|
Re: حصل شاغلتك بت ؟ احكي قصتك !! (Re: hamid brgo)
|
لا اتذكر لمن من الزملاء لكن هنالك بوست يتحدث عن فتاة تم القبض عليها و هي في حالة سكر و تقود سيارة
الخمر لمؤمني الديانة الاسلامية من الكبائر و يجب يعامل هكذا بصرف النظر عن الشارب ... رجل او فتاة و لكن الفهم الرجولي يحل على نفسه و يحرم على الاخر
| |
|
|
|
|
|
|
Re: حصل شاغلتك بت ؟ احكي قصتك !! (Re: Tragie Mustafa)
|
تراجي
Quote: وقلت لي المعنويات بقت في السماء كتر خيرهم بنات الاحفاد |
العزيزة تراجي
حقا كتر خير بنات الاحفاد فهم و معرفة محل ما تلاقيم يعلموك او يفهموك حاجة
_____________________________________________________________ يفهموك حاجة: يهرشوك ,,, دي في حالة ما عايز تتعلم منهن ما يفيدك
| |
|
|
|
|
|
|
Re: حصل شاغلتك بت ؟ احكي قصتك !! (Re: hamid brgo)
|
حامد... سلام وتشكر علي البوست ..
أهديك نكتة 2008
عريس مفلس في شهر العسل في فندق .... بالخرطوم, فاجأه ليك مسؤول الفندق بفاتورة تقيلة جدا لما جاء يغادر هو وعروسه الفندق.. وما عندو ليها أي قدرة ..! العريس: ال200 جنيه دي بتاعة شنو؟ المسؤول: دي رسوم التلفون العريس : لكن والله نحنا ما إستخدمنا التلفون ده وللا مرة!! المسؤول: كان ممكن تستخدموه! العريس: طيب ال150 جنيه التانية دي بتاعة شنو؟؟ المسؤول: دي رسوم القناة الفضائية والتلفزيون
العريس : وحات الله نحنا تلفزيونكم ده ما حصل فتحناهو!! المسؤول: كان ممكن تفتحوهو وتتفرجو وتستمتعو بالبرامج !! ......وبالطريقة دي.....
قام العريس سكت مده وقال للمسوؤل: أخصم 300 جنيه حقت مشاغلتك لي زوجتي كل يوم..
المسوؤل:وحات الله ما شاغلتها..حتي أسألها!! العريس ببساطة: كان ممكن تشاغلها!
(جميع الحقوق محفوظة)
ـــــــــــــــــــــــــــــــــــــــــــ
Quote: بعد حوالي شهر من تاريخ ذلك اليوم علمت من احدي باحثاث الجامعة ان الطالبات لم يفعلن لسؤ الادب انما لاختبار الفهم الرجولي الذي في اذهان بعض السودانيين- الفهم الذي يبيح لنفسه و يرفض من الجنس الاخر ... نعم كان هذا هو السبب |
يعني كميرا خفية...!
بحث جميل .. التحية لأسرة جامعة الأحفاد..
وليك وللأسرة كمان يا حامد..
| |
|
|
|
|
|
|
Re: حصل شاغلتك بت ؟ احكي قصتك !! (Re: خالد الطيب أحمد)
|
Quote: قام العريس سكت مده وقال للمسوؤل: أخصم 300 جنيه حقت مشاغلتك لي زوجتي كل يوم..
المسوؤل:وحات الله ما شاغلتها..حتي أسألها!! العريس ببساطة: كان ممكن تشاغلها! |
خالد جبيبنا
بجد لذيذة !!
بعدين بركة انك قلتا جميع الحقوق محفوظة عشان ما يجيك واحد زي ابوبكر وزيري و يلطشا منك
شكرا على التحايا
زدنا...!!
| |
|
|
|
|
|
|
Re: حصل شاغلتك بت ؟ احكي قصتك !! (Re: hamid brgo)
|
بوست عجيب لكن ...!
طبعاً نحن من قبيلة الموسيقيين وبتاعين العدادات والحفلات ...
وبعدين وكت الزمن زين وكنا وجيهين كده .. وزمن الحفلات كانت تقام بفرقة كااااااملة ومحترمة ...
والمسرح بيكون عالي وكاشف اللعب كلو ..
وطبعاً موقع العازفين أكثر موقع إستراتيجي في الحفلة لأنو في السنتر وعالي ... يعني كاشف أي بت شديده في الحفلة ...
وكان عندي ملاحظة إنو أي واحده الواحد يبدأ يشاغلها بيكون عندي إحساس إنها فاهمة إنها الوحيده الفي الخط ... وفي الحقيقة الواحد بيكون مدور مع سبعة ثمانية كده حسب نضافة الجكس ...
لكن حكاية يشاغلونا دي ( الزمن داك ) ...كتييييييييييييييرة .. وعادية جداً ..
إستغفرتك يا مالك روحي ..
| |
|
|
|
|
|
|
Re: حصل شاغلتك بت ؟ احكي قصتك !! (Re: عثمان دغيس)
|
السلام عليكم يا حامد ما تزعل مني أول انطباع الواحد بيأخدوا من صورة بروفايل العضو وكوند زولتك دي ليست من المفضلات لدي ولا كل الصقور الذين اختارهم الرب المكافحة "الأرهاب" وتابعتك كثير في معظم كتاباتك وكل يوم اكتشف انك أروع من اليوم القبله وفي كل الإتجاهات البيتطرق ليها معزتي تخريمة : دي بمثابة حجز لمساحة في بوستك الظريف لغاية ما أجيك راجع
| |
|
|
|
|
|
|
Re: حصل شاغلتك بت ؟ احكي قصتك !! (Re: الزوول)
|
موافق !! بس ما تسألني من مرتبي كم او تتكلم في صورة بروفايلي
Quote: أول انطباع الواحد بيأخدوا من صورة بروفايل العضو وكوند زولتك دي ليست من المفضلات لدي ولا كل الصقور الذين اختارهم الرب المكافحة "الأرهاب" |
خلاص عشان الصقور ال ذكرتم ديل بغير الصورة و بخت بدلا صورة كارلا دا بونتي ( المحققة السابقة لجرائم الصرب في يوغسلافيا السابقة) الليييييييييييلة كمان جابت ليها محققين و الجزاء الدولية و عمي اوكامبو واصل على طه ؟
Quote: وتابعتك كثير في معظم كتاباتك وكل يوم اكتشف انك أروع من اليوم القبله وفي كل الإتجاهات البيتطرق ليها |
يا وليد والله ده خجلتني خجل السلك الدبلوماسي العربي و الافريقي بانقرة من تصرف السكرتير الصحفي لرئيس الجمهورية
انا بعتز اكتر ... و اكتر
Quote: تخريمة : دي بمثابة حجز لمساحة في بوستك الظريف لغاية ما أجيك راجع |
يمين عشان كلامك الفوق داك ممكن اتنازل ليك من البوست ... زي ما دكتور سيجيمان جرى ( عفوا اتنازل) خلي لي بوستو ( قومو بلا دارفور بلا قرف)
عزيزي الزول يا مرحبا .. و بكل حب
| |
|
|
|
|
|
|
Re: حصل شاغلتك بت ؟ احكي قصتك !! (Re: عثمان دغيس)
|
Quote: بوست عجيب لكن ...!
طبعاً نحن من قبيلة الموسيقيين وبتاعين العدادات والحفلات ...
وبعدين وكت الزمن زين وكنا وجيهين كده .. وزمن الحفلات كانت تقام بفرقة كااااااملة ومحترمة ...
والمسرح بيكون عالي وكاشف اللعب كلو ..
وطبعاً موقع العازفين أكثر موقع إستراتيجي في الحفلة لأنو في السنتر وعالي ... يعني كاشف أي بت شديده في الحفلة ...
وكان عندي ملاحظة إنو أي واحده الواحد يبدأ يشاغلها بيكون عندي إحساس إنها فاهمة إنها الوحيده الفي الخط ... وفي الحقيقة الواحد بيكون مدور مع سبعة ثمانية كده حسب نضافة الجكس ...
لكن حكاية يشاغلونا دي ( الزمن داك ) ...كتييييييييييييييرة .. وعادية جداً .. |
العزيز : دغيس سلامات و احترامات هو انت تتكلم في غرابة البوست و لا في المصيبة ال سويتها في روحي و دمرت بيها اسهمي في المنبر. عليك الله يا عثمان زول بكامل قوتو العقلية( و نيابة عن شخصيتو الاعتبارية) يعلن انو هو متزوج وفي منبر نضيييييف زي ده
دي الحركات ال بتخلينا ما نبدأ الحركات الا بعد 50 سنة من الحركة ال ختت الناس البهلوانيين في القصر المتحرك و يسو في حركاتم ديك (بسم الله الرحمن الرحيم انا قاعد اقول في شنو) ؟
| |
|
|
|
|
|
|
Re: حصل شاغلتك بت ؟ احكي قصتك !! (Re: عثمان دغيس)
|
Quote: بوست عجيب لكن ...!
طبعاً نحن من قبيلة الموسيقيين وبتاعين العدادات والحفلات ...
وبعدين وكت الزمن زين وكنا وجيهين كده .. وزمن الحفلات كانت تقام بفرقة كااااااملة ومحترمة ...
والمسرح بيكون عالي وكاشف اللعب كلو ..
وطبعاً موقع العازفين أكثر موقع إستراتيجي في الحفلة لأنو في السنتر وعالي ... يعني كاشف أي بت شديده في الحفلة ...
وكان عندي ملاحظة إنو أي واحده الواحد يبدأ يشاغلها بيكون عندي إحساس إنها فاهمة إنها الوحيده الفي الخط ... وفي الحقيقة الواحد بيكون مدور مع سبعة ثمانية كده حسب نضافة الجكس ...
لكن حكاية يشاغلونا دي ( الزمن داك ) ...كتييييييييييييييرة .. وعادية جداً .. |
العزيز : دغيس سلامات و احترامات هو انت تتكلم في غرابة البوست و لا في المصيبة ال سويتها في روحي و دمرت بيها اسهمي في المنبر. عليك الله يا عثمان زول بكامل قوتو العقلية( و نيابة عن شخصيتو الاعتبارية) يعلن انو هو متزوج وفي منبر نضيييييف زي ده
دي الحركات ال بتخلينا ما نبدأ الحركات الا بعد 50 سنة من الحركة ال ختت الناس البهلوانيين في القصر المتحرك و يسو في حركاتم ديك (بسم الله الرحمن الرحيم انا قاعد اقول في شنو) ؟
| |
|
|
|
|
|
|
Re: حصل شاغلتك بت ؟ احكي قصتك !! (Re: hamid brgo)
|
السلام عليكم أخونا حامد يا خوي ما ملاحظ ولا واحد حكى؟؟ يا ربي مافي آلان ديلون سوداني؟ والمصيبة حتى حامد برقو الكنا معتمدين عليهو ، يطلع لينا Test ساي غايتو أظن لو حولت عنوان البوست ل حصل شاغلت بت ؟ احكي قصتك !! حا يجوك الجماعة يفضفضوا
............................. وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: حصل شاغلتك بت ؟ احكي قصتك !! (Re: الزوول)
|
Quote: غايتو أظن لو حولت عنوان البوست ل حصل شاغلت بت ؟ احكي قصتك !! حا يجوك الجماعة يفضفضوا |
ما اظن ......!! لاني قلت قصة واحدة و في الاتجاه المعاكس لكن في ناس ... الحركة دي جزء من حياتهم اليومية .. يعني انتا عايز الناس يحكوا قصص حياتم في المساحة الضيقةدي
يا الزوول مرحبا( و مكانك شاغر)
| |
|
|
|
|
|
|
Re: حصل شاغلتك بت ؟ احكي قصتك !! (Re: hamid brgo)
|
Quote: هو انت تتكلم في غرابة البوست و لا في المصيبة ال سويتها في روحي و دمرت بيها اسهمي في المنبر. عليك الله يا عثمان زول بكامل قوتو العقلية( و نيابة عن شخصيتو الاعتبارية) يعلن انو هو متزوج وفي منبر نضيييييف زي ده |
اخي حامد شكلك ما مواكب يا مان . اسهمك يدوب ارتفعت يوم قلت مشيت مع المدام . عليك الله سمعت عزابه بغنوا ليهم في الزمن دا ؟!! كم اغنية نزلت خلال العام تمجد امثالك و منها راجل مرأة شنو كدا ما عارف . ارتع ذي ما داير شنو البيساويك بالامفكو و دا كلام النايرات خدودهن ما كلامي .
| |
|
|
|
|
|
|
Re: حصل شاغلتك بت ؟ احكي قصتك !! (Re: الصادق ضرار)
|
Quote: شكلك ما مواكب يا مان . اسهمك يدوب ارتفعت يوم قلت مشيت مع المدام . عليك الله سمعت عزابه بغنوا ليهم في الزمن دا ؟!! كم اغنية نزلت خلال العام تمجد امثالك و منها راجل مرأة شنو كدا ما عارف . ارتع ذي ما داير شنو البيساويك بالامفكو و دا كلام النايرات خدودهن ما كلامي |
.
كدى خليك من اسهمي.. يا زول انا ما خالك ؟ طيب جابك شنو في محل خلانك يشاغلوا و يشاغلوم
لكن ما طمأنتني ... الله يطمئنك بخبر القبض على عبدالرحيم محمد حسين... قول آمين
ضرار ابننا و اخي شكرا على الطلة
| |
|
|
|
|
|
|
دموع (Re: hamid brgo)
|
مرة كنت راكب حافلة خط داخلي في الخرطوم
وفجاءة جلست بجواري فتاة في عمر طالبات الجامعات
وبعد مدة ودون مقدمات نظرة الي وقدمت لي حلوة
ولكن دون اشعر رفضت ذلك وقلت لها شكرا
والمفاجاة انها اجهشت بالبكاء دون ان تظهر صوتا
ولكن رايت ذلك عبر الدموع التي سالت من عينيها
| |
|
|
|
|
|
|
Re: دموع (Re: العبيد الطيب عبدالقادر)
|
Quote: مرة كنت راكب حافلة خط داخلي في الخرطوم وفجاءة جلست بجواري فتاة في عمر طالبات الجامعات |
شكلك شماعتك قوية بقصد لافتتك نضيفة.. يعني بالعربي الفصيح كده بتجيب العصافير (( يا جماعة الواحد فينا بجد ادب بقرش ما عندو)))
Quote: وبعد مدة ودون مقدمات نظرة الي وقدمت لي حلوة ولكن دون اشعر رفضت ذلك وقلت لها شكرا |
يخخخخخ.... شوفتوا الجلافة و عدم تقدير المشاعر الانسانية المرحلة بالحافلات
Quote: والمفاجاة انها اجهشت بالبكاء دون ان تظهر صوتا ولكن رايت ذلك عبر الدموع التي سالت من عينيها |
جهاد نصر شهادة شوف ..! دي واحدة من الحاجات التلاتة الواحد خالص ما بتحملا اها و انتا سويت شنو لما شوفتا الدرر تتاقطر ؟ كبيت تراب في راسك و صرخت و لا صرخت بدون تراب ؟ اوعك تقول لي ما رميت نفسك من الحافلة؟ ده في حالة ما كنتوا فوق الكبري
الفاضل العبيد الطيب كل الود
| |
|
|
|
|
|
|
Re: دموع (Re: hamid brgo)
|
العزيز دحامد برقو والله حسه كنت بتذكر فيك عارف ليه؟؟؟؟ لاني شفت كونداليزا رايس وحياتك اليوم (بوش )عند خطاب تاريخي وكوندي متألقه بتايير بيجي خرافي فتذكرتك اول ما طلت على راس وزراء حكومة بوش.
يازول بوش الاهبل ده حسه الصفقه مستمرؤة ليها 5 دقائق من دخل القاعة الجمهوريرين بيغشوا في نفسهم..وهيلاري كان شفتها يا حامد لابسة احمر زي ست الظاز........واوباما متألق كعادته.
| |
|
|
|
|
|
|
حصل شاغلتك بت؟ (Re: Tragie Mustafa)
|
Quote: العزيز دحامد برقو والله حسه كنت بتذكر فيك عارف ليه؟؟؟؟ لاني شفت كونداليزا رايس |
في ذمتكم دي ما محاولة جادة و مقصودة ... يعني مع سبق الاصرار و الترصد لنسف استقراري العائلي و السلم و الامن العالميين؟؟
الحبيبة تراجي: شكرا باستمرار
نعم ليذهب الجمهوريون لانهم غير جادين في ايقاف معاناة السودان . و اتضح لي ذلك بعد الخلاف الذي حدث بين الانقاذ و الحركة الشعبية . الجمهوريون( رغم امتنانا و شكرنا البالغ) يريدون الابقاء على هذا النظام . لماذا لا ندري ..
يظن المغفلون و بالعقلية الغارقة في المحلية ان سقوط اوباما او فوزه سيغير من سياسة الحزب الديمقراطي تجاه نظام الانقاذ ... هذا غير صحيح .
فليأتي ايا من هؤلاء فهو مرحب به.... و مرعب للمجرمين
قلنا بوست مشاغلات مش مشاكل هاهاها
| |
|
|
|
|
|
|
Re: حصل شاغلتك بت؟ (Re: hamid brgo)
|
Quote: اعتبرني صدقتك ...!! قال ذكرتنا...! انتو متين الحاجات دي طلعت من بالكم عشان يذكر ليها حامد ال الانصار سنه |
يا دكتور والله كلامك صاح، لو لا حاجات تانية كان الواحد" كسر ركبة"(راجعبوست وليد بتاع لغة قاع المدينة)
تحياتي يا حبيب
| |
|
|
|
|
|
|
Re: دموع (Re: hamid brgo)
|
يا ود برقو
انا مش ما عندي احساس
انا زول بقيت ابو وليدات
تقوم البنية دي تكون عاملة ليه كجور او كاتبه فيها عندي فكي نجيض
وتسرقني من ام الوليدات يبقي في البحلنا
بنات الزمن اجر منهن ساي
وما تعاين ليهن
بيجيبن خبرك في دقائق
| |
|
|
|
|
|
|
Re: دموع (Re: العبيد الطيب عبدالقادر)
|
Quote: انا مش ما عندي احساس |
العبيد عزيزنا انتا عندك احساس و حبتين ... بس قصدي في الموقف الانساني -الاممي- الاقليمي - يعني الوطني المحلي بقصد الشخصي((حيييي من الانسانية و اخواتا المستهلكات))
Quote: انا زول بقيت ابو وليدات |
صولتك مقبولة... بقصد مكنتك جديدة بس من صنف عايز اقرأ ... بعد ما كان عايزة اقرأ
Quote: تقوم البنية دي تكون عاملة ليه كجور او كاتبه فيها عندي فكي نجيض وتسرقني من ام الوليدات يبقي في البحلنا |
ما فش مفر من الكجور ... بس المهم نوع الفكي ... يعني لو الفكي من النوع الخاتينو في هلتون عشان يوقف القوات الدولية - حيجيب خبرك لو كنت في الزحل احي ابوعركي و ناس واشنطن
Quote: بنات الزمن اجر منهن ساي |
في اي اتجاه ؟ لانو محل ما تمشي تلقاهن قدامك و سمحاااات
Quote: وما تعاين ليهن بيجيبن خبرك في دقائق |
لا حولااا انتا بجد محتاج لي مراجعة كهرباء - يعني رسبونس(response )بتاعك تعبان : دقيقة كاملة و كمان دقائق؟ اجري للكهربجي قال عندي احساس قال
العبيد الطيب حبيبنا شكرا على الاضافة الجميلة
| |
|
|
|
|
|
|
Re: حصل شاغلتك بت ؟ احكي قصتك !! (Re: hamid brgo)
|
سيد البيت سلام
في ذات يوم من أيام المرحلة الثانوية والدينا عصيييير داخلة على مغيرب ، وأنا أمشي الهوينى والدنيا خلا والشارع مافيهو نفاخ النار لا وراي ولا قدامي مخلوق ، كنت سااااارح في سعادة وقلبي رضيان بي نصييييبو ... فجججججججأة أسمع ليييك ..أحيييييي أنا .. الطلبة الجننووووني . اتخلعت جنس خلعة في الدنيا دي .. عاينت وراي مافي زول .. رجعت قدام برضو مافي .. اتلفت يمين لقيتن ليك تلاتة بنات بتاوقن من فوق الحيطة . بدون ما أشعر قلت للخاطبتني وأنا لسة مخلوع ( عرفتها من نظراتها ) الله الجن التعزلي عزل . انفقعن التلاتة بالضحك لامن وقعن بي جوة . وانشرطت أنا بالضحك بي برة . ورجعن تاني اتشعبطن وتم السلام والكلام والوداع .
| |
|
|
|
|
|
|
Re: حصل شاغلتك بت ؟ احكي قصتك !! (Re: hamid brgo)
|
زمان كنا في مدرسة محمد حسين بنطلع مارين جمب مدارس التقدم للبنات بأمدرمان.. كنا شلة ظريفة.. أنا كنت بكون في المقدمة، ولما ما نحصِّل بتاع التسالي بنشحد الطالبات يدونا تسالي.. وطبعاً من الخجل بيكونو آخر كرمً وبيدونا كمية من مهولة من التسالي.. يوم كده الشلة فاتتني وجيت ماشي براي اتدبا واقرا في الآيات يا رب البنات ديل ما يشوفوني.. وعينك ما تشوف إلاّ النور.. كمية من الطالبات زرزروني ليك (الليلة يعني ما عايز تسالي...) لحدي ما لصقت على الحيطة ربك رب الخير بت عمي كانت زميلتهم أدتم ليك فد نهرة وأنقذت ود عمها.
| |
|
|
|
|
|
|
Re: حصل شاغلتك بت ؟ احكي قصتك !! (Re: Elawad Eltayeb)
|
Quote: زمان كنا في مدرسة محمد حسين بنطلع مارين جمب مدارس التقدم للبنات بأمدرمان.. كنا شلة ظريفة.. أنا كنت بكون في المقدمة، ولما ما نحصِّل بتاع التسالي بنشحد الطالبات يدونا تسالي.. وطبعاً من الخجل بيكونو آخر كرمً وبيدونا كمية من مهولة من التسالي.. يوم كده الشلة فاتتني وجيت ماشي براي اتدبا واقرا في الآيات يا رب البنات ديل ما يشوفوني.. وعينك ما تشوف إلاّ النور.. كمية من الطالبات زرزروني ليك (الليلة يعني ما عايز تسالي...) لحدي ما لصقت على الحيطة ربك رب الخير بت عمي كانت زميلتهم أدتم ليك فد نهرة وأنقذت ود عمها. |
طيب ده ما انا زاااتو؟
بس الاختلاف في اسماء المدارس ... بعدين بصراحة كده ما لاقتني بت عمي لكن كنا بنشحد دندورمة(( يعني آيس كريم في اكياس) بلغة ناس الخرطوم و القرى المجاورة)
شكرا العوض كتر خير بت العم تستر في كل الاحوال(( ما تجيني واحدة جندرية و تقول دي دعوة صريحة لزواج الاقارب و العقارب))
| |
|
|
|
|
|
|
|