الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: فكونى مافى زول يمنعنى !! (Re: Elmosley)
|
هل يدرى الملك عزرائيل ملك الموت وهو يأتى فرحا لتنفيذ امر الله فى احبابنا كم نتألم نحن وهو سعيد ؟!! لم تخبرنى ياعذرائيل انك على موعد مع حبيبى لتأخذه بعيدا بعيدا فهل كان يضيرك ان انتظرت قليلا لأودعه ؟!! و معليش يادنيا ..وماف زول يمنعنى !!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
Quote: لم تخبرنى ياعذرائيل انك على موعد مع حبيبى لتأخذه بعيدا بعيدا فهل كان يضيرك ان انتظرت قليلا لأودعه |
وما ذهب يانادية انما خٌٌُيل لك؟
لن يذهب.. فرائحته فى القلب.. فى موية الروح.. فى عطر مخلوط فى شهقة غمامة.. فى عيون عجنة روحك وروحه...فى البنت الحمامة وفى نبضات قلبك... انظرى.. انه يبتسم لك ويمنحك القدرة على الغناء..
| |
|
|
|
|
|
|
Re: فكونى مافى زول يمنعنى !! (Re: Ishraga Mustafa)
|
رأته من على البعد يمد اليها يده فأسرعت الخطى حد الهرولة نحوه !!
لمسته!!
نعم ليس سرابا .. بل حقيقة !!
ظنته المنقذ .. أخذ بيدها ومضى وهى ترقص من السعادة ثم لم تدرى بنفسها الا وهى محمول نعشها على الاعناق والناس يتهامسون !!
ماتت وحدها ام قتلت ؟!!
آه لماذا قتلتنى دون علمى يا من احببته بكامل علمى ؟!!
و
فكونى ماف زول يمنعنى !!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
اختي الغالية نادية المولود مامشوه,,,,ان شاء الله ابوه
دا اثر البنج,,,لسه مدور رأسك كدي البسي النظارة مالو المولود كان جا ازوق مابشبه جدو ... مالك مشوهاهو,,, كان كبر ببقي عسل المولود ولد.. ماببور
| |
|
|
|
|
|
|
Re: فكونى مافى زول يمنعنى !! (Re: saadeldin abdelrahman)
|
أنا غايتو لو جنبها لا بمسكها ولا حاجه.. أخليها تصرخ وتبكي لامن الله يغفر ليها وتتهدا تقعد.. بعد داك بديها كباية عصير علي شرط تكون لمون بارد زي مافي كل الأفلام المصريه بيقولوا.. اي زول زهجان ولا عيان ولا متشاكل..يقولوا ليه..
أجيب لك كباية لمون تروق دمك!
مشتاقييييين
| |
|
|
|
|
|
|
Re: فكونى مافى زول يمنعنى !! (Re: محمد سنى دفع الله)
|
محمد سنى ياطعم الفرح الجميل
Quote: ياغزال الشعر تجول في درووب الروح وشيل الحزن من غزال الوادي وافرحو العمر كلو مشاعرنا معاك |
حدثها الأهل والاصدقاء بانها سنة الحياة ومن حقها ان تبدأ بداية جديدة فقلبها مازال يافعا وقادرا على العطاء ..حاولت ان تطاوعهم وطفقت تكتب السناريوهات والمشاهد لحياة جديدة فى صورة مرحة فاذا بها تجد ان الاحداث تحولت الى تراجييييييييييييييديا وضحكت من حزنها و(شرّطت) السناريوهات وعادت لوحدتها وزمهرير الروح .. ويلا بلا لمّة !!
و
فكنى
اكورك !!
| |
|
|
|
|
|
|
Re: فكونى مافى زول يمنعنى !! (Re: Alsa7afa_30)
|
Quote: دعِ الأيام تفعل ما تشـاء و طِب نفساً إذا حكم القضـاء ولا تجزع لحادثة الليالي فما لحوادث الدنيا بقــاء . |
حسام الغالى
اقول ليك شئ ؟!!
انا بكتب ساى دايرة افضفض كده عن اى حاجة جواى واى حاجة ماجواى برضو .. موش فكرة ؟!!
يلا عايزاك تخت لى هنا اغنية ايمكن افرح اللحظة دى موش ممكن ؟!!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
Quote: دارت حول نفسها فى المنزل الكبير الخالى الا من صور وبعض زكريات معظمها مؤلم !!
خرجت من غرفة الى الاخرى !!
ثم عادت الى غرفتها ووقفت امام المرآة تصرخ وحدها فى هستيريا ووسط صراخها ينتابها الاحساس بأن هناك ثمّة اناس يحاولون تهدئتهاو........!!
فكونى ماف زول يمنعنى !! |
Quote: أهه وبعدين يا بنت العمة |
موصلي أخوي يا ود خالها نطيت لي من وين والله لامن شفت الشي ده كان 0 قراءات و 0 مداخلات بس داب ما داير أرميلي لي حرف قراصة ألقاك قدامي؟؟؟
عاد ما بقدر أقول شي
بس أحساسي بي بت حلتنا ....
أن هناك حدث جللل لللللللللللللللللللل
والله يستر ويتمه على خير
وما داير أبقى منجم لأن النجوم بعاااااااااااااااد
بس الأيام كان عشنا بتقول لينا على الأسرار!!!!
وكله خيييييييييييييييييييييييير
يا ندويه بت حلتنا
ونقول خير الشايقي
| |
|
|
|
|
|
|
Re: فكونى مافى زول يمنعنى !! (Re: Al-Shaygi)
|
الشايقى ود امى عديل كده !
Quote: عاد ما بقدر أقول شي
بس أحساسي بي بت حلتنا ....
أن هناك حدث جللل لللللللللللللللللللل
والله يستر ويتمه على خير
وما داير أبقى منجم لأن النجوم بعاااااااااااااااد
بس الأيام كان عشنا بتقول لينا على الأسرار!!!!
وكله خيييييييييييييييييييييييير
يا ندويه بت حلتنا
ونقول خير |
قرررررررررررررررربت تعرف حاجة !!
و
فكنى
اشرب الشاى ده !!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
ابدا انتي اقوي من كدة بكتييييير ... وانا في راي انك اتجاوزتي هذه المحنة برغم كبرها ..
خليك معانا اكيد كل يوم الحزن بنقص شوية ...
احاسيسنا قاعدة تنصهر لما نكون مع بعض
مودتي
| |
|
|
|
|
|
|
Re: فكونى مافى زول يمنعنى !! (Re: انعام حيمورة)
|
Quote: احاسيسنا قاعدة تنصهر لما نكون مع بعض |
شفتى يانادية، انعام دى نعمة والله انعمنا بيها
اكتبى يانادية فالكتابة بكاء الروح فى عز فجيعتها
_____________________________________________ انعام كل سنة وانتى طيبة ياطيبة... تلفونك مشغول!!
| |
|
|
|
|
|
|
Re: فكونى مافى زول يمنعنى !! (Re: انعام حيمورة)
|
نعومة
Quote: مش مرة طلبتي اغنية عاجباك ممكن ??!! وسمح القول في خشيم سيدو |
يازولة خشم سيدو ولا شغال كويس ولا شئ اول ماافتحو يبدأ يغنى كده ويقفل ياخ مالو ؟!!
يلا شغلى الاغنية كويس حبيبة و فكينى خلينى افرح !!
| |
|
|
|
|
|
|
Re: فكونى مافى زول يمنعنى !! (Re: Ishraga Mustafa)
|
شوشو
Quote: شفتى يانادية، انعام دى نعمة والله انعمنا بيها |
انتى وانعام وكل الاخوات والاخوان المعانا فى المنبر ديل نعمة من نعم الله على والله
هسة لو ماانتو كنت حااقول لمنو
فكونى ماف زول يمنعنى ؟!!!!
| |
|
|
|
|
|
|
Re: فكونى مافى زول يمنعنى !! (Re: نجوان)
|
نجوان
Quote: قلبي معك يا نادية.. |
عارفة ؟
انا هسة فرحانة رغم حزنى قولى ليه ؟!!
لانو انتى واحدة من الناس البحبهم جدا هنا والله وبحب كتاباتهم فكونه قلبك الحلو ده يكون معاى دى نعمة اى والله نعمة كبيرة !!
نجوان
اسمك زاتو عاجبنى
اقول ليك شئ تانى ؟!!
احبك فى الله يانجوووووووان صاحبة الاسم الجميل والقلب الحلو
| |
|
|
|
|
|
|
Re: فكونى مافى زول يمنعنى !! (Re: انعام حيمورة)
|
انعام حيمورة الغالية
Quote: ابدا انتي اقوي من كدة بكتييييير ... وانا في راي انك اتجاوزتي هذه المحنة برغم كبرها .. |
عارفة ؟!!
انا موش بحاول اتجاوز المحنة دى بس لكن كمان بحاول اغير جواى واحس انى جديدة (لنج) من جوة لكن دائما الحزن بقيف فى وشى وبرجعنى لمربع الصفر تانى ماعارفة ليه !!!!
| |
|
|
|
|
|
|
Re: فكونى مافى زول يمنعنى !! (Re: abubakr)
|
استاذنا ابو بكر
Quote: يا قريبتي انسانيتنا في ضعفنا بانسانية ...مارسي انسانيتك صراخا ولوعة وشجنا وايمانا كذلك .. |
الله !!
مااروع حديثك الذى يهدئ النفس المتوجّسة !!
شكرا على النصيحة الغالية التى (وقعت لى فى جرح)!!
و
فكونى امارس انسانيتى !!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
Quote: قرررررررررررررررربت تعرف حاجة !!
و
فكنى
اشرب الشاى ده !! |
الشاي ده سمح بس ما تسوي لي فيه سكر لأني مابتعاطى السكر على الأطلاق.
والله الشغلة ما ها فهم بقدر ما هي طرطشة
Quote: حدثها الأهل والاصدقاء بانها سنة الحياة ومن حقها ان تبدأ بداية جديدة فقلبها مازال يافعا وقادرا على العطاء ..حاولت ان تطاوعهم وطفقت تكتب السناريوهات والمشاهد لحياة جديدة فى صورة مرحة فاذا بها تجد ان الاحداث تحولت الى تراجييييييييييييييديا وضحكت من حزنها و(شرّطت) السناريوهات وعادت لوحدتها وزمهرير الروح .. ويلا بلا لمّة !!
و
فكنى
اكورك !!
|
هذه الدنيا ونحن فيها دمىً معلقة بخيوط رفيعة نرقص ... نغني ... نلعب حيناً نضحك نبكي نسعد ونشقى نختلط ونتمازج تنبت من أضلاعنا زهوراً آمالاً تنموا تزدهر أمتداداً للحياة فحياتنا لا تقف
وحياتك لن تقف وعزائك في الزهرة المتفتحة تبث عبيرها النابع من عبير الأحبة تقول أنا هو وهو أنا
كفى فقد دمعت عيناي وأرى ما ترينه أعيشه في حروف كلماتك وقد أراه في سناريوهات قريبة أعايشها كل لحظة
ولكن يا نادية الحياة تمضي رغم مراراتها
فالأزهار التي نرعاها لتثمر
أكبر من كل (والله غلبني ألقى أي كلمة تعبر عن الموقف)
أعانك الله وثبتك
ببركة هذه اللأيام المباركة يا نادية يا بتي ما بمسكك وفاكيك لي البثبت الأفئدة والقلوب وهو أرحم بعبادة من عباده الشايقي
| |
|
|
|
|
|
|
Re: فكونى مافى زول يمنعنى !! (Re: yasir Abdelgadir)
|
د. ياسر سلامات
Quote: افتكرنا انو محطة {قنب} دي عديتيها من زمااان
مامن حق احد يقول ليك تنسي........لكن ماتقيفي اكتر من اللازم
والحي ابقي
مش كدا |
اقول ليك سر ؟!!
اناكنت دايرة اكتب بوست بداية لقيتو بقدرة قادر بقى بوست نهاية ..فهمت شئ ؟!!
وفكونى
خلونى اتجاوز !!
| |
|
|
|
|
|
|
Re: فكونى مافى زول يمنعنى !! (Re: Al-Shaygi)
|
الشايقى ود أمى
Quote: كفى فقد دمعت عيناي وأرى ما ترينه أعيشه في حروف كلماتك وقد أراه في سناريوهات قريبة أعايشها كل لحظة
ولكن يا نادية الحياة تمضي رغم مراراتها |
على ذكر الدموع ..اخشى ان أدعو الله ان يوقف نزيفها فى عيونى فتتحجر فى المآقى وهى وسيلتى الوحيدة للتعبير عن وجعى !!
| |
|
|
|
|
|
|
Re: فكونى مافى زول يمنعنى !! (Re: Nader Abu Kadouk)
|
ود ابكدوك الغالى
Quote: والله يا ناديه إتصل علي صديق من اميركا الان عاتبني علي الرد وشرح لي الخلفيه التي كنت اجهلها الله ينعل ابوالجهل لكي العتبي حتي ترضي قلبي عندك |
تسلم يا ابو الشباب ومابينا
عادى والله مافى عتاب ولا شئ
نعم رحل عنى شريكى من عام ونصف العام وكنت ابكى موته والان صرت ابكى حياتى عندما تضيق بى الوسيعة وافشل فى التجاوز لرحابة البدايات الجديدة فعفوا ان اشعرتك بالهم معى !!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
Quote: افتكرنا انو محطة {قنب} دي عديتيها من زمااان |
محطة قنب في قلب الحلاوييين ولي فيها لقاء فحياة تنبض وحياوات ودرفونات تجري على الأرض (موضوع صحفي لاحق)
Quote: اناكنت دايرة اكتب بوست بداية لقيتو بقدرة قادر بقى بوست نهاية |
البوست الكبير مو بوستك منو البكتب سناريو ومنو البحدد نهايتو ومنو البقول بدايتو
الثبات يا بتي وحلو الذكريات يا حشاي والباقيات الزهرات اليانعات أمشي وعايني براك تقنعي الشايقي
| |
|
|
|
|
|
|
Re: فكونى مافى زول يمنعنى !! (Re: Al-Shaygi)
|
Quote: اقول ليك سر ؟!!
اناكنت دايرة اكتب بوست بداية لقيتو بقدرة قادر بقى بوست نهاية ..فهمت شئ ؟!! |
والمانع شنو انو يرجع بوست بداية تاني
كلنا نسحب كلامنا دا ...ونرجعو لي محطة سوبا تاني....
أكتب زي ما انتي عايزة...ومين يقدر يمنعك
| |
|
|
|
|
|
|
Re: فكونى مافى زول يمنعنى !! (Re: yasir Abdelgadir)
|
د. ياسر
Quote: والمانع شنو انو يرجع بوست بداية تاني
كلنا نسحب كلامنا دا ...ونرجعو لي محطة سوبا تاني....
أكتب زي ما انتي عايزة...ومين يقدر يمنعك |
كلامكم ده هو الدافع الحقيقى لى عشان اتجاوز محطة (قنب.. وين دى هى )؟!!
عشان كده فرحانة بيهو وغير جواى كتير وماشين برضو فى ذات البوست مرة نهاية ومرة بداية ومين عارف !!
و
فكونى
خلونى
ابدأ!!
| |
|
|
|
|
|
|
Re: فكونى مافى زول يمنعنى !! (Re: Al-Shaygi)
|
الشايقى
عارف؟
عشان نفس البطن الجابتك للحياة هى ذاتها الجابتنى عارفااااااك فاهمنى زى جوع بطنك !!
زعلانة من الدنيا يا الشايقى مادايرة تساعدنى الا على الثبات فى محطات الحزن والشلهتة اسوى شنو ؟!!
| |
|
|
|
|
|
|
Re: فكونى مافى زول يمنعنى !! (Re: Al-Shaygi)
|
الشايقى الغالى
Quote: البوست الكبير مو بوستك منو البكتب سناريو ومنو البحدد نهايتو ومنو البقول بدايتو |
كلو ماابدأ اكتب سناريو فرح يداهمنى (البطل) الحقيقى فى حياتى حتى الان وهو الحزن (الخائن) لكن طبعا مفروض (الخائن) ده يموت فى النهاية وينتصر الفرح اها انا معتمدة على كده والله كريم !!
و
تعال
نكتل
الحزن !!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
يا ناديا ,,
ياستي ,, ما حنمسكك ,, ويمكن كمان نشاركك ,, انا حسيت بشعورك كويس ,, ده شعور بيتولد وبيموت جوانا كل يوم ,, نبدا ولا ننتهي ,, ما مهم ,, المهم اننا لسا بنحس ,, وقلوبنا بتدق ,, وبنقدر نكتب ونغني ونبكي ويمكن مرات نرسم ,, على فكره البكا ده نعمه !! والدموع بتغسل جروحنا قبل عيوننا ,, وبعد ما ناخد بكيتنا (وغالبا ما في زول يشتغل بينا) بنحس اننا على مشارف بدايه واسعه , داخلينها بعنف ,,
ومين عارف ,, مش يمكن البوست ده بعد ما حسيتي انو اتوجه بيك نحو النهايه , مش يمكن يكون ليك دافع للبدايه ؟؟
معاكي نحو بدايات عريضه وسعيده ,, وناجحه ,, وياستي عيدك سعيد ,, اسعد من بداياتك ,,
نبراس هشام شيخ الدين ,,
| |
|
|
|
|
|
|
Re: فكونى مافى زول يمنعنى !! (Re: د.نبراس)
|
الحبيبة د. نبراس
مامتزكرة والله اسمى فى شهادة الميلاد مكتوب (ناديا ولا ناديه ولا نادية) تصدقى ؟!! لكن بصراحة بحب اسمى زى ماانتى كاتباه كده بالاف ناديااااااااااا...
Quote: وبعد ما ناخد بكيتنا (وغالبا ما في زول يشتغل بينا) بنحس اننا على مشارف بدايه واسعه , داخلينها بعنف ,, |
اكتر شئ مؤلم تكونى بتبكى وماتلقى زول جنبك حتى ينهرك ويكورك فيك ويقول ليك (انطمى واقفلى خشمك ) حتى !! لكن صدقتى البكاء بريح على الاقل بخليك تنخمدى تنومى بس الله يستر من الجلطة الدماغية قالوا الزول لو نام زعلان بتجيهو صحى ؟!!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
Quote: الشايقى
عارف؟
عشان نفس البطن الجابتك للحياة هى ذاتها الجابتنى عارفااااااك فاهمنى زى جوع بطنك !!
زعلانة من الدنيا يا الشايقى مادايرة تساعدنى الا على الثبات فى محطات الحزن والشلهتة اسوى شنو ؟!! |
نادية يا بتي
سوي زي عمك الشايقي
وحمدو في بطنه
الحشى ليوه حاله والوجاهه في حاله والدنيا ماشية يا بتي رحالة والوردة نادية ... ونادية ترتالا ترعاها تسقيها بذرة حبيب نرعاها الزمان يمضي بنيتي والصغير يكبر والكبير يزداد كبراً
فلا تدعي الأحزان تتملكك أحزني وقتما شئت فهذا حقك وكيفما شئت فليس من حقك
الشايقي
| |
|
|
|
|
|
|
Re: فكونى مافى زول يمنعنى !! (Re: Al-Shaygi)
|
كتبت نادية
فكونى ماف زول يمنعنى !!
معليش يادنيا ..وماف زول يمنعنى !!
فكونى ماف زول يمسكنى !!
ماتمنعنى !!
ماف زول !!
فكنى
أبكى !!
فكنى
اكورك !! فكنى
خلينى
ابكى !! وفكنى
اضحك لو اقدر !!
وفكونى
اقرأ آية الكرسى ايمكن جواى يرتاح !!
فكينى خلينى افرح !!
فكينى خلينى استغفر !!
فكونى امارس انسانيتى !!
وفكونى
خلونى اتجاوز !!
ست نادية
ما اروعك
ودابكدوك
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
ندووووية العسل عيد يبلل حياتك كلها بالفرح
دايرة النصيحة ولا بت عمها ؟؟ رغم ورغم ورغم أفتحي صدرك لكل نسمة جديدة نقية وجميلة أووووعك تحرمي نفسك متعة التنفس .. من حقك هواء جديد من حقك البكاء بس برضو لما تجيك فرحة ما تدوسيها بدموع قديمة ماتقعدي تفجخي في الفرح بلا جريرة إرتكبها هسي لمة الناس دي فوقك ومؤازرتهم مش أجمل فرح في الدنيا ؟؟ مش حسسوك انك وردة لن تذبل .. وحديقة لن ينتهي شذاها ؟؟ طيب فوووحي يا بت الناس .. فوووحي وعطري كل حاجة تهبشيها
سافري من المحطة دي عشان المحطات القادمات أجمل أنتي إمراة لا يشبهك غير الفرح لا تسجني نفسك في الماضي
ما تترددي أرمي قداااام وربك كريم .. لاشيء يستحق ( nothing deserve ) مهما الزول يعمل ما بقدر يوفي كل شئ مقدارو يعني جعيصة ودايرة تحددي عمق الألم ؟؟ عشان كده كفاية الوجع .. أركبي الأفراح المنتظراك
بتعرفي تنطلقي ولا أديك دفرة ؟؟؟؟؟
غايتو لو باريناك ذاااتنا بنفتش للبمسكنا
| |
|
|
|
|
|
|
Re: فكونى مافى زول يمنعنى !! (Re: ثابت محمد)
|
ثابت محمد ود امى
Quote: هسي لمة الناس دي فوقك ومؤازرتهم مش أجمل فرح في الدنيا ؟؟ مش حسسوك انك وردة لن تذبل .. وحديقة لن ينتهي شذاها ؟؟ طيب فوووحي يا بت الناس .. فوووحي وعطري كل حاجة تهبشيها |
ياخ اقول ليك شئ ؟
فعلا الكلمة الطيبة صدقة !!
وهسى كلامك الطيب ده نسانى زاتو هو كان فى شنو صحى ؟!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
صبااااااااح الخييييييييييييير
أهه يا بنتي نادية إنشاء الله تكوني نمتي كويس وأصبحتي طيبة ورايقة
أمبارح كنتي فايره وفورتي الحوش ده كله معاك
وما تنسي أبيات الإمام الشافعي الشايقي
| |
|
|
|
|
|
|
Re: فكونى مافى زول يمنعنى !! (Re: عبد العظيم احمد)
|
Quote: داك الزمن الاصلا ماراح والجاي تفاصيلو .. ذكراك ... فكوني ابكي وكان جفت دموعي ان شاء الله تغرق دموعي في ذكراك.. انت بعيد يجيني صداك تمشي تسيبني .. تسيب فيني وقع خطاك ماكنت قايلاك .. ح تمشي .. فكوني ابكي.. مستحيل انساك تمشي تسيبني.... و فيني هواك
صرخة مراسمنا .......... مراسمنا... حبي عزاك |
اقايتو لو القصيدة اللطيفة دى كتبتها من وحي البوست ده بكون تمام جدا لأنو حانكون اكتشفنا مواهب مدفونة ولا مدسوسة مننا ماعارفة
| |
|
|
|
|
|
|
Re: فكونى مافى زول يمنعنى !! (Re: Al-Shaygi)
|
الشايقى ود فطومة أمي
Quote: أهه يا بنتي نادية إنشاء الله تكوني نمتي كويس وأصبحتي طيبة ورايقة
أمبارح كنتي فايره وفورتي الحوش ده كله معاك |
أجى ياود أمى انا الفورت حوش بكري ياخ هو براهو فاير ماتختها فينى ساي
| |
|
|
|
|
|
|
Re: فكونى مافى زول يمنعنى !! (Re: حسين محي الدين)
|
حسين محى الدين سلامات
Quote: نادية النفسيات ماعندك لكن صدقيني الحركة حلوة وفكيني!! |
والله العظيم فطيت المداخلات القبلك وجيت ارد عليك عشان مداخلتك دى ضحكتنى شددددددددديد .. جنس نفيسة هى لكن !!
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
بنت عمي الاستاذة / نادية كل سنة وانتي بالف خير
Quote: ثم عادت الى غرفتها ووقفت امام المرآة تصرخ وحدها فى هستيريا ووسط صراخها ينتابها الاحساس بأن هناك ثمّة اناس يحاولون تهدئتهاو........!! |
يديكي الف عافية هارون دياب
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
نادية ازيك .. وكل سنة وانتي طيبة وإيمان بخير ..
طالما قلوبنا تنبض بمن نحب إذن أنه عايش فيها .. البكاء والصراخ حالة من الحنين وإستدعاء لمن فقدناه وهو فينا .. أبدأيي بمسح الضباب الفي المرآة وشوفي الحياة بوجه آخر جميل ..
قلبي معك ..
| |
|
|
|
|
|
|
Re: فكونى مافى زول يمنعنى !! (Re: نادية عثمان)
|
الحبيبة ندى
كل سنة و انت طيبة
ابكى يا اختى و صرخى و فضفضى و لكن افتحى صفحة جديدة خالية من الاحزان
فألاقدار كثيرا ما تقسو علينا فلا بد ان نكون اقوياء بما يكفى لنواصل المشوار و الحياة ما بتقيف
و نحن البنقرر سعادتنا و نصنع فرحتنا بى ايدناو الايمان القوى بى أرادة الله هو المفتاح لتجاوز كل صدمة
ما أقسى ان تفقدى حبيب لقلبك سواء ان كان بموته او باى شكل آخر و لكنها الحياة كثيرا ما تكشر عن انيابها و ليس لدينا سوى الصبر
والتسليم الا فماذا نحن فاعلون لارادة المولى عز و جل
ماحتتخيلى يا ندى انا قدر شنو حاسة بى المك و قلبى معاك صدقينى ابكى و ما تكتمى حتحسى بى نفسك خفيفة و مرتاحة
| |
|
|
|
|
|
|
Re: فكونى مافى زول يمنعنى !! (Re: نهلة عمر)
|
أنا اسمي نادية وبحب تتكتب ناديا ولكن اسم ندى بحبو شديد لانو اسم بت زولا عزيز على جدا
الحبيبة الغالية نهلة عمر
شكرا جميلا على كلماتك الطيبات جدا
و
Quote: ماحتتخيلى يا ندى انا قدر شنو حاسة بى المك و قلبى معاك صدقينى ابكى و ما تكتمى حتحسى بى نفسك خفيفة و مرتاحة |
بكيت لمممممممممن فترت يانهلة
يلا
فكينى
خلينى أرتاح من البكاء
| |
|
|
|
|
|
|
|