|
|
|
 Re: العارف يجاوبني بالجد كدي وحاة النبي جد محتارة (Re: هشام آدم)
|
الأخت : إيمان صالح
انت دايرة تقولي شنو بالضبط عشان نجي نقول
ليك "صاااااح" وننتهي من الموضوع ده !!!
اجي يا هشام يا ود امي
انا دايرة اقول القلته ده كله
الناس الشعراء وصحفيين ومتخصصين عربي المطبزين الحروف الكتبتها فوق دي
وقت ما بيعرفوا كيفن بقوا شعراء وصحفيين وفطاحلة؟
وليه تجي تقول لي صااااااح؟
وليه تقولها لي انت ده؟
انا الموضوع ده كتبته اناقشك انت وبس؟
ومالك ناهي لي الموضوع؟
واجعك وين موضوعي ياخوي؟
وعلاقتك بيه شنو انت ناهيه لي؟
ايمان
| |
 
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: Abureesh)
|
لو عاوزة شـرح على أتـم استعداد
فأخذتا العنقريب الى الخارج.. وبعـد سـاعـة من الزمان، زارتهـا صديقـة أخرى
وبسـرعـة سـألتهـا عن العنقريب
عاد الليلة شرحت العنقريب تشريح يا ابو ريش
لكن الرواية السمعتها انا ما كده
في الرواية السمعتها انا
بعد نصف ساعة من الزمان زارتها صديقة اخرى
ايمان
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: Abureesh)
|
طريقـة كلامك دى كانت شـايعـة زمان
مالها طريقة كلامي يا ابو ريش؟
انا النميري البقولوا عليه ده وحاة نظري ما حاضراه ولا بعرفه
ياني بتذكر حكومة ناس الصادق المهدي طشاش طشاش
وحمودة العركي حلاق الجامعة ده قالوا من زمن الانجليز
انت ظنيتك كنت بتشرب معاه الجبنة
ايمان
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: إيمان صالح)
|
عزيزتي ايمان صالح
كل سنه وانتي بخير
بصراحه الايام دي كل زول رابط ليهو مكنه غير مكنته
تلقي واحد ما بعرف الواو الضكر من الواو الانتايه وعامل فيها منقطه
وواحد ما بعرف كوعو من بوعو وعامل فيها عشره بقرش
وواحد ما بفرز بين ا اسد وباء بنت وعامل فيها سيد الناس
يا ايمان راسنا ملان وزهجانييين من الناس ديل ولكن
بالله عليكي قولي لي نعمل شنو بس
مع ودي واحتراماتي
ابوتسابيح
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: Ishraga Mustafa)
|
شنو يا ايمان فكيتى شربوتك التقيل داك هناك وفكيتينى عكس الهواء
ياختى كدى خلى ذالاتك وزيناتك وهمزاتك ووصلاتك دى شوية وتعالى شوفى لى صرفة معاك فى الصفوف دى
اشراقة يا بت امي
وحاة النبي جيتك صادة بهناك
لقيت الرجال ديل زرافات زرافات وحمارات حمارات
يتدافروا ويتفاطسوا
والاعمى شايل المكسر
انتي ياختي اصلك كشحتي ليهم شنو هناك؟
بجيك بهناك حسي دي
وبطلع ليك كل قردا في جبلايته
ايمان
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: إيمان صالح)
|
ايمان سلام حباب و تحيات وكل سنه طيبات
اها انتقادك ده كان لقبيلة الصحفيين و الاذاعيين والكتاب و الشعراء الناطقين باللغه العربيه معاااااك طوالى...
لكن كان بقى نحن معاهم (ونحن ديل الناس الهدفها من الكتابه تبادل الافكار و التعبير عن رأيهم بأى لغه كانت فقط يهمهم ان يفهم الغالبيه الفكره to get it يعنى) ببقى صعبتيها علينا
ما طالبانى حليفه يا بت امى انا دى ما ممتمكنه من اى لغه فى العالم حتى اللهجه الدارجيه دى بعافر فيها.. تنظيرى انو قد يكون عندى ضعف فى الجزء المسئول من اللغه فى مخى...اها ما اكتب و الا شنو؟؟ اموت بمغستى؟؟ والا انفقع من الكلام البحرقنى؟؟؟
الله يسامحك يا ايمان فى قبايل البعيد كان دايره تحمينى الكتابه و تبارينا فى الها ء و الها المربوطه..ياخ انا كنت ابلد زول فى العربى لكن بكتب انشاء صاح نوع بى غلطاتى الاملائيه المدرسات بوقفنى اقراها للفصل.. كيف دى والله ما عارفه..اها ده الله ودى حكمته..
المهم طالما فكرتنا بتصلكم نحمدالله و نشكر وفضله..
اما ناس الاختصاص و المطالبين بتجويد لغتهم اسلخيهم سلخ... جنى و جن البجهجه شغلته.
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: Siham Elmugammar)
|
بت المجمر
كل سنة وانتي طيبة يا العزيزة
يخلي ليك وليداتك يا يمة
حسي النبي فوقك
انا حسي ده ما انقرش يا سهام ياختي
من امس
انا اقول قاصدة شريحة موبايل
اجي
الموبايل طاير في السما الاحمر
قصدي شريحة معينة من ناس الصحافة والامتداد
اجي يا بنات امي
الامتداد فنن
قصدي الصحافة والشعر والكتابة
ناس قريعتي راحت ديل كم مرة قلت؟
ناس انتي وانا ورافت ميلاد ومنى خوجلي ديل
بنسوطها ونجوطها زي ما دايرين ياختي
اما ناس شاعرنا العظيم ديك
ورئيس تحرير صحيفة الطنقعة
ليك علي الليلة البسطونة تاباهم
وتعالي الرسول اديهم كم حصة انشاء كدي
كان تنشئ ليهم حبة فهم
ايمان
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: نادية عثمان)
|
هوووووووووي ياأيمونة منو القال ليك دنقلا فيها مصائب كمان هسى أكلم ليك دكين يجوطك جوطة الشفع اول يوم العيد
بالمناسبة انتي من دناقلة وين ياحبيبة
الرسول فوقك عاد
خلينا كدي حلوين
ما تخربي علينا فرحة العيد
وياختي انا ما قاصدة دنقلا فيها نصيبة
انا قصدي الفلقة من بعيد من مسافة دنقلا
بري انا ما من دناقلة اي حتة
ايمان
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: المكاشفي خضر بشير)
|
الحل: التدرب على لوحة المفاتيح بالإضافة إلى استخدام المدقق، في أنواع مختلفة من الكتابات
وانت بخير يا المكاشفي ياخوي
اها وكان الناس ديل اعتمدوا على المدقق والمصحح في الكمبيوترات
البيدقق الفي راسهم منو؟
وكان كتبوا في ورقة البيدقق ليهم منو؟
وليه يدقق ليهم مدقق ومصحح؟
ليه ما يكونوا عارفين بحكم تخصصهم؟
ولا هي المؤهلات بقت للبيع يدوها للبيعرف والما بيعرف؟
ويشبكونا الرائع والمبدع والحواء ما ولدت غيره
ايمان
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: إيمان صالح)
|
Quote: مالها طريقة كلامي يا ابو ريش؟
|
يا إيمان،
ما تضيعى شكلك (بفتح الشـين والكاف) فى تعليق بسيـط زى دا!
Quote: انا النميري البقولوا عليه ده وحاة نظري ما حاضراه ولا بعرفه
ياني بتذكر حكومة ناس الصادق المهدي طشاش طشاش
وحمودة العركي حلاق الجامعة ده قالوا من زمن الانجليز
انت ظنيتك كنت بتشرب معاه الجبنة |
والله يا إيمان، انا عمرى فى البورد دا ما كاويت لى مرة! لكن انت قدرت على
بظرافتك دى.. ودا سـؤال بسيط:
هل صحيح انك، لما الإنجليز مرقوا من الســودان، ركبت مواصلات العاصمـة ونزلتى فى
جنينـة الحيوانات، بعدين مشيتى كدارى لحد المطبعـة الحكوميـة، وعسكرتى هناك يومين
وأول جواز سفـر طبعـوه لفحتيـه، ومرقتيبـو، وياهـا ليوم الليلـة؟
ليكى حق ما تعرفى نميرى والصـادق!
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: Abureesh)
|
هل صحيح انك، لما الإنجليز مرقوا من الســودان، ركبت مواصلات العاصمـة ونزلتى فى
جنينـة الحيوانات، بعدين مشيتى كدارى لحد المطبعـة الحكوميـة، وعسكرتى هناك يومين
وأول جواز سفـر طبعـوه لفحتيـه، ومرقتيبـو، وياهـا ليوم الليلـة؟
ليكى حق ما تعرفى نميرى والصـادق!
وووووووووووووب علي
الليلة عاد ما بهتني يا ابو ريش
شفتوا ياخواني الراجل ده؟
انت ذاتك كان ما راجل مستهبل
انا قالوا لي ما كان اسمها مواصلات العاصمة ولا شئ
كانت اسمها باصات الشركة
لبنية مخططة بالابيض
باصات هلالابية اظنها
وبتقول تش تش تش
وكانت فيات من ايطاليا
طلعت فشوش يا ابو ريش
ايمان
| |
|
|
|
|
|
|
|
|
|
Re:البيدقق الفي راسهم منو؟ (Re: إيمان صالح)
|
طبعاً الاطلاع والتطلع للمعرفة والاستزادة من كل متاح للترقي بأطروحاته وأفكاره.
ما الأفكار إلا لنوال المبتغى ... أمنيات النفس والعقل رؤاه والتقى
قد تكن معنى بعيد المرتقى ... أو تكن في الحس ذوقاً منتقى
أو تك دنيا فيها... كأس المحبة يستقى
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: إيمان صالح)
|
شغلك نضيف وبوستيك في السلك
| Quote: هل ممكن شاعر تخصصه كتابة ولغة وحروف ما يكون بيعرف الفرق بين الذال والزين؟ |
مادام جيتي في تخسسنا ، اقعدي لي ذين ( بي الذا ذنب ) كان عجبك وللا ما عجبك
اللخت ايمان ، معاك صناجة المنبر الشاعر الفحل اللمينز
وعشان الكلام ما يبقى لفحي ساكت
امرق ليك احدى قصائدي من ديواني الاخير
انتي يا الشغلك قياسي
انتي يا السنتر اساسي
ياخي بوستاتك مقاسي
فيها محور فيها افقي وفيها رأسي
فيها زعلي وفيها فرحي وفيها ناسي
وفي الختام عايز اوصيك يا اساسي
لي ايداهو 000 ما تبقى ناسي  
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: إيمان صالح)
|
العزيزة/ ايمان
القضية دي علاجها هنا مستحيل ... الناس دي بيرضعوا فوق الصرار ... يعني لو حاولتي تصرري المنبر ده موضوعك خسران... انا غير مسئول عن ترجمة هذا الكلام.
المهم هنا هو معرفة ماذا يريد ان يقول الشخص ؟ يعني لازم تجتهدي شويتين يا زولة ... ودي مهمة ما ساهلة ...
اما حكاية قل هذا و لا تقل ذاك فلا محل لها من الأعراب هنا!! علي الأقل في الوقت الراهن... و لا أعتقد بانها مهمة شديدة يا زولة... الكيمان ستفرز نفسها عاجلا ام آجلا.
بعدين يا ايمان حكاية المنابر المعلقة في الهواء دي حكاية جديدة ... و حكاية التعامل مع الحاسوب حكاية جديدة ... و حكاية المناقشة المباشرة كتابة حكاية جديدة... الخ
عشان كده نحمد الله يا ايمان و العافية درجات... انحنا كنا وين و بقينا وينا!!
الناس البتجيد اللغة العربية كتابة و غير كتابة ما شفنا منهم الخير الكثير .
اما حكاية الألقاب و تقديم الناس لبعضها البعض من باب انفخ و لو حملك ريش ... انفخ اخاك/اختك عالما او غير عالم ... شاعرا او غير شاعر فحكاية سيعالجهاالزمن... فدعي القلق و أنت مع شلبى.
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: برير اسماعيل يوسف)
|
يا ود اسماعين يوسف ياخي
انا بتساءل عن فئة معينة من الناس
الناس الطارحين روحم اهل للغة والكتابة
كان صحافة واعلام
وكان شعر وادب
ومن الفئة دي بناقش في قضية الما ملمين
يعني الما مشكلتهم مشكلة كيبورد
او مشكلة سهو
لا
سؤالي عن الما عارفين
والواضح انهم بيعتبروا الهاء تاء مربوطة
او الذال زين
او الياء الفي اخر الكلمة الف معرجة
والامثلة كتيرة
ديل بقوا كيف اهل للغة والشعر والادب والصحافة والاعلام
وكمان من اسياد اهل المجال ده
حسب اراء مطبليهم
وعلى قولة ملاسي
تراها في اسماء عاملين لينا بيها خوتة
وهي من جواها يعلم بيها الله
ايمان
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: إيمان صالح)
|
Quote: سؤالي عن الما عارفين
والواضح انهم بيعتبروا الهاء تاء مربوطة
او الذال زين
او الياء الفي اخر الكلمة الف معرجة
والامثلة كتيرة
ديل بقوا كيف اهل للغة والشعر والادب والصحافة والاعلام
وكمان من اسياد اهل المجال ده |
و الله يا ايمان و ما طالبني حليفة ... الظاهر عليك انت زعلانة شديد من الناس ديل.
شوفي يا ايمان كل مجتمع بينتج ناسه و ما اظنك عندك قول في الكلام ده...
زمان الناس العاديين بيقولوا لمن يقدم نفسه بما ليس فيه ... من بره هلا هلا و من جوه يعلم الله... يعني الحكاية دي ما فاتت علي الناس العاديين تفوت علي من فك الخط... الحكاية دي عمرها قصير جدا.
طيب الناس ديل عندهم مطبلاتية بيقدموهم للناس علي اساس انهم كذا و كذا و كذا... و بعدين هم بيكتبوا للناس من باب اكتب تعرف /تكلم تعرف ... فلماذا نسكت عن الخطأ في مكان وقوعه؟ خاصة اذا عرفنا ان الحكاية فاتت حدها!!
من قال حقي غلب .. الا تتفقين معي بان السكوت عن قول الصح في مكانه فيه نوع من التطبيل (الاجتماعي)؟
فما عندنا غير حلين اثنين معالجة الخطأ في مكانه او الصبر عند المقدرة الي ان تتلاشي الشخصية براها من غير ان يرفسها احد من العالمين.
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: إيمان صالح)
|
الأخت إيمان .. عجبني البوست جداً و استمتعت بيه خااااالص .. مشكلة الكتابة و القراءة الصحيحة بقت منتشرة جداً و المؤلم انو حتى على مستوى (الازاعه و التيليفزيون) .. يعني تكوني قدام واحد فيهم يجيك مذيع يقول ليه حاجة لما تعضي لسانك من الغيظ .. أفتكر انو المسألة عندها علاقة بالمنهج الدراسي بصورة كبيرة .. وبرضو في مشكلة تانية و هي إقحام كلمات انجليزية في لغتنا اليومية و ده ما لأنو لغتنا عاجزه بس لأنو بنفتكر ده التحضر و كمان كلمات بلهجات عربية تانية مصرية. سعودية .... الخ.
و دمتي بخير
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: Tayseer Elmobarak)
|
ان شاء الله يعجبك السمح يا تيسير
ووحاة النبي انا ما مكجنة شئ في الدنيا دي الا الطنقعة
الواحد يا دنيا ما فيك الا انا
والجهل كمان وسط اهل اللغة
زمان التلفزيون ده افتحه اقرب اموت من الحرقة
شئ بي هنا الجزلي
وشئ بي هنا الدكتور العظيم حمزة عوض الله
وشئ بي هنا الدكتور العظيم عوض ابراهيم عوض
وشئ بي هنا الوجيه السمح الفلتة ناجي محمد نور
وشئ بي هنا المتميز احمد البلال الطيب
انا ما عارفة الناس ديل مستحملين روحهم كيفن
ونقبل على الجريدة الغيظ يقرضنا قرض
كمان نجي المنبر نلقى ناس العملاق والعملاقة قدامنا
ويجيك عملاق يقول ليك المذيد
الله يا يابا الزائدة
ايمان
| |
|
|
|
|
|
|
|
|
|
Re: العارف يجاوبني بالجد كدي وحاة النبي جد محتارة (Re: إيمان صالح)
|
Quote: شئ بي هنا الجزلي
وشئ بي هنا الدكتور العظيم حمزة عوض الله
وشئ بي هنا الدكتور العظيم عوض ابراهيم عوض
وشئ بي هنا الوجيه السمح الفلتة ناجي محمد نور
وشئ بي هنا المتميز احمد البلال الطيب
انا ما عارفة الناس ديل مستحملين روحهم كيفن |
وقلتى لى النميرى ما سمعتى بيهو .. وناس الصادق طشاش طشاش
يا مفترية طلعتى دفعة ..
إنتى قايلانى بتهرش .. عشان قلت الروب
ده تكتيك يا بتاعة الزمخشرى وسبويه .. 
قال ذال وقال دال   
نسيب البورد ونسمع لينا غنية فى الإسكايب
| |
|
|
|
|
|
|
| |
هشام آدم
إيمان صالح
العوض المسلمي
Ishraga Mustafa
Siham Elmugammar
المكاشفي خضر بشير
Abureesh
Mohamed Ahmaed Olyesh
رأفت ميلاد
mamkouna
فيس بوك
تويتر
انستقرام
يوتيوب
بنتيريست