كُلَّ السَّنة تلقاك خاتِيك الجنون والخيبة تبرى خطِوْتَك الـْ.. المابية تبْ ما تنعدل تلقاكَ مبسوط بي حِساب قدر البيمسح دمعتك باقي الفرح زي أي شي لامن يفوت حدَُو الجميل بِرتدَّ في داخلو العويل
كُلَّ السَّنة تغشاك سكينة كما الدعاش وقتين يكون صاحي المزاج يغشاك مطر يغسل مواجعك مرَّتين والحزن دمَّاع الهطول يغشاك عزم وتشيل طُغاتك في خبر تمحاها بي جرَّة قلم
كُلَّ السَّنة تمسك نجيماتك عليك فِترتُ كفاها مِن الكتوف خليها تسرح في السما واسرح معاها علي مَهَل شان ما تقع يلقاها ضُل ويسومها في عز الضهر: - علينا جاي النجمة بي كومين تُراب... أسرح معاها علي مَهَل ومرَّة مرَّة تعِدها زي طفل شاطِر في الضياءْ وإيديهو بتزين السنة كُلَّ السَّنة بي طوق نجوم....
عصام عيسى رجب – الثلاثاء 1 يناير 2008م
===== هامش خاص ===== لا فض فوك.. خلوها فوق شان الجمال..يشرق يزين الأزمنة.. وش السنة.. وكل السنة..رغم الحزن..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست