|
منتخبنا ظهر في السي دي الجديد بتاع البليستيشن..ولدي لعب بيهو غلب المصريين ثلاثة صفر..
|
واحدة من أهم حسنات مشاركة منتخبنا في نهائيات غانا (ولعلها الحسنة الوحيدة).. هي ظهور منتخبنا في آخر إصدار سي دي للبلاي ستيشن..والمنتخب طبعاً آخر كياشة في البرمجة.. والأسماء نصها غلط.. لكن ولدي ما قصر أبدا.. مسك ليك منتخب السودان ظبط ليك المصريين ثلاثة أقوان زي السم..طبعا شال 10 ريال جاب بيها السي دي.. ولما غلب..تااااااااني أديتو ليك عشرة ريال..
يا ربي بعد سنتين إن شاء الله منتخبنا حا يشارك؟؟ ولا تاني حا ينتظر 32 سنة؟؟ دي غايتو شوفوا ليها ناس يحضروها غير معظم إن لم يكن كل أعضاء البورد الحاليين... الأعمار بيد الله فعلاً.. لكن غايتو بالشايفو أنا دا..الله يستر..
ضريسة: قدر ما فتشنا صلقط ملقط.. ما لقينا في التشكيلة فيصل العجب.. ولا في الاحتياطي.. الحكاية تكون شنو يا ربي؟؟؟
مودتي الشديدة
|
|
|
|
|
|