|
تعالوا فهموني!!!
|
في هذا الزمان المناضل! ما الفرق بين ان تذهب او تحضر احتفالات السفارات
بالاعياد القومية وان تسافر للوطن؟ فلماذا في الاولي انا خائن للنضال وفي الثانية لا؟ وصحي صحي عايز فتاوي..
وهل احزابنا لديها سياسات ولوائح مكتوبة حتي يمكن للعضو الرجوع اليها بشأن المحرمات والموبقات...فاذا انا مثلا حزب امة او اتحادي منظم وعايز احضر حفلة في بيت سفير آخد الاذن من منو؟
واذا مشيت كاشت ساكت ونسيت آخد الاذن...ماذا ستكون نتيجة مثل هذا التصرف حزبيا!
بالجد انا عايز اجابات...ترضي ضميري...البقي ما عارف اي شي دا...
|
|
|
|
|
|
|
|
Re: تعالوا فهموني!!! (Re: nazar hussien)
|
هي جملة استفهامات...القادر يفهمني...فليدلي بدلوه!!!
كيف تمنح حقا كاملا بدستور ويسلب منك هذا الحق شوية شوية بلوائح او قوانين؟
وعلي خلفية الصراع الدائر بين نادي الهلال والاتحاد العام...
لم يقنعني لا الوزير الولائي ولا الاتحادي ولا نائب رئيس الاتحاد...
والمشكلة كما لخصوها جميعا تمثلت في رفض الاتحاد لتسليم بطاقة مجنسين اتنين سجلهما الهلال باجراءات قانونية سليمة...وفور تسجيلهما اصدر الاتحاد لائحة تنظم مشاركة المجنسين...بحجة انهم ربما يزاحمون اللاعبين الوطنيين وتارة اخري المحليين...هكذا قالوها جميعا... وعلي هذه الفرضية رفض الاتحاد تسليم الهلال بطاقات المجنسين؟
واللي ما فاهمو؟ ماهو الفرق في الحقوق بين المجنسين والوطنين ؟؟ وهل المجنس لا يعتبر وطني؟ من هو الوطني...ومن هو المحلي...هل الرابطة هي جغرافية ام قانونية؟
ايهما اسمي بالاتباع...هل هو الدستور ام القانون واللائحة...؟ وكيف تصبح اللائحة او القانون اسمي من الدستور؟
ثانيا: اعلن الاتحاد مباراة الهلال وفريق النيل الحصاحيصا وهو يعلم مسبقا رأي الهلال في عدم المشاركة ودعنا نقول عدم امكانية المشاركة! وذهب الحكام الي الحصاحيصا وصفروا بانتهاء المبارة باعتبار الهلال مهزوم او هكذا افتي دكتور معتصم جعفر نائب رئيس شداد..
طيب ناس الهلال ديل يمشوا يشاركوا في المباراة بدون بطاقات؟ مش البطاقات لسة عندكم يا ناس الاتحاد...هل بعثتموها لهم بالبريد المسجل؟
ولماذا في رأيكم اصر الاتحاد علي عدم تسليم البطاقات كاملة بالرغم انه اورد لائحته بعدم مشاركة المجنسين الاتنين اما كان له ان يكتفي بذلك ويعاقب من يخالف لائحته وفقا للعقوبة التي قررتها لائحته؟
انا شخصيا مش فاهم...؟ اذا في زول فاهم يفهمني
| |
|
|
|
|
|
|
Re: تعالوا فهموني!!! (Re: nazar hussien)
|
Quote: انا شخصيا مش فاهم...؟ اذا في زول فاهم يفهمني |
الحل بسيط حتتعب كتير عشان تفهم عشان كده اعمل فهمك الخاص وخليهو هو القانون والدستور واعتبر اي زول ما يمشي بي فهمك خارج على الدستور والقانون واللوائح الانت عاملها ومنظمها بي فهمك الخاص فهمت؟؟؟؟
| |
|
|
|
|
|
|
Re: تعالوا فهموني!!! (Re: aml gadora)
|
Quote: واعتبر اي زول ما يمشي بي فهمك خارج على الدستور والقانون واللوائح الانت عاملها ومنظمها بي فهمك الخاص فهمت؟؟؟؟ |
شكرا امل قدورة علي انضمامك لذمرة الما فاهمين..
لأنو حكاية معانا والله معه الخيانة دي زاتا مشكلة
ومنو هو الحدد معيار الخيانة عشان يكون في فريق آخر مناهض لها؟
| |
|
|
|
|
|
|
Re: تعالوا فهموني!!! (Re: nazar hussien)
|
Quote: شكرا امل قدورة علي انضمامك لذمرة الما فاهمين.. |
لا شكر على واجب وصدقني عشان ترتاح اول بند تسقطو من حساباتك هو بند الفهم ماتحاول ولا تتعب نفسك عشان تخلي الناس تفهمك لانهم عمرهم ماح بفهموك انت خليهم هم يحاولو يفهموك ويمشو بي فهمك استعمل الوصفة المجانية دي وصدقني حترتاح كتيييييير
تحياتي
| |
|
|
|
|
|
|
Re: تعالوا فهموني!!! (Re: nazar hussien)
|
Quote: دي زاتا ما فهمتها يا أمل.. |
طالما انت عايز تفهم وعندك النية الخالصة للفهم ... الدرس الاول خليك انت المركز ...........وخلي غيرك هم البيدورو حول فلكك ......ويحاولو يفهموك انتهى الدرس الاول ------------------------------------------------------------------------------ وقع ليك ولا اعيد ليك
| |
|
|
|
|
|
|
Re: تعالوا فهموني!!! (Re: aml gadora)
|
Quote: خليك انت المركز ...........وخلي غيرك هم البيدورو حول فلكك ......ويحاولو يفهموك انتهى الدرس الاول
|
انا كان خليت نفسي المركز...واقنعت نفسي بالمركزية البقنع الباقين بالدوران منو؟
خلي بالك واااااااسع يا امل...
انا مش قلت تعالوا فهموني؟
| |
|
|
|
|
|
|
Re: تعالوا فهموني!!! (Re: nazar hussien)
|
Quote: البقنع الباقين بالدوران منو؟ |
اها شفت ده الدرس التاني اياك ..............ثم اياك تحاول تقنع الباقيين الباقيين اقتنعو بيك .........كان بها مااقتنعو تعمل ليهم shift delete من افكارك انتهى الدرس الثاني
| |
|
|
|
|
|
|
Re: تعالوا فهموني!!! (Re: nazar hussien)
|
Quote: يعني ما ضروري يلفوا؟
يعني اعتبر نفسي تعديت مرحلة التمكين.. |
كده ممكن نعتبرك اجتزت المرحلة الاولي وكان من الممكن انك تتجتازها بامامتياز لو ماعلامة استفهام
مفترض تقول اعتبر نفسي اتعديت مرحلة التمكين. وبس
| |
|
|
|
|
|
|
Re: تعالوا فهموني!!! (Re: aml gadora)
|
Quote: المرحلة التانية الدرس الاول اعمل قوانينك ودساتيرك ولوائحك الخاصة وتشريعاتك الخاصة وخليها مرجعك الاساسي |
طيب وكان جاني واحد زي صلاح ادريس دا وقال لي قوانينك دي بلها واشرب مويتها وهي اصلا لا بتنبل ولا مويتها بتنشرب...اعمل كيييييييييييييييييييييييييييف؟
| |
|
|
|
|
|
|
Re: تعالوا فهموني!!! (Re: nazar hussien)
|
Quote: طيب وكان جاني واحد زي صلاح ادريس دا وقال لي قوانينك دي بلها واشرب مويتها وهي اصلا لا بتنبل ولا مويتها بتنشرب...اعمل كيييييييييييييييييييييييييييف؟ |
كيف؟؟ بالجد ماعارفة انت اجتزت المرحلة الاولى كيف يعني كلامك ده معناهو انك مامدي نفسك قيمتها الحقيقية اولا اسال نفسك صلاح ادريس او غيرو من الاسماء الكبيرة احسن مني بي شنو بالعربي كده دايما اعتبر مساو للتانين ........ومافيش حد احسن من حد
| |
|
|
|
|
|
|
Re: تعالوا فهموني!!! (Re: aml gadora)
|
Quote: دايما اعتبر مساو للتانين ........ومافيش حد احسن من حد |
عاد اكضّب كمان يا امل؟
ديل ناس:
شاربين ساكنين كارهين الزاد ونحن شيالين نقول وراهم
ونلم متين يا مولاي
| |
|
|
|
|
|
|
Re: تعالوا فهموني!!! (Re: nazar hussien)
|
Quote: ديل ناس:
شاربين ساكنين كارهين الزاد ونحن شيالين نقول وراهم
ونلم متين يا مولاي |
في الحالة دي ماتحاول تفهم وخليهم هم الناس الكبار ........يقرروا........ ويحكموا بي مزاجهم بي قوانينهم الخاصة
تحياتي
| |
|
|
|
|
|
|
Re: تعالوا فهموني!!! (Re: aml gadora)
|
كدي خلي الجاي والجاي...يا امل وتعالي فهميني مبررات بوست آمنة مختار بشأن حرية وديموقراطية الدين ماركيين...وان دولتهم فضلت الجوع علي الخنوع؟؟؟
هل ما تدافع عنه آمنة مختار هو حرية...أم حقرية...؟؟؟
| |
|
|
|
|
|
|
Re: تعالوا فهموني!!! (Re: aml gadora)
|
المشكلة يا امل ...خلافا لاجتهاداتك التمرينية معي...فاي زول دخل هنا قال تعالوا فهموني...
أها نرجع لبوست آمنة مختار: وانت فهمتي منه انها تدافع عن وجهة نظرها..ما قلنا شيْ لكن كمان تصل لحد الاشارة الي ان الدين ماركيين...في اعادة الرسوم المسيئة لأفضل خلق الله اجمعين يمارسون حريتهم التي لا سقف لها...وان حكومتهم ما عليها الا ان تتفرج وهم يمارسون حرية تعبيرهم ...حتي لو جاعت الدين مارك عن بكرة جدها...وان المسلمين في دفاعهم عن رسولهم الكريم لا يمارسون الا الصراخ...وهي تطالب الاخيرين بالكف عن الصراخ والاوائل بمزيد من ممارسة حرية التعبير والاساءة...
فاين يقف الحد ما بين الاستبداد وحرية التعبير؟؟؟
وبرضو تعالوا فهمونا؟
| |
|
|
|
|
|
|
Re: تعالوا فهموني!!! (Re: nazar hussien)
|
ماقلت ليك ابدا ماتحاول تتفهم او تفهم الزولة دي عندها رأي معين .....ومنطق معين مفسرة بيهو الحاصل بغض النظر عن اني موافقاها ولا ضد رأيها اجدني فقط احترم شجاعتها في ابدا رأيها الصريح في موضوع حساس زي ده والدنماركيين ديل قصة تانية يعني زي مااحنا عندنا ثقافتنا وترثنا وموروثاتنا ...........هم برضو عندهم عالمهم الخاص ومستحيل نقدر نفهمهم ولا نخليهم يفهمونا الحل واضح نتجاوزهم سلام
| |
|
|
|
|
|
|
Re: تعالوا فهموني!!! (Re: aml gadora)
|
Quote: الحل واضح نتجاوزهم
|
طيب والقرونا ليه في اولي ابتدائي زماااااااان داك نوديه وين؟
من رأي منكم منكرا فليغيره بيده وان لم يستطع بلسانه...وان لم يستطع... فبقلبه وذلك اضعف الايمان...
اها الناس ديل بي ايدهم ما بقدرو صراخ ما يصرخوا؟
| |
|
|
|
|
|
|
|