|
ست البنات سلاااامتّك ... وعفارم ديمة قِدامي يا ودالعبيد
|
في محادثة تلفونية مع ست البنيات ( سكينة كمبال ) عرفت أنها عترت في عتبة بيت أختها الظريفة مريم كمبال وكسرت كراعها وهي الان مسكينة في الجبض وتضلع زي قميرية.
نرجو منكم الدعاء لها بالشفاء العاجل
جاء خالد ودالعبيد بأسرت وحرمه وابناءه ومعروف دوماً هذا الرجل الجميل أنه قدامي
دعاءنا لست البنات بالشفاء
|
|
|
|
|
|
|
|
Re: ست البنات سلاااامتّك ... وعفارم ديمة قِدامي يا ودالعبيد (Re: خالد علي محجوب المنسي)
|
بعض التفاصيل لحادثة ست البنات
هي نازلة من درج البيت في منزل شقيقتها مريم .. تزلحقت ووطأت على رجلها وهي مثنية فحصل كسر في عظمة في القدم .. أحد العظام الصغيرة فوق عظام الأصابع اي في الوسط العلوي للقدم.
نسأل الله لهاالشفام إلتئام العظم وان ترجع تلك الأمير لحالتها العادية.
أعجبني موقف خالد العبيد لأخت له في محنتها .. جمع شمل أسرته وجاء مسافر لها من سدني وهذا الشئ ليس بغريب على رجل فاضل مثل ودالعبيد فهو ديدن حياته حيال أخوته وأخواته.
| |
|
|
|
|
|
|
Re: ست البنات سلاااامتّك ... وعفارم ديمة قِدامي يا ودالعبيد (Re: خالد علي محجوب المنسي)
|
ياشافي يامعافي اشفي الاخت ست البنات و اجبر كسرها ياشافي يامعافي اشفي الاخت ست البنات و اجبر كسرها ياشافي يامعافي اشفي الاخت ست البنات و اجبر كسرها
خالد اوصيك
ما تلهموها للدكاترة ودوها عولكم جبارين الكسور عليكم بالترمس عليكم بالتمر عليكم بالجداد وفي الجداد الوراكين
ابعدوا منها الشفع عشان تنوم هببوا ليها وقت الحر جيبوا ليها النسوان الونّاسات بس خلوها في هباب بلاستيك بدون مرتبة لكن مخدة مجيهة ما بتحب الناس المتفلهمين البلوكو الحديث عايزة الناس البناطروا من بعيد بقولوا ليها الله يديك العافية ويجبر كسرك
| |
|
|
|
|
|
|
Re: ست البنات سلاااامتّك ... وعفارم ديمة قِدامي يا ودالعبيد (Re: الطيب شيقوق)
|
الحبيب الغالي ود شيقوق تحياتنا سلااام ليك يا أمير
مشكورررر شديد علي المرور الجميل أب وصية .. والله في استراليا دي ما ظنيت نلقى ليها وجيع يترك مشهادو ويقعد يصاقرا .. ود العبيد خالد أخو البنات جا وقعد معها بي وليداتو 4 أيام .. مافي طريقة علا نشوف ناسكم العمانيين ديل المربطين ريسنهم زي برام المريسي ديل إدوك إذن وتمشي تقعد ليك معاها أيام
| |
|
|
|
|
|
|
Re: ست البنات سلاااامتّك ... وعفارم ديمة قِدامي يا ودالعبيد (Re: حسن الطيب يس)
|
تخريمة خالد وين الحبيب إبو الحسين? الحبيب حسن وليد الطيب ودياسين سلااام أهل الحنيّة والعديل الزين شكراً لمرورك بتسعل من بنية ليكم في اللحم والدم ( سكينة بت كمبال ) متعك الله بالصحة والعافية أت ووليداتك يا الزين
أبوالحسين والله إن كُت بعرف أنو العرس بزحو مننا غادي كُت كتبتو عن تكروني والتكروني يكتبو في ضفر ضب أعور ( ما يعرس أصلو ) والله يا حسن الزول بقى جافي بالحيل خلاس .. اسوو ليهو حرف حرف ( الليل قراص بي دمعي ) ولاوي ضنبو ونسى أصحابو حت حوش الشايقية شلخو T ( جعلي ) تحياتي ومودتي أخي حسن
| |
|
|
|
|
|
|
Re: ست البنات سلاااامتّك ... وعفارم ديمة قِدامي يا ودالعبيد (Re: خالد علي محجوب المنسي)
|
Quote: ياشافي يامعافي اشفي الاخت ست البنات و اجبر كسرها ياشافي يامعافي اشفي الاخت ست البنات و اجبر كسرها ياشافي يامعافي اشفي الاخت ست البنات و اجبر كسرها
|
أنا في ظل هاشم جيت مباري الرقرَاق كان يغطيني وياأخوي مافي رقرَاقا حجب شمس،،
ست البنيات لحًهن سلامتك والماشي لسع في الدرب من مراح ود محجوب كرامتكْ
حقيقي ياود محجوب خالد الَوم كبير خلاص ولعل القدم الأترفعت اليوم ده تكون رجل
ست البنيات قبلها شفيت مع كامل المودة لك ولأم أحمد وود العبيد وبت كمبال ستهن
،،،،أبوقصى،،،،
| |
|
|
|
|
|
|
Re: ست البنات سلاااامتّك ... وعفارم ديمة قِدامي يا ودالعبيد (Re: مجدي عبدالرحيم فضل)
|
Quote: أنا في ظل هاشم جيت مباري الرقرَاق كان يغطيني وياأخوي مافي رقرَاقا حجب شمس،،
ست البنيات لحًهن سلامتك والماشي لسع في الدرب من مراح ود محجوب كرامتكْ
حقيقي ياود محجوب خالد الَوم كبير خلاص ولعل القدم الأترفعت اليوم ده تكون رجل
ست البنيات قبلها شفيت مع كامل المودة لك ولأم أحمد وود العبيد وبت كمبال ستهن
،،،،أبوقصى،،،، |
أبو قصي سلااام تحيتنا سلااام والله ما بتقصر يا الآصيل وليه تدبّا وانت معروف قدامي والله لو جيت آخر يوم مافي فد زولاً يلومك ونكون نيقن أن الذي أخرك شديد وقوي
لك التحية والمودة يا راقي وجميل
| |
|
|
|
|
|
|
Re: ست البنات سلاااامتّك ... وعفارم ديمة قِدامي يا ودالعبيد (Re: خالد علي محجوب المنسي)
|
Quote: ست البنات الألف .. ست البنات اللام.. ست البنات الحاء .. ست البنات الباء.. فهي الحب كله إنسانة جمع فيها الخالق مودة وحنين وعاطفة ومحبة لكل من تعرف إليها أو تعرفت به. قلَّ أن تجد في زماننا هذا إنسانة صافية القلب والسريرة تحمل كل هذا الحب معاني في طرف لسانها حديثا كست البنات، وفي قلبها مودة تحس ذلك في سؤالها عن حالك بلهجتها ذات اللكنّا الشايقية وتخرج كلماتها من قلبها للسانها.. لا يعرف الحسد والبغض الزعل لقلبها سبيلا .. إنسانة بكل ماتحمل هذه الكلمة من محاسن .. يا سلااام علي ست البنات الراقية الجميلة في كل شئ. أول مرة أجد أن الكلمات تتفلت مني لوصف إنسانة كست البنات لكن ما نحمله لست البنات من أحساس حب لأخت عزيزة وعزيزة جداً قد أعجز تلك الكلمات التي لا تكفي لوصفها ولذا تفلتت وطارت .. لان الكلمات تعرف أنها لا تفي شئَ في وصف ست البنات.
|
الفين كفارة وسلامتها ست البنات ... وربنا يبلغها الشفاء العاجل ...آمين
| |
|
|
|
|
|
|
Re: ست البنات سلاااامتّك ... وعفارم ديمة قِدامي يا ودالعبيد (Re: أبي بكر سيد احمد)
|
Quote: والله في استراليا دي ما ظنيت نلقى ليها وجيع يترك مشهادو ويقعد يصاقرا .. ود العبيد خالد أخو البنات جا وقعد معها بي وليداتو 4 أيام .. مافي طريقة علا نشوف ناسكم العمانيين ديل المربطين ريسنهم زي برام المريسي ديل إدوك إذن وتمشي تقعد ليك معاها أيام |
ود المنسي ضحكتنى بعمم ناسنا العمانيين والله انت مصيبة .
كدى بت كمبال دى اجروا ليها شغالة تهبب ليها ولا ما عندهم حر؟
| |
|
|
|
|
|
|
Re: ست البنات سلاااامتّك ... وعفارم ديمة قِدامي يا ودالعبيد (Re: خالد علي محجوب المنسي)
|
الارباب الجعلي الهمام ود المنسي تحياتي ليك والشوق من حاطف لا قاطف والله يا ود المنسي بنات كمبال ديل عالم تاني طينتم معدومة هسه ود العبيد سلااام كيفنك وكيف أيامك طمنّا علي صحتك والأولاد علهم عافية درت أهلنا العرب زمان كانوا بسمو السلام المطايبا وبرصو رص هازول كيفك حالك أحوالك علك عافية درت البطان المعوز والبقر ولا يصرحو بالسؤال عن الزوجة علنا بل يقولها كناية ( عنقريبك كيف ).. تسلم يا ودالعبيد مسعول من الخير هي ست البتات لا يوم الليلا مي قادري تدخل على سودانيزونلاين لو اتصلت بها بلغها تحياتنا
ولك الحب والمودة يا خالد
| |
|
|
|
|
|
|
|