المراسلة عدلان أحمد عبدالعزيز : شيوعي ام عميل امريكي ؟

Quote: العزيز دون سابق اخطار مستر عدلان لم تتح لي الظروف بكل الاسف ان اعمل كمرسال محترف (يعني باجر) الا انني اتذكر جيدا ماتم لي من (استغلال باسم الفلاحه) طوال سنوات طفولتي ، عمتي (مثلا يعني) تقول لي مره تانيه (والكلام قدامي):- "والله محمد ده فاالح بترسل ما زي اخوانو ، هاك يا حماده جيب لي ...." وأنا تشيلني الهاشميه واعمل بي رجلي حركه (الفحيط) بتاعه العربيه واجري علي المرسال وايضا علي سبيل الهوايه و الاخوانيه فقد مارست دور المرسال ابان المشاكل العاطفيه للفرد والفردات واخرها احداث مجمع شمبات العاطفيه 1999 وهو الدور الذي توقفت عنه بعد ان تبلورت لدي نزعه تفكيك العلاقات العاطفيه من حولي (بدون ابداء اسباب) الفن السوداني ايضا امتدح المرسال ، وبما انني لم اعد احترم محمد وردي فلن استشهد بي (وديت ليهو زول مرسال) ولكن اشير الي مرسال الشوق لي ود الحتانه الحبوب ابوعركي واما تحقيرك بي كونك مرسال لي قيادتك الحزبيه، فاري فيه شرفا لك ان تدعيه عزيزي عدلان، فنحن بطبيعه الحال بنترسل للناس البنريدم، والمرسال ليس عيبا والقيام علي خدمه قيادتك الحزبيه هو تاكيد علي انسانيتك خاصه اذا كانت هذه القياده من المتفرغين والمختفين ممن لم يتزوجوا او ينجبوا وفي امس الحاجه الان لمن يقوم علي طلباتهم بعدما خدموا شعبهم بالسنين وبيني وبينك انا غيران من مراسيل القياده دي ، وذممتك كان عندك مرسال فتران منو تكلمني في التو واللحظه