|
جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م.!!
|
سهرة انا سودانى...قناة الشروق..والفنان جمال فرفور... وكثير من السوابق للقاءات التلفزيونيه.التى بطلها .جمال فرفور...!!
جمال فرفور.يحتاج ان يجلس فى الواطه ويستمع ويتعلم كيف يدار الحديث وكيف تكون الاجابه..نرجو ان يستمع للاستاذ الكابلى عشان يتعلم فكره جديده..وطبعا ربنا سبحانه وتعالى ...يمنح الموهبه .وموهبة فرفور ان يغنى وبس..لان فن الحديث موهبه .وثقافه وفن . وسايكلوجيه.وتمكن وإستحواذ.وممارسه..والقلم ما بيزيل بلم..!! كما قيل فى الامثال الشعبيه.. ثم موضع الاناقه ..والله عنوان الفنان الاناقه..والموضه..والفنان الذرى ابراهيم عوض كان موضه وضجيج وظاهره..فى الصوت والاسطايل والاناقه والتسريحه.. وزيدان..وخوجلى عثمان..وكابلى ومحمد وردى.اما اخونا فى الله فرفور فليس له حظ فى الاناقه ولا الاختيار فى النوع وفى الالوان..او فى الماتشينق بين التصنيف...والنوعيه..وما يلبسه فرفور فيه فقر اختيار شديد اللهجه... يعنى يحتاج لمساعده من متخصص فى اللبس عشان يختار ليه...!!
وفى ناس لو لبسوا خيش بيكونوا مبهرين وانيقيين..تماما..وفى ناس لو لبسوا الحرير والمخمل يبدون وكانهم يرتدون اثمال باليه...!!يعنى فى نواحى الغناء .له صوت جميل واداء رائع.اما فى الباقى .صفر على الشمال..ودا نصيبه ..!! حقو يقتنع ..وحقو مقدمات البرنامج يقتنعن..لان طريقة الخلطه الفرفوريه ..صعبه شويه...!! وكما قيل هذا يسمع حين يغنى .فقط..!!
واعصاب واحاسيس المشاهدين لا تحتمل .. ما يحدث ...لانه مريع..ومؤلم..وفاضح.. ان يقحم من لايعرف ليتحددث بجهاله وعدم عمق..!! يعنى فرفور يغنى..وبس...!! لان ربنا اعطاه موهبة الصوت..!!! لكن الفهلوه ..لا تنجح فى كل الاحيان..!!
ودا راى...!!
|
|
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: عصمت العالم)
|
مساء الخير يا عصمت وود الباوقة,,
والله يا أخوان ,,,الزول العجيب الرايح فى دنيا الفن ده ما خليتو ليهو جنبة ينوم عليها,,,,,والعجب كمان واحد إسمو بكرى المغربى,,,,,يمدو ليهو المايك فى غير غناء !!!!!!!أمانة ماتشوف رجفة وكلام دراريب دراريب!!
هؤلاء يجمعهم فقدان الخلفيات!!!فليس ليهم ما يمكن أن يكون مفيدا,,حقو يدقوهم بالمايكات الماسكنها دى في روسينم الكبار ديل,,,,
تحياتى
| |
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: ود الباوقة)
|
العزيز ايمن االطيب..
اتفق معاك يا صديقى..وبكرى المغربى كارثه من كوارث الاعصار الفنى الذى اجتاح سموات الغناء السودانى..دا ماخد الموضوع وراثه .الاخ الاصغر سامى المغرب غنى..فالاكبر اخذ الاسم وطوالى قبض المايك.وسرح يتاوه .ويتبهدل.ويتلولو..ويتخنج ..وعامل هو حليم زمانه.. والله .حكمه..وحكايه.. يا ايمن..
اسهل شىء تجيب اورغن..وساوند سيستم..وتبدا بالعشاء ..ثم.. بى خمسين الف من الحله وانت طالع.تتدرج .الوظيفه فى السودان بقت لا تلبس ولا تاكل..الغناء وبس..
عميق الود
| |
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: عصمت العالم)
|
المظهر العام ضروري لمن يواجه جمهور في اي موقع ... الاهتمام بالهندام امر ضروري وطالما ان الزمن الان يستوجب المشاهدة مع الغناء فالمغني يجب ان يهتم بهندامه .. في ايام طفولتنا وصبانا وشبابنا انبهرنا بهندام احمد المصطفي وابراهيم عوض وعثمان حسن ووردي ومحمد حسنين وحسن عطية والعاقب والكاشف( الذي يتعايش علي مائدته العامرة عشرات من الاسماء التي تتغني بنا )وصلاح محمد عيسي وصلاح بن البادية وكل الاصوات التي اثرت ساحة الغناء والموسيقسي خلال العقود الخمس الماضيات .... هذا ينطبق علي فئات كثيرة تواجه المشاهدين من خلال الشاشة او المسرح في بلادنا .. فوضي الهندام اساءة واستخفاف بالمشاهد والمستمع ...اللبس البسيط المتناسق ليس مكلفا وبالذات هذه الايام...هذا ينطبق كذلك علي المراة المطربة والمغنية والمذيعة كذلك فما اجمل التوب السوداني في ابسط اشكاله القادم من المتمه في زمان ما و والذي كان متاحا لكل السودانيات ...التلفزيون لم يعد جهاز مشاهدة محلي فالعالم كله يري ما تقدمه الفضائيات السودانية والتي اثبتت حتي الان فوضي في ادارة ما يشاهده العالم وعدم اهتمام القائميين عليها بامور شتي تتعلق باسلوب وشكل ومضمون ما يقدم ومن يقدم ... بلادنا لا يكفي ان ندبج الاشعار والكلمات في حبها ولابد ان نعكس للعالم صورة جميلة تلييق بها.. بلادنا تحملتنا كثيرا ونحن فوق ترابها وحين نرحل وتحتضن اجسادنا وبقايانا فلنرحمها من سوء افعالنا ....
| |
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: abubakr)
|
Quote: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م |
والمشكلة يا عصمت أخوي انا كلما مرة أقول المرة الجاية أكيد حايتغير لكن لا حياة لمن تنادي , طيب مسألة المظهر وعرفناها لكن الكلام الدراب ده يعملوا ليهو شنو ؟؟ بس أنا بعتقد المسألة ترجع للتعليم ومش بالضرورة التعليم الأكاديمي لا التعليم الذاتي , بمعني طالما هو عرف يقلد غناء بعض الفنانين يعني ما صعب عليه يقلد طريقة كلامهم !!! انا متأكد يا اخ عصمت ان نيتك صافية لكن مرارتك إتفقعت عديل كده عموماً انا ما بحب أتفشي فيهو لكني زيك بالظبط عايز أشوف جمال فرفور وهو أنيق والصلعة عمرها ما كانت سبب في عدم الأناقة .
| |
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: abubakr)
|
العزيز ابوبكر.. اتفق معكم تماما..وتناسق الجوهر مع المظهر يمنح مستوى راقى من توازن التوافق..والفنان هو مرايا ..ومظهر واتقان .يجب عليه ان يتبع كل تقاليد واعراف ما يترتب على المسئوليه الفنيه والمسئوليه الاجتماعيه والمسئوليه العامه..لانه يعكس مساحة من تطور وتقدم وحضاره..ولنا امثله كثيره..الكابلى مثلا..وحمزه علاء الدين..واحمد المصطفى..وليلى المغربى..ووجوه واصداء ومعابر..منحت كل شىء صدى ذلك الرونق البهيج...حتى فى ملامح مختلفه لجوه اتاحت لها الظروف ان تتحدث وتبرز وتقدم باسم السودان.منذ فجر التاريخ..لكن يا صديقى.. فوران فنانى اليوم يحير.اولا لا سندا لهم من انتاج كل الاغانى مأخوه من تراث غنائى..ثم ظواهر الاندفاع والازدراء والغرور..والاحساس بالاهميه القصوى.زوكل ذلك نتاج ضعف واسفاف وفراغ عقلى وذهمى ووجدانى.. لك المحبه.زاستاذنا ابوبكر.ز
| |
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: عصمت العالم)
|
العزيز هاشم..
والله انا مشفق عليه جدا.وهو يجد نفسه فى مدار اهتمام واسع .وهو ياتى من خلفية لم تخلق له المناخ االمناسب لينهل من الثقافه والمعرفه وفن الحديث ودقة التناول والمعرفه بالبرتكول الحديثى وكيف خلق الاطار ورسم لوحة الحديث..فطريقته للاسف الشديد بلديه جدا..وفيها الكثير من الجلافه وعدم الادراك.وسخف الاستخفاف..وعدم الاهتمام بماهية وعمق ومحاور الموضوع المطروح..وبالطبع هو يتخيل انه فنان لذا يستطيع ان يطوع كل شىء..وهذا مستحيل..وكل المواقف تكشف ضخالته وجهله..وسطحيته..نحن لا نختلف ان له صوت جميل وانه يؤدى بشكل رائع..لكن هذا كل شىء..ومن خلال ظهوره الى الان لم يستطيع تطوير نفسه والاستفاده من الاخرين ..والتدرج ببطء ..وما عيب ان يتعلم الانسان.. انا مشفق عليه..خاصة ان فى ملامحه مسحة الغرور والتعالى والتكبر التى بدا تظهر جليا منذ زمن.. وجمال فرفور ليس فريد زمانه..ولن يبلغ ما بلغه مبدعين وفنانيين صنعوا مجد الغناء السودانى..ولن يستتطيع ان يتفوق على عمالقه مثل محمد وردى .وكابلى وود اللمين..وابراهيم عوض واحمد المصطفى وحسن عطيه..وفى تفاسير االغناء .انه مجرد مؤدى للاغنيات التى ابدع فيها اخرون .,.ولم يضف شيئا الى اصل الالحان ولا الكلمات...وبالطبع لن تكون له بصمات فى تاريخ الغناء السودانى...ظاهره ستنطفىء مثلها مثل سلام..وزنقار الصغير..وهذه الظواهر لها زمن انحسارها..الذى يطفىء كل البريق.. كان عليه ان يسفيد .وان يتعلم.وان يفهم..وان يطور نفيسه وقدراته..ولا اعتقد ان اكمال الدرساه الجامعيه يعنى الالمام..وفنون الحديث ..ومعايير دقة المخاطبه..لان الثقافه بحر واسع له من يستطيعون العوم فيه وقطع مسافته..
وهذا كل شىء.. عميق الاعزاز
| |
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: عصمت العالم)
|
نحن من جيل عاصر كل تلك الفرص المتاحه فى المدارس من خلال ابراز الموهبه وتطويرها فى عمل جماعى من خلال الجمعيات الادبيه..والاشراف المباشر للمعليمن المتخصصين فى اللغه وفى الادب وفى الشعر وفى الفنون..
Quote: تلك مراحل في المدارس والنديه الثقافيه لن ترجع..كيف ترجع وقد ضاع مبدا التعليم المجاني واصبح التعليم مصدرا تجاريا ياتي يالثروات الكبيره.. في زمن التعليم المجاني..كما قلت كانت توجد الجمعيات الأدبيه..الأنشطه الرياضيه والأخري الفنيه.. كان كل تلميذ في المدرسه مشاركا في اي منها..تنمو موهبته بشكل طبيعي وقوي.. وعندما ينخج الطالب أو الطالبه..يكون عارفا تماما اي المجالات يحب وماهي حدود قدراته..ويختار علي هذا الساس مجاله سواء كموهبه او احتراف ليتقنه أكثر.. |
..............
..............
جميل منك التوضيح يا عصمت..التفسيرات الخطأ تقتل العلاقات الجميله بين البشر.. الشرح يعيدها قويه وواضحه ليس فيها غموض.. احيانا نكتب بقصد حسن..ونستغرق في الكتابه دون أن ننتبه لتقديم شرح اكبر يعطي المعني الحقيقي الذي نقصده..وعندما نشعر بذلك نرجع ونصحح..واعتقد ان هذا هو مافعلته انت وهو فعل تشكر عليه.. بالطبع ملبس الفنان وسلوكه "الشخصي" يمكن أن يخضع للأنتقاد..فهو شخصيه معروفه..تظهر في الحفلات العامه ووسائل الأعلام..وبالتالي هو محط الأنظار ومعرض للنقد..
كنت اعلم بحكم العلاقه الجميله التي تربط بين الجميع..وبحكم حكم الأغلبيه علي فرفور في زياراته للندن بالتهذيب الشديد.. ان قصدك كان كما شرحته انت الآن ولم يتعداه..فبيئة جمال فرفور الأسريه..بيئه طيبه وجميله وتعشق الجمال ..امتدت العشره بيننا جميعا لما يقارب الخمسة عشر عاما تقاسمنا فيها الأفراح والأتراح.. وكنا ومازلنا جميعا اسره كبيره تحتفظ باواصر المحبه وتحرص عليها..وهذا هو حال الخيرين جميعا..
وربما كانت هذه فرصه نرسل السلام فيها للوالده أم جمال..الحاجه الطيبه الصبوحه..
تري هل يأتي زمنا يرجع فيه التعليم مجانا..ويصير لكل طالب الحف في كتب المناهج دون ان يشاركه احد فيها..وله حريه في مدرسته تمنحه ىله موسيقيه يتعلم العزف فيها..وتكبر فيها الجمعيات الأدبيه ويصبح اخراج الجريده الخائطيه سبيلا صحيحا للتعلم وممارسة حرية التعبير؟؟ فتخرج لنا المدارس كوادر م}هله تقود الوطن في سبل مختلفه؟؟
سلام يا عصمت..وتحياتي لسلوي..
| |
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: عصمت العالم)
|
قال عمكم جنّى ما يلى,,,,
Quote: سيم سيم الصادق المهدى! على اليمين عنده لبس قاطعو من كراعو! زى السندكالية وكنس آثار مايو! جنى |
بس معقولة أن يذهب من هنا,,,,,ياخ لو ممكن,,,كن موجودا يا عمّك,,,
الإضحاك والإمتاع موهبة تنقص الكثيرين هنا,,,,
أضحك الله سنّك يا جنى
| |
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: أيمن الطيب)
|
العزيزه منى خوجلى
شكرا للمداخله..
دائما تاتى التفاسير والقرءاءت باخطاء لم تحسب .ولم تقدر...وهى اصلا لم تكن تشير الى اى مفهوم اخر ..يذهب بعيدا وانا اعتذر ..ان كان خطا التفسير قد اصاب الاسره الكريمه ..برذاذ ..اصلا لم يقصد ولم يكن فى الاعتبار ولا الحسبان..
واخص اعتذارى بالسيده الحاجه فتحيه..وكل افراد الاسره...الكريمه.
ودائما..تختلف معاجم التفسير...
وبالطبع جمال فرفور شخصيه عامه وهى عرضه للنقد .والمدح..واستعمال الالفاظ والتعابير تمليه التوليفه لصياغة المقال...
اكرر اعتذارى..
وتقديرى لك استاذه منى...
| |
|
|
|
|
|
|
Re: جمال فرفور....حقو يغنى..وبس... مفارق فى حديثه.ومفارق فى اناقته. وجايط جوطه..اجاركم الله..م (Re: عصمت العالم)
|
هي اكان بقت على الكلام فدي هينة ممكن ما ينضم كلو كلو....
لكن المشكلة انو الغنا زااااااااااااااااتو مابعرف يغني...
او عشان ما نظلمو اول ما يبدا يغني بيكون ماشي كويس، لكن بعد تلاتة ثواني بيبدا
يسرخ...
بتذكر ايام البرنامج بتاع السر قدور حق رمضان داك، بالله الناس ديل بيكونو ماشين
متناغمين يقوم يجيك صوت نشاز في النص ويطلع السيد فرفرة يسرخ فينا جنس سرخي...
دة طبعا غير انو بيندمج في الغنا زيادة عن اللزوم ويديك احساس انو كان رمشت ممكن
تفتح تلاقيهو طار من الكرسي من شدة الطرب والانطراب...
ست البنيــــــــــــــــات
| |
|
|
|
|
|
|
|