تراجي وبقية العنصريين، شوفو ليكم منبر زغاوي ولا تشادي فكوها فيه! كرهتونا البورد!

Quote: عارف يا انور كنج انا ما بشتمك ليه ولا حتى زعلانه منك لانك في نظري اخي الاصغر و الجاهل كمان ...و الجاهل دي عارفه حتزعلك ولكن ما تزعل واقرأ بتأني...يا انور يا غالي ظهرت علوم مثل تقنيات الكمبيوتر وغيرها من العلوما التي تحتاج لمهارات فنيه عاليه...وساعات طويله من الدراساة و التنقيب وصار البشر يحملون فيها شهادت عليا مثل الدكتوراة و الماجسير و الاستاذيه..... ولكن رغم علمهم الفني هذا يهملون علوم اهم مثل الفلسفة وعلم النفس و علم الاجتماع ولذا اجدك يا اخي ورغم انك طالب دكتوراة ولعى وشك المناقشة...لكن ينقصك الكثير في علوم الانسان الانسان الذي يا انور يفترض ان تطوع له كل العلوم لرفاهيته هو اولا ...ووجدت ان آمنه مختار قد اعطتك درسا لن تجده في ارقى الجامعات...عن ماهية الانسانيه...وعن ما يحتاجه الوطن. حيث للاسف اتضح اننا لسنا كما يبدو بحوجة ماسة لمزيد من حلمة الدكتوراة في العلوم التطبيقيه بقدر ما نحن بحوجة للمزيد من المتعلمين في العلوم الانسانيه: شكرا آمنه مختار....شكرا لانك هنا ...ليس لاجل تراجي....بل لاجل الوطن وما يمثله

من طلوع الدين وأهبل وسجمان ورمدان والخ من "التقيل" ربنا يحمينا والشر برّه وبعيد
تاني حاجة شكراً لتأكيدك على خوتنا التي لن تهتز بسبب انك عنصرية أو غيرو...
ياهو السودان،(على قول عادل امام) لو كل واحد عزّل من الشقة
الفوقيهو عشان أختو عنصرية، البلد مش حيفضل فيها شقق!
آمنة مختار ودروس وإنسانيات وتطبيقات، ده شنو ده؟

تراجي، انتي قايلة حياتنا كلها مرهونة بالبورد ده ولا شنو؟
يا ستي بنفجر ليك شريان ساكت كان كده! روقي المنقة عليك الله
واضح من عدد مداخلاتك يا تراجي مدى إيمانك بأن البورد ده حاجة كده ،حاجة فيك!

Quote: ويا انور كنج لا تعتقد الامر تقليل من قيمتك...ولكنك شاب ونحلم من وراءك بالكثير للوطن الوطن السودان الذي اتهمتني باني لا انتمي اليه..زامزقه واتهم ابنائه بالجبن...ما حدث هنا انك ادعيت انك ناطق رسمي باسم الشعب...ولاحظ من حضر لك من ابناء الشعب هنا ووافقك؟؟؟هل تعرفهم انا اعرفهم...وساحللهم لك واحد...واحد.....وطبعا من وجهة نظري ..اقرأ وان شاء الله ترميها البحر ..لكني ساكتبها.

ما تخافي يا تراجي، الحمد لله الفهم البيخليني ما أفهمك غلط موجود،
نحمد الله...المشكلة في عدم فهمك لما كتبته، عن كونك عنصرية!
هذا أكيد يا تراجي...

بالمناسبة، البورد ملئ بالعنصريين، فما تخافي ولا تزعلي وتقولي انها ليكي انتي بس!

قبل ان أعرف انك من بورسودان، وعلاقة والدتك الأستاذة بتول رحمة الله عليها
كمديرة لمدرسة حيينا، ديم الشاطئ، ومعرفتي الشديدة بالمرحوم أخوك ياسين عليه الرحمة ...
عرفت أنك عنصرية يا تراجي...

ولم يمنعني ذلك من إقامة علاقة أخوية بوردية بيننا، العنصرية مرض يحاصرنا
في البيت في السودان، فالزول/ة الفاتح البشرة حلبي في البيت،
والداكن السواد، عب داخل البيت وهكذا دواليك...

متذكرة في بوست لما كتبتي ان الحكمة زغاوية
وجادلك البعض في ذلك البوست بعنصريتك، وتنكرتي! وتم إلتقاط الفكرة
من جانبنا تماماً! وأهو لف الزمن وجا...
وأصبحتي الآن تنادي بالزغاوية مقابل السودانية!!!

في حين أنو كل تعاملنا مع عموم بورداب الدنيا، لم يكن مبني
على عنصرية أو قبلية أو غيرو...بل لسودانيتهم فقط لا غير!

قلتي لي آمنة أدتني درس في الإنسانية في مداخلتها أعلاه؟!
تبقى مصيبة يا تراجي لو صدقتي ان مداخلتها تلك كانت
درساً في الانسانية! سجم الإنسانية كان كدي...

أراك تدبغيني كمهندس كمبيوتر يتطلع لنيل شهادة الدكتوراة
في القريب العاجل بكوني (ميكانيكي كمبيوتر!)، يعني فقط خريجي الآداب والعلوم الإنسانية
هم (الأطباء) ونحن الميكانيكية بتاعون الجامعات!

لا يخفى عليك انني باحث..ويجب ان أبحث لأنال شهادة الدكتوراة،
وهذا البحث يقتضي حد أدنى من الفهم يا تراجي... حد أدنى من حب الانسانية نفسها...
ومن ثم البحث من أجل حلحلة ولو القليل
من مشاكل البشرية، فكيف يبحث ويصبر على رهق البحث من كان لا يتحلى بهذه الإنسانية؟

من بحوثي يا تراجي، بحث يبحث في كيفية حماية الخصوصية ، تخيلي...
زول يبحث في حماية الخصوصية، لكن من وجهة نظر قواعد بيانات صرفة...وليس في البرلمان أو البورد!

أتفكّر الآلات؟ أم نفكّر نحن؟

الكمبيوتر الذي أبحث فيه يا تراجي، هو آلة عظيمة ربطت-وما تزال- تربط الإنسانية
في شتى انحاء الأرض - والسماء برضو على فكرة- معقولة من هم وراء هذه
الآلة وتطورها لا يفهمو في العلوم الإنسانية...

يا تراجي، انا القدامك ده، مؤسس مشارك ورئيس لجمعية المطورين
السودانيين http://www.sudadev.net/ وهذه الجمعية لها أهداف كثيرة...تشترك جميع أهدافها في أنها إنسانية في المقام الأول...
العلوم عموماً تظل علوماً خاوية حينما نحبسها في الشهادات، ونعلقها في الحيط...

لكنها تصبح أكثر...حينما ننزلها الى الأرض ونخاطب بها المحتاج ليها...
والما محتاج ليها برضو...

القلم...بزيل بلم يا تراجي...والقلم أول مخلوق...
والعلم أول ما أُمر به البني آدم...لذلك لا يستوي الذين يعلمون والذين لا يعلمون ....

كفاية إسقاطات بتاعة حبوبات (القلم ما بزيل بلم) على حملة أرقى
الشهادات العلمية من الناس ، لتسجيل النقاط كأننا في أركان نقاش!

البلد مش محتاجة لعلوم إنسانية، البلد محتاجة إنسان أولاً وعلم تانياً
كل العلوم يا تراجي...مش علوم إنسانية بس...

وأنتظر عودتك عشان تكتبي عن المك نمر...جد كل السودانيين وليس الجعليين وحدهم


أنور