|
|
 أبو ذر الغفاري .. بعتو شاعركم يا ثوار ؟؟
|
في عيونك ضجة الشوق والهواجس
ريحة الموج البنحلم فوقو بى جية النوارس
يا ما شان زفة خريفك كل عاشق أدى فرضو
ما فى شمسا طاعمة طلّت إلا تضحكي ليها برضو
والغمام الفيك راحل فى الصنوبر يلقى أرضو
والصباح أمتد ياما كل ما جاوبتى نبضو
فى عيونك ضجة الشوق
نشتهيك
ياما نحلم نحكى ليك عن المسافة
وعن سفن بالشوق بترسم فى بحيراتك ضفافها
عن ملامح غنوة طلت فى عويناتك هتافها
عن حقيقة نهاتى بيها فى أساطير الخرافة
فى عيونك ضجة الشوق
يا صباحات الموانئ
حتى لو دربك ترنح فى مشاوير الاغانى
والجرح إرتد بينا لى زمان الآهة تانى
يا نا لا بنتحاشى صدك لا بتموت فينا الأغاني
يا غنانا المشتهنو
يانى موعود بى زمانك
بى مواقيتو البرنّو
بارتعاش صرخة وجودك
يوم يطل ميلادى منو
لما أتوسد صباحك
ياتو ليل يفصلني عنو
طبت حياً أو من الأحياء ..
|
|
 
|
|
|
|
عصام دهب
فيس بوك
تويتر
انستقرام
يوتيوب
بنتيريست