو امور اللف والدوران دي نحن ما عندنا .. ناس سيدا ..
ود الموج بطل الشحررة..
واحد من الجماعة كفيلو اتصل عليهو وين انت يا محمد .. انا في الدمام .. طيب لبك برة الشارع
وزولك كان في مخرج عشرة وكفيلو كان وراه .
دا من النوع البقول للمراة انا في العمرة ...
ود الباوقة
| |
|
|
|
|
|
|
Re: كان الكضب ما نجاك 000 الصدق مابنجيك!!!! (Re: ود الباوقة)
|
الريس ود الباوقة
Quote: نحن غايتو امور اللف والدوران دي نحن ما عندنا .. ناس سيدا .. |
انتو منو افرز يازول لأنه ناسك ديك اللف و الدوران مكملنه!!!
وناس سيدا ديل ناس عمر الفاروق بتاعين هيثم مصطفى وكده \
Quote: دا من النوع البقول للمراة انا في العمرة |
...
وبيكون في البحرين مش
تحياتي
| |
|
|
|
|
|
|
Re: كان الكضب ما نجاك 000 الصدق مابنجيك!!!! (Re: طارق عبد اللطيف نقد)
|
طيب ياشباب نجي للموقف الثاني
مرة جيت متأخر للدوام لقيت المدير منتظرني وينك يا طارق ليش متأخر اليوم ؟؟؟ فأجبت بكل صراحه( كما اتربينا طبعا) والله شالتني نومه!!!
نومه معقول يا استاذ طارق ده نوع من التسيب والاهمال وعدم الاهتمام بالعمل واصلا السودانيين كسالى وما عندهم حرص على الوقت !@!
طيب معليش وانشاء الله ما تتكرر!!
وبعد فترة ايضا في يوم اتأخرته فيه ولسؤ حظي لقيتو ليك منتظرني
وينك 000وراك متأخر اليوم 0000عسى ما شر ؟؟؟
بكل صدق ايضااجبت00000
لا والله بس مشيت المطار اوصل واحد قريبنا مسافر السودان!!!
وطيب ايش دخل الدوام في المطار ؟؟؟
سؤال موضوعي لم اجد له اجابه مقنعه !!!
دايما عليكم يا السودانيين تجيبون اعزار واهيه !!!!
ومرة شالتني ليك نومه ما صحيت الا الساعه 10صباحا
وقبل ما اجي القى ذو الكفل منتظرني ويحرجني بالاسئله اللي ما ليها داعي
قلت خير وسيله للدفاع الهجوم
قمت اتصلت علي المكتب فأجاجبني ذو الكفل
وينك طارق (السؤال التقليدي)
في الحقيقه انا سيارتي متعطله في الشارع العام من الساعه 8 والان معي الميكانيكي وانشاء الله متي ما تخلص انا بجي ولو بتتأخر باخد ليموزين!!!
فأجاب بكل اريحه
الله يعينك علي ها السياره ومتي ماصلحتها تعال بي راحتك 0
ومن هنا عرفت مفتاح النجاه من التأخير !!!
| |
|
|
|
|
|
|
Re: كان الكضب ما نجاك 000 الصدق مابنجيك!!!! (Re: طارق عبد اللطيف نقد)
|
Quote: طروقي انا طبعا بصحي من بدري وبروح علي المكتب عدل عشان كدة ما قاعد اضطر اكضب لا وأصدق وما بتجينا تلفونات أخر الليل لا أولة ولا حتي عندنا ديوان نقعد نقرقر فية عشان كدة ما عندنا مواقف نحكيها ليكم والله أسفين |
والله المدير ده كضاب جنس كضب لاحقت ولابقووووووووووووت!!!!!! بالغتا؟؟؟؟
| |
|
|
|
|
|
|
|