|
Re: والله العظيم يوسف الخضر عشمان يدخل معانا الحوش .. وصوا ليه بكري يا شباب (Re: ghariba)
|
ده آخر موضوع ليوسف الخضر لم تنشره جريدة الخرطوم لانو مسخن خالص.... ده النسخة الاصلية قبل التعديل.............. والموضوع بعنوان:
المُعْـسِرُون... ضائعـون ما بـيـن السفارة والجالية وجهاز المغـتربين
مكالمة : ألو... السلام عليكم.. الاخ يوسف الخضر..؟ وعليكم السلام... نعم معك يوسف..!! يا خي انا ( محمد ).. من ابناء منطقة (.... ) جوار الحصاحيصا .. وقد وجدت تلفونك بجريدة الخرطوم يوم الجمعة وانا ظروفي صعبة جدا وعايز ارجع اهلي. طيب وين المشكلة..؟؟؟؟ أنا ليّْْْْْْ سنتين ما شغا ل واقامتي منتهية وجوازي منتهي وماعندي حق الاكل ولا حق الرجعة للبلد وما عندي زول بعرفوا وما عارف اعمل شنو..!!!! عمرك كم سنة..؟؟؟؟ مولود سنة 69 . يعني عمرك كم ؟؟؟ والله يا أخوي ما حسبتو..!!! امكن 30 سنة..!!!!!!!!!!!! انت ما عارف عمرك ؟؟ انت عمرك 38 سنة... خلاص ياها الضاعـت في الغربة لا بعرفها راحت من وين ولا فاتت وين!! طيب ما مشيت للسفارة في جدة..؟؟؟؟ إلا... وقت سمعـنا قا لوا برجعـوا النا س المعسرين مشيت وقابلت المسئول .. قال لي دِه مسئولية الجالية..!!! واداني تلفون بتاع الجا لية.. وقال ليك شنو بتاع الجالية... وإسمو منو ؟؟؟؟ والله ما بذكرو لكن عندي رقم تلفونو .. وقال لي تمشي الجوازات وتعمل خروج نها ئي وتجينا في السفارة.. أنا لو بقدر أعمل الحاجات ده ما كان اتصلت عليهم .. وانا والله ما عايز اي حاجة الا اني اصل بلدي لانــــــــي خلاص كل الابواب اتقفلت في وشي وما باقي لي الا حلول ما عايز اعملها وما بتشبهنا...بس وريني اعمل شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انتهت المكالمة ـــــــــــــــــــــــــــــــــــــــــــــــــــــــــــــــــــــــ
تابعوا معنا بقية المقال ........
| |
|
|
|
|
|
|
|