الاخوة الاعزاء تحياتي
بس حبيت اقول كلمة للاخت رباح
ان الربط بين الثورة المهدية وحزب الامة والله العظيم اجحاف في حق الثورة المهدية لانو لا يوجد عامل مشترك واحد غير ورد المهدي واتخيل الانصار الجداد بقوا ما قعد يقراهو .
اول ديكتاتورية في السودان كان سببها حزب الامة عندما سلم السلطة للمستبد عبود ودي مافيها مغالطة لانها قريبة شديد يعني في ناس حاضرين الحته يعني ما يجي واحد ويحاول طمس الحقيقة والمثير للضحك انو عندما واجهنا التنظيم الطلابي للانصار وحزب الامة وطلبنا منهم الاعتراف بالخطاء الفظيع ده رفضو وعللوا انو عبد الله خليل لم يكن انصاريا اصيلا .
نجي الديكتاتورية الثانية برضو بطريقة غير مباشرة كانو سبب فشلهامن خلال ممارسة الديكتاتورية الفكرية ووطرد نواب الحزب الشيوعي من البرلمان وزاد الطين بله بالمصالحة مع الديكتاتور النميري ونعته الصادق بانه ابن السودان البيار وانه وطني وانه وانه .
نجي للديكتاتورية الثالثة
يخيل لي دي ما عايزة حكي كتير لانو عايشناها واخرها انسلاخ حزب الامة من التجمع الوطني وكسر جميع اليات النضال ضد ضغمة الجبهة الظالمة وايضا جاء الصادق المهدي ونعت عمر البشير بالوطني لكنني لم اتفاجاء فهذا هو حزب الامة .
الاخ عادل عاطي
اشكرك علي مجهوداتك المقدرة في البورد هنا رغم انني قد اختلف معك في بعض الاحيان .
________________________________________
اغني لشعبي ومين يمنعي
اغني لقلبي اذا لوعني
فيس بوك
تويتر
انستقرام
يوتيوب
بنتيريست