|
مدرسة مدني الأميرية الثانوية العامة
|
سلام مامون معليش للترحيب المتاخر ...
تعرف بعض الناس بيرتبطوا في الذاكرة باشياء او زمن معين، لما اسمع مثلا مامون ابوسن بتذكر طوالى مامون ابوعاقلة!!!
الاميرية مدنى و منافسة الفصلين اياهم في كل حاجة .. تجى اسماء للمبرزين اكاديميا و فصلكم كان "ملان" خالد حسن حسين، لؤى صابر، اسامة حافظ الشاذلى، يوسف احمد ابراهيم، عمار ابراهيم (وين الزول ده), عندنا كانوا علاء الدين بشري و خالد عباس رمزى رافعين راسنا شوية... المنافسة في الجمعية الادبية ... في الكورة و الطائرة كنا احسن منكم ... بقيادة بدر الدين توتة و اديب عمر سليمان و حيدر عثمان
ايام...
عصام ================================================================================================
عزيزي عصام جبر الله:
هذا موضوع شيق يا عصام و الحديث فيه ذو شجون. سأعود إليك لاحقا لإجترار ذكريات عذبة لفترة لا تنسى في سودان أواخر السبعينيات.
المأمون أبوسن
|
|
|
|
|
|
|
|
Re: مدرسة مدني الأميرية الثانوية العامة (Re: المأمون أبوسن)
|
سلام مامون
مرات كتيره الواحد يتمنى يلاقي الناس اللمتهم معاهو دروب الدنيا في واحده من مراحل حياتو .... و تشوف و تسمع قصة حياتهم و تحكى ليهم ...
قبل سنتين رن جرس التلفون - الو منو معاى؟ - واحد صاحبك زماااان عرفت الزول حيلعب بي شويه، حاولت الذاكره البايظه خذلتنى، في الاخر طلع عثمان محمد عثمان ـ لو تتذكر ـ كنا اكتر اتنين اصحاب في الاميريه، بي ملاواة و كسر رقبة اتقابلنا لساعات بسيطه في عربيه و هو بقضي في مشاويرو الاخيره قبل ما يسافر... حكينا قدر السمح بيهو الزمن ... قصيره لكن منعشه جدا للروح ....
منتظرك تبدا .... و لو عندك خطوط مع ناس من الزمن داك حركهم شويه وانا بجتهد بي هنا رغم انى مقطوع شديد
سلام
| |
|
|
|
|
|
|
Re: مدرسة مدني الأميرية الثانوية العامة (Re: esam gabralla)
|
صديقي عصام،
كيف لا أتذكر إبن الدفعة 'عثمان محمد عثمان عبدالرحمن'،عثمان كان دفعتنا فـي مدني الأميرية و كان إبن فصلكم. كانوا يسكنون معنا فـي الحي 'البريطاني' الذي صار إسمه الحي السوداني بعد الإستقلال. والده العم محمد عثمان عبدالرحمن كان 'قمندان' البوليس بمدني فـي تلك الفترة. أتذكر عثمان بوضوح رغم إنصرام السنوات و أتذكر طوله الفارع و بنيته القوية و سمرته الجميلة. عثمان كان ماهرا فـي كرة القدم و كان من الصعب نزع الكرة منه لأنه بالإضافة لمهارته فـي كرة القدم له قدم كـ'الطالوش' كفيلة بكسر رجل كل من يقترب منه. كنا نلعب الكرة فـي بيتنا و الذي كان من أكبر بيوت الحي مساحة و كان دائم الفوز فـي مسابقات حدائق المنازل الحكومية فـي زمن كان للجمال قيمة وللخضرة تقدير. و فـي أيام أخري كنا نلعب فـي بيتهم الكبير الذي كان فـي الأصل بيت مدير مديرية النيل الأزرق فـي عهد الإنجليز، ثم صار بيت 'المحافظ' فـي عهد النظام المايوي و قد سكن فـي ذلك البيت المحافظ المغفور له كرار أحمد كرار, و 'قمندان' البوليس المعروف مالك أمين نابري والد أحمد و أمير اللذين كانا ' قدامنا' فـي المدرسة. جوار بيت ناس عثمان كان بيت إبن الدفعة المهندس خالد حسن حسين عبدالله النعيم إبن العم المغفور له د.حسن حسين أخصائي الأمراض الصدرية بمستشفي مدني آنذاك، خالد يعمل الآن باليابان. من أبناء الدفعة و أبناء الحي أذكر خالد عباس رمزي بكار الذي يعمل طبيبا بسلطنة عمان. و أذكر أمين النذير حمد و عمار إبراهيم علي إبن القاضي الشرعي و أحمد إبراهيم علي، وهو ليس أخا لعمار، و أسامة حافظ الشاذلـي و نادر أحمد عباس و عادل عبدالجليل محمد و محمد مدني محمد إبن أخت جراح مدني الأشهر د.صلاح طه صالح. و أذكر عماد بله و محمود تاج الدين مصطفى. هؤلاء هم أبناءالحي 'السوداني' وأبناء الدفعة فـي الأميرية الذين أسعفتني الذاكرة بهم فـي هذه العجالة والمعذرة لمن لم أذكرهم وعسي أن تشفع لـي السنوات التي مرت. أين عثمان الآن ياعصام؟ تحياتي لك يا عثمان من صديق طفولة حلوة مضت و أتمنى أن تكون من قارئي كلماتي في هذه اللحظة. يا عصام، أرجو أن تعطي عنواني الإلكتروني لعثمان إن كنت على صلة به. تحياتي لأصدقائي الذين ذكرت و لم تذكر أسماءهم،أين أنتم و ماذا فعلت بكم الحياة و ماذا فعلتم بها؟ سأعود يا عصام مع أسماء جديدة من أبناء الدفعة بالأميرية و أرجو أن تساعدني بإستحضار المزيد من الأسماء.
المأمون عبدالله أبوعاقلة أبوسن
| |
|
|
|
|
|
|
Re: مدرسة مدني الأميرية الثانوية العامة (Re: المأمون أبوسن)
|
شفت الاسم، وقلت ربما يكون ماموناً تاني...
لكن لما شفت الاسم مرة تانية وفي بوست تاني، قلت كدي "اندخُل" لي جوا، ولما لقيت اسم عصام اتاكدت إنو ماموني الذي ابحث عنه...
اقول أبحث عنه، لأنه دار قبل فترة - 3 أو 4 أشهر - حديث بيني وبين معاويه مدني، وجات سيرة مامون، فقلت ليه حاولنا الاتصال ببعض وحاولنا الالتقاء ولم نتمكن... وقررت منذ ذلك الحين - اعني الحديث مع معاويه - المحاولة الجادة في إعادة التواصل مع مامون، فطلبت منه تزويدي بتلفون مامون... ولم يفعل: قمت بتذكيره قبل شهر ولم يستجب. كتبت له صباح اليوم انني لا أزال في انتظار تلفون مامون، وإذا بي اجد مامون هنا:
حبابك ألف يا ابوسن... وما عارف الحاصل شنو اليومين دي... لانو قبل يومين أو ثلاثة كان يتربع بذاكرتي بشكل حاد الصديق علاء الدين بشرى وكنت بصدد سؤال عصام عن احواله واراضيه وهكذا...
ردك على ترحيب عصام ومدرسة الاميرية تضمن الاشارة للعديد من الاسماء في زمن زمين... اتمنى ان يكونوا جميعهم بخير... وأرجو ألاّ يكون البوست حكراً على من درسوا بالاميرية فقط... فهؤلاء وانت وعصام وخالد وخالد التقيناهم في مدني الثانوية (طبعاً عصام قبل كده بسنوات وكان مفروض يدخل معاي فريني، لكن عمل فيها ود راحات واصر وحاصر الزبير تميم الدار من كل صوب ليدخل الاميرية، وبرضو اتلمينا في مدني الثانوية)، بمعنى، إنو من لم تساهم ظروفو في الدراسة في الاميرية لاقى ناس الاميرية في مدني الثانوية... واذكر بحكم ظروف "عملي" في تلك الفترة مع العم التوم نمر اتاحت لي الفرصة بالالتقاء بعدد مقدر من اولاد الأميرية الكانو بجو لعصام في مكتبة الفجر ويلقوهو قاعد معاي في محل التوم نمر... خالد حسن حسين كان اشهرهم... ايام... اعتذر لقلة الزمن فمواضيع زي دي تجد الحديث ينداح...
سعيد برؤيتك اسفيريا، ويمكنك مهاتفتي او مآملتي على [email protected]
وفي انتظارك... والتحية لكل الاسماء الواردة في البوست، وسنؤجل الحديث عن الاشواق والسؤال عن الاحوال لحين الاتصال..
سيف بشير
تخريمة غير ذات علاقة بالبوست:
شكراً يا عصام على بوست الامس، إذا تمكنت أنا ونجوى بفضله من لقاء عثمان واسماعيل ورقيه حامد في هيثرو قبيل سفر الاخيرين للسودان للعزاء.
| |
|
|
|
|
|
|
Re: مدرسة مدني الأميرية الثانوية العامة (Re: saif basheer)
|
إزيكم مامون وصحبه .. جينا بعدكم الآميرية(حاولت أستعين بخالد عباس رمزي كمعيار للزمن البينا . ما قدرت!). الهم يـ(عصام) عباس رمزي موزع اولادو علي الدفع بالتساوي عشان يرفعوا بيها راسهم، درس معانا شاكر عباس رمزي وكان متقاول مع دفعتنا لرفع راسا تلاتة لا قند لا قال بس. ووزع تلاتة من اولادو -توائم- علي دفعة ورانامسكوها من الألف للياء ، وما نسى مدارس البنات. (خالدة) كانت مهمتها ترفع راس السودان كلو وهند (وكل) ليها مهمة محلية (مدني وحواليها) عين الحسود فيها عود. مديرنا كان مصري من جوه وسوداني من برًه (ما ذاكر إسمو)بعد فتًر ناولنا لعبد الباقي عميد المدرسة وأستاذ الرياضيات, وضابط المدرسة كان استاذ علي بتاع الانقليزي، إتفاجأت كيف لمً شفتو بسف تمباك زيو وزي باقي خلق الله وبياكل فول وبزهج وبنوم . كنت قايلوا فايت الناس . وأهم زول الغفير وولدو (كان أبكم) جانا نميري سنة 84 قعد معاهو في الواطة حكى وبكى. وعم محجوب بتاع الفطور. أها الحي البرطاني ده يا مامون كان بيت بيت بغذي الآميرية، انا من دردق كان بتجيبنا ليكم سرقة المنقة والنبق ولعب البنغ بونغ في بيت ناس حسام جعفر محجوب، قدامنا في المدرسة كان ايهاب عبد الوهاب وهشام ابوزيد ومعانا كان فريد عبد العظيم عبد الروؤف وحيدر محمد احمد الشيخ وكتيرين مرقوا بي قد الذاكرة.
متوكل ميرغني حسن التوم
| |
|
|
|
|
|
|
Re: مدرسة مدني الأميرية الثانوية العامة (Re: المأمون أبوسن)
|
المامون ابوسن ....الاخوه المتداخلين سلامات
مامون ....
معقووووووووووول ....ازيك
يادكتور
سبحان الله قلت ده هومامون .... تانى امشى واجى .....
ازيك ياخى والله ....دايما مابيضيعوا
مننا الناس فى طيات الركض وراء الاحداث
اليوميه المزعجه.....لكن اطيافهم
دائما افله تسكن فضاءات الزمن
قائمه فى جوهرها على الغياب
اخبار الاهل والاخوان بالله ....انشاءالله عافيه ومحمد وابو عاقله اخباره ....سلامى ليهم بالله
حاتابعكم هنا للنهايه....احكوا لينا يلا تحياتى
| |
|
|
|
|
|
|
|