|
|
 الجنرال لا يتحسس المسدس الموضوع على نافوخ البشر...مثال فنان شهيد/حى
|
الجبهة الاسلامية/المؤتمر الوطنى/الانقاذ تفوق خيالنا و سؤ الظن العريض و ابليس ليهو حق لما قال ليهم "دى انا ذاتى ما فكرت فيها!"
بعد ان صارت وزارة الصحة ومستشفياتها مكان للموت لا الشفاء
وزارة العدل بدلت تخصصها من رفع المظالم واحقاق الحق لمرتع لنصرة المجرمين و الللصوص من ذوى الحظوة
وزارة الداخلية بدلا من حماية المواطنين قتلهم و ضربهم
وزارة الدفاع تسحل مواطنيها في دارفور و تهرول بيانات وتنديد امام تشاد
و قس على ذلك....
مصرة الانقاذ ان تذهلنا ... ان تقول لينا: انتو شفتو حاجة..
جهاز الامن يكرم المبدعين...
في دولة "عادية" محترمة بالحد الادنى سيحتج الجميع لان هذا ببساطة تدخل في "الاختساسات", يعتبر غلط كبير لانه ما مجالهم البدوهم قروش و مواهى عشان يشوفوا شغلم، و ربما يستقيل الوزير او اقل حاجة الزول بتاع الامن ...
و في دولة "عادية" محترمة، او حتى دولة "عادية" ما محترمة زى مصر القريبة دى ولانه عندهم "دولة" ما لعب عيال حركة زى بتاعت جماعتنا ديل ما بتحصل، جهاز امنهم ما مقصر منذ عشرات السنين في "خدمة" المواطنين، يخدموك لمن تموت، لكن عمر الحكومة ولا الجهاز كانو محتاجين "حركة" تخلى المواطن يقول "يا سلام على جهاز الامن... طيب خلاس"
قدر ما قلبتها عدلة و قلبه ما لفقت:
- عاوزين يشهروا بيهم؟
- يخوفوهم؟
- يقولوا للناس اها كلهم معانا، كان رضوا و لا ابوا؟
- ما تصدقوا كلام الناس عننا، لا بنعذب لا بنقتل، ياخى انحنا اصلا زارة ثقافة متنكرة باسم جهاز الامن
- كسر عين الجماعة و معاها كسر ما تبقي من روح الشعب "الفضل" (مع التقدير للفاتح جبرا)
اناشد اخصائي علم النفس والامراض العصبية و الاجتماع و ظواهر ما وراء الطبيعة وعلم الاجرام و اى زول يحاول يشوف مخ الناس دى شغال كيف...
نجيكم للمسدس المختوت فوق الراس
|
|
 
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: esam gabralla)
|
فنان... فنان حقيقي و انسان غنى للانسان و لكل ما يحمله من جمال واقع او محتمل... غنى لقيم جديدة ليست بالضرورة سياسية بل رؤية لما يمكن ان تكون عليها الاشياء: في الحب والعمل والكلام و اللغةوغيرها ...بل كيف يجب ان نحاول عيش ما نغنيه من قيم و معانى...
بالطبع لم يذهب في تيار الانبراش امام ضغوطات وابتزاز الانقاذ المباشرة و غير المباشرة..
بالترغيب ... لم يجدى
بالتهديد....لم يجدى
بالدس و تشويه السمعة...لم يجدى
بادخال بعض المشبوهين ذوى المال لدائرة معارفه والادعاء انهم اشتروه ... ابتلع البعض الطعم... وانتبه البعض الاخر ..لم يجدى
حاربوه في الاذاعة والتلفزيون .... و لم يجدى
حفلاته الخاصة باتت "تبوظ"... دوما تتفرتق لسبب او اخر ....
لم يجدى
بات اهل الاعراس يتجنبونه رغم محبتهم له
قال لى الصديق العارف ببواطن الامر: الرجل مكتئب، لن يساوم لكنه غير قادر على العطاء في هذا المناخ... و "ظروفه صعبة"
و لم يجدى و لن يجدى
يستهدفونه في شخصه لانه قال لا...
لانه قال: انا لست للبيع
ويستهدفون من خلاله القيم التى يغنيها... القيم التى يخيفهم ان تظل موجودة
المسدس لم يغب...
المسدس دوما معبا و مصوب نحو اليافوخ ....
| |
|
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: esam gabralla)
|
و دعوة لتخفيف هذا "الحب القاسي" *
قالها محمود درويش لمحبيه و جمهوره هو و سميح القاسم
للمنتقدين اقول
الانقاذ تمسك برقاب وارزاق الناس، والخذلان في كل الجهات، لا تجبروا الناس على بطولات ربما لم يخلقوا لها، لا تجبروهم على الارتماء كليا في حضن القبح، انتقدوهم بمحبة دون نصب المشانق، التمييز ضرورى بين من "وازن" لاسباب تخصه في موقف واحد (وافترض انا ان مثل وبعض اخر محمد الامين كذلك ) و بين امثال سيف الجامعة المهرول دون خجل في كل المسارح خالعا سروال المعارض ليلبس "تكة" الدرويش و خادم السلطان والتكة لا تستر عورة
الاصوات الناعقة الان: لا ليس الجميع سواء، هنيئا لكم بسيف الجامعة وامثاله ... و كل من رضي ان يدوس ابداعه بقدميه.. لكننا لن نترك لكم بسهولة امثال محمد الامين لن نترك لكم جزء من وجداننا .... سنقول له "شينة يا باشكاتب ... لكن انحنا فاهمين" ونقف لنتلقي احد ردوده اللاذعة .... نضحك معه و نتهكم على انحطاط "الامن" و صبيانه و نردد مع الباشكاتب:
اقيف وسط البلد
واهتف
بريدك يا صباح عمرى
| |
|
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: esam gabralla)
|
اللهم انى اسألك بعزك وجلالك وبأسمك الاعظم
أن تحصى الكيزان وانصارهم عددا وتقتلهم بددا ولاتبقى منهم احدا
اللهم اجعل عيشهم ضنكا
اللهم ابتليهم كما ابتليتنا بهم
اللهم نحن عبادك السودانيين قد مسنا الضر والبلاء الكيزانى فارفعه عنا فانت ارحم الراحمين
امين يارب العالمين
نداء لكل الشرفاء لحماية الممنبر من عصابةالإنقاذ
الزملاء الأفاضل
ومعا لكشف عصابة مافيا الانقاذ وجميع المأجورين
ولا نامت أعين الجبناء والعار للذين ينشرون أكاذيب الكيزان في
هذا المنبر
حسبى الله ونعم الوكيل
حسبى الله ونعم الوكيل
حسبى الله ونعم الوكيل
العار العار العارالعار العار العار العار العار العار العار العار
العار العار العار العار العار العار العار العار العار العار العار
العار العار العار العار العار العار العار العار العار العار العار
العار العار العار العار العار العار العار العار العار العار العار
العــــــــــــــــــار للكيزان القتلة..
كامل تضامننا مع طلابنا الشرفاء
الخزي والعار للقتلة المجرمين
كامل العزاء في شهيدنا
| |
|
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: esam gabralla)
|
العزيز عصام
تحايا وود
احكي لديك قصتين الاولى ... بسيطه
كنا طلاب مسرح عندما ذهبنا نحمل معنا شنطة دمي ( مسرح عرائس )
لنقدم مسرح العرائس لطلاب مدارس منطقة الدويم وبالفعل قدمنا العرض
الاول العرض الثاني ... في ليل اليوم الثاني داهم مجموعة من جهاز الامن المنزل
الذي كنا ضيوفا على اهله ... في ساعات متاخره جدا من الليل ... حملونا الى مكتبهم
الكائن امام معدية الدويم .... والبلدي وقعوا فينا خبط لمن احترنا دق باسلاك الكهربا
زحف على الارض ( طياره قومي ) ( ارنب نط ) يومين من الضرب والتعذيب والتحقيق ... ومصادرة
كل ما نملك ثم الى المعديه ومغادرة الدويم دون ان نفهم لذلك سبب ...
المؤلم حقيقي يا عصام بعد الضرب والاستفزاز شغلونا مسرح عرائس بمكاتبهم لاكثر من عشره ساعات
متواصله ....دي قصه
القصه التانية
تكريم وزارة الثقافة المصرية للكاتب والاديب المصري صنع الله ابراهيم وبحضور وزير الثقافه
فاروق حسني .... وبعد خطاب طويل عريض ... اعتذر صنع الله امام الحضور بانه لا يقبل التكريم
من حكومة لا تحترم حقوق الانسان والحريات ... ونزل من المسرح وسط دهشة الجميع بما فيهم
وزير الثقافه ....
دمت
معتصم سيد احمد
| |
|
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: معتصم ود الجمام)
|
عصام جبر الله : كيفك:
يا زول إن كانت حيرتك في الناس الكرموهم ديل إطمئن : كلهم ملكلكين:
اسامي ساكت وفنانين صدقت معاهم القصائد ناس هشًة وبـتبـرك في اللفة:
عندنا صاحباً لينا أيام الجامعة معلق في الحيطة صورة عبد الخالق محجوب قلت ليهو عندي صورة نقد أجيبا ليك: قال ليً انا الزول لو ما مات بي فكرتو ما بعلق صورتو : الضمانات شنو بكرة نقد ينط بي شيتاً أعوج شريعة وجوطة :
لحدي اسي عندك محمود محمد طه ومصطفى سيد أحمد وعبد الخالق محجوب ديل موت معاهم موت ،
لكن الناس النفسا طالع ونازل وبتناقش غلاء المعيشة واسعار العقارات ديل : أنسى
اها ده من ناحية المثقفين .
الناحية التانية بتاعة الحكومة دي الا يكون عندك سفلي ولا تخاوي الشيطان عشان تفهمهم,,
ولو الإتنين الفوق ما سلًكوا تعال من الآخر غمض و أبقى كوز..
تلقانا راجينك هنا في البرً نعرف الفكرة شنو
| |
|
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: mutwakil toum)
|
متوكل توم
سلامات ... شايفك بتزازى في بوست الحنابر قنابر، فكرت اجى اهابشك لكن لاوزت تقول الزول ده قاصدنى،بحرش ليك قريبك الشايب شقرور يجى يديك على راسك ده، لكن برضو بفضا و بجيك.
اها خلينا في موضوعنا ده،Quote:
يا زول إن كانت حيرتك في الناس الكرموهم ديل إطمئن : كلهم ملكلكين:
اسامي ساكت وفنانين صدقت معاهم القصائد ناس هشًة وبـتبـرك في اللفة:
عندنا صاحباً لينا أيام الجامعة معلق في الحيطة صورة عبد الخالق محجوب قلت ليهو عندي صورة نقد أجيبا ليك: قال ليً انا الزول لو ما مات بي فكرتو ما بعلق صورتو : الضمانات شنو بكرة نقد ينط بي شيتاً أعوج شريعة وجوطة :
لحدي اسي عندك محمود محمد طه ومصطفى سيد أحمد وعبد الخالق محجوب ديل موت معاهم موت ،
لكن الناس النفسا طالع ونازل وبتناقش غلاء المعيشة واسعار العقارات ديل : أنسى
اها ده من ناحية المثقفين . |
والله كلامك ده شين خلاص، انت عندك ملكلكوميتر؟ هل تعتقد انو زى محمد الامين "صدقت معاهم القصائد" كده و قام بالصدفة غنا وعد النوار و بتتعلم و حروف اسمك و غيرا، خلينا من غنا السياسة، ده حكم قاسي و ظالم و ما بخت في حسابو ظروف السودان الفظيعة الاتفاقمت من 89 للان. قابلت صديق عزيز جدا قاعد في السودان و شغال في السوق ، حكى لى عن كيف الكيزان بيخنقوا في الناس و يوروطوهم، قال لى "انا كل البعملو بحاول احافظ على اكبر قدر من النضافة فينى ممكنة وبعد ده قاعد اتوسخ"، يا متوكل دى دولة جزء رئيسي من برنامجا يعتمد على "توسيخ" الناس، كسر كل شعور بالكرامة و وامتهان انسانيتهم. جزء منه ما فعلوه مع الفنانين. المعايير الصارمة دى انا افهم تطبيقها مع الساسة لانهم اصلهم يفترض مارقين للقصة دى بكل تبعاتها، و لا اعنى عدم انتقاد مواقف التانيين مثقفين فنانين رياضيين او غيرو، نقد و ليس نصب المشانق و شطب كل تاريخهم بجرة قلم، unfair ،
مرات كتيرة بفكر لو الواحد قاعد في اسودان كان حيتعامل مع الوضع ده كيف؟ الاشياء و الاراء البتبدو الان واضحة و قاطعة هل حتكون نفسها؟ لما اقابل ناس اعرفهم جيدا و يتحدثوا عن اشياء بعادية و تستغرب، يقولو ليك ده العادى/اليومى في السودان، process طويل مبرمج مركز اشتغل قرض في الناس ـ بشر موش انبياء ـ ونجى نتوقع منهم بطولات؟ unfair ياخى...
Quote: تعال من الآخر غمض و أبقى كوز..
تلقانا راجينك هنا في البرً نعرف الفكرة شنو |
تدردقنى يا شفت؟ كدى اتقدمنى وانا بلحقك...
عشان تطلعو لى "حقت الابتدائي" .... عند الغافل
لكن بالجد موش مدهشين؟ لو اجرت ليك عصابات عديل واديتهم ملايين و قلت ليهم اعملو اسوأ واخبث واحط ما عندكم في البشرية دى ... ما حيتفوقو على الكيزان ...اتخيل لى دى مهارات الزول بتولد بيها
سلام و ما تبارى الحنابر كتير بتقوم ليك قنابر
| |
|
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: esam gabralla)
|
عصام : البرد الفينا ده ما بجيب وراهو خير، لكن القوالب الثوابت بتفرض علينا نقول (صباح الخير)..
| Quote: هل تعتقد انو زى محمد الامين "صدقت معاهم القصائد" كده و قام بالصدفة غنا وعد النوار و بتتعلم و حروف اسمك و غيرا، خلينا من غنا السياسة، ده حكم قاسي و ظالم و ما بخت في حسابو ظروف السودان الفظيعة الاتفاقمت من 89 للان |
.
أها انا لمً الملكلكميتر بتاعتي دي هاجت كنت قاصد ود اللمين بالتحديد. وطني ويساري دون ان يمتحن، زي يسارية التوم نمر. ثوابت خارم بارم الموضوع ده داير بوست منفصل وويك إند ويكون عنوانو (فصل الغنا من الغناي). الزول ده انا لم شفت صورتو جوة مباني الامن ما راودتني اندهاشاية ولو سغيرة عن نفسها. ود اللمين بعيداً عن مقدراتو الفنية (الفقرية المستوى جداً) زول عااادي (ماداير أهجموا وأقول انتهازي) . وعليك النبي يا عصام في شنو تاني أكتر من تشوفوا بكرموا فيهو ناس الامن.
| Quote: ده حكم قاسي و ظالم و ما بخت في حسابو ظروف السودان الفظيعة الاتفاقمت من 89 للان |
أها كلامك الفوق مثاليـوميتر. بتفق معاك ونص في التغيير المؤثر في الغير، بس ما من فنان وطني ويساري لي مكاتب الامن بدون تدرج ، الشي البخلي سبدرات إنتهازي ود اللمين وطني شنو؟ يا عصام التدرج التدهور المنطقي انك تشوفوا في دار الاتحاديين بعد خمسة سنوات زنقة تشوفوا مكرم في دار حزب الامة بعد مية سنة صوئية تشوفوا في مكاتب الامن.
| Quote: مرات كتيرة بفكر لو الواحد قاعد في اسودان كان حيتعامل مع الوضع ده كيف؟ الاشياء و الاراء البتبدو الان واضحة و قاطعة هل حتكون نفسها؟ |
بي الكتير كنت ح تصلي العشاء جنب بتاع اللجنة الشعبية عشان يسهل ليك إجراءات الارض : (وبرضو ده ما بحلك من ... الإبتدائي ).
| Quote: شايفك بتزازى في بوست الحنابر قنابر، فكرت اجى اهابشك لكن لاوزت تقول الزول ده قاصدني |
قاصدني شنو يااخ . اسي القاصد التاني منو فينا؟ اشوف إسمك في الصفحة الرابعة بنطً ليك .
لكن لو قدرت ترسل لي بي الدي اتش إل الدواء البخليكم تستحملوا وليد محمد يوسف ما تبخل لي بيهو.
لأنو بي الطريقة دي ح تقوموا تلقوا المنبر أسود ومعنون (متوكل توم عضو المنبر الحر الي رحاب ربه أثر نوبة قلبية)والسبب مداخلة سغيرونة من وليد.
أنقلع روحي من هنا قلع..
سلام
| |
|
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: Emad Abdulla)
|
عصام جبر الله
التحايا الطيبات
معك حق يا سيدى فى الحيرة بسبب الذى يحدث، لكن لو قلبتها شوية تلقها بسيطة الانتخابات ح تكون نهاية العام و دى فى اطار التحضيرات و المساعى الحثيثة لكسب ود اكبر عدد من جماهير الشعب لصالح مشروع طفيليى الجبهة الاسلامية. واحدة من الادوات المستخدمة بشكل فاعل الكورة و جمال الوالى و ما ادراك ما جمال الوالى و فى الطريق الان الاستثمار فى الرصيد الجماهيرى لبعض المبدعين لاكتساب و تكديس اكبر عدد من المواليين. الناس ديل دى عندهم بنزنس ضخم مدور فى البلد عشان كده مستعدين يدفعوا اى شىء ممكن للمحافظة على هذا البزنس ربح، خسارة عديل يا زول. البغيظ انو انحنا احزابنا غارقة فى عالم تانى تقول احزاب عن شغب بروكينافاسو!!
__________________________________________________
ايميلى فى البروفايل، لو تسمح رسل لى ايميلك فى واحد
صاحبك عجوز سألنى منو قلت ليهو اشوفوا ليك.
| |
|
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: Mahjob Abdalla)
|
سلام يا محجوب
| Quote: الذي يحيرني اكثر هو اصرار م.ح. قدام الخميس ... علي رد الجميل لمن قام بعمل الخير تجاه جهاز امنهم ... بكل تلك البشاعه... |
ده شغلو يا محجوب .... راجع معظم كتابات م.ح.ج. في الاحداث المشابهة تلقاها تشهير و تشنيع و تشفي .... لسان حالهم يقول..."اهو تانى واحد اتوسخ زينا"، ديل لو ليهم مراد يصحو يلقو كل الامة دى خالية كرامة و اخلاق... زيهم بالضبط
تقديري محجوب
| |
|
|
|
|
|
|
|
|
|
Re: الجنرال لا يتحسس المسدس الموضوع على نافوخ البشر...مثال فنان شهيد/حى (Re: esam gabralla)
|
Quote: جهاز الامن يكرم المبدعين...
في دولة "عادية" محترمة بالحد الادنى سيحتج الجميع لان هذا ببساطة تدخل في "الاختساسات", يعتبر غلط كبير لانه ما مجالهم البدوهم قروش و مواهى عشان يشوفوا شغلم، و ربما يستقيل الوزير او اقل حاجة الزول بتاع الامن ...
و في دولة "عادية" محترمة، او حتى دولة "عادية" ما محترمة زى مصر القريبة دى ولانه عندهم "دولة" ما لعب عيال حركة زى بتاعت جماعتنا ديل ما بتحصل، جهاز امنهم ما مقصر منذ عشرات السنين في "خدمة" المواطنين، يخدموك لمن تموت، لكن عمر الحكومة ولا الجهاز كانو محتاجين "حركة" تخلى المواطن يقول "يا سلام على جهاز الامن... طيب خلاس" |
صح لسانك يا صاحب
نعم
| Quote: الجنرال لا يتحسس المسدس الموضوع على نافوخ البشر |
| |
|
|
|
|
|
|
| |
Mustafa Mahmoud
معتصم ود الجمام
Mahjob Abdalla
abdalla elshaikh
Emad Abdulla
abubakr salih
wesamm
الجندرية
فيس بوك
تويتر
انستقرام
يوتيوب
بنتيريست