|
أبقى جاي على الحقيقة..
|
إذا كنت مديني اليقين,, فعلام أفتش عن إجابة,, مادام غُناك صحى البلد سالم الناس الغلابة صحى الشوارع في السماء في كل تقاطع ,,بشبهك,, لونك حمامات السلام,, ضلك بيشبه,, ليّ,, سحابة ضحكك,,فرح كل الطفولة,, سكاتك ليه بيشبه فيني صبرك انت لونك فيهو بسماتك,,حبابا,, فيهو تربالا بنادي اللوبي مهلاً اللبقة الحنين ,,جوَايا دابا,, شايلة بي كفي المحنّة,, زارعة واطاتك,,محبة,, ناس تغني وليك تريدك,,وريدي ,,أروتِّي,,الربابة,, هي البتعرف كيف تسالمك,,كفي مابتعرف,,حرابة أنا ماتركتك,,للمدن الغايبة في ضل الرتابة أنا ماتركتك للغياب,,روحي تعلن يوم تغيب,,برضك,,غيابا بس منحتك سر عيونك ,,غصباً,, عيونك,,كل سؤالاتهم مُجابة,, أنا جد لفيتك,,في الأماني الكاملة بي بلداً بِرتِّب صوت مشيك في دروب مشتهية تنزل في رحابا
القدرة لو كانت تفوتك ماكان بيعجزنا المزار لو كِمِل حد الصبر,, ليه مايكمل المشوار لو الزمن إزداد عِناد,, عشمي الرِضا ,,السكن الديار غربة الأشواق بلادك غربتك لو قاسية,,دار حنينة لمتنا فــ ربوعك فرقتك في خاطري ,,نار خاطري لو بطفيو,,سلامك ذكرتك تملاهو,,نار السمحة لو مالت دروبا عدِّل يابلد فيها المسار,, أبقى جاي على الحقيقة وببقى جاي,,لو حق أشار,, أبقى مارق ,,ماتخاف,, لو دليلك,,فينا,,حار,, نبقى سكة زول نريدو فيها أحلامنا الكتار بلاد بالإلفة غنّت,, فرحة صِبحت لينا جار.
|
|
|
|
|
|
|
|
Re: أبقى جاي على الحقيقة.. (Re: تماضر الخنساء حمزه)
|
غناك برتب فينا كم وحداك يورى الكان عشم امكن يصح امكن تصح امكن تمرق تفج بلداتنا ديك ثمة سحابة تظلل السما من جديد يا سحابة امرقى فينا الغيم وافرشى الدنيا بيك اكبر ملاية وابقى ايه تمسح الهم من جفونا وتقلب الاحزان حكاية يا سحابة يا تماضر يا نواضر يا سلام منك تملى تحكى تحكى وتكتبى الشجن البجيب الفرحة جارية يا سحابة رشى بيتنا وامشى بيناتنا وكثيرا مشية سمحة مرتبة زى غناك زى غناك يا نواضر
دى نجرتها ليك لانه حكايتك ما بتنفات لك محبتى
| |
|
|
|
|
|
|
Re: أبقى جاي على الحقيقة.. (Re: سلمى الشيخ سلامة)
|
Quote: غناك برتب فينا كم وحداك يورى الكان عشم امكن يصح امكن تصح امكن تمرق تفج بلداتنا ديك ثمة سحابة تظلل السما من جديد يا سحابة امرقى فينا الغيم وافرشى الدنيا بيك اكبر ملاية وابقى ايه تمسح الهم من جفونا وتقلب الاحزان حكاية يا سحابة يا تماضر يا نواضر يا سلام منك تملى تحكى تحكى وتكتبى الشجن البجيب الفرحة جارية يا سحابة رشى بيتنا وامشى بيناتنا وكثيرا مشية سمحة مرتبة زى غناك زى غناك يا نواضر |
غناكِ الحقيقة,, سمحة وعوافي بتسكن قوافينا الحنينة,, كلامك مرافي في ساحل حروفنا,, برتّب مشينا,,يتبتّب حكاوينا الحزينة,, فرحك نشيدنا,,وغاية ,,قصيدنا,,حليوة,,ورزينة,, حزنك ,,نحيبنا,,بجهجه سمانا بلون الغيوم..ويعكِّر صفانا,,أكيد لو يزيد,, رضاكِ بينزل علينا هداوة..وسكينة.
Quote: دى نجرتها ليك لانه حكايتك ما بتنفات لك محبتى |
ودي نجرتها ليك لأنو انتي زولة مابتنفاتي كل الحب
| |
|
|
|
|
|
|
Re: أبقى جاي على الحقيقة.. (Re: سلمى الشيخ سلامة)
|
خنساء .. مساء الخير .
مش النص مرق منك و بقى ملكنا ؟؟ عملات شغلة موت المؤلف !.. خلاص .. سمحت لنفسي أنقرش فيهو .. ( غصباً عني ) : فاستحملي .. الجاتك في مالك سامحتك .
Quote: إذا كنت مديني اليقين .. أنا ليه أفتش عن إجابة .. مادام غُناك صحى البلد سالم شقا الناس الغلابة صحى الشوارع في السما في كل تقاطع ,, بشبهك .. لونك حمامات السلام .. ضلك بيشبه - ليّ - سحابة ضحكك .. فرح كل الطفولة .. يا السكاتك ما بيشبه إلا صبرك انت لونك فيهو بسماتك .. حبابا فيهو تربالا بنادي اللوبي مهلاً لابقة الحنين - جوَايا دابا - شايلة بي كفي المحنّة .. زارعة واطاتك .. محبة .. ناس تغني وليك تريدك .. وريدي " أروتِّي " الربابة .. هي البتعرف كيف تسالمك .. كفي مابتعرف .. حرابة أنا ماتركتك للمدينة الغايبة في ضل الرتابة و ماتركتك للغياب .. روحي تعلن يوم تغيب - برضك - غيابا بس منحتك سر عيونك .. غصب عنك يا العيونك كل سؤالاتهم مُجابة,, أنا جد لفيتك .. في الأماني الكاملة بي بلداً بِرتِّب صوت مشيك و دروبا مشتهياكَ تنزل في رحابا
القدرة لو كانت تفوتك ماكان بيعجزنا المزار لو كِمِل حد الصبر .. برضو تكتمل المشاوير الصغار لو الزمن إزداد عِناد .. عشمي الرِضا الساكن الديار غربة الأشواق بلادك غربتك لو قاسية .. دار حنينة لمتنا فــ ربوعك فرقتك في خاطري .. نار خاطري لو بطفيو سلامك ذكرتك تملاهو .. نار السمحة لو مالت دروبا ينعدل فيها المسار .. أبقى جاي على الحقيقة وببقى جاي .. لو حق أشار أبقى مارق .. و ماتخاف .. لو دليلك .. فينا حار .. نبقى سكة زول نريدو فيها أحلامنا الكتار يا بلاد بالإلفة غنّت .. فرحة صِبحت لينا جار . |
صوتك الشعري صعب يا خنساء .. و سمح .. قيافة .. فاعذري شلاقتي .
مودتي .
| |
|
|
|
|
|
|
Re: أبقى جاي على الحقيقة.. (Re: Emad Abdulla)
|
كويس لحقتك اليوم قبال تعدِّل ردّك,,
شفت ردّك ده أنا محتاجاو شديد,,
بقرا في (الملكك) ده تاني,,
إذا كنت مديني اليقين .. أنا ليه أفتش عن إجابة .. مادام غُناك صحى البلد سالم شقا الناس الغلابة صحى الشوارع في السما في كل تقاطع ,, بشبهك .. لونك حمامات السلام .. ضلك بيشبه - ليّ - سحابة ضحكك .. فرح كل الطفولة .. يا السكاتك ما بيشبه إلا صبرك انت لونك فيهو بسماتك .. حبابا فيهو تربالا بنادي اللوبي مهلاً لابقة الحنين - جوَايا دابا - شايلة بي كفي المحنّة .. زارعة واطاتك .. محبة .. ناس تغني وليك تريدك .. وريدي " أروتِّي " الربابة .. هي البتعرف كيف تسالمك .. كفي مابتعرف .. حرابة أنا ماتركتك للمدينة الغايبة في ضل الرتابة و ماتركتك للغياب .. روحي تعلن يوم تغيب - برضك - غيابا بس منحتك سر عيونك .. غصب عنك يا العيونك كل سؤالاتهم مُجابة,, أنا جد لفيتك .. في الأماني الكاملة بي بلداً بِرتِّب صوت مشيك و دروبا مشتهياكَ تنزل في رحابا
القدرة لو كانت تفوتك ماكان بيعجزنا المزار لو كِمِل حد الصبر .. برضو تكتمل المشاوير الصغار لو الزمن إزداد عِناد .. عشمي الرِضا الساكن الديار غربة الأشواق بلادك غربتك لو قاسية .. دار حنينة لمتنا فــ ربوعك فرقتك في خاطري .. نار خاطري لو بطفيو سلامك ذكرتك تملاهو .. نار السمحة لو مالت دروبا ينعدل فيها المسار .. أبقى جاي على الحقيقة وببقى جاي .. لو حق أشار أبقى مارق .. و ماتخاف .. لو دليلك .. فينا حار .. نبقى سكة زول نريدو فيها أحلامنا الكتار يا بلاد بالإلفة غنّت .. فرحة صِبحت لينا جار .
* للتوثيق.
محبتي
| |
|
|
|
|
|
|
Re: أبقى جاي على الحقيقة.. (Re: Emad Abdulla)
|
ابدا عماد.. ماإرهاب ولا شتين
أنا بنزل شخبتات مامنقحة وطازة شديد يلا بحتاج زي احساسك بالكلام المكتوب ده..بس دي كل القصة..
أهن عشان كده وثقتو سريع قبال تعدّلو ..أصلك ماغصني بالتعديل
مساك ورد
| |
|
|
|
|
|
|
Re: أبقى جاي على الحقيقة.. (Re: تماضر الخنساء حمزه)
|
Quote: لو الزمن إزداد عِناد,, عشمي الرِضا ,,السكن الديار غربة الأشواق بلادك غربتك لو قاسية,,دار حنينة لمتنا فــ ربوعك فرقتك في خاطري ,,نار خاطري لو بطفيو,,سلامك |
| |
|
|
|
|
|
|
Re: أبقى جاي على الحقيقة.. (Re: تماضر الخنساء حمزه)
|
ألأخت/تماضر..
رائعة كعادتك.... .................... إذا كنت مديني اليقين,, فعلام أفتش عن إجابة,, مادام غُناك صحى البلد سالم الناس الغلابة صحى الشوارع في السماء في كل تقاطع ,,بشبهك,, ............................ صحى الشوارع فى المساء(((((((((مش كدة؟)))))))) بجد نفسى فى كل تقاطعاتك الشعرية..عشان كدة ما بجاملك وبمر على كل التقاطعات أ لبتشبهك فى الشوارع المساء..
...........................إسماعيل محمد احمد عباس...........
| |
|
|
|
|
|
|
Re: أبقى جاي على الحقيقة.. (Re: تماضر الخنساء حمزه)
|
الاخت تماضر تحياتي
Quote: لونك حمامات السلام,, ضلك بيشبه,, ليّ,, سحابة ضحكك,,فرح كل الطفولة,, |
اللون الابيض يستهويني وكلامك مع خلفية الاغنيه جنااااااان تسلمي
ابوتسابيح
| |
|
|
|
|
|
|