|
Pass Word الشفيف : معتصم دفع الله للإيجار !!!!!!!!!
|
حيث أن حبيبنا معتصم دفع الله في حالة ركود تام (وابتعاد) عن الحوش خلال الفترة الماضية .... والإيجار بدأ يتراكم عليه ( لعدم المُشاركات ) لأكثر من شهر !!!! عليه وبعد إذن صاحب الدار (وموافقة صاحب الشأن/مو) سيتم عرض الـ Pass Word للإيجار لفترة محدودة (يتم تحديدها لاحقاً) ... وفق (عطاءات رسمية ) تخضع للإجراءات النظامية المُتبعة في مثل هذه الحالات و يتم الإتصال بالسيد على محمد على بشير (مشرف الحوش لشهر أبريل ) لمعرفة نوعية الإجراءات ... على أن تتم المُشاركة من خلال هذا (العرض حال) بمحاولة ثني المذكور عن هذه النيَة بالطريقة المناسبة من السادة الأعضاء .... كإهدائه وردة مثلاً علها تعيده إلى (رُشده) ...... ويعود
|
|
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: mohamed elshiekh)
|
مراحب يا ود الشيخ .... يا أبو !!!!! ( لسه ما عرفنا )
Quote: يا عمران هل الباص ورد دا ينفع للمتزوجين؟ |
وحيث أن السؤال ذو أوجه متعددة ( وجه أكثر من خبيث ) فإنني سأفترض حُسن النية وأرد قائلاً ( حسب الضوابط !!!!!!!!!) وإذا إفترضنا عدم حُسن النية ( وجه أخبث من الأول ) نحتاج إلى أخذ الإذن من سعادة وزارة الداخلية لديكم
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: ابو جهينة)
|
الريس العزيز أبو جهينة ....
Quote: بالإتصال مع ( مو ) ... قال أن للإيجار شروط معينة :
1. العزابة يمتنعون 2. الكرادون يمتنعون 3. كل أصدقاء د. نجيب زيادة يمتنعون 4. الدفع نقداً و لمدة ستة شهور عند بيت العزابة الكائب بالعليا |
ده شنو يا ريس .. نحنا عايزين (نحنِس) ونرمي (طعمية) ... وإنت جاي تبيع ....
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: ابو جهينة)
|
Quote: بالإتصال مع ( مو ) ... قال أن للإيجار شروط معينة :
1. العزابة يمتنعون 2. الكرادون يمتنعون 3. كل أصدقاء د. نجيب زيادة يمتنعون 4. الدفع نقداً و لمدة ستة شهور عند بيت العزابة الكائب بالعليا
|
ياقريبي بلغه الرسالة.... سألنا نمك في كذا مكان
وقول ليه عندي مستأجرة سمحة...بس يفاوض كويس
شكرا صاحب البوست
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: حمزاوي)
|
يا عمران الزول ده خلوه في حاله الايامات دي .....
الراجل راسه جايطة خاااالص .... جماعة الوالد عايزين يعرسوا ليه من بنات أعمامه أو عماته وناس الوالدة كمان حالفين يعرسوا ليهو من بنات الخالات أوالخيلان ... أها وهو كمان مرتبط بي جااااي يعني الموضوع جااااايط كله كله . وأنا بصفتي وزير العريس المرتقب ( أياً كانت الجهه الفائزة بالعريس ) مستعد إشتري الباص ووورد عديييييل كده ( وغايتو ربنا يستر عليه سااااااكت ) . غايتو البيعه ما بتكون خسران تب ...
مودتي لك وله .
عماد
تخريمة :
عمران الزول ده قال ح يخلي البورد ده عديييل كده ، قال جايب ليهو البورة ،،، أها يا تمبس رأيك شنو في الحكاية دي
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: عماد محمود علي)
|
عمدة يا جميل .... أولاً ( وش خجلان رغم أنفه وغصباً عنو ) .......... وحمدا لله على سلامتك ... وعشان ما أخش ليك في أيِ حنك (بيش) ... وكنت مشغول ... وما عارف إيش .. تاني بقول ليك حمد لله على سلامتك ......
Quote: عمران الزول ده قال ح يخلي البورد ده عديييل كده ، قال جايب ليهو البورة ،،، أها يا تمبس رأيك شنو في الحكاية دي |
عماد تمبس شنو العايز تسألو كمان ......
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: عمران حسن صالح)
|
Quote: عمدة يا جميل .... أولاً ( وش خجلان رغم أنفه وغصباً عنو ) .......... وحمدا لله على سلامتك ... وعشان ما أخش ليك في أيِ حنك (بيش) ... وكنت مشغول ... وما عارف إيش .. تاني بقول ليك حمد لله على سلامتك ...... |
تسلم يا عمران يا أخوي وبين الحبائب مافي لوم ولا زعل والدنيا مشاغل والله يشغلنا بذكره .
Quote: عماد تمبس شنو العايز تسألو كمان ...... |
يا أخوي ميا هو كاتم أسراره وعارف البيهو والعليهو قلنا النشاوره في الأمر بصيغة السؤال بس هو قتيت خلاااااص زاق براااحه كده .
مودتي
عماد
خربشة :
هسه مسعول من الخير شتاااات ده ماله غاطس كده بجهز لي معتصم في البدله ولا شنو ؟!!! ولا بلم في الريالات علشنا يشتري الباص وورد !!!
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: عمران حسن صالح)
|
Quote: عمران الزول ده قال ح يخلي البورد ده عديييل كده ، قال جايب ليهو البورة |
هسه ما كان أخير ليهو البورة دي من شيل الحال دا
غايتو يا معتصم الله يكون في عونك
وللباقين قالو في المثل أخوك كان حلقو ليهو بل راسك
طبعاً هم عارفين نفسهم مافي داعي نجيب أسماء هنا
ويا اولاد اللذينة لو عملتوا رايحين بجيكم راجعة تاني
ولا عذر لمن أنذر
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: انعام عبد الحفيظ)
|
Quote: هسه ما كان أخير ليهو البورة دي من شيل الحال دا |
والله زول غيركم شايل حالي مافي يا انعام
Quote: وللباقين قالو في المثل أخوك كان حلقو ليهو بل راسك طبعاً هم عارفين نفسهم مافي داعي نجيب أسماء هنا ويا اولاد اللذينة لو عملتوا رايحين بجيكم راجعة تاني ولا عذر لمن أنذر |
الليلة والليلة .. غايتو أنا بعمل نظام المديدة حرقتني ..
يا انعام غايتو انتي زولة شاكاله خلاس
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: عمران حسن صالح)
|
انعام عبد الحفيظ تاني .........
Quote: طبعاً هم عارفين نفسهم مافي داعي نجيب أسماء هنا
ويا اولاد اللذينة لو عملتوا رايحين بجيكم راجعة تاني ولا عذر لمن أنذر |
بالطريقة دي يا انعام البوست حا ينحرف عن مسارو الأساسي ورسالته النبيلة .......
... بالمناسبة أتفق معاك ... إنت أبدي اسم وأنا بقول التاني ... جادي أنا
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: هاشم أحمد خلف الله)
|
يا هشومي انت زاتك مافي .. يعني غايب عديل كده قولي لي الزعلك منو .. ونحن ندقو ليك دقة نقطع لحمه ( على قول الغائبة شيري الله يطراها بالخير ) ..
Quote: ولو في مشروع زواج سريع ولا يهمك والله ابيع ليك صاحبك تمبس والتوب نسميه بإسمك انتا ده |
لا لا بيع ما معانا بعدين تمبس دا صاحبي .. لازم تقومو تسمو توب جديد بإسمي
يديك العافية يا حبيب ..
| |
|
|
|
|
|
|
Re: Pass Word الشفيف : معتصم دفع الله للإيجار !!!!!!!!! (Re: ismeil abbas)
|
عُمران ( بضم العين) نكايةً في صديقك أبو اللول العامل براهو مقدد العربي قدقدة ده
عاين
أنا في حياتي لاقيت ناس (شفافين) كتار لكن (أشف ) من معتصم أخوي ده ماااااافي كلو كلو ..
ياخ ( ممو) ده من كترة مازول ( شفاااااااااااااف) يكون وأقف قدامك كده تشوف الدم مااشي في عروقو وتشوف قفصو الصدري عضمة عضمة تصدق ؟
| |
|
|
|
|
|
|
|