والله حرقتو قلبى
مالكم علينا بتقلبو فى المواجع,,,,
كنا طلاب ثانوى بنشتغل الاجازات فى محالج الحصاحيصا( الفبارك) وقد اشتغلت فى فبريكة ماربلس قسم الكهرباء رئيس القسم العم الجنوبى المحبوب دومونيك,,العمال فيهايتحركون زى النحل,,وماكينات شغالة زى دوى الرعود كل خمسة دقائق المكبس برمى بالة زى الفقاسة.يقال ان فبريكة ماربلس تحمل اسم خواجة وهى احدث فبريكة فى السودان وعمال المحالج يسكنون فى كمبو الحصاحيصا وحلة فور, جيش جرار من جميع اقاليم السودان يسترزقون من المحالج كنت اسولف مع احد الاخوة الشباب من دار ام بادر,,ليه تسعة رمضانات ما نزل البلد,,قاعد يرسل المصاريف لاهله او والده بجيه سنويا,,لانه شغلوه ما بنفات ,,اسى ربما مرمى فى احدى جبال المملكة وسارح لكفيل ما بخاف الله فيه .ودا كله قبل الانقاذ بشوية الله يقطع حكومة السجم دى,,تعال ياوكامبو قرنهم قرين التيران,,على الطلاق كلهم يستاهلون المحاكمة حتى المعانا فى الغربة,,مش ساهمو فى تدمير ذلك المشروع العظيم الذى كان يجمع اهل السودان فى قصعة واحدة وهى الجزيرة الخضراء
|
|