|
|
 Re: حمـار الوادى يا راحل (Re: Abureesh)
|
| Quote: أبو الريش ،، يا خوي ما تقرب شوية من العجلة دي (بكسر العين) ولا خايف من الرفسي؟ |
يا عبد الرحمن،
أخوك أتربى وعندنا مراحات.. مراح بقر، ومراح غنم، ومراح ضان.. نولع النار ببعر البقـر (طاقة بديلة)
أذكر لما الرعاة يجو من القاش، فى قبايل الخريف، ما يلقوا الماعون عشـان يحلبوا فيه!! كل المواعين،
اللبانيات، والكوارى والسعـون وغيرها مما توفر، كلها مليانة وما فى ماعون تانى.. تصدق. وما يحلوا المشكلـة إلا
بعـد يفكوا العجول ترضـع باقى البقر حتى قبل تتحلب.. والعشـاء لبن حار من ضرع أمو.. مباشـرة..
(تقول لى fresh)!! نزح الرغوة عشـان نأكلها فى النهايـة! وفى النهار نستنى يخضوا
الروب ويطلعوا الزبدة، ويغلوها فى دريش عشـان تتصفى.. والله لو ضقت نتيجـة العملية دى الدريش المقلى
بالزبدة وعليه باقى الروب، تأكل يدك وراه موش أصابعك.
كنت أرعى غنمنـا، جنب المزرعـة، وفى نفس الوقت أراقب المزرعـة من البهائم الهاملـة والجراد.. ندق
الصفيـح عشـان نطرد الجراد، وفى نفس الوقت نشـرك ليه عشـان نشـويه ونأكلو.. أكلت جراد مشوى؟
يا لهـا من طفولـة..
لما نجوع فى الخلا كنا نحلب الغنم فى كرة العشـر! نجيب كرة العشـر، ونغسلهـا، بعد داك نقلبهـا حتى
يكون خارجهـا النضيف بالداخل، ثم نحلب فيها الغنم! شفت الإختراعات دى.
مرات نخلى البقر فى المراعى.. سهـول خضـراء موازيـة لمزارعنـا.. ونمشى للخور عشـان نجهز المويـة.
نعمل الأحواض حول البئـر، ونليسـها بالطين حتى ينشف، ثم نبدأ عمليـة ملئ الحيضـان بالدلو، وأخوك
فنان فى رمى الدلو وقلبتو فى قاع البئر.
الأن أستغرب كيف كنا نقوم بكل هـذا وأعمارنـا لم تتجاوز العشـر سنـوات.
|
|
 
|
|
|
|
|
| العنوان |
الكاتب |
Date |
| حمـار الوادى يا راحل | Abureesh | 06-16-08, 07:27 PM |
| Re: حمـار الوادى يا راحل | othman mohmmadien | 06-16-08, 07:54 PM |
| Re: حمـار الوادى يا راحل | Abureesh | 06-16-08, 09:32 PM |
| Re: حمـار الوادى يا راحل | Sabah Hussein | 06-17-08, 02:34 AM |
| Re: حمـار الوادى يا راحل | يسرى معتصم | 06-17-08, 02:55 AM |
| Re: حمـار الوادى يا راحل | Abureesh | 06-17-08, 07:06 AM |
| Re: حمـار الوادى يا راحل | Abureesh | 06-17-08, 09:47 AM |
| Re: حمـار الوادى يا راحل | عبدالرحمن عبدالله أبوشيبة | 06-17-08, 10:00 AM |
| Re: حمـار الوادى يا راحل | Abureesh | 06-17-08, 10:20 AM |
| Re: حمـار الوادى يا راحل | Abureesh | 06-17-08, 01:18 PM |
|
| |
Abureesh
فيس بوك
تويتر
انستقرام
يوتيوب
بنتيريست