|
Re: نحن نجني على أطفالنا وندمرهم.. (Re: Saber Abdelhadi)
|
قبل ايام كنت في مجلس عزاء سوداني لاحد اصدقاء الاسره و وسط الولوله و البكاء المن غير دموع و ما دوامه يا ود امي, و حليل الكان ما بيخلي ضيف يطلع من غير عشاء, حضر شاب امريكي صديق ابن المرحوم و أحضر لزوجه المرحوم بوكيه ورد, فماكان من كل المتواجدين و المتواجدات و خصوصا المستهبلات ان تركوا النواح و انتقدوا الشاب و نعتوه بالمتخلف و عليك الله شوفي عدم الفهم, المره رجلها لسه ما أتدفن جايب ليها ورد و كرت كمان, أصلهم الزرق ديل ما بيفهموا, و هلم جرا, انا ضغطي ارتفع و قدر ما حاولت افهمهم ان الولد ده بيعمل حسب عاداته ما في زول سمعني و واحده تمصمص في خشمها و غايتوا جنس عواليق, قلت ليها العواليق ده سكرتير المتحدث بأسم البيت الأبيض, قالت لي لو بقى بوش زاته ما بيفهم يجيب ورد في البكاء, قمت مشيت عشان ما تجيني جلطه و أحصل المرحوم.
| |
|
|
|
|