|
|
 من صالون ود القرشي
|
من صالون ود القرشي
الشاعر والاديب والفنان الرمز الراحل
الاستاذ محمد عوض الكريم القرشي
قال في صفحة من مذكراتة
("الاغنية كلمة جذابة وحبيبة الا نفسي ومعنى كبير يصور احاسيس كل شعب وهي نغم حلو يرهف الحس ويلهم الوجدان ويبعث الامل لعبور الالم ويرسم البسمة ويترجم السعادة ويحكي تاريخ الشعوب وكما قيل فان نهضة الامه تقاس بروعه فنونها واغانيها والحانها ومبدعيها") هذا ما ورد في صفحة من مذكرات محمد عوض الكريم القرشي "ود القرشي" على لسان عمر الجزلي في حلقة "في صالون ود القرشي"
السلام عليكم انا سعيد انو يكون العمل اول بوست لي لكن ما اول مشاركة واهدي لكل الاعضاء الكرام
ذمان الساحة الفنية كانت مليانة فنانين من العيار الثقبل لكن انحنا جينا في ذمن الفضلو من القدام شوية وفاتنا الكثير من الفن
الاغنية الاولى
الذكريات- كلمات والحان ود القرشي-اداء-ذيدان ابراهيم-عابدة ال
الذكريات صادقة وجميلة
مهما تجافينا بنقول حليلة
الذكريات في كل ليلة
توحي للحبايب اشياء كثيرة
فمن يغني يذكر خليلة
ومن بينعي ماضي وذميلة
و من بيعبود وقد طال ليلة
فل تذكورنا كثيرة او قليلة
الذكرة تجمعنا ونمرح طويلة
الذكرى للحبان اجمل اشارة
هي للقلوب مراة وللحب منارة
مرات تجود بجنانة ومرة نارة
حيث الاشار صعب في الحب مدارة
فذكراتنا جميلة وكم نبيلة
واحبابنا وين الليلة في اي ليلة
رجع الصدى المحبوب بالذكريات
واحيا الالم والجور بالذكريات
وفرح الاحبة يتم في الامسيات
حيث اللقاء بهديك ماكان وفات
يا الفي الجنوب حي الشمال
يا الفي الشروق ليك شوقنا طال
يا الفي الغروب هاك لحني قال
الذكريات نهضة بجيلة
ونا كنت حاديها ودايما دليلة
الذكريات صادقة ونبيله
مهما تجافينا بنقول حليلا
|
|
 
|
|
|
|
|
|
|
|
Re: من صالون ود القرشي (Re: Ahmed Hashim)
|
الاغنية الثانية
عيد الكواكب- كلمات ود القرشي-اداء-عابدة الشيخ
يوم قالوا لي الاقمار عليمة
انك تراها و تلمس اديمها
يا ريت يا ريت يا ريتني ابقى سعيد
واشوفها ديمه
يا فني جود و انصفني ديمه
يا لحني اشدو شعرا قويما
تصور الاقمار عرفت غناك
نزلت من السموات تسمو حداك
و ازدانت الحفلة و النور تجلى
يا الله زيد في الحب و العفة ديمه
فلتسالوني عن عيد الكواكب
الفيه نور الدنيا صفاه ساكب
صوت المغني اصف المواكب
دا الدهب المجمر بجماله انضر
دا الفل يحكي لونه ما احلى نونو
فشهدت استغراضا كان عظيما
و سهرت والاقمار لسواى ظليمة
في الحقيقة حبي بعيد و بعيد سماه
ما ذنبي لو عازل بالجور رماه
ليه التجني و انا راقي فني
و حلو التثني قد غاب عني
معروف هواى و طاهرات نوايا
و الا لو اصررت تكون اليمة
ساجفو و الاقمار لي داني ريمها
| |
|
|
|
|
|
|
|
|
|
Re: من صالون ود القرشي (Re: Ahmed Hashim)
|
الاغنية الثالثة
رمز الجمال- كلمات ود القرشي - اداء عابدة الشيخ
المالك شعوري
انا لى فيك امال
رمز الجمال
رمز الجمال
رمز الجمال كفاه
الناير سماه
الغامر رضاه
تلمس سر عظمته
و تهرب من لقاه
يغريك بى عيونو
و يشجيك من فنونو
لكن هو المحال
رمز الجمال
رمز الجمال
رمز الجمال اذانا
ايقظ لى هوانا
فى الطيف ما غشانا
ليه يا قاسى تنكر
اخلاصنا و وفانا
لمين اشتكيك
انا المجبور عليك
كفاية الاحتمال
رمز الجمال
رمز الجمال
غرد يا كناري
و حاكى العندليب
و ابسمى يا خميلة
دة اليوم الحبيب
قد دنت السعادة
و قد زهب النحيب
عطف اليلة بي
و شرفني الحبيب
فجمعنا الهوى
فارقنا النوى
فنعمنا سوى
و هتفنا لنرشف
من هذا المنال
فملانا عيونا
و غمرنا نفوسنا
من فيض الجمال
رمز الجمال
رمز الجمال
| |
|
|
|
|
|
|
|
|
|
Re: من صالون ود القرشي (Re: Ahmed Hashim)
|
الاغنية الرابعة
لحن الحياة-ود القرشي-ذيدان ابراهيم-عابدة الشيخ
لحن الحياة منك و ما تقول نسينا الماضي
و صرنا ناسينك محبوبي الجميل
سألوني منك..عرفتهم
إيه الصفات عنك ..خبرتهم
شافو الجمال منك..أقنعتهم
بس تنسى كيفنك انا يا حبيب الروح
أعفيني من ظنك..محبوبي الجميل
لحن الحياة منك و ما تقول نسينا الماضي
و صرنا ناسينك محبوبي الجميل
********
سالمني بإيدو والدمع انهمر
ذكرني بريدو في أوقات السمر
ساحرني بمحيو د جنني و أسر
شاغلني بنورو الكم أخجل القمر
بس تنسى كيفنك و إنت الوحيد بالذات
الكنا ذاكرينك محبوبي الجميل
لحن الحياة منك و ما تقول نسينا الماضي
و صرنا ناسينك محبوبي الجميل
********
وفيما الملامة حبيبي
وكل هياما يا روحي
ويامن تعامى حبيبي
سلاما سلاما يا روحي
وذكرى محبي حبيبي
تموجو بقلبي يا روحي
وأنت بقربي يا حبيبي
حياتي و حبي يا روحي
أهنأ وانت بعيــد ما كنا ناسينك
و الحب عليك إزداد غمر النفوس ضنك
لحن الحياة منك و ما تقول نسينا الماضي
و صرنا ناسينك محبوبي الجميل
| |
|
|
|
|
|
|
|
|
|
Re: من صالون ود القرشي (Re: Ahmed Hashim)
|
لو ان هذا هو مستوى مساهماتك
فلنهنأ بوجودك بيننا
لعلنى سأستأجر لى حجرة فى هذا البريد ولن اغادر
شكرا ياحبيبى لقد اسعدتنى الان كما اسعدنى الشفيع فى زمانه
منعم الجزولى
| |
|
|
|
|
|
|
|
|
|
Re: من صالون ود القرشي (Re: Ahmed Hashim)
|
ليس من عاداتى السيئة ( على كثرتها ) عادة رفع البريد الذى ينحدر بنفسه الى اسافل الصفحات.
ولكن هذا استثناء لايقاس عليه.
لقلة الوارد من المتع الغنائية، ولأن ناس تمبس و( شرزمته الاحرار ) قد قرروا التبخل علينا بما يرد الروح من ابداعات اهل المغنى، ولان روحى ( حرَّقتنى ) من البحث عنه بين الصفحات. ثم ولان هذا هو غناء الشفيع وود القرشى ، والذى ( يجب ) السعى فى طلبه، قررت رفع هذا البريد الى اعلى. حيث مكانه الطبيعى.
اخى احمد
هل من مزيد!!
تبدو عليك ( نجاضة ) فى ( شغل ) سمكرة النت، فأرجو الا تبخل علينا انت الآخر.
مودتى بحجم وطن
منعم الجزولى
| |
|
|
|
|
|
|
|
|
|
Re: من صالون ود القرشي (Re: Ahmed Hashim)
|
الاخ منعم الجزولي لك التحية وكل الود
المزيد قادم ان شاء الله
واهدي ليك دي حاجة جديدة لترباس من كلمات الشاعر اشرف سيد احمد والاداء والتلحين كمال ترباس وقصيدى رائعة في الشوق للسودان بس يتم رفعها قريبا ان شاء الله
لو تخاصم او تجافي تبقى لطبعك منافي
ياذمن ريدي الخرافي ذول بريدك ذي مافي
***
شيلت ريدك في الحناية وشفت فيه تحنان صباي
......
ولك الشكر
| |
|
|
|
|
|
|
|
|
|
Re: من صالون ود القرشي (Re: Ahmed Hashim)
|
احمد هاشم يا ود يا فنان غايتو بتنافس ولدنا تمبس بالرغم من انكم الاتنين من الموردة
لكن حسك عالى ووكون انك سمعت بى ود القرشى وتطرب لة وتستعذبة ما عندك عوجة
طبعا يا بكرى ابوبكر احمد خبير انترنت من طراز فريد ومجتهد ممكن تستنعين بيهو فى معركتك ضد الهاكر ديل
ومزيد من الابداع يا ود يا راقى
ويا منعم ارفع البوست عشان الغث كتير بقى
| |
|
|
|
|
|
|
|
|
|
Re: من صالون ود القرشي (Re: Ahmed Hashim)
|
عمر دة انت الفنان لكن تمبس لي اسي ماظهر
والموردة مهما كانت الظروف برضو بتلعب (مع اني مريخابي)
وذي ما قالو حيو موردتنا الفنانة ...... وماداير اكمل
وبعدين كلمات زمان والالحان ماذي اسي وحتى الفنانين كان كل واحد له وزن لكن اسي كل راس ساعة بطلع واحد يغني
تسمع لمنو ذاتو ماعرفنا مع انهم في الاغلب ببدو بالاغاني بتاعت زمان دي لكن كترتهم بدوش الراس وتخلي الواحد من ما يلقى فنان جديد في التلفزيون يغير القناة ولا يتعب نفسو يكمل الاغنية عشان يحكم دة فنان كويس ولا لا (للراي الشخصي..)
ولك الشكر على الرد على عضو جديد كرت ذي كدة
| |
|
|
|
|
|
|
|
|
|
Re: من صالون ود القرشي (Re: Ahmed Hashim)
|
عارف يا احمد
فى مورداب اتداخلت فى بوست تمبس قربو يدقونى غايتو لمن ارجع السودان بس
لكن الان بقول ليهم جيبو لينا شرائط اديك تنزل الاغتنى لانى قلت ليهم غناكم كلو ضد الهلال مش ضد المريخ
قالو لا وانا عارفهم المورداب كرهتهم الهلال
غايتو الليلة بيكونو اتبسطو منك وما عارفنك صهيونى هههههههههههههههههههه
واصل يا جميل
| |
|
|
|
|
|
|
| |
Ahmed Hashim
Gazaloat
عمر سعد
فيس بوك
تويتر
انستقرام
يوتيوب
بنتيريست