|
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر (Re: Al-Shaygi)
|
الشايقي آآخوي .. كيف حالك.. البركة بالشوفة.. أولا آسف جدا لعدم تمكني من التعقيب على مداخلتك السابقة لظروف قاهرة.. ولما خشيت االبوست الليلة طفرت للمداخلة الأخيرة لكن كنت جاييك جاييك..
Quote: الجزئية الفوق دي بسبب التداخل القبلي بين الدولتين، ومن الطبيعي أن نجد أناس كثيرين يحملون الجنسيتين السودانية والتشادية، وأنت تعلم ومن الواقع أن معظم المتنفذين مثلاً في الحكومة التشادية عاشوا وتعلموا حتى المرحلة الجامعية في السودان، بل منهم من حصل على دراسات عليا في بعثات مدفوعة من بواسطة الحكومة السودانية من جيب محمدأحمد المسكين، ثم بقدرة قادر أصبحوا مسؤولون كبار بالحكومة التشادية، طبعاً فاهم قصدي كويس وهو أنه هذه المجموعات القبلية المتداخلة حدودياً ولائها للقبيلة وليس للوطن. وما فارقة مع أيٍ منهم أن يكون في هذا البلد أم ذاك المهم عنده ينفذ أجندة قبيلته ويعمل على نصرتها، ولا يختلف في هذه الأمي أو حامل الدكتوراة. |
أنا متصالح جدا مع قصة الجنسيتين دي بالمناسبة يا الشايقي.. التداخل الفبلي البين السودان وتشاد مع الأسف لم يقدم سوى الحرب والدمار بين الدولتين.. كان يمكن إستغلال التداخل لتقديم نموذج جيد لتكامل سوداني تشادي يحتذى به في الإقليم والمنطقة .. لكن مع الأسف زي ما إنت تفضلت الولاء بقى للقبيلة قبل الدولة .. وللعشيرة قبل القبيلة.. أنا القدامك دا يا الشايقي قعدت تقريبا عشرة سنوات في السودان طلعت منه بـ أربع شهادات في 4 تخصصات مختلفة بلا حول ولا قوة مني( 2 بكلاريوس ودبلوم عالي وماجستير ) وعندي تسجيل لدكتوراه ما تابعته.. دا غير الدورات التدرييية والتأهيلية والرحلات العلمية الما عندها حساب .. قريت على حساب الشعب السوداني المسكين.. عشرة سنوات عرفت فيهم عن السودان البغالط بيه أجعص سوداني وادخل صباعي في عينه.. سط ليك السودان دا السواطة الما خمج .. من شرقه لغربه وشماله ووسطه ما خليت فجة ما ختيت فيها كراعي.. لكترة أهلي في السودان يومين على بعضهم ما قعدتهم في داخلية الجامعة رغم إنه عندي فيها دولاب وسرير ومرتبة يشيلوا نفرين.. أها بكره دي كان داير أقول أنا سوداني بقول .. مش كدا وبس واعمل حركة مسلحة كمان .. وأعمل سافوته للناس في راسهم.. وأشوف الأمه بت عم أبوه اليجي يغالطني .. لكن تبقى الشغلة ما عندها معنى لو بقينا نحمل جنسيات دول ولاءنا ليها يضعف ويقل أمام ولاءنا لدول ومؤسسات إجتماغية أخرى.. والله يا الشايقي أنا شخصيا من دواعي سروري وفرحي يجي أي سوداني من قبيلة مشتركة ياخد الجنسية التشادية طالما استحقها لكن يدي ولاؤه لتشاد بنفس قدر ولاؤه للسودان على الأقل.. لكن حكاية إنت امبارح القريبة كنت كوز قدر الضربة .. اتولدت واتربيت وقريت لحدي الجامعة في السودان.. مش كدا بس وكمان كنت رئيس اتحاد الجامعة .. تشاد دي سامع بيها سمع ساكت من أستاذ الجغرافيا .. كل اليربطك بيها عندك امتداد قبلي هناك.. تمشيها بجواز سوداني زائر .. بين عشية وضحاها تبقى مسئول قدر الدنيا عشان أهلك حاكمين فيها.. ومطلعين زيت أبو أهل الناس .. وتبيع مبادئك كلها وتستفيد من وصعك القبلي .. وتعمل فيها تشادي و تصريحاتك تتطاقش وضد السودان كمان!!!!!؟ أها يا الشايقي أخوي من سخرية القدر إنه تشاد ما ببتحدث باسمها اليومين دي إلا الزي دا.. البيكون أخوانه أبناء عمه لزم إتنين منهم قيادات في العدل والمساواه .. وشقيق زوجنه اللهو ابن عم تاني ليه قائد ميداني آخر في العدل والمساواه .. وهو ذاته في رقبته لو البقرة الحلوب البيحلب فيها دي كان هسغ تلقاه رامي قدام مع الذراع الطويل.. أها جنس دا يا هو المتحدث الرسمي باسم تشاد وتلقاه ليك مالي الدنيا كلها ضجيج عشان ينفي تورط تشاد في الهجوم على الخرطوم.. خل بالك تشاد دي بقت عاقر باقي لي .. الله ما خل فوقها غير الناس الزي ديل وكلهم تراهم جونا من عندكم .. كان قالوا دارفور والسودان عودهم راكب وهم ثوار ومناضلين ضد حكومة الجلابة.. وكان قالوا تشاد عودهم راكب وهم مسئولين رسميين .. ونحن فراجه غايتو بكره كان لقوتونا متحاومين بغادي عندكم ما تفرفروا..
|
|
|
|
|
|
|
العنوان |
الكاتب |
Date |
7 ملايين دولار تكلفة "الذراع الطويل" .. دفعها "ديبي" لـ "خليل إبراهيم" من عرق الشعب التشادي | محمد نور أحمد | 05-28-08, 04:35 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Elsanosi Badr | 05-28-08, 04:44 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Tragie Mustafa | 05-28-08, 04:50 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | محمد نور أحمد | 05-28-08, 05:09 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | محمد نور أحمد | 05-28-08, 05:30 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | محمد نور أحمد | 05-28-08, 05:40 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | محمد نور أحمد | 05-28-08, 09:13 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Hatim Yousif | 05-28-08, 10:19 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | محمد نور أحمد | 05-29-08, 05:32 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | عمر التاج | 05-28-08, 08:40 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | SAMIR IBRAHIM | 05-28-08, 09:16 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Yasir Elsharif | 05-28-08, 10:10 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Hatim Yousif | 05-28-08, 10:33 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Mohamed Suleiman | 05-28-08, 02:03 PM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Hatim Yousif | 05-28-08, 02:39 PM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Tragie Mustafa | 05-28-08, 05:03 PM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Hatim Yousif | 05-29-08, 07:28 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Al-Shaygi | 05-28-08, 06:07 PM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | أنور أدم | 05-28-08, 09:44 PM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | محمد نور أحمد | 05-30-08, 06:51 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | Al-Shaygi | 05-30-08, 07:36 AM |
Re: 7 ملايين دولار تكلفة "الذراع الطويل" .. دفعها "ديبي" لـ "خليل إبر | محمد نور أحمد | 05-30-08, 08:57 AM |
|
|
|