|
|
|
 Re: بوست خاص للمروسين فى المنبر. دا رأس سنة دا (Re: Sabah Hussein)
|
العزيزة صباح حسين
كل العمر و انت زي ما عاوزة
الساعة 12 جات و انا نايم صحيت بعد كم دقيقة في السنة الجديدة
لا شفت الاحتفالات في التلفزيزون ولا عاينت بالشباك للالعاب النارية
بعد شوية تاوقت للشارع القي ليك خواجة براهو يولع في العاب نارية
بتطلع الوان مزركشة بدون فرقعة,, حيرني المخلوق الفي بلده و يحتفل
في يوم زي دا وحداني كدا,, و ما عارف كيف بستمتع بالصورة دي
غايتو خفف علي شوية وحدتي و سهري و شقايا..
| |
 
|
|
|
|
|
|
|
 Re: بوست خاص للمروسين فى المنبر. دا رأس سنة دا (Re: Sabah Hussein)
|
Quote: الف شكر ليك وكمان لو كملت جميلك ووريتنى الزهور بتجيبا من وين وكيف
تكون ماقصرتا. |
صباح شكراً علي الإطراء بالنسبة للزهور ما عليك الإ تفتحي (gogle)
وتكتبي كلمة زهور او ورود وتضغطي علي بحث تجيبك حديقة زهور
من كل العالم وإذا مالقيتي زهور مميزة ارسل ليك من زهوري الخاصة
علي الإيميل بتاعك بس انتي آمري ونحن حاضرين .
| |
|
|
|
|
|
|
|
|
|
Re: بوست خاص للمروسين فى المنبر. دا رأس سنة دا (Re: معاذ حسن)
|
اللاخ العزيز معاذ
مشتاقين
وكل سنة وانت طيب والسنة الجاية عريس انشاءالله.
| Quote: يعني امبارح انتابك الحنين, لا عليك مش الحنين دا والله ينتاب الجن الاحمر ذاتو. |
امبارح عندكم باوهم نحن يادوب لينا ساعتين 40 دقيقه فى السنة الجديدة
اسمع واحشنى دى بعد ما ينزلها نصار
| |
|
|
|
|
|
|
|
|
|
Re: بوست خاص للمروسين فى المنبر. دا رأس سنة دا (Re: نصار)
|
العزيز نصار
انت لحدى حسع صاحى .انا قررت امشى اخلص الغسيل وانوم لقيتك جبت الحاجات السمحة دى
عليك الله ورينى انزلها هنا كيف بس بعرف انزل من اليوتوب
عليك الله نزل كل اغانى محمد احمد عوض ويوم رحيلك من البلاد وواحشنى لابو عركى البخيت.
وانا فى الانتظار
على فكرة دى اجمل هديه للسنة الجديدة
| |
|
|
|
|
|
|
|
|
|
Re: بوست خاص للمروسين فى المنبر. دا رأس سنة دا (Re: nada ali)
|
صباح حسين
والجميع كل عام وانت بخير....
انا يختي كنت مروسة هذه السنه و البركه في جالية هاملتون الوقتوا حفلة العيد مع راس النسه
في حفلاتنا الونسه اهم شيئ
ولما جاءت الساعه 12و59 دقيقه كنت قاعدة مع العزيزة زوجة حيدر قاسم
طاقين الحنك نتونس في الدنيا وحاكويها...!
واختك فترانه وسند يقول قومي نمشي حلفلة مهببه زي كل حفلات السودانين!!
طبعا محزن انه ابناءنا لا يطربون لموسيقنا....
المهم كثر خيره وليد
ادانا اغنيه من تراث ناس بريمه
وقمنا نقزنا نقزي خرافي
وكانت لوحة هامشيه خرافيه
اثبتت روعة موسيقى الهامش ورقص معنا ابنا وبنات المركز بحماس
يازولة نقارة خرافيه
ويا تمبس اسأل عمر منصور
ويا ميسرة وعمر منصور ومن لم اعرف اسمائهم شكرا لكم جميعا فقد امتعتونا البارحه
وحزنا لاجل عدم كاميرا خاصتنا لا انا ولا حيدر قاسم ولا مجموعة البورداب الكانوا هناك
عشان نشركركم معنا في فرحتنا.
تخريمه:
صباح حسين بقيت التلميذ الغلب حواره يا بت انت اتعلمتي الفيديوهات دي ميتن؟؟؟؟
تكون للا يا سمتهبله.كل عام وانت وهي بخير,وان شاء الله قبل نهاية 2008 تتحقق كل الاحلام.
| |
|
|
|
|
|
|
|
|
|
Re: بوست خاص للمروسين فى المنبر. دا رأس سنة دا (Re: Tragie Mustafa)
|
تراجى مصطفى
سلامات..
كل سنة وانت طيبة وربنا يخلى ليك حازم وسند وتفرحى بيهم يارب. وتشيلى عيالهم
Quote: انا يختي كنت مروسة هذه السنه و البركه في جالية هاملتون الوقتوا حفلة العيد مع راس النسه
في حفلاتنا الونسه اهم شيئ
ولما جاءت الساعه 12و59 دقيقه كنت قاعدة مع العزيزة زوجة حيدر قاسم
طاقين الحنك نتونس في الدنيا وحاكويها...!
واختك فترانه وسند يقول قومي نمشي حلفلة مهببه زي كل حفلات السودانين!!
طبعا محزن انه ابناءنا لا يطربون لموسيقنا....
المهم كثر خيره وليد
ادانا اغنيه من تراث ناس بريمه
وقمنا نقزنا نقزي خرافي
وكانت لوحة هامشيه خرافيه
اثبتت روعة موسيقى الهامش ورقص معنا ابنا وبنات المركز بحماس
يازولة نقارة خرافيه
|
الظاهر راسكم كان عامر .انا معزومة حفلة حبشكو لكن شغالة الصباح بدرى .
عشان كدا قعدتا اندب فى حظى هنا.
اها امشى انقزى وتعالى قولى وجع المخروقة والمفاصل والذى منو
وووب الجلابة سحرونى وادونى عين .
تحياتى لحيدر قاسم واسرتة الكريمة .وكل سنه وهم بخير وعافية
بمناسبة الاغانى اليومين ديل بتعلم فى التكنيك والتكتيك بعد حصتين تلاته
ذى ما قال الاستاذ نصار ح ابقى بريمو الجاهز. الدروس الخصوصية على ايدى امهر الاساتذة
المنبريين وهم استاذ هاشم واستاذ نصار واستاذ ظلامى معتز .
بعيد عنك المخ بقى طين . ياريت بعد دا اجيب مريسة تامزين.
| |
|
|
|
|
|
|
|
|
|
Re: بوست خاص للمروسين فى المنبر. دا رأس سنة دا (Re: Sabah Hussein)
|
صباح ولولا كل سنه و انتو طيبين و تعود الايام
اقول ليك حاجه نحن روسنا فى تأبين فاروق كدوده
و غنينا ليهو و احلالى القبلى شال شبال لمع برق المهيره قيرا قيرا يا مطيره
يارزاز الدم حبابك و يا شهيد الشعب اهلا
مش بتطلع كل يوم الشمس اجمل و النخله اطول جيد وقامه
| |
|
|
|
|
|
|
| |
Sabah Hussein
معتز القريش
نصار
هاشم أحمد خلف الله
Elawad Eltayeb
معاذ حسن
سلمى الشيخ سلامة
nada ali
Tragie Mustafa
Siham Elmugammar
عمرو كمال ابراهيم
فيس بوك
تويتر
انستقرام
يوتيوب
بنتيريست