ابوك تعبان يجلد في العناقريب وانت أتاريك في بلد الترك ولدا مطيليق ... ويا خسارة عيشنا ما آكلو الجراد ابوك تعبان يجلد في العناقريب وانت أتاريك في بلد الترك ولدا مطيليق ... ويا خسارة عيشنا ما آكلو الجراد
الابو بيتحسر علي انطلاقة أبنه في بلد الاتراك والعجم ...الوالد المسكين بيشكو حاله الي جور الزمان خاصة وهو شقيان وشبه حاله بحال جلاد العناقريب الايدينو تدميها الحبال وتجليد العناقريب ...والبنابر ..
يا ربي لو شاعرنا اليوم عايز يكتب علي انطلاقة الكثير في بلاد الترك والاب بيجلد في البنابر والابن يتضرع في المنابر ...
ولي عوده للمغضوبين عليهم من السيدات والسادة ... __________________
01-19-2008, 10:43 AM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
البعض بظروفه واحواله والبعض بتربيته وبيته ولكن حديث هذا الشاعر اسبابه كثيره والنظر اليها من زوايا عديده مهم جدا فلا العقوق صفه تنطبق علي السودانيين ولا كره الوالدين يمكن ان ينسب للسودانيين وان اختلفت الظروف
وساعود
01-19-2008, 11:03 AM
SAMIR IBRAHIM SAMIR IBRAHIM
تاريخ التسجيل: 01-05-2007
مجموع المشاركات: 2628
اخوي العوض ... صباحاتك مباركه ... وباين عليك سوداني اصيل وود بلد وصاحب واجب .. وده من اسباب دخولنا المنابر ودور عقوق الوطن الالكترونيه عشان نكون يطيب لينا الجلوس ونستمتع بصحبة الاصيليين من الاخوه والاخوات ونحافظ علي عاداتنا ونرتبط ببلدنا ووطنا وما ننسي اللغه العربيه وتطش مننا وتطش من اولادنا ....
اخر مره سافرت السودان قابلت مجموعه اخوه واخوات من العالم الاسفيري وسودانيين اصيليين واولاد بلد رحبوا بي وبي اسرتي وبي اولادي ... ووالله فيهم الغرباوي وفيهم الجنوبي وفيهم من اخوه واخوات الشمال والشرق ... فيهم الاختلفنا معاه وفيهم الاتفقنا معاه ... فيهم المسلم وفيهم المسيحي لكنهم كلهم وعلي بكرة ابيهم قابلنوا سودانيين اصيليين واولاد بلد ادب واحترام وتقدير ...
والله يا العوض اخوي ...
المصيبه كمان بنحاول نعيب الزمن والانقاذ والكيزان ومايو وعبود والاستعمار ... والعيب متأصل في نفوس الكثير منا ... حتي وصلت بينا الحاله .. ان انطلاق الابن في بلد الترك فات حدود تركيا ووصل اوروبا والغرب والعم سام وكندا وادغال افريقيا .... وانتشر كالملاريا وانتقل الي الاب والام والاخت والخالات كمان ...
بالله في عيب اكثر من الناس تبيع الاوطان وتخون الامانه وتنتحل الشخصيات الالكترونيه وتسيء الاعراض وترمي شهاداتها الجامعيه وتقيف في طوابير اعانات البطاله في دول ما وراء البحار... في عيب اكثر من آباء وخالت يقفن في طوابير مكاتب اللجوء السياسي والهجره ويكتبوا بكل فخر في طلب لجوءهم السياسي انهم لاجئين لانهم من الشواذ او السحاقيات اعزنا واعزكم الله ... او الواحد يقول ليك حياتي مهدده بالخطر وبمجرد ان يحصل علي الاقامه الرسميه يششحن ليهو دفار ويسافر السودان ويتضرع في الشوارع ويشرب من مياه الانهار السودانيه وعينو قويه يقول كمان رايو في البلد ...
في عيب اكثر من المهندس يهجر مهنته والطبيب يترك علمه والاب يترك ابناءه في السودان والخالات يهاجرن ويسافرن ويتغربن والمحرم ود العم او الاخو الكبير وفي بعض الاحيان المحرم بيكون صوري ... ويا ريت لو تركوا عملهم للكفاح والرزق الحلال انما تركوا العمل وتفرغوا لعقوق الوطن الكترونيا والعيشه علي اعانات البطاله في دول العم سام واسرائيل واصقاع اوربا ...
والله العيب ما في الزمان ... العيب فينا نحن ... العيب في الناس تلعن ابو الوطن وتنسي رسالتها الاساسيه ... الام نست رسالتها كوالده ومربية ومعلمه وصنقرت امام المونتر خمستاشر ساعه في اليوم وخمسه في التلفون والباقي نوم ... ... لا شغل و لامشغله ... والكثير من الاخوه والاخوات الرفضوا الهجره عن طريق اللجوء ووجدوا طريق آخر هو الزواج من اي شخص ايا كان حتي لو كان من سقط لقط بس الضمان يكون اقامه رسميه في دول ما وراء اعالي البحار ...
وحا اعود بامثله كثيره عن المغضوب عليهم من السيادات والسادة ...
01-19-2008, 11:28 AM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
Quote: بالله في عيب اكثر من الناس تبيع الاوطان وتخون الامانه وتنتحل الشخصيات الالكترونيه وتسيء الاعراض وترمي شهاداتها الجامعيه وتقيف في طوابير اعانات البطاله في دول ما وراء البحار... في عيب اكثر من آباء وخالت يقفن في طوابير مكاتب اللجوء السياسي والهجره ويكتبوا بكل فخر في طلب لجوءهم السياسي انهم لاجئين لانهم من الشواذ او السحاقيات اعزنا واعزكم الله ... او الواحد يقول ليك حياتي مهدده بالخطر وبمجرد ان يحصل علي الاقامه الرسميه يششحن ليهو دفار ويسافر السودان ويتضرع في الشوارع ويشرب من مياه الانهار السودانيه وعينو قويه يقول كمان رايو في البلد ...
والله انك صادق فقد زرت لندن اخر مره في العام الماضي ورايت بام عيني ما يحدث للسودانيين هناك وكيف يعيشون طبعا انا لا اعمم ولكن الغالبيه نسال الله لهم التوفيق وان يصلح حالهم وان يجعل اقامتهم خير لهم وللسودان وكم هو مخجلا ان تجد سوداني ويتهرب منك او ان يدلك علي مكان سكن او اقامة احد او ان تظل ساكنا معه وتدفع له مقابل ذلك
ويا ريت لو تركوا عملهم للكفاح والرزق الحلال انما تركوا العمل وتفرغوا لعقوق الوطن الكترونيا والعيشه علي اعانات البطاله في دول العم سام واسرائيل واصقاع اوربا ... انهم مناضلي الكيبورد
Quote: انهم يرون الوطن من خلال النت والكثير من الاخوه والاخوات الرفضوا الهجره عن طريق اللجوء ووجدوا طريق آخر هو الزواج من اي شخص ايا كان حتي لو كان من سقط لقط بس الضمان يكون اقامه رسميه في دول ما وراء اعالي البحار ...
اوصل الناس باذهانهم المريضه البلد الي هذه المرحله المخيفه في عقولهم فقط اما علي الواقع فلا شئ مما يذكرون قد وصل الي هذه المرحله الاخيره
01-19-2008, 12:51 PM
SAMIR IBRAHIM SAMIR IBRAHIM
تاريخ التسجيل: 01-05-2007
مجموع المشاركات: 2628
Quote: اوصل الناس باذهانهم المريضه البلد الي هذه المرحله المخيفه في عقولهم فقط اما علي الواقع فلا شئ مما يذكرون قد وصل الي هذه المرحله الاخيره
اخي صباح الخير العوض ...
نقول الحمد لله والشكر ليهو ... الكثير من اخوانا واخواتنا ما زالوا متمسكين ويعضوا علي الدين والوطن والعادات والتقاليد بالمداغات ... خاصة المباديء ...
والله حالنا في دول المهجر والهجره والبحث عن الرزق اصبح حالا شين ... حالنا ارحم شويه من حال ناس اوربا ... علي الاقل هنا ما في وقت نشوف بعض حتي ايام العيد لكن الغالبيه ما زالت تحتفظ بالود والتقدير والاحترام ... الا القليل اختار لنفسوا اسماء الكترونيه وهميه ووظائف الكترونيه واصبحوا وامسوا يسعوا في الشبكه الالكترونيه فسادا ... شله عملت ليها جمعيات صداقه باسم السودان وشله عملوا فيها مناضلين وشله دخلوا الطابور الخامس وكلوا علي حساب الوطن .. وكلوا علي حساب اعصابنا وعلي حساب وقتنا .. وعلي حساب هدفنا الاساسي من الاشتراك في المنابر ..
فاشل يختار ليهو لغب دكتور ودكتور يفارق دكترتو فراق الطريفي لجملو ... سفيه يعمل ليك فيها استاذ ومربي والمربي والاستاذ تلقاهو سارح في الاروقه الالكترونيه يصادق ويصاحب بنوت في سن اولادو واحفادو .... ام تترك رسالتها وهي في ارزل العمر وتجدها لسان متبري منها اذيه في خلق الله واساءه الي اولاد القبايل واولاد الاصول ... لا تحترم انوثتها ولا سنها ولا ابناءها ... الام المدرسه تصبح الشارع الفاسد والله انه الهوان والحال المحزن ...
الهجره ما عيب والسعي وراء الرزق ما عيب بل حق مشروع لاي انسان .. ولكن الوسيله للسعي مرفوضه والطريق للهدف لا بد من ان يكون خالص لله والانسان يراعي فيهو الامانه وحسن الخلق والتفاني في العمل ولا بد ان نكون رسل للاسلام والسودان والسلام .... اما ان يندس وسطنا وينتهز الكثير من اصحاب النفوس المريضه من المغضوب عليهم من السيدات والساده ... هذا امر محزن واهانه للناس الجاده اصحاب الرساله ... واستخفاف بعقولنا نحن رجل الشارع السوداني ...
نحترم المعارضه ونحترم الحكومه ونحترم كل من اختار لنفسه وظيفة العمل العام التطوعي .. ولكن ان كان هذا السيد او هذه السيده لا يعملوا ولا ينتجوا ولا يستطيعوا ان يوفروا لقمة عيشهم من عرق الجبين او حتي مجرد السعي كيف لهم ان يقدموا اي شيء للعمل العام ؟؟؟ وهل فاقد الشيء يعطيه ؟؟ المصيبه فيهم الطبيب والمهندس والمزارع والعامل وفيهم الام والخاله والخال واصحاب الخبره ..
يا اخي العوض هؤلاء المبددين يا ريت لو تركوا الفرصه لمنافسيهم الذين ضاقت الفرصه عليهم عندما كانوا يتنافسوا لدخول كليه الطب او الهندسه او القانون او التجاره .... لم يتركوا الفرصه لمنافسيهم المحتاجين والجادين والكانوا حا يستفيدوا من العلم .... والمصيبه بعد ان وفرت ليهم البلد او من كد زويهم وبمجرد ان تخرجوا اختاروا طريق الجهل والعطاله والتخفي وراء الاسماء المستعاره ... وتخصصوا في الفتنه والاساءه وعقوق الوطن والدين والعقيدة والعادات والتقاليد والاعراف . ... واصبحت شهاداتهم معلقه علي صور علي جدران الشقق ... ومن هجر الممارسه والاحتكاك بارض الواقع والعمل نسوا علمهم خاصة التنكلوجيا والعلوم تتقدم بايقاع سريع جدا ...
كما قلت ليك الامثله كثيره من المغضوب عليهم من السيدات والساده ... من المملكه المتحده وكندا واوربا وامريكا وشارع مصر والسودان ومراقص افريكانا في القاهره وبلاد الهند والسند ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
العوض المسلمي
فيس بوك
تويتر
انستقرام
يوتيوب
بنتيريست